مشكلتي

[مشكلتي]

السلام عليكم

فتاة في العشرينات ما كان يشغلني ولا شيءالا دراستي و هواياتي كنت راضية بحالي و الحمد لله.لكن انقلبت حياتي بسبب ظروف واشخاص خلاوني نشوف انو الزواج امر صعب و الفتاة سلعة يمكن يخيروها و يمكن لا. بدات الحكاية لما تزوج اخي الدي يكبرني ب 14 سنة بفتاة في سني بعدها انجبت طفل.بصراحة كي نشوفها مع ابنها تمنيت نكون ام مثلها صرت نخمم بزاف في امر الزواج وحبي للاطفال كبير حتى اثر على دراستي .و الحادثة لي قاستني اكثر هي اني كنت مع صديقاتي يعني جماعة جاء راجل ووقف امامنا و كأنو يميز فينا حتى جاء لوحدة هي الاجمل فينا عيطلها و تكلم معاها . انا والله غير نتمنالها كل الخير تلك الفتاة لكن هديك الطريقة مش مناسبة امامنا كبنات كانو قاسنا في انوثتنا.ولا مرة جاني خاطب حتى في الشارع صحاباتي يشوفو فيهم الرجال و انا لا سبحان الله .احيانا نقول لاني بدون ماكياج و انا صراحة عمري ما وضعتو نحب نكون على طبيعتي. كبرت و عرفت صح الراجل ما يهمو في الزواج غير الجمال و للاسف لو كان بامكاني نشري الجمال لوكلن شريتو باش نحقق امنية الامومة احيانا نحير في بنات يقولو جاني اكتر من 20 خاطب نقول وشنو هو السر اكيد هي شابة .علابالي بلي تقولولي الجمال هوجمال الروح و العقل من فضلكم اني نتكلم عن الواااقع لي يخلصو فيه البنات قليلات الجمال للاسف .
هده عي مشكلتي وانا ككل فناة تتمنى الزوج الصالح .
نستغفر الله ونتوب اليه

[حمزة_89]

وعليكم السلام ورحمة الله وبركاته

لا شك ان الزواج ،و الذرية أمر مهم في حياة الانسان ، لكن لا تجعلي هذا الأمر محور حياتك ...

كوني واثقة أن الله كتب لك نصيب في زمن ما ومكان ما لكن لم يحن وقته بعد

ركزي في دراستك وهواياتك وحققي النجاحات فيهما

كذلك ادع الله في صلاتك ان يوفقك للزوج الصالح والذرية الصالحة

[" أمة الله فاطمة "]

السلامُ عليكم

حبيبتي اعلمي بارك الله فيكِ انه ليس معناه ان كل من كسبت جمالا ظاهريافانها ستظفر بزوج...
اختي انت مؤمنة ، ارضي بما كتب الله ونصيبك سيأتيك حتى لو انطبقت السماء على الارض لكن علمها عند الرحمن
اكيد كل فتاة تحلم بانشاء اسرة وابناء وزوج يحميها ويسترها...
وانت ماشاء الله مازلت في مقتبل العمر فلا تفكري في امر يدبره الله...

اكثري من الدعاء والحي فيه ...واياك اللجوء لامور تغضب الله لظفر...


وفقك الله ورزقك الزوج الصالح...

[ميما اللئيمة]

اختي ، والله و الله والله ، السعادة مش فالزواج !!!
نقلك حاجة ، انا عرسي بعد سمانتين ، مش غير منيش فرحانة ، ما كريت غوب ما حوست علا حفافة لوكان لقيت الموت بالدراهم نشريها ، راني ندعي بالموت نهار و ليل ..
و الله العظيم راكي في نعمة تمنيت من ربي نكون فبلاصتك عندي نعمة راحة البال ، والله منحوس عالزواج
راني غير نقولك فالهدرة هدي بش تعرفي ، بلي تقدري تكوني سعيدة و فرحانة حتا اذا متزوجتيش !
حسي بالنعمة لي عندك راكي صغيرة ، اخرجي افرحي حوسي فهد الجو المليح عيشي ، كاين ناس متزوجات و متمنيين نص الي عندك ..
و ماكيش حتفهميني حتا تحسي بالنار لي في قلبي بعيد الجر عليك ، مانتمناهاش لعدويا
افرحي و الله هدي اجمل ايام حياتك غمضي عين حليها تلقاي روحك فالتلاتين و الربعين

[ميما اللئيمة]

و نزيدك من الشعر بيت ، كي حكيتي علا مسالة الجمال .. الزواج بالمكتوب مش بالزين
انا عندي اختي كبيرة عليا بعام ، هي ملكة جمال و انا اقل من عادية
الناس يفرقو بيناتن فالمعاملة كي عادت خير عليا
امي لي هي امي ، تعايرني و تحبها ، تحكي معاها هي ، وانا و لا كاني موجودة عمبالك وش يعني يماك تعاملك علا اساس الدنيا بالوجوه ؟!!!
بابا يحكي معاها غير هي ، خواتاتي يحنو عليها و يفرحو بيها وانا حتا نهار الحنة تاعي ، يشكرو فيها وانا ماخسروش عليا حتا كلمة جيتي باشعة
بصح مكتوب ربي انا تخطبت و هي لالا

لا انا سعيدة بالزواج
و لا هي مقلقة من مسالة العنوسة
السعادة في الرضا مش فالزواج صدقيني

[غزلانْ]

السلام عليكم

بالنسبة لزوجة أخيك
غيّري تفكيرك الى كما كتب الله لها و ارتبطت سيأتي نصيبك أنتِ بالدعاء و الاحاح لا المقارنة من منطلق نفس السن كما ارتبطت لابد من أن ترتبطي

ركزي في دراستك و استغني عن الفكرة لأنها ستجعلك في دوامة و تتولد لديك وساوس

و عن الجمال يكون ذا أولوية كل رجل يريد الارتباط و لا أحد ينكر الاستغناء عنه

في حين ستكون لديكِ ميزة عوضا لجمالك غير ذلك اسمها البشاشة فما فائدة الجمال و عبوس الوجه
و لتتأكدي اذا تلقى الشاب كل اللامبالاة من أيّ فتاة يريدها ستكون حلمه فلتتخذي هذا كمبدأ


و على سيرة شراء الجمال سيكون ثمنه أغلى ان ارتأيِتِ من وراءه " لفت انتباااه الشباب"

ردّااا لكَ أخي
السلام عليكم


ان كان كما ذكرت "طياح المورال" ليس هذا الغرض بل المغزى " تطلاع المورال "
و لو فيه جرح فأعتذر بدوري لصاحبة المشكلة
كل ما في ملخص القصة كان حول ما تريد الوصول اليه صاحبة المشكلة

ليست راضية بما منّ عليها الله من نسبة " الجمال " و تقارن نفسها

و عدم " التفاتة الشباب اليها" بينما " صديقتها تتلقى طلبات صداقة مثلا و السبب هنّ جميلات"

و من هنا صديقاتها سيكون اقبالهن لعرض أي شاب سيكون ثمنه

باهض مقارنة معها " هي " و لكن حسب كلامها تتمنى أن تكون

كاحدى صديقاتها و بينها و بينهم " هي الأفضل " مقارنة

و القصة فيها عبرة لها " لعدم تقبلها لما رزقت من جمال لا هي بمتقبلته "

عموما ان كان كما ذكرت أعتذر بدوري لصاحبة المشكلة

و لكَ يا "أخي " الفاضل لا اعتذاااار بين " الأخ " و "أخته "

تقديري احتراماتي أستاذي و يبقى هذا " المغزى و الهدف " نتعلم منكم و ان كان خطأ

أتقبل كل " نصح و ارشاد " و لا امتناع اطلاقا خصوصا من قلم حضرتكم

حفظك الله و رعاك أستاذي و سررت بتعقيبك القيّم
' و عن لا اقتباس ليس لشخص معين بل لسبب ما
أسمى عبارات التقدير و الاحترام مني لكَ أخي الفاضل

اذاا ما منّه الله عليك و على كل واحد له ايجابيات و حتى لو نُكرت من الانسان .

ركزي و دراستك و ابتعدي عن فكرة الارتباط مؤقتا

وفقك الله و رزقك الزوج الصالح

[solinne]

رد على ميمة اللئيمة
الله يفرج عليك يا حبيبتي وعلاه ما راكيش فرحانة نقولك حاجة اذا والديك صح كيما راكي تقولي والله غير حرام عليهم وان شا الله يتقو ربي فيك انتي فرحي بعرسك وغني وشطحي وتصدري وان شا الله زوجك ينحي عليك الغبينة ويغمرك بحنانتو ووالديك كي تتزوجي يعرفو قيمتك انتي بريهم وعيشي حياتك بالطول والعرض وما تنكديش على روحك والزواج مش حبس ولا مقصلة بالعكس والله فيه سعادة عظيمة خاصة بعد انجاب الاولاد عن تجربة راني نحكيلك وربي يسهلك

[ميما اللئيمة]

Solin ne شكرا عزيزتي ربي يعيشك و بارك الله فيكي مكانش قد كلمة طيبة كي يكون الواحد صح محتاجها ربي يحفضك و يهنيك

[مصطفى_س]

الى كاتبة الموضوع

والله ليست بمشكلة اطلاقا السعادة توجد في كل واحد فينا
احمدي الله انك فتاة تملكين نعمة الصحة و العافية
احمدي الله انك من عائلة تخاف الله و هذه نعمة
احمدي الله انك تزاولين دراستك و هذه نعمة
كلها نعم من عند الله و حتى الزواج ان شاء الله سياتي من يسال عليك و يقول لك الا انت التي ساتزوجها
كل شيء مكتوب و قضاء و قدر و لكن الدعاء يرد القضاء ادعي الله ان يرزقك الزوج الصالح و الذرية الصالحة
الزواج ليس كما تظنين زواج و اولاد و بيت الزواج مسؤولية و ود و حب و تربية و صبر و نضال و كفاح لا اقصد ان ارهبك و انما سياتي حتما دورك و تتزوجي
انصحك بان تعيشي حياتك عااااادية فوالله ليست بمشكلة كل انسان وقتاش كتبلو ربي المهم ربي يهنيك و تكوني سعيدة
وقت الدراسة ادرسي و راجعي
وقت العمل اعملي
وقت الزواج ستتزوجين باذن الله
و لا تقارنين نفسك بالناس المهم رضا الله و الوالدين
و ربي يوفقك

[مصطفى_س]

اختي ، والله و الله والله ، السعادة مش فالزواج !!!
نقلك حاجة ، انا عرسي بعد سمانتين ، مش غير منيش فرحانة ، ما كريت غوب ما حوست علا حفافة لوكان لقيت الموت بالدراهم نشريها ، راني ندعي بالموت نهار و ليل ..
و الله العظيم راكي في نعمة تمنيت من ربي نكون فبلاصتك عندي نعمة راحة البال ، والله منحوس عالزواج
راني غير نقولك فالهدرة هدي بش تعرفي ، بلي تقدري تكوني سعيدة و فرحانة حتا اذا متزوجتيش !
حسي بالنعمة لي عندك راكي صغيرة ، اخرجي افرحي حوسي فهد الجو المليح عيشي ، كاين ناس متزوجات و متمنيين نص الي عندك ..
و ماكيش حتفهميني حتا تحسي بالنار لي في قلبي بعيد الجر عليك ، مانتمناهاش لعدويا
افرحي و الله هدي اجمل ايام حياتك غمضي عين حليها تلقاي روحك فالتلاتين و الربعين


انت تقولين اضحكي و عيشي و و و حتى انت نفس الشيء والله سنعيش مرة واحدة في هذه الحياة الدنيا و الاخرة خير و ابقى و لكن لنستمتع بما لدينا و كتبه الله
عرسك قريب فلتفرحي كاي بنت و الف مبروك زواجك و ان شاء الله ربي يهنيك و يسعدك

[Saif al-Islam]

يا أختي الكريمة ، اللّه سبحانه و تعالى عادل و لا يرجّح كفة أحد على أحد من خلقه ، بل أعطى لكل مخلوق ما يميّزه ، و أعطى لكل مخلوق نصيب له في هذه الدّنيا ، و نصيبك يا أختي لم يحن الوقت له ، فلا تقلقي ، و أنا أصلاً أكره كرهًا شديدًا أن أرى فتاة تضع مكياج على وجهها ، لسبب أنّها تضع ما يخفي وجهها الطّبيعي ، فلا أضن أنّه يوجد رجل جاد يريد أن يأخد زوجة عبارة عن دمية مشبّحة بعقاقير ، لذلك يا أختي لا يوجد ما يماثل الوجه الطبيعي .
و أنصحكي يا أختي الكريمة التركيز عن الاخلاق و حسن المظهر لا غير
و إن أردتي أن تقتنعي بما أقول ، إبحثي في علاقات هذه الفتيات التي إعتمدنا على المكياج لجذب الرّجال إليهنّ ، فقد تجدين كوارث و كوارث لا تحصى في علاقاتهنّ ، و نزوات لا تحصى من رجال أبهرهم المكياج ليس إلاّ .

إستعيني باللّه يا أختي الكريمة ، و لا تقنطي من رحمة اللّه ، و أدعوه ليرزقك من يحبك بطبيعتك التي خلقك به ربّ العباد ، و إظهار زينة المرأة و مكياجها للعامة فتنة و محرّم شرعًا.


>> تحياتي الخالصة إليكي أختي :19: << Saif al-Islam

[صمت الرجوله]

ربي يرزقك بالزوج الصالح.....

[متعلم انجليزي]

السلام عليكم



السلام عليكم
لا احب الاقتباس ،خصوصا من معرفكم لكن القصة "طيح المورال " حتى الشاب اراد بها الخطا ولم تعجبه فكيف الذي يريد الحلال لكن هي عبرة لكن لا اظن محلها هذا الموضوع ولا اظن الشاب اراد السوء فمن كان كذلك لايهمه الجمال،ارجو ان لا تعتبرو ردي اساءة ،واعتذر منكم ان اخطات
وجزاك الله خير اختي الفاضلة التي احترمها كثيرا ، وشكرا على على النصائح القيمة وارجو ان تستفيد منها الاخت
=============================

،اما بالنسبة للاخت الجمال ليس ضروري واعرف العديد تزوجو بنساء ليست جميلات ،فالاخلاق والدين وحلاوة الروح تزيد المراة اكثر من جمالها ،فاخلاقها تنعكس على خلقتها فتراها جميلة ولايمكنك الاستغناء عنها
،والجمال جمال نسبي ،في احدى المرات كان هناك شابان فمرت عليهما فتاة فراها احدهما اية في الجمال اما صديقه فراها عادية وكم من جميلة وسيئة الخلق فلن تطيق حتى النظر اليها وهذه الامور ارزاق من عند الله فرزقك سياتيك ،الى ذلك الوقت تزيني بالخلق والدين والنظرة الايجابية والامل واكثري من الاستغفار ،تذكرت قصة لصديق لي خطب اربع مرات وتم رفضه لعدم جماله وفي الاخير تزوج بامراة فائقة الجمال اجمل من الذين خطبهن ،واعرف واحدة من حينا تزوجت بشخص كما يقال عليه "فارس احلام" شاب وسيم ،مال، وحتى مغترب فحسدنها من كانو يسخرن منها في الامس القريب عن حظها لا جمال ولا عمل ولا مال فذلك مكتوبها ،اعرف عدة قصص حقيقية لكن ما ميزهنا دينهن واخلاقهن ,وربما انت جميلة وتلك سوى نظرتك لنفسك فالله خلقنا في احسن تقويم ولكل شخص مكتوبه فلا تتعجلي واهتمي بدراستك والامور التي تستطيعين التحكم فيها لا الامور الخارجة عن مقدرتنا كالمرض او الزواج ,,,الخ
اسال الله ان يرزقك الزوج الصالح والذرية الصالحة ويوفقكم لما يحبه ويرضاه

[أمل94]

اختي جميع ماقلته كلمة بكلمة صواب وأمر واقع .لكن عزيزتي لاتدعي ذلك يؤثرعليك كثيرا وارضي بالامر الواقع .ولتكن ثقتك بنفسك منبع آخرلجمالك .ومادامت اخلاقك كريمة واصلك شريف سيأتي اليوم الذي ترزقين فيه بزوج صالح وفقك الله

[kader001]

امرك عادي ..فانت .. امراة .. تحركك و تهزك .. غريزة الامومة الخالدة المتاصلة في كل انثى.. لكن الخطير ان .. تبتذلي نفسك و شرفك من اجل اللهث وراء اي ذكر ..لمجرد الانجاب ..لا . و الف لا ..حكمي عقلك .. للزواج ميعاده و اجله .. باشري حياتك باتزان و في اعتدال اطلبي النصيحة من احدى اقاربك التي تكبرك سنا و تجربة ..او اذهبي الى طبيبة نفسانية مختصة وهي سوف تنصحك و تساعدك ..المهم ان يكون لك تفكير معتدل صحي غير مرضي سوداوي ..

[سماح 2]

مرتْ خوكْ بلاكْ مــآ نجحتش في قرايتها ,,شافت حياتهــآ بالزواجْ , ,وانتــي علاه تحبي تكوني كيفهــآ ,,

كل واحد واش مكتبلوا ,, بدلي تفكيركْ وخمي في قرايتكْ ومستقبلك حـتــى يجيك وحدو الزواجْ ;)

[خولة سكيكدة]

السلام عليكم أختي العزيزة يقول أحمد بن عطاء الله السكندري“ربما أعطاك فمنعك، و ربما منعك فأعطاك، و متى فتح لك باب الفهم في المنع صار المنع عين العطاء.”
ومن هذا المنطلق أقول لك أخيتي أن الله عزوجل أعلم بأحوالنا جميعا وإن شاء الله سيرزقك الزوج الصالح فقط في ذلك اليوم سوف تضحكين لأنك يوما فكرتي بهذه الطريقة عزيزتي ركزي على دراستك وعلى نجاحك كوني أنت لا تغيري قيمك ولا مبادئك فالجمال نسبي والزواج صحيح أنه سترة ولكن ليس هو كل شيء بالنسبة لزوجة أخيك ربي يهنيهم ان شاء الله لكن لاترهقي نفسك بالمقارنة فلكل قدره ولكل اختياره في هذه الحياة عيشي حياتك بما يرضي الله أسسي لمستقبلك وأودعي مصيرك لله فهو الأدرى والأعلم والأرحم بعباده ربي يهنيك أختي ويفرح قلبك ابتسمي للحياة واقرئي ما يكتب في هذا القسم اكيد انك ستجدين أن لذيك الكثير من النعم التي تستحق الشكر والفرح :)
―

[AMINA.Z]

اولا مفهومك للجمال خاطئ
فالله خلق الجمال في المراة و جعله متفاوتا بين النساء
فقد يتركز جمال احداهن في وجهها و اخرى في جسدها و اخرى في ابتسامتها و اخرى في شعرها و و و و.
لذلك غليك ان تقتنعي بان لكل امراة جمالها الخاص .....و كل رجل له نظرته الخاصة للجمال
صحيح ان النفهوم الغالب للجمال هو جمال الوجه .....لكن اعلني ان الامر نسبي.
و ابعدي عن عقلك فكرة ان الزواج مرتبط بالجمال ...فالواقع يقول العكس تماما.
لذلك ناني و انت مرتاحة ...عندنا يكتب الله لك زوجا فسيراك اجمل من غيرك و لذلك سبختارك ..فكوني واثقة من نفسك و ابحثي عن جمالك الخاص.
بالتوفيق

[فاتي تيارت]

الله يفرج عليك بالخير يا بنتي ما زال الحال عليك تهلاي فى قرايتك

[اميرة الابتسامة]

وانت علاه تقلقي في روحك لي مكتبهولك ربي هذاك هو

وأنت على حساب الحطة مازالك تقراي سما مازالك صغيرة كملي قرايتك سع ويرحمها ربي كلشي في وقتو حلو

وقصة الجمال صح دركا انا على حساب ماراني نشوف يحوسوا على الجميلة والاغلبية عوض مايسقسيو على الاخلاق يهتموا بالشكل بصح نقولك ربي يعطيك على قد نيتك وأنت هذاك لي يجي في وسط جماعة ويميز ويخير واش ديري بييه ؟ ربي يبعدو خير .الانسان لي يكون ناويلك الخير هو الانسان لي كي يجي لباب الدار أول حاجة يسأل عليها الاخلاق والصلاة , وقصة الخطبة واحد ماجا بالا ك كي مازلت تقراي يقولوا حتى تكمل وربي يجيبلك لي فيه الخير ان شاء الله .

[zahra souf]

اختي نقلك حاجه ومن لخر

لبنات اللي قليلات الجمال يكون زهرهم مليييح في الزواج قصدي كيما يقولوا العجايز سعدهم قاوي

والله العظيم انايا شفت في حياتي يااسر بنات يكون عندهم الزين وصح يجوهم خطاب كثااار مي في الاخير شكون تدي !!!!! اكي فاهمتني

والبنات اللي يقولوا حنا مش شابات ومش رح نتزوجوا و..و..


هادوا اللي يدوا الراجل لملييح والله العظيم وانايا مش نقول فهاد لكلام هكداك راني عايشه في وسط مجتمع ونشووف سيرتوا حنا عايلتنا كبيرة وفيها بنات بزاااف


والاسبوع الجاي بنت عمي رح تتزوج ان شاءالله ... كون تشوفيها قبل كيفاش كانت .. كانت منحيه حكايه الزواج من راااسه قاع كي نقلها علاه تقولي شكون اللي رح نعجبوا


ودوكا راهي باش تتزوج والبنات قاع غايرين منها لانوا هي تاني كملت قرايتها وجاها واحد صيدلي ودوكا راهو يقرا دكتورا وباش يروح يخدم لبرا ويديها معاه ويااااااااااااااااااااااااااااسر بنات كيما هكا


مالا انتي ماتيأسيش وكيما يقولوا ديري ربي في بالك الدنيا تزهالك ... ديري في بالك بلي ادا الحاجه هادي طولت اكييييييييييييييد ربي مخبيلك مفاجاة تفرحي بيها ... خلي ربي في بالك برك وشوفي كيفاش رح تتغير حياااتك