فهمونــي برك علاه ( راني جنيت )

[مشكلتي]

مشكلتي وحدة الشابة سكن بجوارنا كرهتني في حياتي
انا افضل منها في كل شيء
من ناحية الجمال من ناحية الوسامة من ناحية الاسرة من ناحية المال من ناحية الذكاء ماتبانش قدامي
بصح الخطاب عندها بالالاف وانا حتى واجد ماجاء خطبني
انا افضل من هاته المعتوهة بمئات المرات
لا ادري لماذا يعجب الرجال بها
يا عباد ربي كل جمعة عندها خاطب خاطب خاطب وانا والو
سكان الحي هتروا الكل ظنوا ان اميرة من اميرات الدنيا تسكن معنا ونحن لانعلم
وهي راهي مجردة فقيرة حتى لباس تاع فقراء وبسيطة لحد النخاع ومن ناحية الجمال ماشي توب وصح هي تبان عاقلة وحنينة
بصح راهي تحساب في روحها شكون رفضت هاذم الكل
اسيدي ،، نقرا انا وياها في نفس الجامعة ( في البداية كنت نقرا في تخصص بدلت التخصص على عمري دمرت مستقبلي و لحقتها للجامعة باش نعرف سحر هذه الفتاة
التي سحرت به الرجال ليخطبوها
الكارثة حتى الاستاذ اعُبت ببساطتها و فقرها ( هه شيء يضحك ) وابتسامة بريئة
انا اكبر وعلاه حتى واحد ماجاء حتى المال عندي وال سكن عندي واش ناقصني
مرضت صح
وجها هذاك ماعدش نحملوا نشوفها نمرض ( مع انها لاتعرفني )
سبب عنوسة حيي هذه الفتاة المتصنعة المنافقة السحارة المشعوذة
فهموني حاجة وحدة برك واش هي الحاجة لي عندها وانا ماعنديش ؟؟

[~أمة الله~]

السلام عليكم
أعيدي قراءة الكلمات التي كتبتها، وانظري إلى كمّ الحسد والبغضاء الذي تحمِلُه، ثمّ انظري إلى جهلكِ بأمر مُهمّ وهو قضاء الله وقدره وأنّه هو الرزّاق، ثمّ انظري لازدرائك لهذه الفتاة وتكبّرك ووصفكِ لنفسك ووصفكِ لها
الحلّ : اقرأي كتاب الله تعالى، وأحاديث النّبي صلى الله عليه وسلّم، وأكثرِي من الدّعاء أولا بأن يشفيكِ الله ممّا أنتِ فيه، ثمّ بالرّجل الصّالح، واتركي الفتاة وشأنها....


قال - تعالى -: ﴿ إِنَّ أَكْرَمَكُمْ عِنْدَ اللَّهِ أَتْقَاكُمْ ﴾
قال النّبي صلى الله عليه وسلّم: رُبَّ أشعث أغبر مدفوع بالأبواب، لو أقسم على الله لأبرَّه))؛ رواه مسلم.

ربّي يعينك

[الرميصاءْ]

ربي يهديك
جميع كلامك فيه حسد
انعلي الشيطان واستغفري ربي
ماتلهايش بيها وادعي ربي يفرج عليك ويرزقك الزوج المناسب والصالح

[madjeda19]

منك بالصح ؟؟؟

[توحيد الجزائرية]

الله المستعان

[مناد بوفلجة]

يوم تفرحين لها من قلبك و تقدمين لها هدية الخطوبة
سيتهاطل حينها الخطاب عليك إن شاء الله

[مصطفى_س]

و انا اقرأ الموضوع صدمت لكلامك
صدمت فعلا لأجل الزواج انت حاقدة عليها هكذا ؟ ماذا فعلت لك ؟هل اهانتك كما تهيني فيها بالفقيرة ؟ هل الفقر كان عيبا ؟ اتقي الله في نفسك و توبي الى الله تذكري ان اكثر اهل الجنة الفقراء و انت تظنين انك احسن منها ؟ في اي شيء احسن منها في المال ؟ في الجمال
كوني احسن منها في الخلق في الخوف من الله
انصحك بالتوبة النصوح و ستحصدين ما تزرعين

اما عن كلمة علاه فهذا يسمى قضاء الله و قدره عليك بالدعاء و كثرة الاستغفار و الصبر لانه مفتاح الفرج
الله يهدينا و يهديك

[ام رضوان]

السلام عليكم
يالطيييييف يالطيييييف
والله وانا نقرا في مشكلتك قعدت حايرة
هذا حسد ولا خلي
المكاتيب بيد ربي سبحانو هي ساقلها الخطاب وانت مازال بصح على حساب قلبك ماضنيتش يجيك المكتوب
وزيد الكلمة اللي حتقرتك عليها هي كيفاش تعايريها بالفقر ياوكيما رزقك ربي بالمال قادر يرزقها وخير منك ثاني
الحمد لله اللي ربي سبحانو هوالرزاق كون جا الرزق في يدين امثالك كون راكم امنعتو علينا الهواء
روووووحي ياطفلة شهدي واستغفري واقراي عاقبة الحاسد واقراي عن سبب غضب الله من ابليس عليه لعنة الله
ربي يهدينا اميييييييين

[ibrahim hano]

السلام عليكم و رحمة الله و بركاته
لا أظنك جدية في كلامك ، هذا إن لم تكن حكايتك مصطنعة ، فقد استغربت لطريقة تفكيرك ،
الزواج رزق و مكاتيب و لن يأتيك إلا ما كتب الله لك
و حتى لو أتوها كل رجال العالم لن تتزوج إلا بواحد منهم فلم كل هذا القلق
أين إيمانك ألم تسمعي بالحديث النبوي " لا يؤمن أحدكم حتى يحب لأخيه ما يحب لنفسه "
بفعلك هذا ما أنت إلا تحرقين نفسك
ركزي على نفسك و حاولي تحسينها خير لك من مراقبتها

[محمد جديدي التبسي]

شوفي كم ذكرت من كلمة أنا في موضوعك
ربما هذا هو السبب الذي جعل الخطاب يتهاطلون عليها وتبقي مثل ما أنت
الرجل يحب الفتاة البسيطة المتخلقة ويكره التي يظهر عليها الرفاه وتبان عايشة حطيها في بالك هاذي وراك قلتيها تبان عاقلة وحنينة هذي تكفي
ان بقيت على حالك ستكونين ضحية لانتهازي او حسود مثلك فراجعي قلبك وخافي ربي وتأكدي ان الطيبون للطيبات والزواج رزق لا تنفع معه هذه الخزعبلات وسوء النية والقلب الذي يمتلأ حقدا على الغير لمجرد ان لديه نعمة نفتقدها نحن...ربي يهديك

[bello angel]

لله در الحسد ما اعدله
بدا بصاحبه فقتله

[بشـرى]

يا أختي ربي يهديك .....

الزواج رزق من الله ، وانتِ مزال مجاش مكتوبك فقط ، تخلصي من الحقد والغيرة اللي في قلبك اولا ، صفي نواياك مع الناس ، وين علابالك بظروفها هي !! هل كثرة الخطاب سيجعلها سعيدة ؟ ...

الحسن البصري قال ( علمت أن رزقي لن يأخذه غيري فاطمأن قلبي ) ، انتِ عندك ضعف في الإيمان ، تعلمي القناعة بما قسم الله لكِ يا اختي واحمديه على كل شيء .... تعلمي كيف تشكرين الله على ما تملكين وليس على ما لا تملكين ...

جمالك ومالك ومستواك لن يكونوا ابدا سببا في زواجك إلا أن يشاء الله ، هو يرزق من يشاء ويعطي من يشاء من عباده ...

تخلصي من الغيرة والحسد والكِبر وسيرزقك الله من حيث لا تحتسبين بإذنه تعالى ....

[أمل94]

يالطيييييييييف والطف بينا

[أم ريتاج زهرة]

انتهي المتكبرو و المحسادة و الفقر مشي عيب العيب هو السم اللي راه في قلبك راجعي نفسك اولا قبل ما تحوسي شا عندها

[لمسة ابداع]

والله ربي يهدييييييك اختي و اني دعيتلك من قلبي جمعة جمعة
هدا هو مرض النفوووس بلاك من لعياط تاعك و تاع امثالك على هديك الطفلة ظل تتخطب وما تزوجتش



ديري في بالللك حاجة ربي او ميعطيكش كلشييييييييييييييييييييييييييييييييييي
ربي هديييييييييييييييييك

[Ahlam Sou]

هذا حسد ولا خلي
و التكبر ماعندي ما نقول .........

[كنزة88]

يا ارض هزيني فوق السما وعلينا ما شاء الله قتلتيني بالتواضع تاعك . حسبنا الله ونعم الوكيل . وراكي معولة تربحي اديها من عندي تربحي الشعر . شكون نت باش تعايري بنت الناس فقط لانها فقيرة نسيتي بلي لي رزقك قادر يرزقها وقادر ينحيلك . وتكتبي بلا حتى ذرة ضمير ولا حشمة . لكان جيت في بلاصتك بعيد الشر ننتاحر خير .وش هاد الحسد وش هاد الضغينة. انا كي قريت الموضوع اول مرة حسبتالطفلة مش متربية ولا شر .ظهرت الطفلةلاباس عليها فقط لانك زينة عليها شوي -وناعلبو الزي- حا طيري خلاص . ديري في بالك مش غير نت لي مليحة فالدنيا هاذي كاين جميلات بالالاف بصح العقلية والتربية والرزانة والحشمة متكونش فالبنات اكل . وانا لكان كنت نعرفها لنصحت رجال العايلة انو يدوها قبل ما تضيع . يرحم والديك نت لي يديك وش يدير بيك يندب بيك مثلا . نصيحة بهاذ العقلية راكي والله ما تروحي بعيد استغفري ربي وتوبي ليه بدل ما راكي تعسي فالمخلوقة . انا اصلا حرت كيفاه مامتتش من كثر ما راكي عسيتيها ربي يحفظها على كل حال .ربي يهدي ما خلق.

[كنزة88]

مشكلتي وحدة الشابة سكن بجوارنا كرهتني في حياتي
انا افضل منها في كل شيء
من ناحية الجمال من ناحية الوسامة من ناحية الاسرة من ناحية المال من ناحية الذكاء ماتبانش قدامي
بصح الخطاب عندها بالالاف وانا حتى واجد ماجاء خطبني
انا افضل من هاته المعتوهة بمئات المرات
لا ادري لماذا يعجب الرجال بها
يا عباد ربي كل جمعة عندها خاطب خاطب خاطب وانا والو
سكان الحي هتروا الكل ظنوا ان اميرة من اميرات الدنيا تسكن معنا ونحن لانعلم
وهي راهي مجردة فقيرة حتى لباس تاع فقراء وبسيطة لحد النخاع ومن ناحية الجمال ماشي توب وصح هي تبان عاقلة وحنينة
بصح راهي تحساب في روحها شكون رفضت هاذم الكل
اسيدي ،، نقرا انا وياها في نفس الجامعة ( في البداية كنت نقرا في تخصص بدلت التخصص على عمري دمرت مستقبلي و لحقتها للجامعة باش نعرف سحر هذه الفتاة
التي سحرت به الرجال ليخطبوها
الكارثة حتى الاستاذ اعُبت ببساطتها و فقرها ( هه شيء يضحك ) وابتسامة بريئة
انا اكبر وعلاه حتى واحد ماجاء حتى المال عندي وال سكن عندي واش ناقصني
مرضت صح
وجها هذاك ماعدش نحملوا نشوفها نمرض ( مع انها لاتعرفني )
سبب عنوسة حيي هذه الفتاة المتصنعة المنافقة السحارة المشعوذة
فهموني حاجة وحدة برك واش هي الحاجة لي عندها وانا ماعنديش ؟؟

عندها قلب بيض وما هيش تعس فالغاشي و متواضعة وبسيطة ومش متكبرة وحاسبة روحها ومش غيارة حسودة هادا مكان .

[mrmilano1984]

هههههه نتي مريضى في عقلك صح مرضك في عقلك اختي هادو وساويس الشيطان لي يخدمو في راسك مابها والو نتي برك راكي تتخيلي مكتوبها برك ونتي مازال حظك ومكتوبك ارتقو ياعباد ربي وخافو ربي الا ربي كتبلها يجيها رجل اعمال نتي تنحيلها رزقها سبحان الله الحسد قاتلكم والغيرة روحي داوي روحك

[zoya2]

في حياتي ما شفت وحدة عندها قلب قاسي وحسود كيما قلبك من المفروض انتي تفرحي كي تشوفي وحدة فقيرة وماشي شابة كيما قلتي يتهافتو الرجال باش يخطبوها.لانو مازال كاين ناس في هادي الدنيا يحوسو عالحنان وطيبة القلب ماشي عالدراهم والاشياء المادية............ما عندي ما نقول غير حسبي الله ونعم الوكيل:mad::mad::confused::confused:

[صمت الرجوله]

يا انسة الحسد راه عمالك عينيك.....و كان افظل ليك ماتكتبيش للناس كيما هاك و كلشي بالمكتوب و الرجال راهم يحوسوا على العاقلة الطيبة و الفقيرة و ليس الغنية خطاركش راني نشوف اغلب البنات لي عندههم بعض الدنانير المعدودة يتكبروا على الرجال و حاسبين كل الرجال كيف كيف يجروا وراء الغنية و الفاتنة



و نصيحة ليك امسحي ما كتبتي و استغفري الله و صفي قلبك و الحاسد لا ينال من المجالس الا مذمة وذلا ولا ينال من الملائكة الا لعنة وغضبا ولا ينال من الخلق الا جزعا رغما، ولا ينال عند النزاع الا شدة وهولا، ولا ينال عند الموقف الا فضيحة ونكالا

[أنور]

كنت عمبالي نكتة: في الجزائر فقط ، شخص لا تعرفه ويكرهك كرها شديدا
راهي ظهرت صح

[أم أنفال1]

ماهذا الحسسسسسسسسد والغيرة الملتهبة !!!!!!!!؟؟؟؟؟؟؟؟؟يهديك المولى عزوجل

[FroM Hell]

ادا تقدري تواصلي معايا في الخاص والله والله راني جدية
اعطيني عنوان هادي الطفلة خويا حاب يشوفها باه يخطبها من وصفك ليها راهي عجباتو
صفي نيتك و ابعثيلي عنوانها بالاك تدي اجر و توفقي بين زوج في لحلال

الطفلة مريضة وحسودة
وتحبيها تساهم في زواج هذه الفتاة البسيطة التي تغار منها ؟؟؟ مستحيل
في عالم افتراضي وصاحبة المشكلة قالت هذا الكلام مالا في الواقع راهي تتمنى تموت
استغفر الله رب العرش العظيم
حسناتك تتآكل مثلما تاكل النار الحطب
اتقي الله

نصيحة
اذهبي لطبيب نفساني ، حالتك معقدة نسيت حياتك وراك عايشة حيااة فتاة بسيطة
روحي داوي روحك

[FroM Hell]

+ شعب مريض وحساد
ربي يحفظ هاذي الفتاة البسيطة التي تتحدثين عنها ....