مشكلتي الحبس

[مشكلتي]

في البداية السلام عليكم اشكركم لزيارة موضوعي اما بعد

تقدم لخطبتي او بالاحرى لم يتقدم بعد هو حرق لبلغاريا على الترك وحكموهم وجوز الحبس ماعلاباليش شحال هادا واش نعرف انا راني حباتو ومانكدبش عليكم عندي عام ونص وانا نحبو بصح ما نهدرش معاه دوك لي عرفت بهاد لحكايا خفت دارنا مايقبلوش وانا نكون متعلقة بيه وزيد نسقسيكم ادا ممكن نعتبروه من اصحاب السوابق مع انو مادار والوا حكموه حراق وجوز الحبس راني حايرة اعطوني رايكم

[نور لاتراه]

السلام عليكم
هل العواطف تقاس بعام ونصف
ربما ماقام به يدخل في ملفه عند التقدم لخطوات حساسة
لكن لااعتقد انه يمنع من الزواج
هناك شيئ لم تذكروه وبدا في تفاصيل القضية وكأن هناك اخفاء بطريقة الحراقة
لم تذكري ملاباسات التعرف على هذا الشخص والواضح انها غير شرعية لاتسيئ الفهم اقصد
انه لم يقدم على خطوة صريحة والواضح انك متعلقة به وتسعين ورائه ولايهم وان دخل غوانتنامو
أختي لاأستطيع ان اتحكم في مشاعرك ولايحق لي ان احكم عليك او على غيرك من مجرد كتابات وان كتبتها بيدك
لكن ليس امامك سبيل الا الدعاء له بالاستقامة وان تثبتي ايضا عليها
أصلح الله حالكم

[immy_totti]

ربي يطلق صراحه اختي بغض النضر عن الحبس ادا كان حب و مشاعر مش فالحلال غير اخطيك هادا لي تقولي تحبيه و تتمنياه راه حرق و خلاك واش تسناي من هاد الحب ؟؟ تقوليلي يدير كوارطو و يديني نقولك تقدري تحلمي لانها ماش ساهله نتمنى تتقبلي نصيحتي لاني تكلمت معاك على اساس اختي في الله .... ربي يهنيك و يفرحك

[ميما اللئيمة]

هذاك ميسماش محبوس بمعنى الكلمة نص لي جون تاعنا يحرقو و نصهم يحكموهم يحطوهم ف سونتر مش عيب يخي مادار والو هدي حاجة مش مهمة

[AMINA.Z]

خمي مليح
سيد ما دام حرق معناتها لا قراية لا خدمة و باين ما يصبر ما يتعب على خبزة تاعو.
ربي يرزقك اللي فيه خير

[مسلمة81]

لا اختي ما هوش صاحب سوابق ماقتلش ولا سرق ولكن حاول كاي شاب يلقى في الخارج اللي مالقلهش في بلادو

[غزلانْ]

السلام عليكم






تقدم لخطبتي او بالاحرى لم يتقدم
( علاقة تربطكِ به و يبقى شأنك لا يحق لي محاسبتكِ)
حرق لبلغاريا على الترك + حكموهم وجوز الحبس
كنتِ على علم بتخطيطه للهجرة ربما "لأجلك" اذ بحكم علاقة بينكما كان بامكانك منعه قد تكون ظروف دفعته للهجرة يعانيه كل الشباب لا تقتصر عليه فقط
و ان لم يُسجن " لتغيرت " نظرتكِ تمامااااا و لما خفتِ رد فعل عائلتكِ لافتخرتِ و فرحت
بالنسبة للسوابق العدلية السجن يكون طبيعي لمدة شهرين كانذار و تحذير تفاديااا لمحاولة تكرار أخرى و منه على ما أظن لا تسجل له سوابق
و من خلال صدقكِ لماكتبتِ من شعور ناحيته و بما أنك تربطك علاقة معه ( لا أحاسبك) ما ينبغي عليك فعله اجعلي لهده العلاقة "نهاية خطبة ارتباط" لا مواصلة لعلاقة
بلا مخرج هذا من منطلق شعورك ناحيته وتفادياااا ارتباط مع آخر و قد يكون مجرد ارتباط لا غير و تبقي متعلقة
و تبقى وجهة نظرِي لكِ
موفقة و ان شاء الله يفك أسره و يكون من نصيبك

[نورسين.داية]

عزيزتي مادار والو هههه هذه في نظرك أنتي

أصلا تعريف صاحب السوابق العدلية ماهو : مخالفة القانون سواء بالسرقة أو خرق قوانين المرور ...... المهم خالف القانون

شوفي عزيزتي .....الهجرة غير المشروعة هي أعذر فيها الكثير من شباب الجزائر خصوصا مع ظروف الوقت الحالي ... تقشف على الفقير و متطلبات تسيير أمر البلاد في نفقات و أجر المسؤولين

المهم : أن تبني مستقبلك على إنسان لا يحسب أمروه و خطواته .......فخطأ الحساب هذا قد تكونين أنتي أيضا مشمولة به ....(خصوصا مسألة الريسك هادي كوني حذرة )

وفقكي الله عزيزتي

[baalache]

خمي مليح
سيد ما دام حرق معناتها لا قراية لا خدمة و باين ما يصبر ما يتعب على خبزة تاعو.
ربي يرزقك اللي فيه خيرا
دكتوراه وتفكري بهذ الطريقة غريب ما تحكميش على الناس نتي تعشي متزوجة بحراق

[نورسين.داية]

ا
دكتوراه وتفكري بهذ الطريقة غريب ما تحكميش على الناس نتي تعشي متزوجة بحراق
لانكدب على أنفسنا فغالبية شباب الجزائر غير مهتمين بالدراسة يحوسو على الربح السريع .........يخدم في إدارة رجل أمن و فاتح سيبار بدون لافتة .......و كيوسك ..حدى الجامعة ...سيارة كلونديستان ..........و عندو سلعة في الدار تاني يبيع ... فيها .....و لما تسألنه ماهي أمنيتك في الحياة ....نحوس نحرق ههه .....خلينا ....عقلية محروقة

[baalache]

لانكدب على أنفسنا فغالبية شباب الجزائر غير مهتمين بالدراسة يحوسو على الربح السريع .........يخدم في إدارة رجل أمن و فاتح سيبار بدون لافتة .......و كيوسك ..حدى الجامعة ...سيارة كلونديستان ..........و عندو سلعة في الدار تاني يبيع ... فيها .....و لما تسألنه ماهي أمنيتك في الحياة ....نحوس نحرق ههه .....خلينا ....عقلية محروقة
ههههههههههههههه وانت الاخرى تحكمين مجددا و الذي نفسي بيده و تعطيني اوروبا باطل ماني رايح الا سياحة ممكن

[نورسين.داية]

ههههههههههههههه وانت الاخرى تحكمين مجددا و الذي نفسي بيده و تعطيني اوروبا باطل ماني رايح الا سياحة ممكن


فالنكن صراحاء مع انفسنا فرق شاسع بين ظروف الموظف في الجزائر و أأوربا أو كندا أو الو م أ ....لا من ناحية الأجر .....السكن .....ظروف المعيشة ...تعليم الأبناء (حتى ثقافيا و الله فرق كبير )....سبحان الله .....سبحان الله فرق كبير ......بصح بشرط تكون بشهادتك ....ماش مثل شبابنا لا ديبلوم لا حرفة .......سي نورمال يتبهدل .......و في أخر المطاف تلقاه متزوج بأوربية في عمرها 80 سنة و يلعبها يحبها عقلية محروقة ياخي الصراحة




لكن نحب بلادي و إبن بلادي الله غالب

[baalache]

فالنكن صراحاء مع انفسنا فرق شاسع بين ظروف الموظف في الجزائر و أأوربا أو كندا أو الو م أ ....لا من ناحية الأجر .....السكن .....ظروف المعيشة ...تعليم الأبناء (حتى ثقافيا و الله فرق كبير )....سبحان الله .....سبحان الله فرق كبير ......بصح بشرط تكون بشهادتك ....ماش مثل شبابنا لا ديبلوم لا حرفة .......سي نورمال يتبهدل .......و في أخر المطاف تلقاه متزوج بأوربية في عمرها 80 سنة و يلعبها يحبها عقلية محروقة ياخي الصراحة




لكن نحب بلادي و إبن بلادي الله غالب
:19: راني معاك اغلب الحراقة رايحين برك لكن ليس كلهم كما ان ظروف البعض كارثية اما زواج المصلحة انا ضده

[azzam 01]

لايصلح آخر هذه الامة إلا بما صلح به أولها ........والله مافهمنا ش ....معذرة ليس هناك حب بين الفتى والفتاة ....خارج حدود الشرع لأنه غالبا ماتكون الفتاة في هكذا علاقات ضحية