كي شغل حيط قدامو [الأرشيف] - منتديات الجلفة لكل الجزائريين و العرب

مشكلتي

2016-03-27, 15:06

السلام عليكم
كما يوضح العنوان
انا راني كي شغل حيط قدام راجلي وكاني غير موجودة في حياتو
تخيلو الدخلة الخرجة لا سلام لاكلام لايقول ويني زوجتي لايسال لا والو
حتى اذا قدر الله مت ومالله ماعلابالو بي أصلا
والطامة الكبرى حتى في السفر
تخيلوا يا ناس زوجي يسافر لااعرف على الموضوع شيء ؟؟؟ لايقول اين الوجهة التي سيقصدها ؟؟ لماذا سافر ؟؟
ماشي كارثة
يعني حياتو معي رقاد برك
ومثال اخر مرة كنا نتفرجوا في التلفاز ونحن نقلب في القنوات صدفة وجدناهم يتحدثون عن التعدد
قلت له انا بضحكة مارايك في تعدد ؟؟؟
قالي في وجهي طول : " انا كي نحب نعرس باربع نعرس ، واحد ممدخلو "
انا فم راحتلي الهدرة ... وطريقة الكلام كي شغل ماعندو ممدخلك .... صدمة ....
واش هذا ؟؟؟؟

إسلام الفاروق

2016-03-27, 16:15

صراحة انتي عاجبك بزاااف لانو يدير لي في بالو يروح وين يحب لانو راجل و لوكان يقولك راني رايح تحسي كانه طلب اذنك و بوقت يخسر احترامك له
اما التعدد فاليوم ضاع حق الرجل لمذا الله و رسوله لم يشرع الامضاء للزوجة اما اليوم فنعم

هل القانون و حقوق المراة اليوم يعرفون احسن من الله و رسوله ؟

سلام

FroM Hell

2016-03-27, 17:33

نورسين.داية

2016-03-27, 17:47

عزيزتي لأنكي ببساطة أعطيته اكثر من حقه .......تجاهليه أنسيه .........فيق بروحو

مسألة وين رايح و منين جاي .....لا أراها أسئلة مقرر في برنامج الزوجية هه وفقكي الله عزيزتي

صفاء الروح

2016-03-27, 20:08

اختي نقولك اتجاهليه كيما يتجاهلك ضرك يعرف قيمتك
ربي يهديه وعلاواه تزوج

AMINA.Z

2016-03-27, 23:03

مثال اخر عن زواج بدون حب
ربي يعينك و الله

ام كنوز

2016-03-28, 13:34

انا نعرف مثل قالتولي جدة الله يرحمها راجلك كيما ولفتيه وبنك كيما ربيتيه طبقتو ا وعايشة لا بال في انت في البداية مطلبتيش حقك باش تقاسمي حياتوا كي تكون الزوجة مازالها جديدة شغل صفحة بيضاء غير قابلة للمسح مثلا ادا ولفتيه يقلك وين رايح يقعد طول عمرو يقلك ادا توليتي اختيار الستايل تاع اللباس انتاعو يبقى طول عمرو يستشيرك في لباسو هادو حوايج على الولف ماشي عقلية وعلى قسة الزواج اي راجل يحب يهدر هكدا افار رجولة حاولي تقربي من زوجك افهمي علاش راهو يتعامل معاك هكد اكيد حاجة راهي مبعداتو ومتبعديش عليه راهو البعد يكبر الثغرة في زواجك

غزلانْ

2016-03-28, 14:04

السلام عليكم

كل ما في الأمر يعود اليك زوجته لا عليه
لو كنت تسألينه في البداية لتأقلم على ذلك
و بالتالي يُعلمكِ دون أن تسأليه حتى هي مسألة برمجة و
يصبح من تِلقاء نفسه يُخبرك بخطواته
و عن التعدد هو بردت فعله
" انا كي نحب نعرس باربع نعرس ، واحد ممدخلو "
يريدك أنتِ ليس كما تبادر اليك
ما عليك الا محاولة فهمه

بالتوفيق

غنية جيجل

2016-03-29, 14:23

اذا ضاقت عليك الدنيا بما رحبت.ً......اخرج وانظر كيف السماء رفعت
اليس الله رافعها.......قادر على تفريج الكرب وان عظمت
لاتنسي الدعاء و احسني الضن بالله
ربي امعاك

hadil ch

2016-03-29, 16:33

اختي ربي يهديه و يجمع بيناتكم

naimori

2016-03-31, 01:51

من الافضل حاوريه باللتي هي احسن اغرية بمفاتنك اشعريه انك ودود ومحبة .....
ربما هو من النوع الكتوم او لديه مشاكل لاتجعله يستطيع التكلم بحرية معك وربما هو يراك انك انت الباردة هنا او جربك من قبل وراك بلي مراة ممكن مملة او اسلوبك غير مجدي .....
ممكن وممكن يعني مديريش براي مهدمات البيوت الي يقولولك اجبدي عليه قسحيله رايحة تزيدي الطين بلة
الحنانة هي كلشي

ندى العالم

2016-03-31, 17:28

حاولي معرفة شخصيته اكثر حتى تعرفين كيفية التعامل معها
وفقك الله
ماتهتميش بيه بزاف
شويا برك

إنسانة بسيطة

2016-04-03, 09:30

شخصيا في مسائل الازواج احب عن اسمع من الطرفين

نسيم الريح ش

2016-04-03, 15:27

هدا ما يطريه ويجبده ليك غير الدعاء بواف رجال كميما هكداك ما نفع معاهم غير الدعاء دايما بعد كل صلاة قولي "اللهم حنن قلبه " "اللهم اجعل الرحمة في قلبه"وغيرها من الادعية ربي يفرج

هدآية

2016-04-03, 16:50

سلام
اختي ربي معاك ..
حاولي تجديه ليك و تتناقشو و تهدرو مع بعض .. ما تخليش هذ الفجوة اللي بينكم. تكبر .. لانو رح يتأزم الوضع اكثر

blanche rose

2016-04-04, 21:12

دخلت فقط لأشكر من حذف ردودي

de alger sheryfa

2016-04-05, 12:21

اختي نقولك ماتاخديش الامور بجدية كبيرة لا:mad:
حاولي تستغلي الحياة مع وليداتك و ادعيلو بالهداية

❀ مَـلاَكُ الأوُرْكيِـدِ ❀

2016-04-14, 18:03

ربي يفرج عليك

لمسة ابداع

2016-04-14, 18:15

ممكن زوجك من النوع اللي كون يشاور مرتو يحس بلي نقص من قدرووو و تبانيلو بلي رايحة تطلعي فوق راسو اكيد تفكيرو خطأ في خطأ لانك زوجته و شريكة عمرووو
المهم حاولي انتي تفتحي موضوع ما و تتناقشو تديو و تجيبو ومن بعد اكيد راح يرتحلك و يحكي واش كاين في قلبك
ايضاا استمعي الى الدكتور غازي الشمري رايح تتعلمي حوايج بزاااف يساعدوك في الحياة الزوجية
نصيحتي الاخييييييييييييييرة الدعاااااااااااااااااااااااااااااااااااء اللهم ما يسر لي زوجييييييييييي
و شكرااااااااااااااااااااا

خولة سكيكدة

2016-04-14, 19:56

السلام عليكم أخيتي في البداية قرأت بعض الردود في الحقيقة صدمت يحسبون الأمر مسلسل أو شيء هين أختكم في حاجة للنصيحة وأنتن تطلبن منها تجاهل زوجها ؟؟؟؟؟؟
أختي العزيزة حاولي التقرب من زوجك اعرفي مداخل قلبه حاولي أن تعرفي شخصيته أكثر إبدلي قصار جهدط حتى يفهم انه مهم بالنسبة لك لاتقولي له أين كنت بل قولي له انك خفتي عليه من ان يصيبه مكروه وأنه أهم شيء في حياتك أختي العزيزة الرجالمختلفون لكن وحدك بيدك مفتاح سعادتك توددي لزوجك وإياك وتباعد الفجوة كيما نقولو أقتليه بلقدر واكثري من الذكر والإستغفار وان شاء الله ترجع المياه الى مجاريها