انا في دوامة..

[مشكلتي]

اني فيصدقوني والله ملقيت منين نبداااا...................انا شابة في مقتبل العمر جامعية عشت في كنف اسرة الحمد لله على كل شي مرتاحة ماديااا بصح المشاكل اللي بين امي وابي منتهاتش الي يومنا
ا هذا من الرغم من انهم قاريين ويملكو مكانة فلمجتمع
نشات وسط هاذ الصراعات ابي كان يخون امي يضربها ميصرفش علينااا ميفتش علينا .........................الخ
عولت على روحي قريت وتعبت ونجحت والحمد لله رغم كل شي درت هدف بين عينيا اني نفرح امي ونهزلها راسها قدام الناس .......والحمد لله قريت وحققتلها امنيتها....كنت طول عمري نتمنى ندي انسان متخلق ويخاف ربي وديما ندعي ونصلي نتلاقا بيه..............الى ان شاءت الاقدار اني ىتلاقيت بالانسان هذا بعد فترة وجيزة (الله يسامحني) صقصا عليا مليح وصارحني انو حاب يخطبني فرحححت وصارحت امي كي حكيتلها على وضعيتو قاتلي كيفاه نقول لباباك يقتلني
باباك يحب واحد حطة وستيل هذا ملقيتي تصدمت .....مرت الايام وحكاتلو ماما دار حالة بلعياط والسبان والتعاااييير وينعتهم غير بطلالبة والله العللي العظيم هذا لانه باباه يخدم بناء والسيد هذا اللي خاطبني قدو قد حالو شهار والحمد لله جاو شافوني حضر جدي اب امي صدقوني كي طبطبو الباب مفتحش عليهم الباب فتح جدي قالولو تمدلنا الطفلة قال حتى نصقصي مليييح في عقلي راحو روحو هكذاك وخلاهم 3 اشهر باه رجعلهم القبول على مضض.......
كي رجعو نديرو خطبة كيما الناس كي وصلو الرجال هو ما دخلو هو خرج دار لخطيبي قدام صحابو قالو جيت بيديك روح جيب الامام خرج راح يجري من بلاصة لبلاصة لقا واحد جابو كي رجع لقاهم رشحو واحد هزالفاتحة بدون حضورو غاضاتو روحو لانهم جاو على اساس يخطبو برك مجا يفوت هذاك النهار وانا الدموع فعينيا واللله مفرحت كي راحو جا بابا للدار لعماتي ويقولهم شفتو هاذوك الطلالبة اللي ادات راهم يباتو بلاش وهوما ميتييين بالضحك تجرحت وغاضتني روحي ........هذا كل على جال اديت انسان زوالي ومتخلق ........دارلو شروطات تعجيزية وشرطو عليه الذهب انا ساعفتو وقتلو متشريليش الذهب انا نشريه ونمدلك جيبهولي انا انسانة طالبة لهناء طالبة نرتاح نفسياااا الدراهم عمرهم ميشريوش السعادة للانسان
علاه الزوالي ميزوجش ماهوش من حقو يبني عايلة ضرك بابا من نهار الفاتحة وهو معاديني يعايرني ويطيشلي لكلام اللي يجرحني وكي يروح لخواتاتو يدير المجمع عليا وعلى اهل زوجي ....................وهوما يضحكو
ويقول ماهيش بنتي تعود حاشاكم تفتش فالزبالة (اكرمكم الله) الله يهديه
كيفاه ضركا فهموني راني مظلومة يحاسبني ربي على تصرفاتو انا غالطة ولامانيش غالطة
ياجماعة راني طالبة الستر والحلال ورضيت بواش قسملي ربي علاه الدنيا ولات تاع مظاهر
مفهموني الله يستركم راني منرقدش فليل انا غالطة ............محتاجة كلمة تبردل

[سيف الدين الطيار]

حسبنا الله و نعم الوكيل

[ريـاض]

بمجرد أن تذهبي إلى بيت زوجك تنتهي تلك المشاكل التي تتحدثين عنها .. فلا تشغلي بالك الآن بتصرّفات والدك وادعي ربي يهديه ,, وإياك أن تعادي والدك أو تقاطعيه حتى لو أساء لك ,, فالله تعالى يقول : (وَإِنْ جَاهَدَاكَ عَلَىٰ أَنْ تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا)
والله أعلم

[مصطفى_س]

والله موضوعك نوعا ما صعب و لكن باذن الله لكل مشكلة حل فقط نحتاج لبعض الوقت
اظن انك تريدين الزواج بالشخص الذي تقدم اليك و الحمد لله جاء الى البيت و طلب يدك و كانت خطبة شرعية على حد قولك انهم جاؤو لخطبتك و قراوالفاتحة و ما الى ذلك

كما ان اباك قبل بالشخص و الدليل ان الخطبة تمت معناه لا تهتمي لكلام ابيك بمعايرة الشخص طالما تريدين هذا الشخص و هو ايضا يريدك
توكلي على الله و ادعي لابيك الهداية و لنا اجمعين و مادام هناك اقارب فلتحاولو التشاور او يتشاور احد يتفاهم مع ابيك جيدا و يقنعه بالشخص الذي جاء لطلب يدك منه و اقناعه بان المال ليس كل شيئ في هذه الدنيا نعم الله لا تحصى و وبالاخص نعمة الخلق الحسن فأين هي في زمننا هذا

اما فيما يخص انه يعايرك او يعاير زوجك فاصبري فهو مهما كان ابوك و لكن لا يمنعنا ان نحاول ان نتشاور معه عن طريق شخص يحبه ابحثي عن الشخص الذي يحبه والدك و ترتاحين له و ان شاء الله ربي يوفقك


و لا تنسي ابدا صلاة الاستخارة في اي موضوع يأرقك فانك توكلين امرك الى الله و هو يحسن التدبير

هذا رايي و ربي يوفقك

[توحيد الجزائرية]

السلام عليكم

الصبر،،،مر مذاقه لكن عاقبته احلى من العسل
بعد الزواج ،،اياك والشكوى لاهلك عن زوجك ،،مهما حدث بينكما وكان الامر صغيرا
المال مقدور عليه ،،رزق يسوقه الله لمن يشاء ،،لكن الاخلاق غير موجودة في كل رجل
اثمن موقفك وكلامك ،وان شاء الله يكون الزوج يستحق هذه المعاناة
وحسب الواقع
الغني بعد الزواج قد يفتقر
والفقير يغنه الله من فضله
وهذا عن تجربة

[نور لاتراه]

السلام عليكم
الكلمة لي تبرد قلبك انو في الاخير كتب المكتوب بيناتكم مبدئيا في لحلال
ومدام خلق ودين فلا يهمك الكلام
والارزاق بيد الله
بارك الله لكما وبارك عليكما وجمع بينكما في خير
استخيري دائما قبل او بعد وفي كل امورك

[طيور الجنان]

اختي مهما يكون هذا بابك اياك ان تعاديه عامليه بالحسنى و راكي تروحي لدارك وتتهناي ربي يجمع بينك و بين زوجك في الحلال و يهنيك و يسعدك اااامييييين

[baalache]

أختي انت بنت حلال تاع الصح و للاسف الكبار في بعض الاحيان لا يتقبلون ان يكون الابناء على حق تجيهم طايحة لكن والذي نفسي بيده انت انسانة راقية جدا

[kika85]

ونعم الزوجة يا سعدو هادا الي داك ربي يكمملكم في الخيروطمنينا عليك بعد زواجك

[الطيب الجزائري34]

اختي ما شاء الله عليك انت نعم النساء ربي يحفظك .
بالنسبة للاب ما عليك الا الصبر و الدعاء فانت اعلم بمقام الوالدين .
الشيئ الايجابي في قصتك ان الله جمع بينكما .
و ما هي الا ايام وتصبحين تحت قوامة زوجك و تعوضين ما فات .

أسأل الله ان يبارك لكما وان يبارك عليكما وان يجمع بينكما في خير و يرزقكم الذرية الصالحة . امين
احييك مرة اخرى على نظرتك للزواج و على قناعتك

[AMINA.Z]

لا حول و لا قوة الا بالله

[صبرا13]

السلام عليكم و رحمة الله و بركاته
و آسفي على أبيك، فحقا يفعل الجاهل بنفسه ما لا يفعله العدو بعدوه !! ماأظن اباك الا دخل باب الكبر ، فعن عبد الله بن مسعود رضي الله عنه عن النبى صلى الله عليه وسلم قال‏:‏ “لا يدخل الجنة من كان في قلبه مثقال ذرة من كبر” فقال رجل” إن الرجل يحب أن يكون ثوبه حسناً ونعله حسناً‏؟‏ قال‏:‏ “إن الله جميل يحب الجمال الكبر بطر الحق وغمط الناس” ‏(‏‏(‏رواه مسلم‏)‏‏)‏‏.‏ و غمط الناس يعني احتقارهم،
انصحك ان تقولي هذا لامك لتقوله لأبيك ( لا تقوليه انت )، ثم هذا لا يمنع ان تبّري أباك و ان اخطأ، ثم الظاهر ان الزوج صاحب الحظ نزل عندك في منزلة الرضا، الم يقل الشاعر
و عين الرضا عن كل عيب كليلة و عين السخط تبدي المساوئ،. و لكن تريثي، فأي حياة زوجية، مهما كان التوفيق فيها لا تخلو من المشاكل، و ان طال الزمن او قصر ستحتاجين والدك، الا يقال فلانة بنت الرجال... فأمسكي العصا من النصف و لا تميلي ميلا عظيما (مشّي امورك بالساكت بدون حكايات) ، و عظي أباك بالتي هي أحسن، وإياك و ان تشتكي لزوجك من أباك، يجب ان تقلبي الأمور مثلا ابي يقول انك فتى طيب ....الخ، لماذا؟
لانه اذا زوجك حقد على ابوك قولي على زيارة اهلك السلام.

[غزلانْ]

السلام عليكم




المهم تم القبول

و هذا الأهم بارك الله لكما

كنصيحة ايّاك أن تنقلي ما جرى بينكِ و بيْن والدك فيما يخص موقفه و استهزاءه الى " خطيبك و أهله" تفاديا لمشاكل مستقبلا


مصير والدك يرضى به

و لا تبالي و انسي يبقى والدك

(كاضافة استفسار فقط ان حدث و أعدتِ كتابة تتبعة لمشكلتك سؤال ما موقف خطيبك من عرضِكِ لهُ
" انا نشريه ونمدلك جيبهولي انا انسانة طالبة لهناء طالبة نرتاح نفسياااا الدراهم عمرهم ميشريوش السعادة للانسان"
هل وافق أم لا ")





وفقك الله

[محمد جديدي التبسي]

تستحقين التحية والشكر لانك اخترت الاخلاق ولم تنظري للماديات مثل كثير من بنات مجتمعنا
والدك على خطأ وليس انسان واعي ولم تعلمه الحياة رغم كبر سنه ربي يهديه ليدرك ان الذي رزقه قد ابتلاه ولابد ان يشكر النعمة ويتواضع للخلق...ادعي لوالدك بالخير واجعلي قلبك اقوى بذكر الله ليتحمل معاناة الاقربين.. ربي يتمم على خير ويسعدك في حياتك

[اياد حياتي]

انا نقلك هذا مهما كان باباك ومدام ديتي هذا الشخص ان شاء الله يكون قد التضحية الي ضحيتيها على جالو لانو مرا دايمن تضحي وفي لاخر راجل ميستعرفش وتصيبيها تروح تشكي لوالديها لازم تروحي لباباك وتقوليلو اذا راك راضي عليا انا مانحبش نخرج من دارنا وتحت جناحتيك وانت مراكش راضي عليا وصليهالو عن طريق شخص يحبو واكيد الاب مهما كان يحن على بنتو وطلبي ربي يهديه موفقة وما تنسايش اياك انك تقولي لخطيبك واش يقول باباك لانو تبقى الحقودية انتي باباك ترجعو مع بعض بصح هو نهار الي يديك يقولك باباك كذا وكذا اياك

[صفيان 11]

انتي بنت فاميليا حرة اختي في زمن طغاة اعليه الماديات ربي يبارك في زواجك و صلي صلاة الاستخارة

[Saif al-Islam]

اللّه يعطيك الصّبر يا أختي الكريمة ، حالتك شائكة جذًا ، و حتى و إن قدّمنا لكي إقترحاتنا و آرائنا فلن نستطيع أن نقول لكي أن والدك كذا و كذا بل نقول لكي اللّه يهديه ، لأنّه في النهاية والدك و يبقى والدك ، و ما عساكي أن تفعلي ، بل راجعي نفسك و تتبثي جيّدًا بقرار قبولك بهذا الخطيب ، و ركّزي جيّدا على إختلاف المستوى المعيشي بينكما ، و ركّزي على قدرتك على تغيير نمط معيشتك ، لأنّ القرار مهم و مهم جذًا بعد دراسته ، و لا أخفي عليكي يا أختي الكريمة أنّ رضى الوالدين مهمة و مهمّة جذًا في مسالة الزواج ، و إن رأيت من والدك سوى الإستهزاء فتحمّلي و لك الأجر من اللّه سبحانه و تعالى، و حاولي مصارحته و التحدث معه بالاسباب التي جعلته يرفض هذا الشخص بوجهة نظره ، و أأكد على هذا ، و تبقى مسألة رضاه بمدى نجاح هذا الزّواج بعد حين ، فتتغيّر نظرته لهذ الخطيب أو الزّوج بمرور الوقت ، أما إن كانت معارضته قائمة لهذا الزّواج ، فالدنب دنبه ، و عليكي التّراجع رغم قساوة هذا الخيار ، لأن الوالدين أولى لكي و رضاهم أولى لنجاح الزّواج

>> تحياتي الخالصة إليكي أختي << Saif al-Islam.

[وردة الرمال43]

اختي ربي يهدي باباك ويرجعو لطريق الصواب وانت اصبري حتى نهار يسهلك ربي وتروحي لدارك في هذاك الوقت يفيق باباك مع روحو انشاء الله ويولي يتواحشك ويجيك لدارك وبتبدل انشاء الله

[..بسمة أمل ..]

السلام عليكم اختي

لا جول و لا قوة الا بالله

الله يهدينا يازب والله يا اختي

راني حرت في الاب نتاعك و علاه

راه يدير هاك عمرها الدراهم ما

تجيب لهنا و السعادة و عمرو الغني

ما يكون فرحان طول حياتو

يا اختي الرزق على ربي سبحانو

يحب يرزقك و يحب ينح عليك بلاك

ربي يرزق هاذ الراجل و يولي احسن

من باباك وزيد الراجل الزوالي

يعبش المرا احسن من الغني يعيش

معاها ببساطة و صدق و حنان بصح

الغني من كثرت المادة يولي يخون

في زوجة و كل كرة مع مرا اخرى

معظمهم مانيش نعمم باه

انا نقلك ماكيش غالطة صلي

استخارة و ربي يخيرلك لي فيها

الخيييير و وبي بسهلك و يرزقك

الذرية الصالحة اميييين