الله يعطيكم ماتتمنو إن شاء الله عاونوني

[مشكلتي]

السلام عليكم ورحمة الله نعالى وبركاته
أنا طالبة باكالوريا شعبة اداب وفلسفة
لم يبقى كثيرا للباكالوريا وانا متأخرة كثييييييييرااااااااااا لم يبقى الكثير وأنا في حيرة المواد كثيرة وصعبة وأنا أنسى كثيرا عجزت عن تنظيم وقتي كما يلزم المقالات الفسفية كثيرة والحفظ كثير والرياضيات صعبة وأنا ضعيفة جدااااااااااااااا في اللغات الاجنبية راني خايفة من اللغات الأجنبية بزاااف معنديش لباز
والله غير راني حابة نجيبو باش نفرح والديا وخصوصا امي ربي يحفظها راهي تتعب بزاف علا جالي
عاونوني في تنظيم وقتي الله يرضى عليكم إنشاء الله ليعندو طريقة لمراجعة مادة الفلسفة وطريقة سهلة لحفظ التاريخ والجغرافيا والمشكلة الكبيرة الفرنسية والإنكليزية نقاطي ضعييفة فيهم
وأدعولي دعوة صادقة ربي ينجحني في الباكالوريا ويسهل عليا الحفاظة والفهامة فلربما دعوة صادقة من أحدكم تستجاب إن شاء الله
الله يعطيكم ماتتمناو إن شاء الله

[براءة سامية]

متخاافيش و لا تقطعي الامل فقط يجب ان تكون لديك إرادة لازال هناك شهران
بما ان الوقت لم يبقى كثيا عليك ان تدرسي بطريقة ذكية و كزي على اهم الأمور و المواضيع ...
في الفلسفة لا انصحك بالحفظ فالحفظ اسهل طريقة للنسيان ،تعلمي تقنية كنتابة مقالة فلسفية و على اهم العناصر التي يتم التنقيط عليها ..في كل مقالة حاولي اخذ الافكار الاساسية و احفظي الكثيرا من الشواهد لكي تستشهدي بهم في المقالات ..اتذك في عامي البكالويا لم ادس الفلسفة عاما كاملا سوى في الاسبوع الاخير كنت كل يوم اقرا مقالة افهمها احفظ افكارها الاساسية و ارى طريقة الكتابة و احفظ بعضا من الشواهد المتعلقة بتلك المقالة .. و الحمند للله تحصلت على 11.5..(((انا كنت علمية))).الفلسفة ليست بالامر الصعب..فقط ادرسيها بذكااء و لا تحفظي كل شئئ بغبااء
المواد الاجنبية القي نظرة على كل المواضيع الاعوام الفائتة و حاولي حلها مثلا كل يوم حلي 2 مواضيع الكي تثري لغتك هي سهلة و ليست بالامر الصعب...
عليك ان تستيقظي باااكرااا و تنامي باكرااا مثلا النوم23.00 و الاستيقاظ 5 و نظمي وقتك حسب الصلوات الخمس مثلا من الفجر للظهر و من الظهر للعصر و من العصر للمغررب و من المغرب للعشااااء ...

التاريخ و الجغرافيا كنت احفظ من كتاب خارجي نسيت اسمه و كنت اكتب ملخصاااات ليست لدي فكرة اظن برنامجكم في الادااب اكبر من العلميين..
و لا تنسي الصلاااة و ان شاء الله ربي يوفقك و ينجحك..فقط كوني على ثقة انك ستنجحي لا تيأسي لا تفشلي و ابدا لا تفقدي الامل مادام مازال هناك نفس في انفك و روح فيك و قلبك يدق فلا تيأسي ....فقط ابدئي الآن و قوي إرادتك و عليك أن تنجحي ..كوني قوية
اتمنى اني ساعدتك و لو ببعض كلماتي المتوااااضعة ..

[نور لاتراه]

السلام عليكم
عنوان الموضوع يحوي خطأ كتابيا أثر على المعنى
"إن شاء الله " وليس إنشاء
فالإنشاء هو الخلق والصنع
وإن شاء تدل على إرادة الله
في هذا الوقت انتِ في حاجة لمهارات دراسية
مثل استخدام الملصقات الصغيرة, وربط الافكار المجردة بما هو حسي
استخدام خريطة العقل والتسلسل بين الافكار
النسيان إما لتداخل المعلومات او قلة التركيز
اعتمدي على الملخصات في مواد الحفظ
وحبذا ان فهمت الأفكار المفتاحية وليس الفكرة ككل وان كانت ملخصة
المواد العلمية تحتاج للتطبيق فحاولي الاستفادة ن اكبر قدر ممكن من اسئلة البكالوريا السابقة
اما اللغات فهي كثقافة عامة خصوصا الفرنسية لان الموضوع ليس مقيدا بالمنهاج كاللغة الانجليزية
تصوري ان حفظت كلمة في كل منهما يوميا وفهمت معناها (اي سياقها المناسب) كحد ادنى كيف تكون النتيجة
فاللغات ليس مجرد قواعد فقط وتلك الكلمات تساعدك للتعبير
وفقكم الله واعقبكم فرحة النجاح

[ramzi-messi]

لا تخافي فبخوفك ان تبتعدين شيئا فشيئا عن الباكالوريا

كل شيء عادي
انهضي باكرا و احفظي يوم تاريخ و يوم اسلامية و يوم جغرافيا من 5 الى 9

ثم من 10 الى 12 حلي امتحان او اثنين حسب مقدورك من تلك المواد ( تاريخ / جغرافيا / اسلامية )

ثم 14 الى 16 مراجعة الفلسفة مع حفظ بعض المقولات او شيء

ثم نامي ساعة من 16 الى 17

ثم من 17.30 الى 21 كل يوم مادة علمية ( رياضيات / فيزياء / علوم)

و بعد صلاة العشاء خدي امتحان او اثنين من البكالوريات السابقة من اللغات كالفرنسية و العربية و الانجليزية

وفقك الله الى كل ما يحب و يرضى

[ام آدم]

اولا اول نصيحة لك لا ترتبكي
ثانيا حاولي النهوض باكرا والحفظ بعد صلاة الفجر
ثالثا تأكدي انك ان تعبت حقا وحاولت وتوكلت على الله فلن يخذلك

[nadjib0007]

يبدو أن حياتك كلها غير منظمة و غير مرتبة اضبطي حياتك بالصلاة في وقتها و الله المستعان

[khiro07]

افهمي لا تحفضي اختي
دخلي المعلومات في راسك وتاعيدي ترتيبها وطرحها بصيغتك
ماعادا التاريخ احفضي التواريخ
الفلسة احفضي اقوال افلاسفة وافهمي الدروس
اللغات حاولي حل المواضيع القديمة
الرياضيات جربي دراستهة مع صديقاتك في مجموعة كي يسهل الفهم
وربي يوفقك
اختي

[Golden Princess]

شكرا للخوة على هذه النصائح القيمة

الله يسهلك و يوفقك

اتمنى لك النجاح

[de alger sheryfa]

ماتقلقيش روحك حنا تاني رانا جزنا على هاذ التجلربة
انا من رايي اتعبي شوية هاذ اليامات من بعد تريحي :
نوضي معا الفجر ديري ملخصات
كولي مكملات غذائية لي ديرلك التركيز
وحنا نعولك ربي يوفقك و ينجحك
:19:

[إنسانة بسيطة]

ربي يوفقك اختي والوقت في يدك اذا عرفت كيفاش تراجعي ومع برنامجكم هذا راكم هايلين
ادخلي بعضويتك لقسم البكالوريا راه فيه مقالات ودروس سهلة برك قسمي مراجعتك بين الحفظ والفهم وخاصة الفهم
اللغات تجي بالممارسة يعني كثرة المطالعة يولي عندك رصيد لغوي باش تفهمي النص ولازم تحفظي التحويل لانو فيه سؤال عن التحويل والاسلوب المباشر وغير المباشر تحتاجي للتحويل اسئلة حول النص عموما تجي سهلة حوسي على نهاية الجملة في النص وهاذي لو عندك قاموس لغوي لاباس بيه تقدري تجاوبي بكل سهولة

[(( هبة الرحمن ))]

الدواء السحري أنك تراجعين دروسك صباحا تكون الذاكرة منتعشة ونفسيتك مرتاحة....
ابتعدي عن السهر والمراجعة ليلا صلي العشاء واشربي كأس تيزانة ونامي واضبطي المنبه على الخامسة صباحا ( على حسب وقت الصلاة في منطقتك )واكثري الدعاء كي يعينك.
وفقك الله وسدد خطاك .

[hadjsalim]

احسن النية واكثر من الاستغفار

[❀ مَـلاَكُ الأوُرْكيِـدِ ❀]

اتمنى لك النجاح

[أمل94]

شوفي ختي متخافي موالو أنا نعطيك الحل بالنسبة لمادة الفلسفة خصي 4أيام احفظي فيهم المقالات الأكثر توقعا....وتمرني على حل النصوص الفلسفية والله سهل جدا وفيه علامات ومنو راح تتمكني أكثر من المادة ويلا تعلمتيه معناها راكي نحيتي مشكل الفلسفة من راسك ومتطيحش بيك يلا جاو 2مقالات صعاب تهربي للنص عليك وعلا السؤال منو راح تدي نقطة نقطة مليحه مع شوي أدله ونقد وخاتمة راح تدي نقطة هذا يلا درتي نص ويلا جاتك مقاله ساهلة راكي هايلة........وبالنسبة للاجتماعيات ساهلة اكثر احفظي شوي مصطلحات شوي تواريخ وعليك ولصقي الخرائط لي تحتاجيهم في شمبرتك مايجي يلحق الباك تكوني حفظتهيم عفويا بلا متحاولي .وعليك علا المنهجية فالفقرة ياسيدي يلا مكنتي حافظة حتا درس كي تديري مقدمة وتخلطي شوي عرض وتديري خاتمة مع وضوح وسلامة الخط راكي تضمني8نقاط غير من التنظيم والذكاء هذا بلا حفيظة ......ومادة الشريعة راهي اسهل من الماء يليق تدي فيها تقطة فوق 15وبالنسبة للادب حاولي تتعرفي الشعراء وحياتهم ..يلا جاك نص وكنتي تعرفي الشاعر والنزعة تاعو معناها راكي تمكنتي مالنص وتدي نقطة مليحة حاولي تقراي النص بطريقة مكررة باش تفهميه....وبالنسبة للغات الاجنبية راكي كيفي بصح متخافيش حاولي تخلطي شوي في كل سؤال واحذري كل الحذر من ترك الورقة فارغة.....المصحح كي يلقى ورقة منظمة واجابة غالطة يعطيك حقك2نقط عالتنظيم ويلا لقاها فارغة معندو ميديرلك ......والرياضيات حاولي تدي يلكان 5نقط مالتمرين الاول غالبا يجي الموافقات وراها ساهلة......ومديريش عالاشاعات يطيح مايطيح تسربت متسربت ....راها مجرد اشاعات للعث على المرال...متخليهاش تأثر عليك ومتخافيش مالناس لي تقولك ران حافظة كلش .....قادر حفظتها كامل مراهيش منظمة كيم فهامتك انتي ......وكيم وصيتك ايااااااااك من ترك الورقة فارغة حتا وتكوني متأكدة بلي اجابتك غالطة وبعيدة عالصواب حطيها ........لكان سبحان الله يجي كاش قانون مالوزارة يقول ساعدوهم يلقاو بش يساعدوك هاو تحطي الورقة فارغة متنفعك والو .......انشاله نكون أفدتك وكاش مخصك راسليني عندي خبرة قليله فهذالمجال......وفقك الله.

[anwar rakouche]

لا تخافي أبدا لأن الخوف سيمحو كل ما حفظته ,مادة الفلسفة هي الأهم في شعبتكي لذلك عليكي بالفهم الجيد لمبدأ المقالات لأن الفهم سيسهل عليكي كتابة المقالة حتى و لم تحفظيها