توضيح زوجة اخي

[مشكلتي]

اردت ان اوضح بعض الاشياء اظن انو مكانش اخت راح تتكلم على خوها انا عارفة بلي غالط ومنيش راه نذكر كل التفاصيل في حياة اليومية حتى هي مراهش تذكري كلش لفقط اعطتني مثال مثلا قالها مرة الراجل لما يكون يحب امراءة اخرى ومبعد زوج وتبقى في بالو لازم يتخيل مرتو بصورتها باه يقدر يكمل حياتو واش اكثر من وهي اصلا متاكدة لانها اكتشفتها منذ اول زواجها لانها وجدت فايس تاعو مفتوح وكاتبلها بلي مزيلت في قلبي بصح المكتوب مكتبش بيناتنا هذه حاجة باينة باه تقول بلي مزال يكتبلها انا ماقلت غير علا جال جام اذا طلبت اصحاب اراء السديدة وليس كل من هب ودب لازم واحد يقرا مليح ويحط نصحو اما فيما يخص الطلاق كانت قادرة ديرها من الاول بصح هنا عندنا لازم صبر وعقلانية وانا مقولتش راح تطلق ماشي تفسرو من ريسانكم

[عبييير]

الله يصلح الأحوال بين خوك وزوجته

[seniorina bella]

الطلاق ماشي حل مانيش راح نتفلسف عليك لكن راي تاعي تحاول تجبدو ليها مهما يحب الاولى يلقاها شريفة وحابتو يرق قلبو ربي يصلح الاحوال

[غزلانْ]

السلام عليكم



بصح هنا عندنا لازم صبر وعقلانية وانا مقولتش راح تطلق

رأيك في محله و هو الرأي السديد فلتأخذ بنصيحتك

بالتوفيق

[ROUBI.dz]

اول شيئ يا اختي انتي ما راكيش تهدري على خوك بشر وانماا هوا واقع في مشكلة وخيانة بكل صراحة ايضاا وبلا زعاف وحبيتي حل بااش تقدري تساعديه ولله امر شوي صعيب الاخ يحب وحدة تانية قبل زواجو وبقي يحبهاا حتى وانو تزوج ويكلمها على فيسبوك ربي يهديه للطريق الصحيح يعني مثل افلام تركية حسبنا الله في فيهم مهند يحب زوجة عمه و و و و و و و الى اخره شوفي اختي يجب الحوار بين زوجة اخاك واخاك ووصول لحل من غير طلاق يتريقل ويريقل حالو وينضم امورو مع زوجتو حلالو حتى وان لزم امر تحضرو فيها كبار وهي لو كانت تحب واحد تاني كان راح يصبر ويساعف هدي نبصم عليهاا ب10 يقلب دنيا عليهاا اياك واياك انحياز لخوك مخلوقة هديك ما عندها ذنب وكان عرفت هااك توصل كان في خطوبة تضربو بمقلة للراس توريلوو عشق كيفاش عامل لو كان يطبق شرع الي ينوي يخون برك يعلقوه في شجرة حلووف :p وربي يهديناا ويهدي ولادنا الي متاثرين باتراك وهنودة عباد بقر

[- بصمة خير -]

انت ما عندك ماديري و هي ما عندها ما دير
الحل
ما تعسوش خليه
و هي راهي دير في واجبها
و تكسبو بطريقتها
و الانترنت فيها بزاااااااااااااااف المواضيع
و تدعي ربي يسخرلها زوجها
و يبعد عليه البنات
انساو الموضوع و بركاو ما تعسو فيه
قوللها ديري واجبك و اكسبيه و حنني قلبو عليك
مع الوقت
يتبدل
قوللها راكي انت اللي معاه في دارو انت اللي تقدري تبدليه
عندك فرصة
*******************
اذا ما عجبكش رأيي مش معناها رأيي من هب و دب
اوكي
*******************
ربي يوفق

[زبدة ذايبة]

هذي خيانة وغدر من أخيك

مهما كانت المرأة اللي كان رايح يتزوج بيها كان رايح يعيشها المرار

ماشي ساهل تتزوج المرأة برجل مازال عايش في وهم وخيال إمرأة ثانية

زوجة أخيك ماعندها حل إلا الصبر

وماتخليش على روحها الغلطة أبدا

عندها الفرصة كبيرة باش تكسب قلب زوجها

الصبر فقط

تخليه على رايو يجي نهار وين يكره

ويجي النهار وين يقتنع تمام الاقتناع أنه ماعندو غير بيتو وزوجتو

المشكلة في الأخ تاعك اللي راه عايش في الأوهام

ومازالو داير في بالو الحب والعشق الحرام

هذ المرأة المتزوجة لوكان يعرف راجلها يطلقها

ويجي النهار اللي راح يعرف

ماكاش جريمة بدون أدلة

وماتقدريش تعرفي وش تكون ردة الفعل تاعو

ماشي محال يجي لعند خوك

ماشي كامل الرجال كيفكيف

يلقى خوك يلعبلو بدارو ماشكيتش رايح يسكت

ونخليك تتخيلي السيناريو كيفاش يكون

اللي يكشفو ربي ماتستروش الناس

مع الوقت يكتشف زوج هذ المرأة كيما اكتشفت زوجة أخوك هذ الخيانة

وإذا أخوك بقى فيه شوية من خوف الله وبقاتلو شوية نخوة الرجولة مايديش ذنوب هذ النساء

الأولى زوجتو

والثانية العشيقة اللي عندها زوج اللي راهي حاملة شرفه وسمعته

وتأكدي أن الله ليس بغافل عما يفعل الظالمون

خوك قاعد يشوف لشهوة نفسو برك

ماشي داير حساب لحتى وحدة بما فيها هذي اللي راه يدعي حبها !!!!!!!!!!!!!!

إذا تقدري وتشوفي بلي ماشي فيها خطر أو مغامرة

حاولي تتواصلي مع هذ العشيقة

وانصحيها تبعد على أخوك

وتحافظ على بيتها

من جهة تحفظيلها شرفها وزواجها وعرضها

ومن جهة ثانية تحافظي على أخوك وزوجته وشرفه وعرضه

ضاعو الرجال وضاعت رجولتهم بين شهواتهم

لااعتبار للدين ولااعتبار للأخلاق

إن شاء الله مايكونش الرأي اللي كتبتلك رأي من هب ودب

طلبت المساعدة واعطيناك النصيحة

وتأكدي أن كل شخص يجي يكتب في هذا المنتدى

الغرض منها وجه الله الكريم

يدير هذ الحاجة محبة خاطر والغرض منها المساعدة


كما أن لكل شخص وجهة نظر

إذا ماعجباتكش مايعنيش أنه من هب ودب

[(( هبة الرحمن ))]

الطلاق ماشي حل مانيش راح نتفلسف عليك لكن راي تاعي تحاول تجبدو ليها مهما يحب الاولى يلقاها شريفة وحابتو يرق قلبو ربي يصلح الاحوال

السلام عليكم
والله اختي في الموضوع السابق كان ردي مثل ردك وقلت لازم الزوجة تحاول تجبد زوجها ليها وتبتعد عن العنف وتسايسه وتبقى الاخت توجه النصح من بعيد دون ان تبين لاخيها انها تعلم وعلى الزوجة ان تكثر الاستغفار وقيام الليل وباذن الله ينساها...........تصوري بعد كلامي هذا تدخل عضوة وتسبني وتقول لي انت قلبك حجر...ربي يسامحها.
بالنسبة لاختي صاحبة الموضوع ربي يهدي االاخ ويصلح الاحوال هي مجرد نزوة وربي يرزقهما الذرية الصالحة لان بالاولاد تستقيم الامور.

[seniorina bella]

اعقول ماش كامل كيفكيف كل واحد كيفاه يفكر انا وياك اختي هبة خممنا بالعقل المهم ربي يهديها و يصلح احوالهم

[sarl02]

يبدو انك تريدين اراء ومداخلات على هواك لكن التحليل المنطقي والواقعي لم يرق لك ...هذا هو الواقع اتحبي انت وزوجة اخيك ام تكرهي...لا احد يستطيع مصادرة ماضي الانسان او ذكرياته ..قلتي مزال يحب البنت السابقة وامبعد؟؟واش دخلكم ؟؟هل ظلم زوجته ؟هل اذاها؟؟هل اراد تطليقها؟؟مزال في بيته ومع زوجته عادي ...باقي الامور هي ملكية حسية خاصة لا يجوز لاي احد التدخل فيها ...اما حكاية فايسبوك وانترنت فاراها جانبية ولا يجب التركيز عليها ..وحتى لولم يتصل بها عبر النت او نزع النت نهائيا من بيته هل تستطيعون انتزاعها من عواطفه ان كان فعلا لا يزال يحبها؟؟ما بين اخاك وزوجته الان لنقل هو مودة والفة ورحمة وهذا يكفي في الوقت الراهن وبنبشكم في ماضيه ستقضون على كل شيء والخاسر الوحيد اعيدها هي زوجة اخاك ...وفق الله الجميع.

[kader001]

ربي يحفظ سركم ..امين ......................

[seniorina bella]

يبدو انك تريدين اراء ومداخلات على هواك لكن التحليل المنطقي والواقعي لم يرق لك ...هذا هو الواقع اتحبي انت وزوجة اخيك ام تكرهي...لا احد يستطيع مصادرة ماضي الانسان او ذكرياته ..قلتي مزال يحب البنت السابقة وامبعد؟؟واش دخلكم ؟؟هل ظلم زوجته ؟هل اذاها؟؟هل اراد تطليقها؟؟مزال في بيته ومع زوجته عادي ...باقي الامور هي ملكية حسية خاصة لا يجوز لاي احد التدخل فيها ...اما حكاية فايسبوك وانترنت فاراها جانبية ولا يجب التركيز عليها ..وحتى لولم يتصل بها عبر النت او نزع النت نهائيا من بيته هل تستطيعون انتزاعها من عواطفه ان كان فعلا لا يزال يحبها؟؟ما بين اخاك وزوجته الان لنقل هو مودة والفة ورحمة وهذا يكفي في الوقت الراهن وبنبشكم في ماضيه ستقضون على كل شيء والخاسر الوحيد اعيدها هي زوجة اخاك ...وفق الله الجميع.
حبيت نبين للاخ بلي السكوت عن الخق شيطان اخرس و بزيادة عندها حق التدخل يلي راه تحكي عليه يكون خوها و كون ماجاتش حابتلو حياة هنيئة كون ماتقلقتش عليه انت حر برايك بصح انا لاحظت بلي رجال كامل هنا رفضو تدخلها وهدا راجع لطبيعتكم

[- بصمة خير -]

اذا عندكم عليها دليل قاطع بالخيانة
يعني كلام بيناتهم فيه شبهة او صور او
و تعرفوها مليح
ممكن انكم تحكمو الكلام او الصور
و ديري حساب في الفيس بوك
و تحكو معاها على اساس راكم راجل
و تقوللها نعرفوك وووو تحكو ليها تفاصيل تصدقكم
و تقوللها راكي تهدري مع فلان
و رانا اخترقنا حسابك
يا تبعدي عليه
يا الفضيحة
***********************
فكرة خطيرة هههههههههههههههههههههه
قريتها مرة وحدة دارتها لراجلها
لكن لازم تكونو تعرفو تتصرفو
و الا تعرفكم و تولي في مشاكل مع اخوك
*********************
على الرغم رأيي ما تدخلوش
خصوصا انت
خليها بينها و بين راجلها
تصرا حاجة و بعيد الشر يطلقها
تلومك انت
فاهمة
////////////////////////

[Basketteuse]

يبدو انك تريدين اراء ومداخلات على هواك لكن التحليل المنطقي والواقعي لم يرق لك ...هذا هو الواقع اتحبي انت وزوجة اخيك ام تكرهي...لا احد يستطيع مصادرة ماضي الانسان او ذكرياته ..قلتي مزال يحب البنت السابقة وامبعد؟؟واش دخلكم ؟؟هل ظلم زوجته ؟هل اذاها؟؟هل اراد تطليقها؟؟مزال في بيته ومع زوجته عادي ...باقي الامور هي ملكية حسية خاصة لا يجوز لاي احد التدخل فيها ...اما حكاية فايسبوك وانترنت فاراها جانبية ولا يجب التركيز عليها ..وحتى لولم يتصل بها عبر النت او نزع النت نهائيا من بيته هل تستطيعون انتزاعها من عواطفه ان كان فعلا لا يزال يحبها؟؟ما بين اخاك وزوجته الان لنقل هو مودة والفة ورحمة وهذا يكفي في الوقت الراهن وبنبشكم في ماضيه ستقضون على كل شيء والخاسر الوحيد اعيدها هي زوجة اخاك ...وفق الله الجميع.

كي تزوج ووتخونك زوجتك بالفيسبوك خليها حكاية جانبية!!!!!، وكي تصرحلك زوجتك بحب رجل اخر، خليلها ملكيتها الحسية الخاصة!!!! مايمش!!!!! المهم تكون بيناتكم مودة ورحمة !!!!

[- بصمة خير -]

نزيد حاجة اخرى
لو تواجهو اخوك بالخيانة هذه
رايح يزيد يتمسك بيها اكثر
كما الطفل الصغير اللي تبعدي عليه حاجة يزيد يبكي عليها اكثر
حذاري
الراجل و المرا مش كيفكيف
/******************/*
شوفو كيفاه تكرهوه فيها
بذكر العيوب اللي فيها بطريقة غير مباشرة
اذا هذه الطفلة متزوجة قوللي لمرت خوك
تحكيلو مثلا نقات قصة في الانترنت
على راجل يشكي على خيانة مرتو
تقولو واش رايك فيها؟؟؟
صح الحب يبرر الخيانة؟؟؟
وزعمة اذا طلقت منو و تزوجها
يقدر يعيش معاها هاني؟؟؟ ما يخافش ديرلو كيما الاول؟؟؟
و كاين فيلم يحكي هذا المشكل
و نهاية المرا كانت كارثية
علابلي فيلم برك لكن تصرا في الحياة الواقعية
و كما قتلك اذا تعرفوها و تعرفو كيفاه مدايرة
صفاتها تخليهم يبانو عيوب
بذكائها
******************
ربي يستر عليها و يوفقها تحافظ على بيتها
و تدعي ربي يوفقها و يسخرلها زوجها
و داوم على قيام الليل
و تدعي
ربي صُبَ حبي في قلب زوجي صبا صبا