زوجي كرهلي حياتي !!

[مشكلتي]

زوجي كرهلي حياتي ديما ينتقدني يقولي بلي نعجبو و في نفس الوقت ديما يحسسني انو انا منعرفش نتصرف وو هو الانسان المثالي ، القافز ، هو لي قاعد يضحي و ببذل جهد على جال عرسنا و هو الضحية وانا الانانية لي نحوس غير على مصلحتي مع العلم اني مزال على عرسي اقل من شهرو ماحوست على فستان ولا حفافة ، يقولب متخمميش فيا و تخرجيني من خدمتي بش نقضيو للعرس ، مع اني انا تاني مطيشة قرايتي و معليش ، ديما يقولي فيك و فيك ، و كي نقولو حبس راك خنقتني راك كرهتني فروحي و فيك يقولي حاابة تقعدي هك اقعدي منزيدش ننتقدك ، و يرجع ينتقدني ، النشكل مانيش فاهمة علاواش ينتقد ، يخرجلي فالعيوب منين ميكونوش ، كيفاش ندير دك غششني على الشعرة حنقولو مادام مش عاجبتك روح حوس على وحدة مثالية زيك و اخرج من راسي ... كرهت هل انا مكبرة الموضوع ؟!

[سيف الدين الطيار]

مكبرة الموضوع..
.
.
.
.
.
.
.oui
.
.

[ابراهيم داود]

هذا ليس مشكلا بل مجرد ضغط العرس.... ربي يسهللكم الامور وكبري بالك

[AMINA.Z]

كثرة الانتقاد منبوذة ....حطيلو حد من الان ...هذا مازال ما عرفكش مليح و ما خلا ما هدر بعد الزواح و العشرة واش يصرا !!!!!
نقصي معاه الكلام و بعدي عليه هاذ الفترة لانها فترة ضغوط
و ما فهمتش لاه لازم تخرجو تقضيو للعرس كيفكيف !!!
ربي يفرج عليكم

[صمت الرجوله]

غير بلعقل اختي ..بنات جيجل مداريين عندهم صدر واسع ...لاباس ماتكبريش الموضوع و ساعفيه راه ماكانش انسان كامل و حاولي تصلحيه من بعد العرس ان شاء الله بالحيلة نتاعك بطريقة غير مباشرة.....
ملاحضة: خليك من الجماعة لي راها تقولك زيريه و حطيه عند حدو...و ردي بالك تخسري زوجك لسبب تافه
موفقة

[naimori]

انتي نحي الملح من كلامو وزيدي العسل ليه راه راجلك وفحل ينتقدك حاب يطورك حرارة الانتقاد تجي من قلب محب جدا .... التزمي بيه ومضيعيش حياتك يبتليك ربي بغيرو مايغيرش وماينتقدش موش قافز

[muhibbat rrasoul sws]

صعب الإجابة
صلي وتضرعاالى الحكيم الخبير الذي لا يخون

[yako02]

مكبرة الموضوع و انا متأكدة الانتقادات نتاعو ليك بسببك انت نقولك علاش لانو اكيد اكيد كل حاجة تحبي ديريها تقوليلو عليها سواء على مشتريات العرس او غيرو خاصة العرس كل تفاصيل راكي تخبريه بيها و اكيد الرجال ميحبوش هكدا و هو بلاك ينتقد فيك غير هذي الفترة لانها فترة ضغوطات و نصيحة خففي الالتزام الدائم و حكاية كل تفاصي معه هذه الفترة انتي وجدي لعرسك و هو كيف كيف لكن متقطعيش الاتثال بيه فقط من باب الاطمئنان عليه و مجاملته قلييلا بحكم انه زوجك لكن اياك و تفاصي التي تعكر المزاج
مبروك عليك حنونة و ربي يكملك بالير و الهنا و على شهر ان شاء الله نسمعو الزغاريد و تعيشو في سبات و نبات
تقبلي مروري

[Saif al-Islam]

زوجي كرهلي حياتي ديما ينتقدني يقولي بلي نعجبو و في نفس الوقت ديما يحسسني انو انا منعرفش نتصرف وو هو الانسان المثالي ، القافز ، هو لي قاعد يضحي و ببذل جهد على جال عرسنا و هو الضحية وانا الانانية لي نحوس غير على مصلحتي مع العلم اني مزال على عرسي اقل من شهرو ماحوست على فستان ولا حفافة ، يقولب متخمميش فيا و تخرجيني من خدمتي بش نقضيو للعرس ، مع اني انا تاني مطيشة قرايتي و معليش ، ديما يقولي فيك و فيك ، و كي نقولو حبس راك خنقتني راك كرهتني فروحي و فيك يقولي حاابة تقعدي هك اقعدي منزيدش ننتقدك ، و يرجع ينتقدني ، النشكل مانيش فاهمة علاواش ينتقد ، يخرجلي فالعيوب منين ميكونوش ، كيفاش ندير دك غششني على الشعرة حنقولو مادام مش عاجبتك روح حوس على وحدة مثالية زيك و اخرج من راسي ... كرهت هل انا مكبرة الموضوع ؟!

هههههه ، مشكلتك يا أختي هي أنك ما تزالين منصدمة من الإنتقادات لا غير ، الخطيب أو الزوج دائما يريد أن تكون خطيبته أو زوجته مثالية ، فهذا ما نسعى إليه بطبيعتنا ، و لكن الكمال للّه عزّ و جل .
و أنصحكي يا أختي الكريمة أن تسمعي كلامه بلا أن تنتقديه أو تعانديه ، و قولي له كلّما ينتقدكي " أنا خطيبتك و زوجتك المستقبلية أسعى لإرضائك فيما تراه صائبًا " ، و اللّه بهذه الكلمات ستلاحظين إنخفاض نبرة كلامه و إنتقاده لكي ، و المشكلة الكبيرة التي يعاني منها الكثيرين مثل حالتك يا أختي هي " العناد " ، و العناد و تعصب كل طرف لقوله يولّد حرب كلامية و إنتقادات بالجملة و ربّما خيالية أصلاً .
خطيبك بإنتقاداته هذه يريد منك أن تكوني أدن صاغية ، يريد أن يمسك مقود التوجيه و القيادة ، يريد أن تكون له الكلمة الأخيرة قبل التنفيذ ، هذا كل شيء ، و إن رأيت أنّ هناك ما يزعجه حقًا حاولي تغييره ، و سوف ينتهي كل شيء و تصبح أمورك جيّدة معه .


>> تحياتي الخالصة إليك :19: << Saif al-Islam

[matrice12]

اريد فعلا ان أقول كلام جميل مثل البقية و لكن الصراحة راحة حسب تجربتي الخاصة فإن المشاكل الموجودة قبل الزواج تستمر حتى بعد الزواج و عدم الإرتباح و الشك في العثور على العنوان الصحيح يستمر حتى بعد 20سنة زواج

[*قطر الندى*]

اللي قالو matrice 12 صحيح..... واختي نقولك حاجة تبانلي انتو للزوج فيكم عفايس ماشي نورمال

هو الانتقاد
و انتي ماتعرفيش تتصرفي
يرحم باباك كيفاش على العرس شهر و نص و مزال مكيش موجدة روحك ؟؟؟؟؟؟؟

عندو الحق كي ينتاقدك ...........اقفزي كيما يقولك .....اسمحيلي على هاد الكلام ....مي هادي الصراحة

اختي ..........هادا بالنسبة لأمور العرس

اما إدا كان ينتاقدك عالطالع و النازل ............آآآآآآآآآآآآآآآآ هنا لالالالالا ....

الخطاب نورمالمو رطااااااااب ...................................لازم تشوفي و تقدري الوضع اللي راكي فيه ...و زيد مازال ماوقعش الفاس في الراس ...

لكن ادا كنتي تشوفي فيه امور مليحة و لا تقدر بثمن ......يعني في شخصيتو ......و في نفس الوقت شفتي في روحك وحدة قادرة تقفز و تفوتو بالشطارة و القفازة و الفياقة ....هنا نقولك كملي ............وعلى اية حال القرار لك ......

بالتوفيق ......سلام

[blanche rose]

في زوج راكم تحت الضغط لأنو بقا شهر للعرس
فحذاري ثم حذاري

ما تكثروش الهدرة لأنو رايحة تكثر الخلافاااات

هاذ الفترة خطيرة جدا..وبزاف اللي يحبسو خلالها ومن بعد يندمو

ضرك ما نقدرو نقولولك عليه والو
لأنو مضغوط هو تاني..حاولي تتفهميه
وقللو الهدرة باش واحد ما يجرح الثاني..وواحد ما يتعمر قلبو..

وزيد وجدي حوايجك وحدك علاش تخرجيه من الخدمة؟؟!!!!
حتى هو عندو شغالاتو وعرس يوجدلو

وواش راكي تستناي باش تكري لا روب وتشوفي الحفافة؟؟
وما تقوليليش رايحة تشوفي لا غوب معاه تاني!!!!!

اقضي أمورك وحدك وهو يقضي أمورو وحدو

وبعد العرس..كي ينتقد حاجة..راجعي نفسك ومن بعد قرري اذا عندو حق او لا..

المهم ضرك وجدي للعرس..وكي تتزوجي رانا هنا ان شاء الله حبيبتي

ربي يسعدكم

[blanche rose]

اريد فعلا ان أقول كلام جميل مثل البقية و لكن الصراحة راحة حسب تجربتي الخاصة فإن المشاكل الموجودة قبل الزواج تستمر حتى بعد الزواج و عدم الإرتباح و الشك في العثور على العنوان الصحيح يستمر حتى بعد 20سنة زواج

وتجربتي تقول العكس
يجب أن نراجع أنفسنا دوما لأننا نتخاذل في أحيان كثيرة
ونتغير دون أن نحس
وان لم ينجح أسلوب يجب تغييره وهكذا
لكن يجب أن يكون السعي للأفضل منذ البداية وليس بعد أن ييأس الطرفين..

ولكل شخص تجربة تختلف عن غيره..

[غزلانْ]

السلام عليكم




أضحكتني يؤرقك انتقاذه ويكرهلك حياتك و مع ذلك ترضينه
تلك الأيقونة المصاحبة للعنوان " رقص على انتقاذ " ' أمزح معك''
كلاكما في فترة قلق لا غير خصوصا مع موعد اقتراب العرس
و عن مسألة الانتقاذ ليست بالمشكلة اطلاقااا كيف ذلك ؟
اذا كان هناك نقذ لأمر معين سايريه و سايريه
و وافقي انتقاذه وتقبليه وحينها سيخف انتقاذه لك و من خلال و من منطلق هذا سيتلاشى
انتقاذه



و لا تكبري الموضوع

[رصاصة رحمة]

كبري بالك حنونة هدا كامل من الضغط كيما قالو انا والله كي كنت مخطوبة المشاكل لي صراتلي مع راجلي يعلم بيه غير ربي بسح ضرك الحمد لله صبرت وعقبت كلشي المهم ماتقلقيش روحك ومتنسايش تعرضيني في العرس ههههههههههه

[solinne]

اما انا نقولك مادام راكي حابة يقضي معك حوايجك معناه انتي ما عندكش قرارات تتخذيهم وحدك وانتي الي ولفتيه تسقسيه على الصغيرة والكبيرة وهكا تفقدي الثقة في نفسك خليك قوية وفري صوالحك انا كي كان باقي شهر لعرسي لاروب كنت مخلصتها والحفافة عاطيتها العربون وقشي كامل كملتو وطويتو وخبيتو في لي فاليز همال قفزي على روحك وقومي عرسك الشطارة تبدا من ضرك
ربي يهنيك يا ختي

[Golden Princess]

اوافق الاخت blanche rose اعتقد انها ضغوطات العرس فقط

وفقك الله