هل أنا مخطئة في تفكيري؟؟

[مشكلتي]

السلام عليكم ورحمة الله تعالى وبركاته

أردت أن استشيركم في أمر يخصني ويورقني....

أنا طالبة بالمدرسة العليا للأساتذة وهذه آخر سنة إن شاء الله..مخطوبة وبإذن الله خلال عطلة الصيف سأتزوج...مشكلتي تكمن في عملي..تحدثت مع زوجي حول هذا الموضوع مرارا ورغم أنه أبدى إنزعاجه من كوني سأعمل لكنه أبدا لم يجبرني على أن أتخلى عن عملي بعد تخرجي...لكن بصراحة أنا التي أود التخلي عن الوظيفة أريد أن أستقر في بيتي وأحافظ على زوجي وأولادي إن شاء الله...أ لا أتخيل نفسي عاملة وربة منزل في نفس الوقت قد تقولون لي أن الكثيرات عاملات وربات بيوت ممتازات وأنا أشاطركم الرأي لكن أنا ضد هذه الفكرة..صارحت عائلتي برغبتي ولكم أن تتخيلوا ردت فعلهم...حرب بأتم معنى الكلمة قامت علي واتهموني بأني أنانية وأني لم أفكر في تعبهم وتعبي وبأني سأتخلى عن حلمهم وحلمي بهذه البساطة خصوصا وأن العمل ممضمون إلى حد ما ...شخصيا لا أعتبر تعبي سيذهب سدى لأن العلم يبقى سلاح كما أن زوجي والحمد لله مرتاح ماديا..لا أدري هل تفكيري سليم أم أنا مخطئة؟؟؟

بارك الله فيكم ودمتم في رعاية الله وحفظه

[صفيان 11]

ربي بارك في زواجك ختي انتي نعم الزوجة اه لوكان اشباه البنات يخمو كيما انتي و الله غير الدنيا تكون مليحة مي تلقاي واحدة تخرب دارها علجال الخدمة و الرجل لي يدي امراة تخدم هو ديوت ماشي راجل او طامع في شهريتها دوك يعلقو اشباه النساء يقولولك متخليش خدمتك هدا هو سلاحك اخ من القوالب تاع خورطي

[مصطفى_س]

السلام عليكم
هذا رأيي
المرأة مكانها البيت و تربية ابنائها تربية سليمة ان كان زوجك لا يمانع فهذا جيد لك فالزواج مسؤولية و منها تربية الابناء و ما اجملها ان كان هناك ابناء بارين و صالحين والله كنز في الدنيا
اما عن اهلك ممكن سيغضبون اياما و مهما غضبو فهم اهلك بمعنى لن يتخلو عنك و عن العلم لن يذهب سدى بالعكس نعم الام المثقفة و ربة البيت و عن المصاريف هههههه راهي صدقة عليك

بالتوفيق ان شاء الله

[نورسين.داية]

نهاية هذاالقرار هي في بيت الزوجية ؟؟؟؟؟؟؟؟؟؟؟؟


خلاص ......تزوجي و قرري ما تشائين ربي هينك و يعطيك الثبات في القرار برك .......


وفقي الله عزيزتي

[إسلام الفاروق]

انتي حرة
المهم قرارك ياتي من قناعتك النفسية دون اجبار حتى لا يؤثر على العلاقة الزوجية

سلام

[ميما اللئيمة]

كملي وادي الشهادة ، و ممبعد ديري وش انتي تحبي ، هدي حياتك عيشيها كيما تحبي انتي ، في حدود الشرع ، الحياة اقصر من ان نجوزوها نقراو و نخدمو !!!!! و كي تخلص لا نتذكر دقيقة واحدة كنا فيها سعداء حقا !

[لمسة ابداع]

السلام عليكم ورحمة اله و بركاته
اختي ماكيش حابة تخدمي و هدا حقك واحد مايقدر يحتم عليك
و زيد قلتي بلي زوجك مرتاح ماديا الحمد يا ربي
مكانش قد الاستقرار
ربي يوفقك اختي

[فآإط♥̨̥̬̩مـ♥̨̥̬̩ة]

هذه الحياة مراحل تنتهي مرحلة وتبدا مرحلة اخري وللاسف الشديد انتهت مرحلتك في الاجتهاد في دراستك وبدات للتو مرحلة جديدة وهي الاجتهاد في حياتك الزوجية هذه عن وجهة نظري لكن القرار الاول والاخير اليك فاحسني الاختيار

[~أمة الله~]

عليكِ السلام ورحمة الله وبركاته أختي
وربّي يهنيك ويسعدك ويتمم زواجك بخير ...
أختي لستِ مُلزمة بمصارحة الأهل الآن، لأنّك بعد التخرّج ستكونين في بيت زوجكِ بإذن الله، فهُناك تُقررين ما تشائين وهُو المسؤول عنكِ.
لذلك لا تقلقي من كلامِ أهلكِ، لا تٌناقشي الموضوع معهم مرّة أخرى
وكي تتخرجي إن شاء الله، ربّي يعمل تاويل كما يُقال
وفقكِ الله

[solinne]

والله ستكونين جوهرة في بيتك
خذي الشهادة وبعد الزواج قولي لاهلك بانك لم تتحصلي على وظيفة مناسبةوان شا الله ربي يرزقك الحمل وديريه سبة تاني
ما تعانديش والديك راهم كبار ويحبو بنتهم ترجعلهم تعبهم بصح واش يضمنلك لوكان كي تخدمي راجلك يقبل تعطيهم من مصروفك والله راح تولي في دوامة مشاكل ما تقدريش تخرجي منها بين زوجك واهلك
نصيحة من عندي خلي لكل جنس وظيفتو في هاذي الحياة والسلام

[محمد جديدي التبسي]

مصيرك بيدك مادام ستكونين متزوجة بعد التخرج ان شاء الله حينها اتخذي قرارك في بيت زوجك.. ليست المشكلة في ان زوجك مرتاح ماديا بل ان مكوثك في البيت هو راحة لك والعمل في التعليم عناء للمرأة واسألي الأستاذات كثير منهن يتمنى التخلي عن العمل لكنهم رزقوا بأزواج طماعين او انخدعوا بالماديات دون مراعاة للاختلاط والمحرمات... ربي يكثر من أمثالك ويتم زواجك على خير ويسعدك في حياتك

[غزلانْ]

السلام عليكم


" لم يجبركِ على العمل " و " لم يمنعكِ عن العمل "
و كان قراركِ
" التخلي عن العمل " قرار سليم و لم تخطئي
عن والديكِ فلتعذريهم اعتبريه خوف على ابنتهم " يبقى العمل سلاح للمرأة "
ان ربطوه بظلم بظروف معينة ربما هم على حق هي نصيحة



و يبقى قرار في محله
و ان شاء الله من خلال طرحك يكون
" اقتداء لكل عاملة بالتخلي عن عملها فبيتها أولى من عملها الاّ لمن لها ظروف هذه حالة أخرى"


بارك الله فيك

[AMINA.Z]

تبعي راي والديك يا الاخت
هوما عاشو و عارفين مليح واش راهم يطلبو منك
غير والديك اللي في الجنيا هادي اللي يتمناولك الخير من قلوبهم
و حكاية المراة ما تخدمش اي كانت بكري ...ردي بالك .

[سيف الدين الطيار]

سبحان الله.
.
.
.
.

..
.
.

[nasser26]

نهاية هذاالقرار هي في بيت الزوجية ؟؟؟؟؟؟؟؟؟؟؟؟


خلاص ......تزوجي و قرري ما تشائين ربي هينك و يعطيك الثبات في القرار برك .......


وفقي الله عزيزتي

وأين تريدين نهاية قرارها ؟ أليس بيت الزوجية نعمة من نعم الله ؟ لم تتعجبين ؟ ... ربي يهديك

الناس معادن

[faty05]

راني حاسة قرارك بالتخلي عن العمل جاء بعد كلامك مع خطيبك و هذا التردد جاء بعد التحاور مع اهلك
انا ما نقولك حبسي ما نقولك بالاكي
انا نقولك ديري وش يساعدك و اتخذي القرار لي ترتاحي بيه
استخيري

[naimori]

لالا راكي صحيح في طريق الحق دارك تستر عارك كلش بقناعتك

[صفيان 11]

تبعي راي والديك يا الاخت
هوما عاشو و عارفين مليح واش راهم يطلبو منك
غير والديك اللي في الجنيا هادي اللي يتمناولك الخير من قلوبهم
و حكاية المراة ما تخدمش اي كانت بكري ...ردي بالك .

يا لطيف من هد العقلية لي عندك انتي باينة من عبادة المال الهدرة تاعك غير عل الفاني يا لطيف

[AMINA.Z]

يا لطيف من هد العقلية لي عندك انتي باينة من عبادة المال الهدرة تاعك غير عل الفاني يا لطيف

اولا تعلم اسلوب الظرافة في الرد و الخطاب.
ثانيا كل هذه الدنيا و الارض فانية بما فيها و عليها و منها مطالبي و مطالبك ...كلها متعلقة بالدنيا ..فلا داعي للتمثيل.
ثالثا العمل يجلب المال اكيد ..لكنه يحفظ كرامة المراة (و هذا رايي الشخصي و لا الزم به احدا)
رابعا ..رايي خطا يحتمل الصواب و صواب يحتمل الخطا و انا الوحيدة المسؤولة عنه....فكان بامكانك الرد باسلوب محترم او المرور عليه مرور الكرام.
سلام

[اياد حياتي]

ايه اختي والديك تعبو عليك وما تالي تكافءيهم هكذا وزيد من مدرسة العليا يعني مهنة مناسبة للمرءة اوموا رجعي خير والديك وفرحيهم ومبعد حبسي ولا داعي للتفلسف للبعض هذه صراحتي وراي كاين وكاين الي نعرفهم حبسو خدمة علا جال راجل واختي وحدة منهم وايه خدمتو لاباس يخلص حتى قريب 6 ودارو هايلة بصح اختي كي نشوفوها تقول مزوجة بفقير الله يهديه يصرف على كلش وعلى روحها حتى تداوس معاه.....وكاين نسا قاعدات فالدار وتصيبها عند باب دارها تهدر في الزنقة مع مولا سردين وهي كاشفا على روحها ولا حتى تسيق وهي بالفيزو قدام دارها ورجال رايحين جايين وهاذو شايفتهم عيني ......موفقة

[صفيان 11]

اولا تعلم اسلوب الظرافة في الرد و الخطاب.
ثانيا كل هذه الدنيا و الارض فانية بما فيها و عليها و منها مطالبي و مطالبك ...كلها متعلقة بالدنيا ..فلا داعي للتمثيل.
ثالثا العمل يجلب المال اكيد ..لكنه يحفظ كرامة المراة (و هذا رايي الشخصي و لا الزم به احدا)
رابعا ..رايي خطا يحتمل الصواب و صواب يحتمل الخطا و انا الوحيدة المسؤولة عنه....فكان بامكانك الرد باسلوب محترم او المرور عليه مرور الكرام.
سلام

لعمل يجلب المال اكيد ..لكنه يحفظ كرامة المراة قوتلك انتي من عبادة المال تموتي عل الدورو لوكان جا عندك تقوى الله تغرفي بلي ربي لي كرمك ماشي المال يا خي حال تفكبر منحط