مسالة شرف ... النجدة

[مشكلتي]

السلام عليكم ..
راني حاصلة تاع الصح و مش عارفة كيفاش نبدا لكم بصح خلي نفوت مباشرة في الموضوع انا عمري 20 سنة و ختي كبر مني ب4 سنين و حنا الحمد لله عائلة محافظة بصح ختي لاحظتها و كانها تحكي مع شاب و طاحت في يدي طابلاتها و شفت لميساجات و هدا الإنسان طلب منها تصاوير و زدت شفتها تحكي مع إنسان قاع وحدا خر بصح لي خوفتني و خلعتني انها راسلتلو تصاويرها و كلام بيناتهم قاع ما يسواش راني باغية نعاون ختي لخاطر لحاجة لي دوختني كتر قالها كي يجي عندنا في ولايتنا لي نسكنو فيها لانو الظاهر هو تاني من نفس ولايتنا تجي عندي ؟؟ و قاتلو إن شاء الله و انا ختي نعرفها في ساع تنخدع الورطة اذا راحت عندو و دالها اغلى حاجة لي هي الشرف و العفة تاعها و من بعد لعطلة ترجع تقرا و انا نروح لولاية اخرى تاني باش نقرا و راني خايفة تغلط ديك الغلطة والله بكيت و راني غي نوسوس شاراح يصرا و عايلتي كون يعرفو شا يصرا لهم ؟؟؟؟ سؤالي هو كيفاش نبدا لها بلي على بالي بكلش ... نخافها تزعف تقولي علاه فتشتي في صوالحي بصح غي تزعف مني و ماتصرا لهاش حاجة تدي منها شرفها و عفتها

[faty05]

احكي معاها يا اختي
و اذا امكن ما تقوليلهاش فتشت لكن قوليلها سمعتك و جاوني اخبارك و قالولي ووووو انصحيها و اذا ما حبتش تسمع خبري اي رجل من العايلة يكون قريب ليكم و تعرفي انه ما يكونش ردة فعله عنيفة يعني انسان رزين ابوك او اخوك او خالك او عمك يعني انسان يهتم لامركم
ربي يهديها باش تسمع منكم

[رحمة2016]

شوفي ختي ماتخافيش منها اخرجيهالها هكداك قولها راني شفت تابلات وهاني واش شفت و هاني واش شفت وهدديها و قوليلها نقول طول للوالد

هاد الصوالح مافيهمش تمسخير

لازمك تخوفيها قد ماقدرتي

[غزلانْ]

السلام عليكم

أنتِ أكبر منها " بعقلك " و حسن تصرفك

الفارق أربعة سنوات و بامكانك نصحها و ارشادها

كأن تحكي لها قصة أن هناك فتاة نفس ما هي مقبلة عليه بكل التفاصيل

لكن ترمي من وراء ذلك الي توعيتها و حينها ربما تستشعر

و اطلبي وجهة نظرها في ما رويته لها و من خلال رأيها

يمكنك التمييز ادا ينفع معها النصح و ام ينفع

مجال للتغطية و اخبري

والدتكِ بأمرها هذا هو الحل و لكن يمكن أن تدفعي

الثمن أنتِ أختها نتيجة كل ما قامت به ستكون

ردت فعل كما فعلت و أقدمت عليه أختك ستقتدي بها

.






بالتوفيق لك

[اميرة الابتسامة]

اهدري معاها ديراكت بحكم انها أختك . وحاولو تحكيو لبعضاكم هكذا تقدري تنصحيها في كل مرة وحاجة الهدرة والتصاور الاغلبية راهم حبسولي عقلي بهذي العقلية.أأنا من رأيي أنك تصارحيها بواش شفتي وتنصحيها وقوليلها كون تبقاي هكذا نقول لأمي هكذا بالاك تخاف وتعدل في سلوكها وربي يهديها ويهدينا ان شاء الله

[مصطفى_س]

السلام عليكم و رحمة الله

تكلمي معها بكل صراحة و انما اختاري الوقت المناسب قولي لها ما فائدة هذه العلاقة ؟ هل يريد الزواج ؟ان كان نعم فليتقدم ان كان لا فلتقطع تلك العلاقة مباشرة
النت و الفيسبوك شتتو اسرا كثيرة و بسوء استخدامه انعدمت الاخلاق
انصحي اختك حتى و ان غضبت لا تقلقي
ان تقبلت النصح لا تتوقفي عن متابعتها حتى تتاكدي انها قطعت علاقتها به .حتى و ان اخبرتها اخبري امك ايضا بذلك والام لها طريقة خاصة في التعامل مع ابنتها و والدها لاخباره

وفقكم الله و جمع شملكم

[محمد جديدي التبسي]

ابحثي عن قصص في الانترنت لأشياء مشابهة لما يحدث لاختك ولما تكون الفرصة مواتية قوليلها ارواحي تقراي قصة غريبة وشوفي واش راه صاري وقت يخوف وكثريلها القصص والعبر ذرك تحس ان شاء الله وترجع للطريق او ضعي لها مقاطع دعوية وارسليها لها ..ربي يهديها . واهم شيء اكثري من الدعاء لها وتقربي منها وصاحبيها حتى يكون تأثيرك عليها اكبر. بالتوفيق.

[صبرا13]

السلام عليكم و رحمة الله و بركاته
اذا كانت اختك من النوع الخفيف. يجب أن تفكري بان تخبري امك. قصص " تأتي عندي " و من شخص لا تعرفه. تنتهي بفتاة في مصلحة الطب الشرعي للمعاينة. و أخوة يتوعدون في الخارج. استيقظي و هددي اختك أنها لو تفعل أي شيء ستقول لامك لأخذها لطبيبة النساء.

[~رآقية بأخلآقي~]

نصيحتي إليكِ إذا كنتِ تستطيعين مواجهة أختكِ فواجهيها وإلا فقومي بعمل بلوك لهذا الشخص أو قومي بمسح الرسائل أو أي شيء يدل على أن هناك شخص قد تفطن لأمرها فإن كانت كما قلتِ بنيتها ستتنبه لذلك وأُجزِمُ لكِ بأن الخوف سينتابها وستنتهي من ذلك وإن لم ينفع معها هذا الشيء فحديثكِ معها أيضا لن يُفيد...وان شاء الله ربي يهديها..

[نور لاتراه]

السلام عليكم
ان كنتِ الاقرب لها في عائلتك فستتفهم خوفك
وان كان هناك فرد آخر في اسرتكِ فاخبريه
ليس التفاصيل (باستثناء امك) بل بخوفك من ان تسلك نفقا مظلما
فذلك سيزعزع ثقة اختك خاصة انكما راشدتين وقد يكون له عواقب
فاعرفي كيف تختارين كلماتك
حفظكما الله من كل سوء

[عين الصقر]

واجهيها بالموضوع وان لم تستطيعي فافتحي فايسبوك مزور وضعي فيه صور هاكر وقراصنة وهددي اختك عبر الرسائل بأن صورها التي ارسلتهم لذلك الشخص بحوزتك وستقومين بنشرها وفضحها امام الجميع

[ramzi-messi]

ياو ديراكت قوليلها راني شفت قاع واش راه صاري بيناتكم . و قوليها لماماك باش تلقاو حل و لا قوليها لباباك يمشيلو يوريه لهدرة كي دايرة

[general major]

موقف صعب في ضل التضليل الاعلامي و انعدام الاخلاق
البنت عكس الرجل ادا احبت شخص دهب عقلها و لا تتقبل النصح
انصحيها و ادعي الله ان يحفظها و يبعد عنها الشر و ان استطعت قومي بحدف حسابها على الفيس فعلى الاقل لن تبقى صورها
اللهم احفظ بناتنا من الفتن

[walido_star]

مثل ما قال الأخوة السابقون ، صارحيها مباشرة وافهمي منها ، ربما تكون الحكاية مغايرة تماما
وهدديها بالقول للأخ أو الأب ، وإذا اقتضى الأمر يوقفها الأب عن الدراسة لأن الشرف أهم من الجامعة

[غنية جيجل]

يا اختي تحية خاصة مني اليك لو التقي بك يوما انحني لك تقديرا و احتراما لحرصكي الشديد على شرف اختكي
انصحكي ان تتكلمي معاها غير بلعقل حكيلها قصص مشابهة صرات و يا لوكان من خيالك فكريها بربي سبحانه و قوليلها بلي هاذ الشي حرام في حرام و ماتنسايش حاجة مهمة في هاذ الزمان لازم نتعاملو مع بعضانا فالدار كيما صديقات هكدا مانقدرو نخبيو حتى شي على بعضانا ادعيلها بزاف و ان شاء الله ربي يهديها و يهدينا كاملين امين يا رب العالمين سلام

[نسيم الريح ش]

ادا خرجت معاه صح قوليلها الناس شافوك وجابولنا خبارك وادا سمع الاب يقتلك ممكن تخاف وتبطل ربي يهديها وان شاء الله ما يكون صرا والو

[Hillin]

اوافق الجماعة في الراي
استعجلي قبل وقوع الفاس ف الراس
اي قبل وقوع الحادث
الامور بيدك الانورب سبحانه راهمعاك متخافيش
بالتوفيق ونشا الله يكون غير الخير

[نور الفجر02]

اخبري امك علاه تخافي منها مفروض هي تخاف مش انت

[alialilo]

لمادة هده العاطفة انتي اوقيف
ها عند حدها انك اختها الكبرى بمثابة امها اضربها وكوني لها بلمرصاد قوليها لاخوك لخالك مادا تنتظرين تصرفي لا للعاطفة في هاته المواقف مسالة مسالة شرف الوقت يدهمك

[de alger sheryfa]

اختي صارحيها اليوم قبل غدوة ما تخليهاش تروح للهاوية
بعيد الشر :sdf: