طلب للطباخات الماهرات خاصة في مدرسة تعليم فنون الطبخ

[ninnou]

سلام عليكم أخواتي الحبيبات، الماهرات ولي راكم حراير بمعنى الكلمة
أنا من بين المتتبعات ليكم غير اني لا أرى نفسي من الماهرات في الطبخ خاصة الحلويات.
لذا تمنيت لو واحدة من خبيرات الطبخ (وبالأخص لما تفتحت مدرسة تعليم فنون الطبخ....ما تتخيلوش شحال فرحت وقلت هذه فرصتي)
لكن كنت نتوقع البداية تكون بمبادئ الطبخ أو الحلويات مثلا أنواع العجائن les pates، أنواع les crèmes..... وطريقة تحضيرهم وكل حاجة لواش تصلح مثلا كريم فراش نستعملوها فقط للطبخ.......و....و...الخ
اذن نتمنى نتمنى كاش وحدة تفهمني وديرلنا مواضيع في هذا الاطار
يعني "انطلاقة من الصفر"....شكرا مسبقا

[hajarnono1]

:o:) you can be good

[makaynbass]

التعلم ليس شيء صعب :)

[اللؤلؤ الابيص]

والله غير عندك الصح وخاصة ان رمضان قرب يا ريت يلبو رغبتنا

[karima4002]

شكرا جزيلا

[زينب 83]

حبيبتي اذا ممكن تعطيني طلباتك مباشرة يعني واش حابة تتعلمي و نوعدك نديرلك مواضيع في واش حابة

[snowiman]

سلام
حبيت نشكركم على المبادرة الطيبة

لكن عندي ملاحظة برك

ياريت لوكان تعلمو البنات اساسيات الطبخ كيما كانت ام رامي يذكرها بخير يعني طبخات يحتاجوهم (طواجين .. دولمات ... غراتان ..قاطو )لانهم راح يولو ربات بيوت و كاين لي رايحين عرايس ..... و كي يلحقو مرحلة الاحتراف يتعلمو الطبخ الاسباني و الايطالي ووو لاني لاحظت لبنات ولاو هجرو المنتدى بسبب هاذ الشيء وراحو للفايس ب و ك و بكل صراحة رانا نشوفو في الفايس ب و ك طياب اقتصادي واكثر سهولة و بريزونتابل عكس ما نلقاو فالمنتدى

وطبعا هدفنا الارتقاء بالمنتدى على هاذا لازم كل واحد يمد وجهة نظر و ناخذوهم بعين الاعتبار
و اعتقد الكثير من البنات يشاطروني الرأي
من جهة اخرى رانا نلاحظو المواضيع تاع قسم الطبخ ولات مافيهاش حيوية كما المواضيع القديمة و اعتقد هاذا احد اسباب هاذا الركود

يعني مثلا انا كون نعرض دار شيخي نركز على الطبق الرئيسي و الحوايج لي تبان مانش راح نبدا بالحوايج الي ما يقدروش مجهودي فيها (لانو الخبز مثلا نقدرو نشروه ولا نديرو خبز مطلوع ) والله اعلم


ما تزعفيش مني اخت زينب بصح كثير من البنات ما يقدروش يطبقو الوصفات من هاذ النوع
و ما نقولوش راها مرة في الشهر و تشري 20 غرام لحم ...........لالا .......... بل هي ظروف اخرى ممكن ما يقدروش يدخلو في تفاصيلها .

وشكرا على المجهود الكبير لي راكي تبذلي فيه .....جعله الله في ميزان حسناتك

[ninnou]

حبيبتي اذا ممكن تعطيني طلباتك مباشرة يعني واش حابة تتعلمي و نوعدك نديرلك مواضيع في واش حابة

يا غاليتي ...شحال فرحت كي لقيت مشاركتك الله يجازيك.....حبيت تحطولنا ايتها الماهرة بعض الأساسيات في الطبخ مثلا تديرولنا موضوع خاص les pates أنواعها ، مقاديرها، استعمالاتها - قال هذ العجينة تقدرو تديروها للطبخ فقط او للطبخ والحلويات تقدرو تديرو بيها مثلا الكيش والتارتولات....الخ مع اسرار نجاح كل واحدة....نفس الشيئ بالنسبة للكريمات مثلا انا عن نفسي ما نعرفش كثير كريمات سواء للطبخ او للحلويات ككريمة الشانتيي عمري ما تطلعتها، الميرانغ دائما مايصلحليش.....،أنواع القلاساج، انواع الصلصات......وانت ان شاء الله تكوني فهمتي مقصودي...وشكرا لك مسبقا وتحية كبيييييرة مني لك

[زينب 83]

يا غاليتي ...شحال فرحت كي لقيت مشاركتك الله يجازيك.....حبيت تحطولنا ايتها الماهرة بعض الأساسيات في الطبخ مثلا تديرولنا موضوع خاص les pates أنواعها ، مقاديرها، استعمالاتها - قال هذ العجينة تقدرو تديروها للطبخ فقط او للطبخ والحلويات تقدرو تديرو بيها مثلا الكيش والتارتولات....الخ مع اسرار نجاح كل واحدة....نفس الشيئ بالنسبة للكريمات مثلا انا عن نفسي ما نعرفش كثير كريمات سواء للطبخ او للحلويات ككريمة الشانتيي عمري ما تطلعتها، الميرانغ دائما مايصلحليش.....،أنواع القلاساج، انواع الصلصات......وانت ان شاء الله تكوني فهمتي مقصودي...وشكرا لك مسبقا وتحية كبيييييرة مني لك

امين غاليتي . شكرا على كلامك الجميل
راح نحاول كل مرة ندير موضوع على خاجة باذن الله
طلباتك اوامر اختي الغالية

[ninnou]

امين غاليتي . شكرا على كلامك الجميل
راح نحاول كل مرة ندير موضوع على خاجة باذن الله
طلباتك اوامر اختي الغالية
حشمتيني بكلامك المعسل، وارضيتيني بتلبية طلبي، الله يحققلك امانيك ان شاء الله...........راني في الانتظار
كنت متيقنة بانك ستفهمين مبتغاي......شكرا كثيرا

[najah120]

شكرا يعطيك الصحة على الشرح