medcherif03
2016-03-14, 15:51
السلام عليكم هذه المحاولة كتبتها على ابنتي حفظها الله (نسرين)
يا سعدي يا غايتي بزهو البال****عزك يا بنتي يسوى ما طلبتيه
انتي عينيا و ما تسواي بالمال****انتي اهنايا و راحة بالي فيه
يا بنتي محلاك بحنانة و دلال****الوصف اللي الناس تقول عليه
فالطاعة و اخلاق ماليهم مثال****فالطيبة و الراي هذا ما نشتيه
مقدودة بنتي جمعتها لخصال****تربية وأدب و لحياء زودتيه
ياشاكر لبنات فبنتي لا تسوال****عربية في الصيل سول امواليه
معروفة فالنسب العم و لخوال****قول لهم عالجد لعروش اتوريه
على بنتي قا سمي و دير الفال****في قصتها عاقدة الخير اتناديه
أحفظها لي يا الله من كل أعلال****و تحوط عنها كل ابلا تخطيه
واجعلها ثمرة فالمنطق وافعال****و ديرلها سيسان في كل ما تبنيه
اجعل صحبتها قا بنات احلال****ما اتفرط في دينها ما تحيد عليه
نطلب ربي خالقي تسقم لحوال****تفوزي بالعلم و تسعاي امعانيه
بحق المصدوق الصادق فالأقوال****مول الخاتم ياك ماعندو تشبيه
مولا برهان و المعجزات اثقال****لا تخيب طلبي انا ليك انديه
اقبل ذالدعوة لا ترجع موحال****قدلها في الراي و تتهنى بيه
سهل عنها كل واعصة تذلال****و طوعها في كل أمر ما تعصيه
تمت بقلمي :1:medcherif03
يا سعدي يا غايتي بزهو البال****عزك يا بنتي يسوى ما طلبتيه
انتي عينيا و ما تسواي بالمال****انتي اهنايا و راحة بالي فيه
يا بنتي محلاك بحنانة و دلال****الوصف اللي الناس تقول عليه
فالطاعة و اخلاق ماليهم مثال****فالطيبة و الراي هذا ما نشتيه
مقدودة بنتي جمعتها لخصال****تربية وأدب و لحياء زودتيه
ياشاكر لبنات فبنتي لا تسوال****عربية في الصيل سول امواليه
معروفة فالنسب العم و لخوال****قول لهم عالجد لعروش اتوريه
على بنتي قا سمي و دير الفال****في قصتها عاقدة الخير اتناديه
أحفظها لي يا الله من كل أعلال****و تحوط عنها كل ابلا تخطيه
واجعلها ثمرة فالمنطق وافعال****و ديرلها سيسان في كل ما تبنيه
اجعل صحبتها قا بنات احلال****ما اتفرط في دينها ما تحيد عليه
نطلب ربي خالقي تسقم لحوال****تفوزي بالعلم و تسعاي امعانيه
بحق المصدوق الصادق فالأقوال****مول الخاتم ياك ماعندو تشبيه
مولا برهان و المعجزات اثقال****لا تخيب طلبي انا ليك انديه
اقبل ذالدعوة لا ترجع موحال****قدلها في الراي و تتهنى بيه
سهل عنها كل واعصة تذلال****و طوعها في كل أمر ما تعصيه
تمت بقلمي :1:medcherif03