قولولي واش ندير

[مشكلتي]

ارجوكم عاونوني بالتقدرو عليه
نحكيلكم حكايتي كاين واحد حاب يتزوج حكاولو عليا جا وشافني من بعيد وانا شفتو تاني ولقدموه لي فهموه بلي لاحاب يتقدم يدحل من الباب ماكانش الطرق الملتوية وهو تاني شكرولي فيه وقالولي متربي تقيل شوية يعني رزين انا عجبني الحال خاطر نانحبش لطايرين وناوية ننستر ويكون كلش بما يرضي الله المهم شافني من بعيد وانا تاني وبعد طلب رقم الهاتف باش تكون لكل واحد نظرة على التاني مرت مدة شهرين ونص كلمني اربع مرات لمدة قصيرة لما استفسرت امي عن الموضوع ردت امه بلي هوما قابلين بصح هو راه يقول بلعقل علاش راكم مقلقين وبحكم انو يخدم خارج الولاية وفي المجال العسكري بالي شغل راه موسوس شوية او راه يثسثي فيا راه مرات يقولي شغل كلام (كلام عادي جداماشي خارج عن الطريق)مثلا قالي نحسو يجرب فيا مجرد شكوك فقط رغم انو كيما قلتلكم كلمني 4 مرات فقط حتى نحس بلي راه بطل
راه محيرني اسكو واحد رزين يكون لهدا الدرجة ام ماهدا
قولولي واش رايكم في هدا الانسان واعطوني نصايح تفيدني
راني موسوة بلي بالاك حاب يليكيديني بالضرافة

[naimori]

انت صبري ومتقلقيش المجال العسكري صعب وراهم في ضغوط حاليا والاستقرار صعب ايضا ممكن راه يفتش في خلفيتك واش علاقتك بالارهاب اولا من اجل التحقيق والله اعلم

[صفيان 11]

انتي تقولي نبدا بيما يرضي الله و نتي راكي هدرتي 4 مرات معاه خلونا من التنوفيق تاعكم فالك باش يعرفني او نعرفو هو واش ارباحتي السيد بلاك كاش ما سمع هدرة منةك مقنعاتوش راو حاير صلي صلاة الاستخارة ربي يورلك الطريق و خطيك من الهاتف

[hadjer algerian]

انا نقول من رايي ياك حاب يخطب و شافك و شفتيه يعرفك دكا يعرف داركم عرف انك موافقة مبدئيا استخيري و فوضي امرك لربي و خرجيه من راسك جاء اللهم ما بارك ما جاش مافيهش الخير ما يهمكش اذا موسوس ولا بطل نتي اربحي راحتك

[بسمة تنتظر فرحة]

ربي يهديك للخير

[اميرة الابتسامة]

مافهمتش القصة قدقد بصح اذا مازال ماجاش يخطب على راكي تحكي معاه ؟ناويك للحلال يجي ومن بعد يتعرف ماشي كيما راهم يديرو ظرك يتعارفو مليح من بعد يتفكرو الخطبة .

المهم أختي ربي يسهلك و يسسرلك أمورك .