وش ديرو وكان جيتو فبلاستي ؟

[مشكلتي]

عندي مشكل وحبيت نعرف رايكم.
كاين واحد حاب يخطبني، انا وافقت بصح والديا رفضو كي عرفو بلي ماشي من العاصمة، ماعرفتش نفهمهم ولا نقنعهم، وين راه المشكل كي ماشي من نفس ولايتنا. كامل كيفكيف.
قولولي كيفاش نفهمهم؟ وش ديرو وكان جيتو فبلاستي ؟

[إنسانة بسيطة]

رضى والديك قبل كل شيء مش لي حملاتك 9 اشهر ورباك حتى كبرتي يجي واحد عرفتيه لشهرين يقلبك عليهم
وماهيش قضية كامل كيف كيف ممكن الوالد تاعك معندوش كيفاه يروح يسقسي على الشاب لو جاء بعيد شوي رانا نسمعوا في مصايب تصرا باسم الزواج والخطبة
المهم انت متحمليش الامر فوق حدو وهذا اول خاطب ومازال يجيك لي خير منو

[اياد حياتي]

ما تعنديش اذا ما رضاوش والدين هما الصح ولي يشوفوهك الاصح

[muhibbat rrasoul sws]

عندي مشكل وحبيت نعرف رايكم.
كاين واحد حاب يخطبني، انا وافقت بصح والديا رفضو كي عرفو بلي ماشي من العاصمة، ماعرفتش نفهمهم ولا نقنعهم، وين راه المشكل كي ماشي من نفس ولايتنا. كامل كيفكيف.
قولولي كيفاش نفهمهم؟ وش ديرو وكان جيتو فبلاستي ؟

في مكانك ماشي في بلاستيك

انا لله و إنَّا اليه راجعون!!!
والله المجتمع الجزائري مريييييييييييييييييض
السحر و الشعوذة
الزوي و زيارة القبور
العنصرية و الجهوية
الزوخ و الفووح
السريقة
قلة الحيا
العقوق
الجهل و قلة الفهامة
التبذير و الاسراف
انا لله و انا اليه راجعون

عدم المؤاخذة، أنتم منين؟؟؟
ياخي معظم سكان العاصمة جاوها بحثا عن حياك احسن
و حتى اللي يسموا أنفسهم عاصميون قح يا اما جاو مع الدولة العثمانية يا اما جاو من بعد من الجبال و الارياف....

[faty05]

خوذي راي والديك تربحي
تروحي ولاية اخرى بعيدة ما تزيديش تشوفي والديك غير مرة في الفال خاصة اذا كان مزير من هذ الناحية

[muhibbat rrasoul sws]

صلي و أستخيري و نصيحتي ليك ما تتزوجين رغم والديك فقط شوفي دينو و هو الأهم و ادعي مولاك
اذا اقتنعتم بدينو شوفي إنسان عاقل يكلم باباك و يفكرو بالحديث الشريف " اذا خطب إليكم من ترضون دينه و خلقه فزوجوه، الا تفعلوا تكن فتنة في الارض و فساد عريض"
الجزائري بطبعه عندو ردة فعل عنيفة مع الاول تخلع شوي لكن طيب القلب اغلب الأحيان و قبلو طري للدين
الله يتفتحلك بيبان الخير

[نسيم الريح ش]

حاولي مع والديك بالسياسة وادا ما رضاوش ربما خيرة كي والديك ماراهمش موافقين وربي يقدملك ليرفي الخير والصلاخ

[AMINA.Z]

اذا راهم مصرين على الرفض
لا تعاندي....ففي اغلب الاوقات ..راي الوالدين دائما صائب.

[محمد1482]

رضا الوالدين من اسباب السعادة الزوجية

[صمت الرجوله]

دائما ردود فيها نفاق!!!!!!...هاذوما البنات لي جاوبوك كون جاو في بلاستك المخيرة فيهم اذا ماعاداتش والديها تعمل المستحيل باه تقنعهم حتان يقبلوا

[غزلانْ]

انا وافقت بصح والديا رفضو



السلام عليكم

موقف والديك و ردت فعلهما أولى منه
خذي برأيهما تنجحي
لا تقبلي دون رضاهما

بالتوفيق

[زبدة ذايبة]

ماتشوفيش للمشكلة بعيون العاطفة

إذا قبلتي انت هذا مايعنيش أنه مناسب ليك

وثانيا

ممكن والديك ماحبوش يعطوك السبب الرئيسي للرفض

مهما كان والديك يمثلوا الجانب العقلي في الموضوع

وانت تمثلي الجانب العاطفي

ومن الأحسن يغلب العقل على العاطفة

وننصحك ماتوقفيش ضدهم على خاطر تخسري الدنيا والدين

ماكالاه تبداي تحوسي على السبب الرئيسي لرفضهم

المهم طبقي وش قالو وطيعيهم ورايحين يدعولك بالخير

نعاودلك ماتفكريش عاطفيا الزواج يبنى على العقل وليس العاطفة فقط

[أمل94]

اذا كان الخاطب ذو اخلاق حميدة وتعرفينه جيدا وتعلمين سبب رفض والداك له وهوسبب غيرمقنع (فالظاهر أن الفتى خارج الولايه مجرد عذروليس السبب الرئيسي للرفض) ...استعيني بأحد اخوتك أو أعمامك أو ماشبه ذلك .........صمت الرجوله معه حق ردود الاخوات مشللة بالنفاق

[thorpe]

رضى والديك قبل كل شيء مش لي حملاتك 9 اشهر ورباك حتى كبرتي يجي واحد عرفتيه لشهرين يقلبك عليهم
وماهيش قضية كامل كيف كيف ممكن الوالد تاعك معندوش كيفاه يروح يسقسي على الشاب لو جاء بعيد شوي رانا نسمعوا في مصايب تصرا باسم الزواج والخطبة
المهم انت متحمليش الامر فوق حدو وهذا اول خاطب ومازال يجيك لي خير منو

لفت انتباهي ردك او ان صح التعبير ردودك
انت شخص سلبي للغاية
نعم كما تحدث المصائب تحدث المفاجآت
وهاد الاب ماراحش يزوج بنتو كل رب سوايع
زواجها راه مرة في عمرها
ومادام جا انسان باغيها
وين المشكل؟
يقدر يبعث بناس يثيق فيهم خوها عمها خالها ولد خالتها يسقسي عليه
وزيد كي يسقسي صدقيني او ما يديش كلش
وكون يبقا يستنا في ولد عمها ولا ولد مدينتها وما جاش؟ يولي يعض الابنان من الندم ؟؟؟
بعد مذا بعد ان هو تزوج ودار دارو يندم على بنتو الي راح فيها البارتي؟
سهلها تسهل
اصلا الاب هاذي مهمتو يروح ويسال على ولد الناس
بالاك فيه خير
سبحان الله الي مهمشة تجي تهمش الخلق هنا
ربي يهدي ما خلق
اما بخصوص صاحبة الموضوع
ممستحيل انو والدك يجهل ولو انسان من تلك المنطقة
قوليلو يزيد يسقسي
مادامو قاصد الخير
قابلوه بالخير
والقبول والرفض من بعد يجي على كاس من ذهب رايح يتقبلو الاب ويتقبلو الخاطب عادي بكل سرور
اما ان يرفض لانه فقط من ولاية اخرى
فهذه قمة الجهوية ورايح تخلي الراجل يهز نظرة على ذيك لبلاصة كلها
ربي يسخر نشالله ويجيب الي فيه الخير
:1::1::1::1:

[ام كنوز]

بزاف بنات ضاعوا كي مسمعوش راي والديهم مديش كيفهم

[Hillin]

سلام
اذا كان رفض الوالدين من اجل السبب المذكور يمكنك تغيير نظرتهم من خلال التحدث او اشراك احد من العائلة "عمك خالك....." اي من يملك تاثير في تغيير راي والديك
فنحن كلنا جزائريين وفي كل منطقة هناك "المليح والقبيح"
اما ان كان قرارهما ناتج عن عدم قبول سلوكاته او اخلاقه او اسباب اخرى متعلقة بالدين فعزيزتي ارى ان رايهما صواب
تمنياتي لك بالتوفيق

[الهادي عبادلية]

ان كنت تحبّينه فعليك الاتّصال بأحد أقربائكم ، أعمامك أخوالك والقريبين جدّا منكم ، فان كتبه الله سفسوف يكون من نصيبك ، *..وعسى أن تكرهوا شيئا وهو خير لكم..* ربّي يجيب اللّي فيه الخير.