المساعد الشخصي الرقمي

مشاهدة النسخة كاملة : عطيتك عاهد في المحبة مانخدع -بقلمي-

medcherif03
2016-03-18, 22:42
11111111111111111111111111111111111111111111111111 11111111111111111111111111111111111111111111111111 11111111111111111111
♥سهام♥
2016-03-18, 22:49
جمييييييلة جدا شكرا لك
medcherif03
2016-03-18, 23:00
ألف شكر

يا سهام افراقها خلاني ندمع..........حصدوها شاو الوقت اسبول
انتي مشكورة اسمك اموقع.......و نستيني بالرد من قلبك منقول

أسعدني مرورك يعطيك ألف صحة
medcherif03
2016-03-19, 00:27
للاضافة و الجمالية و التعديل أيضا و شكرا

عطيتك عاهد في المحبة مانخدع****سقسي قلبي راه شاهدع القول

لكلام الحساد حالف ما نسمع****قا هني خاطرك هاذ الشي معقول

قولت لها لو كان تخطيني انضبع****نخرج عن عقلي و نسمى مهبول

من غيرك حنونتي والله مانقنع****و لا تملي عيني شهلالت لعقول

يا ودادة في غرامك ما نشبع****ولا يشبع من كان يسبن فالمعسول

مانسمح لو جيت في فم المدفع****نموت عليك ولا نبقى ديمة مذلول

قالت لي محبوبتي وعينيها تدمع****بعيد الشر عليك يا سيد لفحول

أنا نروح معاك و حلفت ماترجع****لو دارو عسة بعساكر و جفول

يا عمري محلاك بكلام امرصع****وكبرتي في عيني وكلامك مقبول

اقصبنا الحال ضيق و افرقنا فيسع****هي راحت هانية وانا جبت اخبول

و انسى روحو قلبي معاها متربع**** جيت انحنن كي الناقة ع المخلول

ضاق الحال و طال بيا ذ المرتع****و عقلي شايش قا انقاطع للمرحول

ضياق الخاطر يا ختي ما يسوسع****بين ليلة ونهار جا وادي محمول

هاج عليا شوقها جاني متقلع****من وحشك مقواه كيفاش المعمول

ديري سبة قا من نشوفتك نقنع****و ذالي مدة عليك حتى دار الحول

عياني ذ القلب سامط شين الطبع****ما يدي عبرة دايم كي البهلول

انتبع في رايو عاصي ما يشبع****مهملني في ودها صاعب مجهول

داروها في حوش ع الزورة تمنع****لا طلة لا اخبار ايجوها بسهول

يا قلبي خلاص من هاذي ودع****افرقنا زينة اضحكة سلابة لعقول

دخلو ما بيناتنا ذ القوم البدع****و حكمو لي بالموت و أنايا مشلول

شوفو ذ الحرمان فيا مايصنع****مقواه اللي ضاع حبو مايبقى مذهول

فتنتني فالصلاة منها ما نخشع****و ملازمني خيالها على عيني منقول

يا ربي برد فراقها حامي يوجع****و طفي ذ المشعال من قلبي ايزول

خبر الفرقة ايجي واعر يفجع****و يصهد بالحمى ما عندي ما نقول

تمت بقلمي
صبرينة لوتس
2016-03-22, 15:51
رائعة .. رائعة
مشاعر صادقة مرهفة الحس
بوركت
فاطمة شلف
2016-04-03, 19:15
السلام عليكم ورحمة الله وبركاته
بارك الله فيك اخي محمد شعرك راه عجبني بزاف
وخاصتا عطيتك عاهد في المحبة مانخدع كم انت رائع ياابن الاصول
احبك الله
بتوفيق ان شاء الله
محمد عطى العاهد وربي شاهد
يعطيه الصحة على ذوك الكلمات
راه صان المحبة وماخان العاهد
بارك الله فيك يازين الصفات
سلام
medcherif03
2016-04-07, 10:30
يعطيك ألف صحة يا بنت الأشراف
و اسمحي لي على المرور السريع
فاني و الله على عجل... و الآتي أجمل