تصرفات امي ستصيبني بالجنون

[مشكلتي]

السلام عليكم و رحمة الله تعالى و بركاته
بدون اطالة ساطرح المشكلة و ان شاء الله تعاونوني
انا فتاة مخطوبة وقريب عرسي ان شاء الله و انا الكبيرة في المنزل _عاملة والحمد لله
مشكلتي هي امي فهي دائما تشكي مني لابي و لاخوتي الصغار رغم اني والله منديرلها حاجة
على اتفه حاجة تسمع الجيران كامل عليا ولوكان خواتاتي اللي اقل مني يديرولها مشاكل كبار ولا تقارن ابدا مع تفاهاتي لا تغظب ولا تفعل لهن شيئا
تتجادل معي وتخاصمني على اتفه الاسباب حتى في جهازي رغم اني انا اللي نخلص كلشي و حاجة ماتعجبها تقعد غير تقولي انا في وقتي ماكناش نديرو هكدا و هادا بزاف و نفهمها بلي وقتنا و وقتهم ماشي كيف كيف
تستخسر فيا كلشي حتى خطيبي تقولي لوكان غير خطبني في اختك الاخرى باين عليه ناس ملاح
لوكان تشوف عندي حاجة مليحة تمدها لاخوتاتي بلا ادني و كي نقولها علاه تقولي يا خواتات و انا لوكان نهز حوايجهم مع موافقتهم تقولي علاه راكي خدامة اشري
كظمت غيظي بزاف و اثر هاد الشي على نفسيتي بزاف وليت عصبية فوق الحق وديما نرقد على البكاء
لوكان نديرلها الجنة في طبسي ماتعجبهاش و علابالي بلي البر بالوالدين هو كلشي ومالقيتش طريقة نتعامل بيها معاها
ماكانش نهار يفوت عليا الا و علقت على حاجة او تصرف حتى و لوكان نكون فرحانة تسمطلي الفرحة
نحسها تكرهني رغم اني نحبها و تهمني صحتها بزاااف وديما نديرلها هدايا ونخرجها ونديرلها على خاطرها بصح قلييييييييييييل وين نلقى كلمات شكر
مع العلم اني متخلقة و جامي واحد شكا مني و كنت ديما متفوقة في دراستي

تعبت يا خاوتي حابة نبرها ولكنها مصعبة عليا بزاف الامر هادا
دبرو عليا راهي نفسيتي تعبت تماما


ملاحظة, معنديش مشاكل مع حتى فرد في العائلة و ابي راضي عليا و الحمد لله
وووو بالاك تقولو بلي ممكن ماكيش بنتها الحقيقية لا لا انا بنتها

و في الاخير ادعيولي ربي يحنن قلبها عليا و يساعدني تعبت تعبت تعبت

[ريـاض]

أمّك لم تتصرّف معك بتلك الطريقة بدون أي سبب
أكيد توجد أسباب
ربما لأنك عصبية كما قلتِ
أو لأسباب أخرى أنت وحدك من يعلمها
لذلك يجب عليك ان تراجعي نفسك جيدا من ناحية طريقة معاملتك مع أمك ومع اخوتك
ونصيحتي لك هي أن تتدبري جيدا في هذه الآية
يقول الله تعالى :
( ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)
صدقيني أيتها الأخت الفاضلة لو تعاملي أمك بالحسنى فستنقلب معاملتها لك 180 درجة

والحمد لله أنك تعليمن قيمة بر الوالدين
فحاولي أن تخفضي لهما جناح الذل من الرحمة واسألي الله أن يرحمهما كما ربياك صغيرة
كما قال الله تعالى :
(وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا)
والله أعلم

[توحيد الجزائرية]

اصدق كلامك،،،اخر الزمان
من الامهات من تشيع السوء على فلذة كبدها ،،،
لكن احسني اليها طاعة لله وطلبا لرضاه
لا تنتظري ثناء ولا تكترثي لسوء معاملتها ،،،

[أمل94]

ملقيتش وش نقولك اختي هذي يماك كان وحداخرى نعطيك نصايح ولا تدابير المهم الحل انك تساعفيها ومديريش عليها حتا تروحي لبيتك انشاله وزيد راكي خدامة كون راكي قاعدة فدار تتقلقي اكثر ربي يهنيك اختي

[مصطفى_س]

مهما كان فهذه امك لا تقولي لها شيئا و ادعي لها و لنا بالهداية و عامليها معاملة جيدة حتى و ان اساءت اليك

عَنْ أَبِي هُرَيْرَةَ ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : إِذَا كَانَ ثُلُثُ اللَّيْلِ أَوْ شَطْرُهُ ، نَزَلَ اللَّهُ عَزَّ وَجَلَّ إِلَى السَّمَاءِ الدُّنْيَا ، فَيَقُولُ : " هَلْ مِنْ دَاعٍ فَأَسْتَجِيبَ لَهُ ، هَلْ مِنْ سَائِلٍ فَأُعْطِيَهُ ، هَلْ مِنْ مُسْتَغْفِرٍ فَأَغْفِرَ لَهُ " ، حَتَّى يَطْلُعَ الْفَجْرُ .
لذا ادعي الله و انت واثقة انه سيستجيب لك بان تتحسن علاقتك مع امك و لا تقنطي و لا تنزعجي فلكل مشكلة حل

الله يوفقك

[ذكـــــرى]

لو تعرفين كيف تكون الحياة بدونها لحمدت ربك أن الجنة بين يديك
ذي أمك والخير دائما صعب يحتاج حرصا وصبرا
لن أزيد على نصح القرآن لنا شيئا....واستعينوا بالصبر والصلاة... وانظري لمرتبة الصبر!
سيأتي يوم تعرفين معنى أن تكون لك أمّ♥

[ميما اللئيمة]

رانا فالهوا سوا ، انا ما تفضل عليا خواتاتي ، وبابا تاني ، يعايرو و يبخصو ، مرة مرضت رحت نشكيلهم قلتلهم راني فالموت ، قالولي لوكان جا عندك القلب تموتي لي زيك الموت خير ليها ، في هذ الزمان باباك ومك يعاملوك وفق منطق الدنيا بالوجوه ، بصح الله غالب هدي تبقا مك احملي واسكتي ماعندك ماتديري ، اصلا شكون سامع بينا يعيشك :/

[طيور الجنان]

مهما يكن فهي امك ابقي عامليها مليح و لازم البر بها و راكي قريب تروحي ويتبدل كلشي.

[sidra2014]

raby yahdyha khty wkhlas ma 3andek ma ddiri

[صفاء الروح]

معندك مديري تبقى امك
ومهما يكن محال تقيسك ولاترضالك االشر
ربي يهنيك

[صبرا13]

السلام عليكم و رحمة
حكايتك تذكرني بصديقة لي كانت كثيرة الشكوى و للخلاف مع أمها. و كانت مثلك تبرها بالنفقة و الهدايا و لكنها كانت اذا لم يعحبها تصرف من أمها كانت تغلظ لها القول، و كان ذلك يو غر صدر أمها عليها كما قيل " الشعير و الملاحة و لا القمح و القباحة" . ثم كان أنها تزوجت و حملت و أنجبت فتاة قليلة النوم كثيرة البكاء كثيرة المرض. فكانت تبات ليلها مستقيضة بها في ذراعيها تبكي ثم تصبح صباحها بين عيادات الأطباء فالتقيتها يوما فبكت و قالت لي تذكرت امي و صراخي في وجهها. فمنذ ذلك و علاقتهما بخير و لم تجد في محنها إلا أمها
أسأل الله أن يأتيك الصبر. فأجر بر الوالدين غير قليل. و أن أغضبتك لا تردي لها الكلام و أكظمي الغيظ.
قال البخاري في الأدب المفرد 4- حَدثنا سَعِيدُ بْنُ أَبِي مَرْيَمَ، قَالَ: أَخْبَرَنَا مُحَمَّدُ بْنُ جَعْفَرِ بْنِ أَبِي كَثِيرٍ قَالَ: أَخْبَرَنِي زَيْدُ بْنُ أَسْلَمَ، عَنْ عَطَاءِ بْنِ يَسَارٍ، عَنِ ابْنِ عَبَّاسٍ، أَنَّهُ أَتَاهُ رَجُلٌ فَقَالَ: إِنِّي خَطَبْتُ امْرَأَةً، فَأَبَتْ أَنْ تَنْكِحَنِي، وَخَطَبَهَا غَيْرِي، فَأَحَبَّتْ أَنْ تَنْكِحَهُ، فَغِرْتُ عَلَيْهَا فَقَتَلْتُهَا، فَهَلْ لِي مِنْ تَوْبَةٍ؟ قَالَ: أُمُّكَ حَيَّةٌ؟ قَالَ: لاَ، قَالَ: تُبْ إِلَى اللهِ عَزَّ وَجَلَّ، وَتَقَرَّبْ إِلَيْهِ مَا اسْتَطَعْتَ، فَذَهَبْتُ فَسَأَلْتُ ابْنَ عَبَّاسٍ: لِمَ سَأَلْتَهُ عَنْ حَيَاةِ أُمِّهِ؟ فَقَالَ: إِنِّي لاَ أَعْلَمُ عَمَلاً أَقْرَبَ إِلَى اللهِ عَزَّ وَجَلَّ مِنْ بِرِّ الْوَالِدَةِ.
اللهم اغفر لأمي و احسن خاتمتها و علي مقامها في الدارين و كذلك جميع أمهات المؤمنين امين

[AMINA.Z]

اسكتي و خلاص
اذا هدرتي و اشتكيتي ..غبر انتي اللي راح تخرجي خاسرة في الدنيا و في الاخرة
خليها لربي
ربي يهنيك في حياتك

[faty05]

انتي اسكتي و ما تناقشيهاش كي تعلق خليها تعلق من بعد مع الوقت راح تبطل تعليق
اسال الله ان يهديها لتعدل بينكم

[لمسة ابداع]

و الله يااختي نعرف وحدة ومن اقرب الناس ليا يماها تعاملها كي انتي و لا اكثر بصح الانسانة هادي عندها ايمان كبيرتطيعها في كل كبيرة و صغيرة و جامي تردها بالصح ماعندكم حتى حل يا تطيعوها يا تطيعوها و بالفعل هدا اصعب بلاء ربي يوفقك اختي

https://modo3.com/thumbs/fit630x300/15478/1436444758/%D9%85%D8%A7_%D9%87%D9%88_%D8%B9%D9%82%D9%88%D9%82 _%D8%A7%D9%84%D8%A2%D8%A8%D8%A7%D8%A1_%D9%84%D9%84 %D8%A3%D8%A8%D9%86%D8%A7%D8%A1.jpg

[solinne]

راكي تقولي انتي الكبيرة تاع الدار صح انا بحكم معريفتي بخبايا البيوت نشوف بلي الامهات يولو يعايرو بناتهم و يسبوهم كي ما تعاونش الطفلة امها في شغل البيت ايه ما تستغربوش نضن .......
وانتي كنت لاتية غير مع القراية ومن بعد خرجتي تخدمي وضرك تتزوجي وانت نا درتيلها والو بلاك مع الصباح هي تنوض الفجر وانت راقدة هي تغسل وتسيق وانت تشوفي انا نقولك حاسبي نفسك قبل امك وكي تتزوجي رايحة تحسي صح بقيمة امك .......

[غزلانْ]

السلام عليكم






أنتِ فتاة مخطوبة و عرسكِ قريب
لا تجعلي تصرفات أمك "مشكلة" اعتبريها" سوء تفاهم ضغوطات تحضير العرس "
و " قلق منكِ عصبيتك "
سايريها لا تتعصبي منها مهما كانت تصرفاتها " تبقى والدتك" و " عليكِ طاعتها"
والدكِ راضي عنكِ اذا عليك كسب والدتك لتتحصلي على رضاها عنك أضعاف رضى
والدك لتنجحي و تسعدي









طيّب الله بينكما و بالتوفيق

[نور الفجر02]

لو كان جربتي المعيشة بدون أم أصلا ماتفتحيش فمك بكلمة وتكتبي حتى مشكلتك ..غيرك يتمنى يشوف حتى خيالها وانت عندك ام وقاعدة تشتكي للناس منها ...هذه امك وكيما ديرلك حليلها رباتك وكبراتك ودير فيك واش تحب ..........ناس اخر زمن بنات تشتكي من امها سبحان الله

[نور الفجر02]

ويزيدو الاعضاء بمشاركاتهم يكملو الحساب ماديريش عليهم راهم مهما كان يبقاو غرباء عليييك وتلك المراة أمك أمك أمك ياطفلة الله يهديك

[محمد جديدي التبسي]

الام مقامها عظيم مهما أخطأت معك ومهما قدمت لها فلن تعادلي لحظة من لحظات حملها بك ناهيك عن الولادة والرضاعة والتربية والمشقة ووو
أمك معها حق في جانب الجهاز وتحضيراتك للزفاف فهذ مبالغ فيه وما نراه في مجتمعنا من مثيلاتك يكرهنا في الزواج تقول راح تسافر للمريخ حيث لا أثاث ولا لباس ولا شيء!!
الاولى من هذه المظاهر السخيفة وتبذير المال فيما لا يعني هو ان تتوعي في مفاهيم الزواج والعلاقات الاجتماعية وكيف يجب أن تكون لأن الظاهر انك ستعانين كثيرا لو وجدت حماتك صعيبة او اخوات زوجك لذلك تعلمي الصبر والتغافل وعاملي الناس بأخلاقك لا بأخلاقهم حتى وان أساؤوا ..ربي يتمم على خير ويفتح عليك ويؤلف قلب أمك عليك.

[..بسمة أمل ..]

السلام عليكم اختي

ربي يحنن عليك لميمة وترضى

عليك دنيا و اخرة ان شاء الله

تكون شدة و تزول انتي حاولي

انك تصبري عليها و ربي يجازيك

بلاك كي تتزوجي و تبعدي عليها

تولي تتوحشك و تندم وتحن عليك

ربي يسهلك زواجك ويرزقك بالذرية

الصالحة اللهم اميييييين

[رَكان]

السلام عليكم ..
البعض هنا يذكرك بفضل الوالدين والأم وما أوصانا الشرع بهما ..
لم أقف على مضمون المشكلة ما ينبئ أن صاحبتها تنوي مناكفة أمها أو محاسبتها إنما وقفت على حسرة وألم وطلبا للسند والدعم ..يجب أن نتوقف عند هذا الحد ولانزيد بلة طين صاحبه...
وبعيدا عن المشكلة وليته يرأ كلامي الأمهات والآباء فلتعلموا أنه ليس للأبناء حضن دفئ غير حضنكم ..لامهرب لهم ولاملجأ مما يشتد عليهم ويضيق بهم في هذه الحياة غير غير حضنكم الدافئ وحنوكم عليهم ..فإلى أين مهربهم وإلى أين مشتكاهم إن لم يجدوا لديكم هربا ومشتكى ..؟؟؟؟
وعلينا الا نزايد فكثير كثير من حالاات نفور وقسوة مع الأبناء يمارسها الآباء دونما مبرر ..عائدة لأسباب مختلفه قد لايستع المقام لذكرها ..فلنكن موضوعيين ولاداعي لمثل هذه الجرعات الزائدة من المثالية ..