طريقة عمل البراج تفضلو

[أم_فراز]

السلام عليكم ، جبتلكم طريقة عمل البراج وكاين الي يقولولو المبرجة. جربوه وراح تدعيولي. احنا في جهة الشرق نديروه مع دخول الربيع.

بسم الله
المقادير:
3كيلات دقيق متوسط
1 كيلة وشوي(قريب ربع) سمن او زبدة ذايبة
ملح
رشة ماء زهر
الماء دافي باه نلمو العجين
الغرس.

الطريقة

1- بالنسبة للغرس او التمر افضل طر يقة خاصة لما يكون بالعلف تنقيه مليح وتفوريه شوي برك قيس ما يصير طري
تنحيه من الكسكاس يبردلك شوي وتعجنيه مليح برشات من الماء، ثم تكملي بشوي سمن او زيت و تقدري تضيفيلو مغرف صغيرة قرفة.وتحطيه بجنب. وبهذ الطريقة راح يبقالك طري حتي بعد مايطيب البراج يبقى طري و ماييبسلكش.

2- العجينة

نحط الدقيق انا استعملت دقيق عمر بن عمر الي يجي فيه خط اسود. و الملح ونفرغ في وسطو السمن الذايب تقدري حتى تديري نص سمن ونص زبدة. تدخلي السمن مليح في الدقيق وترشيه بماء الزهر تقدري تستغناي عليه. ثم تبلي بالماء شوي شوي و ماتعجنيهش. حاولي كيما تبليه تحركي غير باطراف الاصابع وتلميه راني ناكدلك ماتعجنيهش باه مايجيكش يابس.

راني طولت عليكم بصح حابة نوصللكم الفكرة مليح.

نخليكم مع الصور

كيلت بصحن تاع الشربة.


http://www.up.djelfa.info/uploads/145789473985281.jpg (http://www.up.djelfa.info/)
///

http://www.up.djelfa.info/uploads/145789487738871.jpg (http://www.up.djelfa.info/)
هنا كي لميت العجينة بدون عجن قسمتها 2 قرصات

http://www.up.djelfa.info/uploads/145789492710041.jpg (http://www.up.djelfa.info/)

درك نروحو للمفيد تطرحي كل قرصة على حدى باليد ماتكبريهاش باه تقدري تهزيها ، وتزيدي تعملي قرصة من الغرس بصح سمكها يكون اقل من سمك قرصة العجين، باه مايجيش حلو بزاف ، مثلا سمك العجينة 5 سم انت ديري سمك الغرس 3 سم

http://www.up.djelfa.info/uploads/145789505605981.jpg (http://www.up.djelfa.info/)

اطرحي بالحلال شوي شوي حتى تتحصلي على قرصة كبيرة. و يفضل انك تعملي فوق مشمع تاع النيلون باه تسهلك الخدمة.

http://www.up.djelfa.info/uploads/145789559799631.jpg (http://www.up.djelfa.info/)

تقصي طوليا ثم تقصي شكل معينات.

http://www.up.djelfa.info/uploads/145789570537191.jpg (http://www.up.djelfa.info/)

وتحطي الطاجين يسخن. وهنا كاين سر ههههه
انا نحط طاجين تاع الطين ونحط فوقو طاجين تاع الحديد، يطيبلي البراج مليح و مايطلعش الدخان.

http://www.up.djelfa.info/uploads/145789589663841.jpg (http://www.up.djelfa.info/)

تحطيه يطيب وتسناي شوي حتى يشد روحو باه ماتبقايش تقلبي فيه بزاف. وتقلبيه.

http://www.up.djelfa.info/uploads/145789594501351.jpg (http://www.up.djelfa.info/)


http://www.up.djelfa.info/uploads/145789609950711.jpg (http://www.up.djelfa.info/)

وهذا ليكم . شكون تسرع باه تهز تذوق، بصحتكم.

http://www.up.djelfa.info/uploads/145789620539271.jpg (http://www.up.djelfa.info/)

واش قولتو؟ تجربوه؟ نعرفكم فحلات.

[أم_فراز]

http://www.up.djelfa.info/uploads/145789620539271.jpg (http://www.up.djelfa.info/)

[om_nour]

اللَّهُمَّ اجْعَلْنا مِنَ الشَّاكِرِينَ لآلاَئِكَ، الصَّابِرِينَ عَلَى بَلاَئِكَ، الرَّاضِينَ بِقَضَائِكَ، النَّاصِرِينَ لأَوْلِيائِكَ، الْمُجَاهِدِينَ لأَعْدَائِكَ.

اللَّهُمَّ وَفِّقْنا جَمِيعاً لِما تُحِبُّ وَتَرْضَى. اللَّهُمَّ خُذْ بِنَواصِينا لِلبِرِّ وَالتَّقْوَى. اللَّهُمَّ سَلِّمْنا وَسَلِّمْ مِنّا، وَخُذْ بِنَوَاصِينا لِما يُرْضِيكَ عَنّا، يا ذَا الْجَلاَلِ وَالإِكْرَامِ،

اللَّهُمَّ ما قَصُرَ عَنْهُ رَأيُنا، وَضَعُفَ عَنْهُ عِلْمُنا وَعَمَلُنا، وَلَمْ تَبْلُغْهُ مَسْأَلَتُنا مِنْ خَيْرٍ أَنْزَلْتَهُ عَلَى عِبَادِكَ، فَإِنّا نَرْغَبُ إِلَيْكَ فِيهِ، وَنَسْأَلُكَ إِيّاهُ.

اللَّهُمَّ لاَ تَحْرِمْنا فَضْلَكَ بِذُنُوبِنا. اللَّهُمَّ لاَ تَحْرِمْنا خَيْرَ ما عِنْدَكَ بِسُوءِ ما عِنْدَنا، يا حَيُّ يا قَيُّومُ، يا ذَا الْجَلاَلِ وَالإِكْرَامِ، ا

[ميمي ناصر 22]

الله يبارك
يعطيك الصحة

[{ حديث الوجدان }]

فكرة مليحة نتاع الطاوة نتاع الحديد فوق الطاجين نتاع الطين

نقولها للوالدة تجربها لانها دايما تشكي من حريق البراج

باين هيل ربي يحفظك

[fati sara]

يظطيك الصحة.حتی انا نحبهم.

[أم_فراز]

الله يبارك فيكم اخواتي

[ibtihal18]

يعيطك الصحة يهبلو بصح فكرة الطاجين تع الحديد فووووووووور نولي نطيبها هكذا عجبتني

[أم ريتاج زهرة]

نموت عليهم و نملهمش كن ناكلهم كل يوم مشكورة اختي

[samsoma bac]

امممممممممممم يشهي
يعطيك الصحة

[Southpaw]

يعطيك الصحة اختي

[أم محمد تاج]

هايل الله يعطيك الصحة

[sarah rose]

ممممممممم مشكورة اختي يعطيك الصحة

[om kamilia]

يعطيك الصحة ام فراز هذا وقتو مع ربيع والوصفة هايلة بارك الله فيك

[جدر عواش]

الله يعطيك الصحة والعافية

[rachedi souad]

يعطيك الصحة أختي باينين يهبلو

[Nedjma rody]

يعطيك الصحه خرجلك هايل