أغار كثيرا على زوجي

[مشكلتي]

أنا امرأة متزوجة منذ سنوات أعيش حياة هانئة مشكلتي التي تؤرقني أنا وزوجي نقطن ببلدة صحراوية فالجنوب.وزوجي انتقل مؤخرا بحكم عمله وصاريعمل بمنطقة بعيدة مشهورة بجمال الفتيات هنالك زيادة على التبرج وللبس للغيرمستور أخاف أن يسرق قلب زوجي مني أنا مرضت من الهم والقلق صرت أشك فيه كثيرا لدرجة أصبحت لما يكلمني فالهاتف ويبدو سعيدا أفكر أنه وجد السعادة هنالك وحين يكلمني غاضبا أفكر أنه ملل مني ويريد التخلي عني لقد كرهت من هذا الوضع وحياتي في خطر علما أنه يحبني وليس من أصحاب النساء لكني أتألم ليل نهار

[faty05]

جبلت المرأة على الغيرة و هذا شيء جيد
لكن لا تجعلي هذا يؤرق حياتك لانها لم تصبح غيرة بل اصبحت وساوس
اختي حتى انتي البسي و تزيني
و ساعة ساعة قوليلو يديك لهذيك المنطقة بش تحوسو

[ام ابن عمر]

ربي يبعد عليك الوسواس..اختى لازم ديري ثيقة في روحك خاصة قدام زوجك..ولازم تعرفي تتصرفي معاه وتكوني ستوتة..وبلاكي تهدريلو على لبنات لي لثم..يقدر يكون ماعندوا حتى علاقه بيهم ومن كثره ماتهدريلو عليهم وتحذريه تخليه يولي يتوله معاهم بلا مايفيق..وماتستصغريش روحك..وحده ماخير منك..انت برك لازم تكوني في المستوى من ناحية النظافه والاهتمام بالمضهر واللباس......وماتنسايش اهم حاجة الدعااااااء..وديري في بالك بلي لي يكون مع ربي ربي يكون معاه..ادعي بزاف وبعدي عليك التوسويس لي راح يخربلك عقلك..وديري في بالك بلي التفكير السلبي راح يأثر عليك بزاف..حاولي تتفائلي وديري حسن النية في راجلك..اقراي فيه الخير وفرحي بيه كي يسعد..ولما يعيطلك غضبان ديري في بالك بلي من فراقك والغربة لي راهو فيها حنونه..ماهيش ساهلة الواحد يبعد على عائلته..وديري في بالك بلي بزاف رجال مايعبروش وش كاين في قلوبهم..وكيما تقولي راجلك طيب معاك وكلشي..نحي عليك التوسويس لانه ابليس حب يفسد بيناتكم..ماتمديلوش هذا الفرصة..اسفة على الاطالة

[رحمة2016]

شوي حنونة عادي الشي لي راكي تحسي رانا كامل نسا وماكانشش اللي متغيرش على راجلها

كي يجي رايح لتما ولا يكون معاك ادعيلو هاد الدعاء

اللهم اني استودعك زوجي وقلبه وعيناه و شرفه و ماله فانك لا تضيع الودائع واش تزيدي فوق انك تخليه عند ربي’’’امانة

وماتتحيري ماوالو كثري الاستغفار وربي يهنيك ويفرحك مع زوجك ويقر عينك بيه

[thorpe]

وشمن بلاصة هاذي الي مشهورة بجمال الفتيات والسفور والعريان ؟؟؟؟
المنطقة الوحيدة التي اشهد لها بالجمال الحقيقي هي بلاد القبايل والحمد لله انهن متربيات
اما باقي الولايات فلا اعتقد ان هناك جمال يستحق غيرتك
ادعيلو ربي نشالله يكون معاه ويبصرو بالخير
واذا كان في بلاد لقبايل ما تخافيش ناسها حرار
ربي معاك
وبارك الله فيك

[مصطفى_س]

السلام عليكم و رحمة الله

من الجيد ان يمتلك الرجل امرأة تغار عليه و لكن بدون فرط و من الجميل ايضا ان تملك الزوجة رجلا يغار عليها بدون فرط
اختي لا تدعي الوساوس تأخذ كل وقتك و تأرقك و تحول حياتك الى كثير من الظن و الشك
من رأي ان ينتبه قليلا زوجك الى غيرتك و هذا دورك الان احيانا تكلمي معه انك تغارين عليه وانك تحبينه و هذا اكيد احساس نابع من القلب ولكن اياك ان تكون غيرة شك و ظن قد يكون زوجك مطمإن لأن عمله الجديد فيه اصدقاء عمل رائعون بيئة عمل رائعة راتب جيد بمعنى قد يكون تحسن وضعه لذا فرح فمكان عمله الجديد
عندما يكون زوجك بالبيت هنا يأتي دورك الفعال اهتمي بزوجك لكي لا ينظر الى احد و هنا لا اقصد انك غير مهتمة و انما زيادة من الاهتمام و بدون افراط

اسأل الله العلي القدير ان يرزقكم المودة و الرحمة و ان يسعدكما في الدارين

[AMINA.Z]

الغيرة شعور طبيعي
اخبرتني زميلة لي في العمل ....عن الحب الحقيقي و هو ان تشعر المراة بالامان الحقيقي مع زوجها و تدرك لما اختارها هي من بين الالاف من البنات و هي واثقة جدا بنفسها لان زوجها يظهر لها انها شخص مميز في حياته و لا يمكن مقارنتها باخرى.و هذا ما يجب ان تستشعريه عندما تقولين ان زوجي يحبني.
لذلك ثقي بنفسك و لتعلمي ان من احب الجمال الخارجي فلن يرتوي منه ابدا . فان كان زوجم يحبك لشخصيتك فلا تقلقي من تاثير الجمال الخارجي عليه.
ربي يهنيكم

[saddam02]

السلام عليكم و رحمة الله

الغيرة شعور طبيعي

[إنسانة بسيطة]

لا طبيعي لا هم زمان
تكون طبيعية لما يكون عندك دليل ملموس وتكون غير طبيعية لما تتخيلي وتوسوسي بلا حتى سبة
صدقيني نص النسا يهدموا حياتهم بيديهم وتلصقها في الراجل من تالي
تعوذي من ابليس وعيشي عادي ونهار تكون حاجة فعلية عندك الحق تهدري

[manita]

ربي يبعد عليك الوسواس..اختى لازم ديري ثيقة في روحك خاصة قدام زوجك..ولازم تعرفي تتصرفي معاه وتكوني ستوتة..وبلاكي تهدريلو على لبنات لي لثم..يقدر يكون ماعندوا حتى علاقه بيهم ومن كثره ماتهدريلو عليهم وتحذريه تخليه يولي يتوله معاهم بلا مايفيق..وماتستصغريش روحك..وحده ماخير منك..انت برك لازم تكوني في المستوى من ناحية النظافه والاهتمام بالمضهر واللباس......وماتنسايش اهم حاجة الدعااااااء..وديري في بالك بلي لي يكون مع ربي ربي يكون معاه..ادعي بزاف وبعدي عليك التوسويس لي راح يخربلك عقلك..وديري في بالك بلي التفكير السلبي راح يأثر عليك بزاف..حاولي تتفائلي وديري حسن النية في راجلك..اقراي فيه الخير وفرحي بيه كي يسعد..ولما يعيطلك غضبان ديري في بالك بلي من فراقك والغربة لي راهو فيها حنونه..ماهيش ساهلة الواحد يبعد على عائلته..وديري في بالك بلي بزاف رجال مايعبروش وش كاين في قلوبهم..وكيما تقولي راجلك طيب معاك وكلشي..نحي عليك التوسويس لانه ابليس حب يفسد بيناتكم..ماتمديلوش هذا الفرصة..اسفة على الاطالة

بارك الله قيك كلام رائع

[nouri.tg]

لا تجعلي هذا يؤرق حياتك لانها لم تصبح غيرة بل اصبحت وساوس

[khiro07]

الوساسو اختي العني الشيطان
وصلي كي يجيك الوسوساس في
اليل وادعي اثناء السجود وان شاء الله
مايكون غير الخير

[صبرا13]

السلام عليكم و رحمة الله و بركاته
اما الغيرة فهي نوعان، غيرة في موضع ريبة و هذه محمودة و غيرة في غير موضع ريبة و هذه مذمومة،. بما يعني امرأة ترى زوجها يحادث النساء و يأخذ و يعطي معهن في الحديث من غير ضرورة، فهذه تحق لها الغيرة، و اخرى زوجها من المتقين و يترفع عن الشبهات هذه لا يجوز لها الغيرة.
ثم الحاصل ان الزواج ميثاق غليظ، و على الزوجة ان تحسن التبعل لزوجها، لتجاهد نفسها ان تعطيه احسن ما فيها من قول و زينة و خلق، و تحسن نيتها لله، فان صلح أمره كان المعروف و الاحسان بينهما، و ان لم يكن يبدلها خيرا منه ان شاء ذلك.
و قد قال صحابي: " والله لو علمت أن غداً أجلي ما قدرت أن أزيد في عملي ". فلماذا تنتظر المراة ليكون زوجها في بلد الجميلات لتحسن حالها؟
اما كثرة الشك اللتي ألمت بك، فأعلمي ان الحياة و ان طالت قصيرة فلا تنكدي على نفسك، و انتبهي لولدك و تربيته فإنك مسؤلة عنهم، عسى ان يصلح الله امرهم، و لا تنكدي على زوجك الا في ريبة فتنصحنينه باحسن القول، و اعلمي و ان كنت ملكة جمال العالم يكفي ان تكوني نكدية ليفر الزوج من البيت.

[visa uk]

اختي انا مانعرفك لكن حسب خبرتنا هنا اعضاء ماشاء الله الا الصالحين لي يدخلو للمنتدي والادكياء شوفي نضن وحدسي قريب فقط انتي شاكة بزاف ولاللك وسواس بلاكي يرك الشيطان لازم تتاكدي مليح بدليل اوك نضن وساويس فقط

[abdellah36]

هذا ربما عقاب من الله عز وجل ,,,,سببه التعلق بغير الله ,,,,,,,,,,,,,,,,,,فالذي يدفع الشر و يجلب الخير هو الله عز وجل ,,,,,,,,,,,,,,,,,و قد يكون الزوج الى جانب زوجته لكن قلبه و عقله بعيدا عنها ,,,,,,,,,فعليك ان تقوي توكلك على الله عز وجل ,,,,,,,,,,,,و عليك ان تكون مستعدة دوما لكل الاحتمالات ,,,,,,,,,,,,,و المؤمن اذا اصابته مصيبة لا يجزع و لكن يقول حسبنا الله و نعم الوكيل ,,,,,,,,,,,

[نصير24]

السلام عليكم

اختي انصحكي بمشاهدة هده الحلقة*لحظة الغيرة* لمصطفى حسني برنامج عيش اللحظة...

https://www.youtube.com/watch?v=nCArSDD8nPQ&index=30&list=PLiJggHtOlnN2UJ5uE5q4JrCDMmTvRHnJ5

[عقد النجوم]

هذا اسمو وسواس اي انو الشيطان يركب افكار الي تخرب البيوت اذكري الله بزاف وشوية ثقة في نفسك اولاا تم في زوجك ربي يكتبلك الخير

[fati21]

المشكل فيك انت
اتوكلي علي ربي ونقصي من للغيرة لانو الشيطان هو لي راه يوسوسلك استغفري
ريي يبعد عليك الوسواس

[de alger sheryfa]

عندك الحق ااختي من حقك تغاري على راجلك لكن بصفة عقلانية
نقولك حاجة اذا راجلك ماراهوش تاع نسا كيما قلتي ماتقلقيش روحك
لكن زينيلو و خليه ديما يشوفك في احسن صورة و بالخصوص بالخصوص ماتبينيلوش بلي راه تهبلي من الغيرة

[نسيم الريح ش]

قلتي زوجي ماهوش تاع نسا ولكن بغيرتك هادي غادي تنبهيه وتخليه بسيف يكون تاع نسا نعلي الشيطان وخليك من الهبال لي راكي في ودايما ادعي ربي يبعد عليه بنات الحراموادعي وقولي اللهم زيني في عين زوجي حتى لا ينظر الى غيري

[لحن الحياة.]

الزين والشين في كل بلاصة الاخت
هذي زوجك يخدم فالدزاير برك وصار فيك هاك مالا كون راح يخدم في لبنان وش ديري ؟ فكرتيني في وحدة تخدم معانا ما تخليش زوجها يتفرج ستار اكادمي علا حساب كلامها خطر يشوف الرشاقة و الجمال تاع اللبنانيات


حكاية ثقة برك
ثيقي فيه و ارقدي مهنية و التكلان على ربي
و اصلا الجميلات ما يستناوش واحد متزوج ....و الله اعلم :1: