لما لا نقول كنتك في مقام ابنتك

[كاميلا]

السلام عليكم

دائما تنشر مواضيع حول ام الزوج ووجوب احترامها ووجوب اعتبارها في مقام الام رغم انه الام لا يوجد من يحل مكانها حتى الخالة اخت الام

لماذا لا نجد مواضيع تحث ام الزوج على اعتبار كنتها كابنتها فلماذا لا تحب لها الخير كفلذة كبدها
لماذا لا تغفر لها كما تغفر لبنتها او لاولادها

هل يجب على الكنة فقط دائما وابدا الاجتهاد في ارضاء ام الزوج سواء كانت طيبة او شريرة لكن في المقابل لا يهم ان كانت ام الزوج تمارس الظلم والقهر ؟

الاحترام واجب لكنه واجب من كلا الطرفين فهذا من الاخلاق الحميدة ليس مع الحماة فقط بل مع كل الناس وجوب المعاملة الحسنة
و تخطئ الحماة نعتبرها كالام لا نقاش لا جدال فقط لانها اكبر سنا يحق لها القيام بما يحلوا لها " هنا استثني كبار السن يعني الكبار خلاص تاع 80 الخ "

وعندما تخطئ الكنة تعتبر خبيثة وعديمة التربية ولئيمة الخ ولا نعتبرها كالاخت او الابنة

الوالدة ربي يطول في عمرها تعامل زوجة اخي بنفس مستوى حقوقنا بالعكس اول مرة دخلت فيها عايلتنا حسستها امي انها فرد من افرادها على خلاف ما هو شائع ومعتقد به ان الكنة هي زوجة الابن لكنها برانية وليست من العائلة

مارايكم

[bip bip]

السلام عليكم

دائما تنشر مواضيع حول ام الزوج ووجوب احترامها ووجوب اعتبارها في مقام الام رغم انه الام لا يوجد من يحل مكانها حتى الخالة اخت الام

لماذا لا نجد مواضيع تحث ام الزوج على اعتبار كنتها كابنتها فلماذا لا تحب لها الخير كفلذة كبدها
لماذا لا تغفر لها كما تغفر لبنتها او لاولادها

هل يجب على الكنة فقط دائما وابدا الاجتهاد في ارضاء ام الزوج سواء كانت طيبة او شريرة لكن في المقابل لا يهم ان كانت ام الزوج تمارس الظلم والقهر ؟

الاحترام واجب لكنه واجب من كلا الطرفين فهذا من الاخلاق الحميدة ليس مع الحماة فقط بل مع كل الناس وجوب المعاملة الحسنة
و تخطئ الحماة نعتبرها كالام لا نقاش لا جدال فقط لانها اكبر سنا يحق لها القيام بما يحلوا لها " هنا استثني كبار السن يعني الكبار خلاص تاع 80 الخ "

وعندما تخطئ الكنة تعتبر خبيثة وعديمة التربية ولئيمة الخ ولا نعتبرها كالاخت او الابنة

الوالدة ربي يطول في عمرها تعامل زوجة اخي بنفس مستوى حقوقنا بالعكس اول مرة دخلت فيها عايلتنا حسستها امي انها فرد من افرادها على خلاف ما هو شائع ومعتقد به ان الكنة هي زوجة الابن لكنها برانية وليست من العائلة

مارايكم
شكرا أختي على الموضوع الشائك بين ام الزوج و الزوجة
من الظاهر للعيان و الشائع في المجتمعات العربية إنتشار الخلافات بين ام الزوج و الكنة و ذلك لعدد لا يحص من الأسباب منها غيرة الأم على إبنها لي رباته و كبرته و تيجي إمرأة أخرى تأخذه منها و هو غالبا السبب الرئيسي الغير معلن.
ايضا للرجل دور سلبي حينما يفضل زوجته على أمه أو أمه على زوجته....في حين انه للأم أقدس مكانة في قلب الإنسان بصفتها واهبة الحيات و الحامية و العين التي سهرة عليك
و الزوجة لها مكانتها المعتبرة بصفتها شريكة العمر و أم الأولاد و الرفيقة و الحليلة.

[كاميلا]

شكرا أختي على الموضوع الشائك بين ام الزوج و الزوجة
من الظاهر للعيان و الشائع في المجتمعات العربية إنتشار الخلافات بين ام الزوج و الكنة و ذلك لعدد لا يحص من الأسباب منها غيرة الأم على إبنها لي رباته و كبرته و تيجي إمرأة أخرى تأخذه منها و هو غالبا السبب الرئيسي الغير معلن.
ايضا للرجل دور سلبي حينما يفضل زوجته على أمه أو أمه على زوجته....في حين انه للأم أقدس مكانة في قلب الإنسان بصفتها واهبة الحيات و الحامية و العين التي سهرة عليك
و الزوجة لها مكانتها المعتبرة بصفتها شريكة العمر و أم الأولاد و الرفيقة و الحليلة.

المعادلة سهلة لام الزوج حابة الكنة تحطك كي امها عادي حطيها كي بنتك المشكل النية السيئة تحبها هي تحطها اكثر من مقام امها اللي ولدتها لتجد نفسها في الاخير هاد الكنة في مقام الكلب او شيفونة تاع الدار والعقل والرزانة تجي او الاولى تجي من الحماة قبل الكنة
لكن هوما بنتها تريد لها الافضل تحبها بدارها وحدها وراجلها يشبعها هدايا وتحواس اما كون يعمل هكدا ولدها تقيم الدنيا ولا تقعدها وتتحجج بانها امه ؟ وهل ام زوج ابنتك ليست ام ام انك الام الوحيدة ؟ التناقض السيء النية

[كاميلا]

وكي نحثوا على الخير الاجدر بنا نصح كلا الطرفين يعني وعلاش هاديك الحماة متراجعش نفسها ام هاد الكنة المسكينة واجب عليها تمشي كي الروبو

[أم ريتاج زهرة]

موضوع في القمة لي عودة للنقاش

[solis]

انا صراحة اعجبني هذا الموضوع لاني نعاني من هذا المشكل فكلما حاولت التقرب منها كلما زاد تمردها عليا فنرجع نجبد روحي ومانخالطهاش بزاف احترت في كيفية معاملتها
ربي يعيننا جميعا على فعل الخير وربي يرزقنا حب الناس
اللهم اهدينا جميعا

[كاميلا]

موضوع في القمة لي عودة للنقاش

راكي انت اللي وحيتيلي بالموضوع

[أم ريتاج زهرة]

اختي كاميلا كي صبحتي و الله كنت حابة ندير موضوع و سبقتيني نقولو الحمد لله و الاستنتاج البنت تقعد بنت و الكنة كنة و لا مجال لتغيير الواقع

[نسيم الريح ش]

موضوع شباب ويستهال يتناقش قضية الكنة والحماة قضية قديمة قدم الانسانيىة ما ننكروش فيه حماة تعامل كناها كي بنتها ولا اكثر والعكس صحيح .وفيه حماة تعامل كنتها عبدة وكانها شارتها من سوق العبيد .ةاش تقولو غير الله يهدينا ويهدي الجميع حماة والكنةة

[sameur sama]

ديري واش ديري تبقاي برانية
الله يفرج عليك

[ام رولا]

نقوللك انا عندي عجوزتي معايا فالدار صدقوني نعاملها معاملة حسنة لوجه ربي و تاني كأم لانها في الاول و في الاخير هي ام زوجي mais كي يجيو بناتها تتبدل عليا و ديرلي مشكل على اتفه حاجة كالنت تعاوني و تتلاح في خدمة الدار ملي قالولها بناتها ماتزيديش تعاونيها و انا خدامة و راجلي اللي يصرف و كي تنوض عندي تقولي دار بناتي نقولكم حبباتي هادي اول مشاركة ليا mais تحتيطولي على الجرح لوحدة منا كي تتزوج و تكون عندها عجوزة تصبر عليها مهما واش دارت راو كلش يفوت مراش تعيش كثر من عمرها و ادا عطاك ربي ماتنحيلكش هي و للا بناتها خاصة ادا راجلك ماهوش fils a maman

[جومانةج]

سلام يا ام رولا انا والله دىتلها كلش والانسان ما شقاش يمن واس دار و رغم هذا و الله ما قبلتني وجابتها مورايا حتى طلقني زوجي حسبي الله ونعم الوكيل انا وصات قاتلي ادا عينك دوشي رفدي كابتك و روحي للحمام هادي غي وحدة من الظلم الي ظلمتهولي ما عييت صابرة معاه وكان يضربني هي كانت تحرشه عليا كان ما يحكي معايا ما يقربني ما والو ما تخلينيش نحكي كتر المهم انا راني حامل و طلقني ادا تامني كي عرفت راني حامل نايفتني المهم حسبي الله ونعم الوكيل فيه الي يسمع لكلش منها و حسبي الله و نعم الوكيل فيها

[آسيا 25]

و الله عمرها ما ديرك كيف بنتها يا أختي أنا تاني كنت فالأول نتشوكا منها و نوصل نبكي من بعد قنعت بلي ماهي أمي ماني بنتها مالا عدت ما نديرش عليها خلاص

[حاملة المصحف]

موصوع في الصميم ههه انا قبل الزواج كيكنت نسمع بمشاكل الكنة و العجوز والمنكر اللي تديؤو الكنة في العجوز و العكس نكدب نقول مستحيل واحد تعاملو مليح يرجعلك شر
لكن بعد الزواج حسيت شوي المشكل منيش عايشة معاها والله معندي حاجة في قلبي من جيهتها بالعكس كنروح ليها و تمعنيلي و تخرجلي قلبي نخليها تهدر منقلبلهاش خلاص ونديرلها كلش بنية حسنة نروح نقصي عليها ظك في رمصان نبعثلها كلش وكيسلك زوجي يصرفلها قبل ميصرف لدارو و جامي عاودتلو عليها و علبالي تهدر عليا و تقطع فيا بصح نخسر عليها غير ربي يهديها و تقعد جدات ولادي مستقبلا

[روح المي]

المشكلة الابدية في رأيي أنه ظلم غالبا من حماة لأنها بنت ناس متحسش ومهيش عبد
وبنتها هي ملاك لي تستحق معامله فوق عادية
ربي يهدي وغالبا لعجوزة تغير من كنتها خاطر سرقة ولدها جبيبها وتكثر مشاكل اذا كانت عجوزة جاهلة ومعدهاش شكون يقلها خافي ربي فيها بنت الناس
مسؤولية كل شابة او شاب اذا شافوا والدت تاعهم غالطه يدلوها ماش يشارجوها خاطر حرام بنات الناس راهم بشر ماش عبيد

[رَكان]

السلام عليكم ..
مجتمعنا المتخلف دينا وعصرنة يعني من كل ناحية هذا المجتمع يعيش أزمة أخلاقية ...فكرة موضوعك يا سيدة مرتبطة بها ارتباطا وثيقا ...في مجتمعنا يحق لكل صاحب مقام رفيع أن يخطئ ولايحق لمن حوله أن يخبروه بأنه أخطأ ..مجتمعنا ذو عقلية بدائية غابية ..المكانة العلية فيه للأقوى والرجل ملتصق به وصف القوة ....عيب مواجهة الزوج ...الأب...أم الزوج ...لماذا قلت أم الزوج ؟؟؟ بسيطة فالأمر مرتبط برجل و الذي هو ابنها ...
الصمت وعدم المواجهة للآخر المخطئ يعطه الإنطباع ( خاصة لدى السذج ) قلت يعطيه الإنطباع بأنه على الحق ..ولم يخطئ ..أو لربما يكون من الصنف الذي يرى بريق الخوف في أعين من يظلمهم ..فيمتعه ذلك ويمعن في ظلمه ..
المرأة تذل وتقهر وتحتقر فإن تكلمت ..عيب زوجك ..درك تنطقي يرميك ويجيب واحدة أخرى ..في بلاصتك
يظلم أخته ويستعمل أغراضها ويسحب المال من رصيدها ويستخدم رصيد هاتفها ...قد يكون أقل سن منها ومع ذلك إن واجهته..فإنها تواجه من طرف الآخرين ...عيب خوك الراجل تاع الدار ...اصبري معاه ..
نحن مجتمع اتفق أفراده على ضلالة .الأمر بالمنكر والنهي عن المعروف ..صحه فطوركم ..ياصايمين ..وصايمات ..

[ام يوسف2]

السلام عليكم مهما كان الواحد مالازمش يكبر الامور انا نسمح من حقي بزاف وساعات نسمع كلام وندير روحي ماسمعتش مع قاع الناس هقدا لانو اذا نعاندو بعضانا ماتفراش والواحد ميفكرش في الدنيا برك انا الحمد الله احسن لجميع الناس ومشكلتي انني اسامح دائما انا وعجوزتي نعيطلها يما وكي شافتني نعاملهم مليح ومانيش تاع مشاكل الخق وش تدير كي نكون في دارنا تخليلي فال مجمد ماراحتش للماكلة كيما يقولوا الكرش طريق راحت للمعاملة ربي يكون الخير وصح سحوركم

[nooriman]

اختى هدا امر مستحيل ام الزوج في الغالب تريد مصلحتها تريد الموالاة لها داىما من ابنها و هي لا تريد الاسترضاء من كنتها بل تريد التدخل الفضول يقتلها

ربي يهديهم

[رضا زوجي غايتي]

بارك الله فيك موضوع رائع