راني سجلت وجبتلكم التفاصيل

[ابراهيمون]

السلام عليكم ورحمة الله تعالى وبركاته
خواتي راني سجلت اليوم ولله الحمد وحبيت ننقللكم التجربة للاخوة لي مزالو باش يديرو لاازم قبل ما يشاقو هكذاك
انا كي رحت وصلت تما طلبوالي الاقامة والصورة بعد ما كات مش محطوطة بصح راهي مطلوبة اذ:
الاقامة
الصورة واحدة
الكشوف مطلوبة
الشهادة
الحوالة
بطاقة التعريف
طلب خطي
الاستمارة وهاذي لازم تخرجوها في ورقتين فقط والا 3 فوقها يرفضوها ولازم كي تروح عند السيبار قلو خرجهالي بالليزر سينو ميقبلوهاش
وربي يوفقكم جميعا

[anfal10]

شكرا اخي على المعلومات
انت تقصد السكانير و ليس الليزر ؟
بالنسبة لرقم الشهادة كان عندك مشكل اظن ماذا كتبت فيها ؟ الاغلبية ماهيش فاهمة ما علاباليش وعلاش داروا التسجيل الالكتروني ياخي اروحوا احطوا الدواسا يعني كيف كيف ؟؟؟؟؟؟؟؟؟ لوكان نحطوا ورقة واحدة فيها كل المعلومات في البريد الالكتروني كي شغل cvو خلاص ما زالنا في الاقامة و الكشوف و الله ما تفهم يا خي اختبار لاه اشدوا الكشوف او الاقامة وعلاش اصعبوها على الناس خلوا الشبيية تخدم
الاقامة نورمالموا ما يطلبوهاش في الجنوب او المناطق البعيدة اديروا امتيازات للشباب باش اقروا تاما او انحوا الاختصاص خاصة اللغات لي شاطر فيهم اقري من دون ديبلوم :1:

[" العاقل "]

انا عندما وضعت الملف الاستمارة كانت بشكل ثلاث اوراق وبالعرض وقبلوها عادي ولو ترددوا في البداية
احدهم نبه المشاركين بان الاستمارة تكون الاصلية وليس نسخة ههههه ردت عليه واحدة من الحضور لا فرق بين الاصلية والنسخة كيف نعرف ذلك قال لها هناك وسائل لدينا تمكنا من معرفة ذلك
المهم باقي الملف شهادة اقامة وصورة وشهادة ميلاد ونسخة من الدبلوم وكشف النقاط وطلب خطي ونسخة من بطاقة التعريف

[ابراهيمون]

ربي يوفق الجميع ان شاء الله

[kcmo31]

ربي يسهل للجميع انشاء الله

[imy houssam]

بالتوفيق اخي
انا اعمل في مركز ايداع الملفات
نعم بطاقة الاقامة مطلوبة في ولاية المسيلة على حسابهم وش قالوا حابين تاوع مسيلة برك يجوزو فيها ميقبلوش البراني مع انو سهل الحصول على بطاقة اقامة رقم 2
اما الكشوف فنعم مطلوبة مع انو بزاف في ولاية الجزائر العاصمة لم تطلب وحتى وجابوها مداروهالهمش في الملف
وبالنسبة للصورة فهي صورة واحدة فقط عند استخراج الاستمارة تجد مكان واضح لها يعني لازم
كذلك الاستمارة يجب ان تكون في ورقتين كما ذكرت اخي وفي الورقة الثانية امضاء المعني
الطلب الخطي يجب كتابة رقم الهاتف به
بالتوفيق للجميع

[imy houssam]

طبعا هناك كذلك بطاقة التعريف الوطنية
وشهادة النجاح لكن يجب ان لا تكون ذات صلاحية ستة اشهر
ووصل الحوالة
بالتوفيق

[karima_mino]

شكرااااااااااا

[mourad silver]

شكرا على الافادة

[nbl72]

بارك الله فيك أخي

[ايمان10]

لا وجوووووود لل صورة

[ابو نونو]

اليكم كل شيء عن مادة تكنولوجيا الاعلام و الاتصال
الاسئلة لا تخرج عن هاته الدروس
و هي خاصة بمسابقة الاساتذة الطور الابتدائي و الثانوي و المتوسط
وبدون تحميل

هنا بموقع المتميز

قسم المسابقات والتوظيف

www.elmotamaiz.com

[mohamed_oussama]

السلام عليكم

والله غريبة بلاد الجزائر

في ولاية تيارت

عند دفعي الملف ردلي الاقامة و الصورة وكشوف النقاط

تبقى حاير كل ولاية كيفاش

[ام عبد الرحمان05]

بالنسبة للخبرة هل نديو شهادة العمل

[abdelmadjid41]

بالتوفيق اخوتي

[yousef70]

مشكور أخي على هذا الموضوع

[wahidtchiko10]

مشكور على الخبر الرائع