كل واحد يكتب في ولايتو طالبين بطاقة الاقامة في المسابقة والا لا

[rate12400]

السلام عليكم اعضاء منتدى الجلفة
من فضلكم كل واحد يكتب الولاية تاعو...وهل طالبين بطاقة اقامة والا لا
لتعم الفائدة
واللي يخمم يقلك راو يجي واحد من ولاية اخرى يقيحرني في البوصت ربي وكيلو بويسك اي حاجة بالمكتوب واللي يخمم التخمام هذا ماعندو وين يوصل وراو مايعطيهش ربي
...........المهم جماعة ماذابيا التفاعل مع الموضوع وكل واحد يخسر علينا زوز كلمات
(الولاية+طلبو بطاقة الاقامة ام لا) ..........عندك حتى اجر عند ربي لأنو الداعي الى الخير ولو بكلمة ....كفاعله.

[rate12400]

ولا اجاااابة؟

[بيلسان91]

انا من ولاية قالمة طابين علينا شهادة الاقامة

[rate12400]

مرسي اختي تبسة كيف كيف طالبينها

[الفآرسُ المُلثَم]

ولاية سعيدة لم يطلبوا منا بطاقة الاقامة

[younes_01]

اخي الكريم لنوضح امر و هذا من البيان الذي وضعته الوزارة و هو لا يحق لاي احد المشاركة الا في ولايته ... زد على هذا شهادة الاقامة تقدم في الملف الذي يطلب من طرف الناجح النهائي قبل التعيين اضافة الى ملف اخر و هذا كله تجده في صفحة بن غبريط على الفايسبوك.. و كما قلت علمت اني رزقي في السماء و لن يأخذه غيري فاطمأن قلبي

[kameld1982]

ادا كنت تؤمن بالمكتوب شارك في ولايتك واترك المناصب الاخرى في باقي الولايات لاهلها....

[نور الفجر02]

شلف لالا...........

[rate12400]

اخي الكريم لنوضح امر و هذا من البيان الذي وضعته الوزارة و هو لا يحق لاي احد المشاركة الا في ولايته ... زد على هذا شهادة الاقامة تقدم في الملف الذي يطلب من طرف الناجح النهائي قبل التعيين اضافة الى ملف اخر و هذا كله تجده في صفحة بن غبريط على الفايسبوك.. و كما قلت علمت اني رزقي في السماء و لن يأخذه غيري فاطمأن قلبي

مشكووور اخي على الرد .............. الواحد اذا نجح الاقامة يفكرها باذن الله خفت لا نجري على الاقامة ومبعد نلقا روحي عييت وحششمت الرجالة هكاك..........

مشكووور ثانية على الرد والاعمال على ربي نشاله

[rate12400]

ادا كنت تؤمن بالمكتوب شارك في ولايتك واترك المناصب الاخرى في باقي الولايات لاهلها....



اللي ما يؤمنش بالمكتوب راو ماهوش مؤمن لانو الشرط السادس من اركان الايمان هو الايمان بالقضاء والقدر
لكن ربي ماقالكش كتف يديك والسماء سوف تمطر عليك مناصب واموال
انت تقولي نشارك في ولايتي؟ واذا كان عدد المناصب في ولايتي نتاع اختصاصي هو 00 .نكتف يديا ونربع رجليا ونتبع هدرتك؟؟؟؟؟؟؟

[rate12400]

اقدم تحياتي الخالصة لسعيدة والشلف .......ناس ماعندهمش راسيزم.......رانا الكل جزايريين والجزائر راي كل ولاية فيها تعتبر ارض منها ....لا للرازيزم

[" العاقل "]

سؤال لك بصراحة اذا كان في ولايتك خمس مناصب وانت سوف تشارك فيه ولا يشترط فيه الاقامة وجاء شخص آخر من ولاية اخرى يريد ان يشارك هل تقبل بذلك ؟.

[rate12400]

المكتوب بيد ربي ........وحط في بالك بلي الكونكور الكتابي راو فيه قانون اللي جاب ال10 ينجح اللي ماجابش ما ينجحش .....معنتها قادرين يطلبو 300 منصب ويعقبو 1000 واحد وماينجح حتى واحد وال300 منصب يرجعو للوزارة فارغين...لتضفها الى معلوماتك.......رزقك راو مكتوب ليك انما اسعى واجتهد.........اذا المنصب داها براني صحة ليه....... ويخلفلك ربي منصب كيفو والا خير منو.....

نصيحة مني ليك من اخ لخوه نحو عليكم لحسابات والرجعية........هاذي راي فرانسا دخلت نشرت سياسة التفرقة والجهوية والعنصرية
والعروشية .........(كاش ما شفتي انت واحد في فرانسا يقولو عليه هاذا لموشي وهاذا عربي وهذا قبايلي وهذا ميزابي وهاذا من اولاد حارث وهذا من اولاد مانعرف وشي؟)

......من فضلكم ارتقوا ........... بيض قلبك يعطيك ربي.
والرسول صلى الله عليه وسلم قال .....من كان يؤمن بالله واليوم الآخر فليحب لاخيه ما يحب لنفسه.

[محبة الرحمن]

من فضلكم ولاية قسنطينة هل طالبين الإقامة
انتظر كرمكم بالرد
وشكرا

[moh_84]

معسكر طالبين شهادة الاقامة وليس بطاقة الاقامة ا نا ديت لهم بطاقة قالولي لا جينا شهادة تحسب غدي تدي سكن :o

[rauldz]

واش دخل العنصرية في الامر هدا بففف التعليمة واضحة من طرف الوزارة المشاركة تتم بواسطة شهادة الاقامة

[rate12400]

يا راجل بطاقة وليست شهااااادة

[سبيل]

صديقة لي تسأل هل يستطيع من يسكن مثلا في الجزائر وسط المشاركة في مسابقة مديرية التربية الجزائر غرب بما انهما في نفس الولاية
ارجو الرد خاصة ممن سبق لهم المشاركة في المسابقة

[سلمى_2008]

عندي نفس المشكل تقريبا انا مزوجة في باتنة ومزلت مدرتش الشطب في ولايتي لانو كنت خايفة بن غبريط ديرلنا المسابقة في فيفري ومازلو ممدوليش اقامتي الجديدة لانوا المدة لازملها ستة اشهر وليت حبست مدرتش الشطب ولان راني واقعة في مشكل لازم عليا نشارك في باتنة وين ساكنة ضرك مي خفت ميقبلوليش عندي فقط بطاقة اقامة وليس الشهادة

[amine634963]

ولاية المدية طالبين شهادة الاقامة في الملف

[rauldz]

بومرداس طالبين شهادة الاقامة في الملف

[kameld1982]

مع مسيرة المتعاقدين وموافقة الوزيرة على تثمين الخبرة الله راحت المسابقة للمتعاقدين....فقط اعلموا ان تزوير بطاقات الاقامة او استعمال المعريفة للحصول على شهادة اقامة حلال حلال مثلها مثل باقي الاعمال التي تقربنا لله....اقول هدا لانني عندما قلت انها حرام هوجمت بشدة

[rate12400]

لا شهادة لا والو رام غير يصابوطو برك....قلنا اقامة فقط
بويسك الشهادة تتخدم للباسبور ولبطاقة التعريف
واش يديرو في قوانين من ريسانهم؟

[anfal10]

ولاية البويرة طالبين الاقامة و لا لا؟
لي حطوا الدوسي اقولونا و شكرا :mh31:

[balit zaidi]

a bejaia ils ont pas demande la residence

[balit zaidi]

هل طالبو الا قامة في ولاية الجلفة ,ارجو الرد شكرا

[hichamejsk3]

سطيف بطاقة الاقامة مطلوبة

[karima_mino]

اشكرك كثيرا

[anfal10]

:mh5858::mh5858::mh5858::mh5858::mh5858:
لي حط الملف في البويرة اقولي اذا طالبين الاقامة وين راكم؟؟؟
غير انا لي نجوز الكونكور :1:

[karima_mino]

شكرااااااااااا

[rafika1988]

يا أخي حنا في عنابة طلبوا علينا شهادة اقامة وديبلوم وكشف النقاط لاربع سنوات وصورة شمسية
بالتوفيق للجميع

[ياسر ياسين]

من فضلكم ولايتي باتنة و الجزائر هل طالبين الإقامة ؟؟؟؟؟؟؟؟؟؟

[ياسر ياسين]

المسيلة طالبين الاقامة

[koka322]

سكان باعباس هل هناك طلب شهادة الاقامة

[yasmine setif]

هل يقبلو في الملف يطاقة الاقامة للمراة التزوجة اي اقامة الزوج الرد من فضلكم في اقرب وقت

[لحن الحياة.]

دارو الاقامة في كل الولايات خطر ولات تنوض مشاكل