انا فاشلة

[أم رامي أحمد]

السلام عليكم اخواتاتي انا اشريت ماكينة خياطة و شريت انواع قماش لكن............انا فاشلة حبيت نخيط فستاة عادي تع دار ما قدرتش والله كل يوم نقول نحط القماش ونفصل وخلاص حب يتخسر ولا يجي حاجة ما نعرف فيها واااااالولكن نطوي الماكينة دبرو علي كفاش ندير

[toulay]

وعليكم السلام ورحمة الله تعالى وبركاته
يا اختي حتى واحد مازاد متعلم ماتصلحش اليوم تصلح غدوة خلط خلط حتى تجيبها درك انت مبتدئة ومين تكون عندك une volonté وحابة تتعلم راح تنجح وتولي محترفة ان شاء الله
والفشل راهو محفز للنجاح
بالتوفيق

[أم رامي أحمد]

شكرا حبيبتي على تشجيعك

[princesse raja]

لا تياسي حبيبتي بما انك شريتي الماشينة ابداي اخدمي غير دراوات ولا فساتين بنات صغار وجيبوات حتان تتعلمي ومبعد كبري ف لي تاي ربي يوفقك انا الخياطة عندي حلم ان شاء نشري مشينة ونعود نخيط

[om ayoub 2]

شوفي أختي جيبي الكتان تاعك طبقيه على أربعة و جيبي بدعية تاعك قديمة

وطويها على إثنين بالطول و حطيها فوق الكتان وقصي و خلي 1سم تاع لخياطة

و خيطيها وراح تكون محفز ليك باه تزيدي تخيطي ثانيه و ثالثه و معليش إلا غلطتي
راح تتعلمي إنشاء الله (ماتقوليش أنا فاشله )

[omhamad]

لا للفشل وتفاءلي اعملي مثلي كنت لا اعرف شيء وتعلمت الخياطة في ٢٠٠٥ بعدها توقفت وبقيت مترددة بعدها تعلمت بعض قنادر الدار ثم خفت والان راني ننعلمعند امراة اخرى واتابع في النت كل مايخص الخياطة ،والحمد لله اصبحت اخيط قنادري ولبناتي واحاول واحاول واقول في نغسي انا فاشلو لكن اصر بعدها على الخياطة والتكرار يعلم الشطار والله ولي ما التوفيق

[kader001]

طبيعي ..لما اليأس و السوداوية ..لا احد منا ولد يعرف كل شيء .. شمري على ساعديك و بعزيمة حديدية ..داومي على تعلم الخياطة بمساعدة خبيرة بذلك ..سلام

[اشراقة منارة]

لاتقولي هذا الكلام اكيد البداية هكذا لاتياسين اذا شفتي مودال واعجبك جربيه صغير شوفي اذا محكمتيش المقص وغامرت لن تنجحي النجاح ياتي من الفشل اذا مفسدتيش 2او 3 طراف كتان مش رايحة تنجحي لازم تجربي ولا ترددي انا فاشلة بل قولي انا خياطة ماهرة لان العقل الاواعي اذا قلتي له انا فاشلة سيصدق ذللك ام ان قلتي له انا امهر خياطة فكذلك سيصدق ذلك اذن اهم شيئ التجربة ثم تشجيع نفسك وبالتوفيق لك

[أمل94]

لا اختي مش انتي فاشلة أصلا الخياطة أكبر فن يتطلب الصبر والتعب والتحمل خاصة اذا كانت المشينة مالنوع العيان ..والتعلم للخطوات يلعب دور مثلا مستحيل باش تفصلي حاجة من راسك وانتي متعرفيش لا لازم عليك تحطي الخطوات قدامك وتبداي ..قلتي نفصل روبة اذا حبيتي نحطلك الخطوات ماعليش معنديش مشكل .وزيد واش خصك نعاونوك .متتقلقي موالو لي ثقيلة عليك خفيفة علينا ربي يوفقك اختي

[وفاء الياسمين]

السلام عليكم

لا توجد امرأة فاشلة بل امرأة مثابرة قادرة على كسر كل الصعاب
أدعوك للدروس في مدرسة الخياطة بالمنتدى إلتحقي بنا و ستتعلمين بإذن الله

[أم محمدامين]

ربي يعونك أختي

[ام طارق :)]

ياختي اصعب الآمور بدايتها سمي بسم الله وابداي فصلي على روبة قديمة قطعيها واخدمي كيفها وشوفي باترونات اختنا السطايفية ربي يحفظها

[سارة إبراهيم الخليل]

ان استطاعت الخيطات قبل فانت تستطيعين جربي فتعب المجرب لن يضيع و الكل ابداو من الصفر

[fofo annabia]

العزيييييييييييييمة

[ام ايوب3]

لم تترك الاخوات الفاضلات ما اقول فقد كانوا نعم الاخوات في النصيحة انا نقلهم شكرا لكم وربي يجعل هالكلمات والنصائح في ميزان حسناتكم كنتم نعم السند للاخت


اما بالنسبة لك حبيببي فخدي بالنصائح وشمري على ساعديك حتى نشفولك تطبيقات على اقمشة صغيرة ان لم تستطيعي المغامرة في القماش الكبير


عليكي باقتناء اقمشة غير تمينة وتعلمي فيها وستكون كبداية لك

تحياتي

[حية بذكر الله]

السلام عليكم

كاين مدرسة لتعليم الخياطة هنا بالمنتدى

دروك نحوس عليها ونعطيك الرابط

دوماج كون عندي الوقت كون راني نتعلم معاهم

[حية بذكر الله]

http://www.djelfa.info/vb/showthread.php?t=1939628

قراي الموضوع وراكي رايحة تلقاي الدروس في روابط اخرى

بالتوفيق

[sarra5]

علاش تتعلمي في قماش كبير
اتعلمي في قماش صغير
حق جسم دمية
ارسمي التصميم الي حابتو وفصليه وخيطيه بالماشينة
منه تتعلم تقص بالمقص ومنه تتعملي تمشي الماكينة
وفي نفس الوقت تاخذي فكرة من الاغلاط الي تعمليها وماتزيديش تعمليها مرة خلاف
يعني من قماش تاع زوج مترات تقدري تعملي 5 موديلات مصغرة

[أم رامي أحمد]

مساء الخير يا وجوه الخير والله فرحتوني واعطيتولي الهمة باش نخيط و راح نجرب كل الخطوات الي مديتوهوملي والله يجازيكم كل خيردنيا و اخرة شكرا لكل الاعضاء واحد واحد نهار الي نبدا نقولكم وين وصلت بارك الله فيكم

[أم رامي أحمد]

اختي دمع الليل ممكن تحطيلي خطوات تفصيل robe مشكورة واجرك عند الله اختي فراشات ما قدرتش نرسلك على الخاص نقاطي غير كافية راني ديت الرابط الله يخليلكم ما تسعاو

[Seena]

ياختي واحد مازاد متعلم اذا متقدريش تقراي راهو كاين فاليوتيوب كلش شوفي واتعلمي وربي يوفقك

[أمل94]

اختي دمع الليل ممكن تحطيلي خطوات تفصيل robe مشكورة واجرك عند الله اختي فراشات ما قدرتش نرسلك على الخاص نقاطي غير كافية راني ديت الرابط الله يخليلكم ما تسعاو

لاعليك اختي فقط اصبري عليا نصورلك المراحل ...(لي نخدم بيهم أنا شخصيا) لاني منيش خياطة ولا دايرة ستاج..هذالطريقة علمتهالي عمتي تخيط....ومفيها لاقياسات لاوالو....والحمدلله ناجحتلي وعندي روب خادمتهم بيها أكيد نحطلك تشوفيهم أيا اصبري عليا قيس منصورلك الطرق ونحطلك جبتي لي خيطتها خخخخ