المساعد الشخصي الرقمي

مشاهدة النسخة كاملة : زفيطي

شعلة الأمل
2016-03-18, 09:52
صباح الخير وجمعة مباركة تعيشوا خياتي راني نحوس على وصفة تاع زفيطي تكون ناجحة وساهلة راني بالحمل وسخفت عليها كليتها مرة وحدة في الجلفة في أيامات العزوبية وضك ضربتلي في راسي وجامي درتها ما تبخلوش عليا
زوجة أبو عبد الله
2016-03-18, 12:35
السلام الله يبارك اختي ربي يكملك الحمل ان شاء الله شوفي كاين الزفيطي الاحمر والاخضر الاحمر بالفلفل الصيفي والطماطم مشرحة تغسلي الفلفل وتنحيلو الزريعة والطماطم تغليها شوية في الماء باش يتنحاهلها الملح وتليان ومن بعد ديري الفلفل اليابس والملح في المهراس نتاع العود حتي يولي غبرة وزيدي الطماطم ودقي مليح ومن بعد ديري ثوم ودقي وزيدي الكسبر حب والبسباس حتى تولي درسة وفي نفس الوقت تكوني شمختي عجينة سميد وفرينة و ملح و خليها ترتاح وانت دقي في المكونات و في قدرة ديري الماء يسخن ومن بعد قرصي الفطير عادي ديريه شوية خشين باش كي تخلطيه مع الدرسة يتشرب ومن بعد كي طيب الفطير فتيه قطع على قدر راس الاصبع
الان المكونات واجدة الدرسة والفطير والماء الساخن خلطي الفطير مع الدرسة في المهراس واضربي مليح تدخلي المكونات من بعد زيدي الماء يكون سخون وخلطي حتى تتمازج المكونات وزيديلوا الدهان او الزيت الزيتون واو ماتزيديش الا ما تحبيش ومن فوق دبشة خضراء مقطعة وبالصحتك
هدا الاحمر والاخضر نفس الشيء فقط الفلفل اخضر والطماطم عادي يكون مشوين والباقي نفس الخطوات
شعلة الأمل
2016-03-18, 17:03
السلام الله يبارك اختي ربي يكملك الحمل ان شاء الله شوفي كاين الزفيطي الاحمر والاخضر الاحمر بالفلفل الصيفي والطماطم مشرحة تغسلي الفلفل وتنحيلو الزريعة والطماطم تغليها شوية في الماء باش يتنحاهلها الملح وتليان ومن بعد ديري الفلفل اليابس والملح في المهراس نتاع العود حتي يولي غبرة وزيدي الطماطم ودقي مليح ومن بعد ديري ثوم ودقي وزيدي الكسبر حب والبسباس حتى تولي درسة وفي نفس الوقت تكوني شمختي عجينة سميد وفرينة و ملح و خليها ترتاح وانت دقي في المكونات و في قدرة ديري الماء يسخن ومن بعد قرصي الفطير عادي ديريه شوية خشين باش كي تخلطيه مع الدرسة يتشرب ومن بعد كي طيب الفطير فتيه قطع على قدر راس الاصبع
الان المكونات واجدة الدرسة والفطير والماء الساخن خلطي الفطير مع الدرسة في المهراس واضربي مليح تدخلي المكونات من بعد زيدي الماء يكون سخون وخلطي حتى تتمازج المكونات وزيديلوا الدهان او الزيت الزيتون واو ماتزيديش الا ما تحبيش ومن فوق دبشة خضراء مقطعة وبالصحتك
هدا الاحمر والاخضر نفس الشيء فقط الفلفل اخضر والطماطم عادي يكون مشوين والباقي نفس الخطوات

بارك الله فيك أختي ربي يعطيك ماتتمناي
زينب 83
2016-03-18, 18:26
شفي هنا اختي موضوع بالصور
http://www.djelfa.info/vb/showthread.php?t=1863933
كريمة الجزائرية 48
2016-03-18, 18:41
ربي يقومك بالسلامة اختي وان شاء الله يفيدوكي البنات
حياة مليزي
2016-03-20, 18:30
اختي راني كتبت كيفاه يجي زفيطي ناجح 100 / 100 لعنوان زفيطي مسيلي
حياة مليزي
2016-03-20, 18:33
اليوم جبت سفيتي حار ويجي بنين ان شاء الله
العجينة
سميد + ملح + ماء و نقوم بخلط سميد مع الملح والماء فقط و عندما نتحصل على عجينة نشكل كويارات كبيرة و نحلها باليد تجي دائرية كيما فطير و نطيبها و كي طيب نفتاتها فوتاة صغير و نخليها على جيها من بعد نحضر المرق لي يجي في هذا فوتاة
المرق
ربطة قصبر حشيش + طماطم حب + طماطم مصبرة + فلفل اخضر و احمر + قصبر حب مرحي + حبة البصباص مرحية + ثوم + زيت + ملح
نشوي طماطم و فلفل حار اخضر و الاحمر نطبخو في شوية ماء و كي يطيب نرحيه نقشر الثوم ثم نجيب مهراز مصنوع من العود ندير فيه طماطم لي كنت شويتها و ثوم و فلفل اخضر و احمر شوية قصبر حشيش و ندق مليح من بعد هدا الخليط نديرو في كسرونة و نضيف شوية قصبر حب مرجي و حبة البسباس مرحية و ندير شوية ملح و زيت شوية منكثرش نتحصل على مرق بنين نجيب فوتاة لطيبناه ندير شوية فوتاة و ندير شوية من مرق و ندق بالمهراز حتى يتعمر مالهراز بالفوتاة و المرق من الاخير نضيف شوية قصبر حشيش و شوية قصبر حب مرحي وشوية حبة البسباس مرحية راهو يجي يشهي ان شاء
الله تكونو فهمتوني برك
nini02
2016-03-21, 10:26
بارك الله فيك