أرغب في الزواج

[aouaidjia]

السلام عليكم أنا شاب جامعي شهريتي 15000 يعني إدماج وان نحب نخبي منها يخرجولي فكاير جدد ضعيف البصر يعني لا يمكنوني العمل في محل به زبائن و أريد الزواج ما الحل إنصحوني

[أمل94]

انشاله رب يرزقك بالزوجة الصالحة

[3ahmed3]

لا تياس..
الله يرزقك ان شاء الله
شوف اقاربك يدلوك على من تقبل بك...بالتوفيق..

[صفاء الروح]

ربي يفرج الزواج مسؤولية ودراهم كبااار
ابداها من نهار تخطب حتى تجيب لولاد
ربي يقدر الخير

[صمت الرجوله]

يا اخي جميع العزاب ذكور و اناث يرغبون في الزواج...خليها في ڨلبك خير
...و الحل راه بيدك اصدق النية و توكل على الله ثم ادعي ربي يسرلك في الحلال
موفق

[Dinho]

صراحة 15000 ماديرك والوا خويا العزيز

العيشة راها صعيبة و15000 قليلة بزاف

الا ادا وجدت فتاة عاملة تعينك على صعاب الحياة الزوجية

ولكن الفتاة العاملة لها سلبيات اكتر من الماكتة في البيت
وفقك الله

[(( هبة الرحمن ))]

السلام عليكم
15000 لن يكفيك
البنت قبل الزواج تقولك ماعليش ومبعد كي توصل تبداك : اشريلي ، فلانة خير مني ، وووووووووووو
وكي يجو الأولاد راهي مسؤولية كبيرة ، غير ليكوش 5000 دينار ةإذا رضعت طبيعي راك مليح وإذا رفضت حط في بالك بالحليب تلحق مليون ....واش يبقالك ..
لازم تشوف عمل إضافي ..
الواحد شهرية كاملة ومرسم ومرات يزيد يتسلف باش يكمل الشهر ...

[صفيان 11]

حيبنا اتوكل عل الله هو الرزاق و انت ننك مليحة حاب العفاف ا توكل عل الله و اياك من العاملة غير مع الوقت تولي تحتاقرك و طيح من قيمتك و متباعش اشباه الرجال و اشباه االنساء لي يقولولك الوقت تبدل المعيشة غالية و نساو بلي ربي لي يرزق

[عمي صالح]

السلام عليكم أنا شاب جامعي شهريتي 15000 يعني إدماج وان نحب نخبي منها يخرجولي فكاير جدد ضعيف البصر يعني لا يمكنوني العمل في محل به زبائن و أريد الزواج ما الحل إنصحوني
بسم الله .الرحمن .الرحيم
الحمد لله. رب. العالمين والصلاة والسلام على أشرف. الأنبياء والمرسلين وبعد:
السلام. عليكم و رحمة. الله و بركاته
جزاك. الله. خيرا. على الإستفسلر القيم . و بارك .الله. فيك

اسأل الرزاق من بيده حوائج الناس جميعا وأجعل ثيقتك به قوية

أحق لك من سؤلنا ولك الحديث : { ( صحيح ) عن ابن عباس رضي الله عنهما قال : كنت خلف رسول الله صلى الله عليه وسلم يوما فقال : " يا غلام ألا أعلمك كلمات احفظ الله يحفظك احفظ الله تجده تجاهك إذا سألت فاسأل الله وإذا استعنت فاستعن بالله واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك ولو اجتمعوا على أن يضروك بشيء لم يضروك إلا بشيء قد كتبه الله عليك رفعت الأقلام وجفت الصحف " }

و السلام. عليكم و رحمة. الله و بركاته

[نسيم الريح ش]

كي انويت الحلال ربي يسهل ان شاء الله شوف بنات الحلال بزاف وباغيين السترة وما تطولش الخطبة باش ما تكلفش على روحك وشوف فاميلتك يساعدوك اشرط عليهم الهدايا يمدوهملك دراهم ودير عرسك