والله تعبت يا ربي

[مشكلتي]

السلام عليكم
مخطوبة لواحد من 3 سنوات صبرت عليه بزااف مرة لظروف مادية و مرة نتفارقو و نعاودو نوليو و كلش يهون على خاطر حبيتو و ربي شاهد ما خليت ماندير على جالو ضيعت على جالو سنين عمري ورفضت بزاف خطاب ناويين لحلال قتلو جيب خاتم و ارواح اديني ما نبغي من عندك والو مرتبي نقسمو معاه نقلو خبي تاعك لمصاريف العرس هو كشخص لاباس بيه راتبو فوق الممتاز يعني يقدر يصرف على 10 لكن معتمد على نفسو فقط في تكاليف الزواج يعني مكان حتى واحد يعاونو

خاني اكثر من مرة و بزاااااااااااف سمعت عليه حكايات و كان يراضيني بكلمة عيييييييت نبعد عليه في وقت ضغطو عليا دارنا قالولي مش راح تفوتي عمرك تستني فيه قالولي مراهش تاع زواج للعلم هو عمرو 36 و غصبو عليا نحبس معاه و نتخطب لواحد اخر و فعلا تخطبت لواحد اخر لكن مقدرتش نصبر عليه بطلت من الشخص الاخر و رجعتلو وو عدني بلي راح يصحح من نفسو و بلي جامي راح تطيح دمعة من عيني على جالو مرة اخرى

امس جاتني وحدة نعرفها قالتلي بلي راه مداير علاقة مع صحبتها قلتلها كدابة و حابة تدخلي بيناتنا
و بقات في قلبي قلت نجربو و لاول مرة من 3 سنوات نشك فيه عيطلو من رقم اختي و حكات معاه قاتلو شفتك عجبتني ادا معندك حتى وحدة في حياتك نكملو يا خاوتي كمل معاها في الحكاية و قالها عجبتيني و نتلاقو و بعثلها صور في الفايس بوك و عطالها كل ارقام تيليفوناتو و لصق فيها جابها يومين يعطلها و كي نقلو مع من كنت تحكي يقلي صاحبي
تصورو يا خاوتي انا نقلو خبي دراهمك دوك نعيطلك انا لازم نقتصدو باه نديرو العرس هاد الصيف ؟؟؟
اختي ضرها قلبها قاتلو ماكش راجل الطفلة محبسة حياتها على جالك و انت تخون فيها هو تشوكا لغدوة عيطلي قالي اني شكيت فيها علابيها كملت معاها في الهدرة حبيت نشوفها وين حابة توصل و كنت راح نحكيلك

غاضتني عمري بزاف من الصباح وانا قافلة عليه التيليفون يا ربي والله مانستاهل يصرالي هكا عرفتو غي هو في لحلال عمري ما غلطت حكيت مع واحد ولا درت كيف لبنات قبلت بكلشي مايديرليش عرس ما يجيبلي والو يسكني مع دارهم كي تطيح بيه يلقاني غير انا حنيت عليه تقول ولدي كان كي يمرض نبات قاعدة نبكي و ندعي


خايفة نضعف و نرجعلو بهدلووووووووووووووووني حابة ندير القلب قولولي يا الجايحة

[صبرا13]

السلام عليكم و رحمة الله و بركاته
أترضين ان يكون هذا النوع أب لأولادك؟ فمتى يستقيم الظل و العود اعوج، و الحقيقة الكذب ليس الا باب كل سوء، و قد قيل اخر الدواء الكي وهذا وقته، وإلا فيداك اوكتا و فوك نفخ

[مصطفى_س]

السلام عليكم و رحمة الله

الكذب داء فتاك فانتبهي جيدا لنفسك انصحك نصيحة واحدة
انا من رايي و يبقى مجرد رأي ان تقطعي علاقتك به من ارادك زوجة له لا يتحدث مع اخريات ولا يكذب على زوجته
بالتوفيق

[صفيان 11]

جل البنات تاع دوك يحبو هد النوع من الدكور لي يكدب و حياتو مبنية عل الخداع

[faty05]

خداع وًانتي تامني فيه
زعما نقولك يا يالجايحة وش راح يتبدل
هو خلاص راه حاطك في الجيب علابالو ما تقدريش علا فراقو و مشبعك كذب
تخليتي علا خطيبك و رجعتيلو
يعني تجي تفكي منه و ترجعيلو برجليك
تبالي مالفة تكتبي المشكل هنا كي كنتي تشاوري اذا تبطلي علا الخطيب ٢
المهم ربي يعطيك لعقل اسمعي لوالديك و اطلقي راسك و اقطعي كافة وسائل الاتصال معاه
انتي ماراكيش مرتاحة اذا ماذا تنتطرين

[أم ريتاج زهرة]

يا اختي ارمي عليك الزوبيا حاشاك راه يجيك منها غير الريحة الفايحة و الذبان
يا اختي خدامة و بنت فاميلية قاعدة تبعي في خنز و فضلة الناس
يا اختي انا ما نعرفك ما تعرفيني يعني نصيحتي لوجه الله خطيك منه تبكي و تنسي و ربي يعوضك بالراجل اللي يعرف قيمتك و اللي يقولك خبي دراهمك ليك و انا نصرف عليك سلام

[walido_star]

أنصحك كأخ أن تبتعدي هن هذا الإنسان ، لأنه لا تتوفر فيه صفات معايير اختيار الزوج
أنصحك أن تستمعي إلى محاضرات الدكتور محمد خير الشعال في اليوتيوب بعنوان
دورة تأهيلية في الزواج ، ستتأكدين أن هذا الشخص لا يناسبك إطلاقا
ومن ترك شيئا لله عوضه الله خيرا منه ، ويقينا بالله أنه سيأتيك من هو أحسن منه
أما عن الحب الذي تتشدقين به فهو حب كاذب ، نعم حب كاذب ، نحن مسلمون
وقال الله تعالى " وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً ۚ
إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُونَ "
قال الله أن المودة والرحمة تكون بعد الزواج وبعد السكن إلى بعضكما ، فالمودة جعلية
يقذفها الله بين الزوج وزوجته بعد الزواج وليس قبله ، كمثال فقط أمك وأبيك هل كانا يحبان بعضهما
قبل الزواج ، لا وألف لا لكن الله جعل بينهما هته المودة والرحمة بعد الزواج وليس قبله
وللعلم أن المودة سلوك تعبيري عن الحب ، أما الحب فهو شعور بدون تطبيق
أرجو لك التوفيق والسداد في حياتك ، وأن تبتعدي عن هذا الشخص في أقرب وقت
وبعد التوبة والرجوع إلى الله ربما في أقل من شهر سيبعث لك الله خاطبا يكون رجلا صالحا يأسر قلبك

بالتوفيق

[naimori]

للاسف تبغو الذل والي يخدعكم وكي يجيكم الراجل الفحل ولد الفاميلة تخدعوه وتلعبو بيه ولكن وقفة مع نفسك .....
واش درتي في حياتك ممكن ظلمتي واحد حبك قبلو وتكبرتي عليه وراكي تدفعي الثمن

[walido_star]

أضيف شيئا أن جامعة القاهرة عملت بحثا واستبانة عن زواج الحب
فاكتشفوا أن 90 بالمائة منه ينتهي بالطلاق في جمهورية مصر العربية
أما جامعة دمشق عملت نفس الدراسة وتوصلت أن 82 بالمائة من حالات
زواج الحب تنتهي بالطلاق ، فلا تغامري على زواج نسبة نجاحه لا تتعدى 15 بالمائة

وأضيفك بيتا ، أن مثل هؤلاء الشباب ربما يكون خاطبا لفتاة أخرى وسيتزوج الأخرى
وأنت يقول لك سامحيني وفقط ، وباقي يعذب فيك باطل كيما قالهالي واحد
عذب بنات الناس ياك التلفون راهو باطل !!!

ردي بالك توليلو راني حكيت معاك ، أنقذي حياتك ولتكن ثقتك في الله رب الأرباب كبيرة

[mouhbench]

لا حول ولا قوة الا بالله .فعلا ناقصات عقل ودين

[جعفر الجزائري]

ياااااا اختي الغالية
رابي انت عفيفة وبنت اصل
بعدي عليه
وصومي لي الله
الله يبعدها عليك ما بعد السماء على الارض
عسى ان تحب شيء وهو شر لكم الله يعوضك بواحد خير منه
ضرني قلبي من الرجال اخر الزمان
الله ينورك بنور الايمان
قال - عليه الصلاة والسلام -: "إنك لَن تدَع شيئًا للهِ - عزَّ وجلَّ - إلا بدَّلك اللهُ به ما هو خيرٌ لكَ منه"

[امل ضائع]

لما كل هذا التجريح اخواني؟ المخلوقة تطلب المساعدة و الرأي السديد و ليس الاستهزاء... ربي يهدي..
اختي ربي يرزقك باحسن منه.. اصبري و ستنالين إن شاء الله. .

[dania12]

السلام عليكم
اختي ننصحك ما عندك ما ديري براجل كيمة هاك ربي يجيبلك وليد الحلال

[AMINA.Z]

كسري شريحة الهاتف
و صوتك عمرو ولا يزيد يسمعو ...حتى و لوشفتيه قدامك
جيري القلب و ارمي عليك هاذ الحثالة
الحب ما يعنيش ذل.

[blanche rose]

ما لقيت ما نقولك
جايحة قليل
غبية قليل
كل الكلمات قليلة

ارواح اديني بلاش ونزيد نتقاسم معاك شهريتي قبل ما تديني..!!! واش معناها؟؟؟

ما تقوليلي يخبي دراهم للعرس ما والو..
هذا معناه..راكي قلتيلو .."راني بلا قيمة..ارواح اديني برك"!!!!!!!

يا اختي ما عندكش كرامة؟؟!!!

لمرا تعاون راجلها اذا شافاتو ما قدرش يلحق ..وتتقاسم معاه شهريتها بعد الزواج ماشي قبلو..

أما أرواح اديني برك ببلاش ونسكن مع داركم ..معناها راكي والو..
انت ما قيمتيش روحك..كيفاش حاباتو يقيمك؟!!!!!!

شحال من وحدة صرالها كيفك..نفس البداية ونفس النهاية

كاين مثل يقول: "ببلاش ما يحلاش"
هذا ببلاش..
أما نتي ببلاش وزدتيلو الدراهم من فوق!!!!!!!!!!

اللي بلا شرف وما داروهاش!!!!!
طيحتي بروحك وبداركم..
ولوكان غير درتيها على جال واحد يصلح!!!


ومانيش رايحة نقولك تزوجيه أو لا..
كبيرة وتعرفي صلاحك

لكن نقولك اذا تزوجتيه معناها راكي مريضة نفسيا..!!!!

وكيما قالت اختي فاتي
اكيد انت نفس الفتاة اللي طرحت اكثر من موضوع حول الخطيب الثاني الذي يحبك بجنون لكنك تحبين الاول!!!!!
هاو ليك الأول اللي حبيتيه ..
خطيبك الثاني أحبك لكن خنتيه لأنك كنت تتحدثي مع الأول وقلبك للأول
تحملي..
ذوقي من نفس الكأس الذي شرب منه خطيبك الثاني

تكرهين من يحبك وتحبين من يذلك..

تحبين الذل والألم؟
اذن تألمي

ربي يعطيك لعقل

[غزلانْ]

السلام عليكم




مخطوبة لواحد من 3 سنوات صبرت " ما الذي يمنعه من الارتباط "

ضيعت على جالو سنين عمري " لا يستحق و لو ثانية "

جيب خاتم و ارواح اديني ما نبغي من عندك " مهرك يجعل لكِ ذات قيمة بالنسبة لأمثاله "

مرتبي نقسمو معاه نقلو خبي تاعك .... كشخص لاباس بيه راتبو فوق الممتاز يعني يقدر يصرف على 10

" و لماذا تقاسمينه مرتبك يا لسخافتك بعرضك هذا و تفكيرك تتلقين كل الاحتقار بالنسبة لأمثاله "

يعني مكان حتى واحد يعاونو " يكفي خطيبته تعينه "

خاني اكثر من مرة و بزاااااااااااف " مجرد خيانة نقطة نهاية "

مراهش تاع زواج " تقبلي قولهم هم على حق "

غصبو عليا نحبس معاه " لهم الحق ابنتهم عمياء "

عيطلو من رقم اختي و حكات معاه قاتلو شفتك عجبتني..........." كيف يمكنك امتحانه من خلال أختك

انا حنيت عليه تقول ......"وهل يستحق كل هذا و هو يتميز بكل ما ذكرته "

بهدلووووووووووووووووني حابة ندير القلب قولولي يا الجايحة

فلتتصلي به و له الخيار " اعلان موعد للارتباط " و ان لم يقبل " كوني أعقل و افسخي الخطبة "

لا تتواصلي معه المواعيد المكثفة و الكثيرة لها جانب سلبي لك

كفتاة ان ارتبطت به نوع من الشك و قد لا يحترمك و السبب أنتِ

لا لمساعدته و لتكن لكِ قيمة خاتم فقط و المدة 3 سنوات لم يستعد للارتباط

و ان حدث و انخطبت لرجل غيره فلتكن لك تجربة من خلال هذا الرجل

" اعطاااء قيمة لنفسك "

بمعاملتك لهذا الخطيب هناك نوع من التذليل منكِ و تقليل من شأنكِ
كوني واعية


بالتوفيق

[نسيم الريح ش]

انشاء الله ربي يفرج وابداي حياة جديدة مع واحد يستاهلك وهاد المرة نشا الله ما طوليش خطبة وزواج

[Hillin]

راي من راي الذين ردو على موضوعك
لا يستحق اي شيء؟هذا النوع لن يتغير؟وان واصلت معه فانتت الى الهاوية تندفعين "ولا تلقو بانفسكم الى التهلكة"
ختي خطيك ماهوش راجل تبني معاه حياتك وتتكل عليه
غير بعدك منه . كل ليسين لعطيتيهملنا راهم يقولولك اهربي قبل ما يطيح الفاس ف الراس
ما تنسايش رب كاين ادعيه يبعد عليك ه\ي لبلية
رب يسهل
تفرج باذن الله " ثق بالله"

[ابراهيم داود]

للاسف تبغو الذل والي يخدعكم وكي يجيكم الراجل الفحل ولد الفاميلة تخدعوه وتلعبو بيه ولكن وقفة مع نفسك .....
واش درتي في حياتك ممكن ظلمتي واحد حبك قبلو وتكبرتي عليه وراكي تدفعي الثمن

للاسف اخي القط يحب خناقو

[hadjerjouja]

يا ختي والله من عندي غير اخطيك منو هذا الانسان لوكان تتزوجي بيه راح تبقاي حياتك كاملة تشكي فيه ويضرك قلبك وهوا باين عليه لسانو حلو يبلعطك في دقيقة على خاطر انتي تبغيه وما راكي تشوفي في حتى واحد قدام عينيك حبسي الهدرة معاه وقسي قلبك وجربيه قوليلو ما نزيدش نهدر معاك غير نهار عرسي ناكدلك ما يزيدش يدور بيك ويبطل حتى الخطبة على خاطر ظروفو مليحة على حساب هدرتك وقادر اليوم يتزوجك قبل غدوة وربي يقدر الخير وانتي صلي وقومي الليل وادعي ربي وان شاء الله ما يكون غير الخير

[issam sadaoui]

﴿إن الله وملائِكتَهُ يُصلُّونَ على النَّبِيِّ
يَا أيُّهَا الذِينَ آمَنُوا صلُّوا عليه وسَلِّمُوا تَسْلِيمًا﴾

[issam sadaoui]

يا ختي والله من عندي غير اخطيك منو هذا الانسان لوكان تتزوجي بيه راح تبقاي حياتك كاملة تشكي فيه ويضرك قلبك وهوا باين عليه لسانو حلو يبلعطك في دقيقة على خاطر انتي تبغيه وما راكي تشوفي في حتى واحد قدام عينيك حبسي الهدرة معاه وقسي قلبك وجربيه قوليلو ما نزيدش نهدر معاك غير نهار عرسي ناكدلك ما يزيدش يدور بيك ويبطل حتى الخطبة على خاطر ظروفو مليحة على حساب هدرتك وقادر اليوم يتزوجك قبل غدوة وربي يقدر الخير وانتي صلي وقومي الليل وادعي ربي وان شاء الله ما يكون غير الخير

[ام آدم]

اختاه اسأل الله لك الهداية
ونصيحتي لك ابتعدي عن هذا الشخص المستهتر الذي يستغلك اسوء استغلال
انت جوهرة اختاه تستحقين زوجا ملتزما ورجلا حقيقيا لا شبه رجل يربطك بالوعود الكاذبة
عليك ان تعرفي قيمة نفسك اولا عندها ستعلمين انك تستحقين الافضل

[nasser26]

ذرة رجلة ما فيهش

[mrmilano1984]

يا اختي ارمي عليك الزوبيا حاشاك راه يجيك منها غير الريحة الفايحة و الذبان
يا اختي خدامة و بنت فاميلية قاعدة تبعي في خنز و فضلة الناس
يا اختي انا ما نعرفك ما تعرفيني يعني نصيحتي لوجه الله خطيك منه تبكي و تنسي و ربي يعوضك بالراجل اللي يعرف قيمتك و اللي يقولك خبي دراهمك ليك و انا نصرف عليك سلام
الله يعطيني وجها هادو النساء احيانا رغم دكائهم وفطنتهم لكن احيانا والله الحب يعميهم من كل شيء ويولو مانعرف كفاش يفكرو هههه يامرا راكي بعقلك السيد يخون فيك عيني وعينك ودراكت مع نساء وحداخرات ونتي ثايقة فيه نتي صح يااما الحب اعماك ياما راكي صح نية وغبية في عقلك سمحيلي هدا خانز وخامج كما نساء خامجات وخانزات فهمتي ودبري راسك هدا كما خانك قبل مع مدامات ونساء يزيد يخونك لاتو في دمو وعقلو يبقي هاك اوك صدقيني مارح يتبدل راح يقلك ايه وايه مي صدقي والو وتجارب دنيا علمتنا طبيعة الناس

[إنسانة بسيطة]

ضعيه على الرف ومعه قلبك الميت واكملي حياتك

[mrmilano1984]

نحير فيك هدا مايستحقش حتي درة حنانة منك صدقيني غريب امركم راح يتلاعب بواطفك من بعد شرفك من بعد يقلك باي باي

[kader001]

حافظي على حياتك..............