تسجيل الدخول

مشاهدة النسخة كاملة : يا سهلا بهاذ القمر *بقلمي*

medcherif03
2016-03-11, 23:42
.................................................. .................................................. .................................................
اراجيز
2016-03-11, 23:46
ما شاء الله عليك

44444444444444444444444444444
بوبكر بن علي
2016-03-12, 15:57
وادك جا مسكلف بمياهو يقجول......زاوطو ريح محبة زادو تكلاف
قولك نشتوه يعجب يا مهلـــــهل......عن صغات خليلتو دق اوصاف

بارك الله فيك الشاعر محمد..وفقت..تحياتي
medcherif03
2016-03-13, 11:24
السلام عليكم أسمحولي على هذه الاضافة قد صححت بعض الأخطاء و زدت لها أبيات تكملت لما سبق و شكرا


يا سهلا بهاذ القمر عليا طل ****بدر النصفية لكامل في لوصاف
يامحلا ذيك السمايم كي لعسل****نسبتها عربي مأصل من لشراف
مقواه الا كان عقلي راه اشل****من شوفتها يا لخاوة عدت نخاف

هاذي آية في زينها لا يتمثل****و داروها لجيال محاجية بالتخراف
من نظرتها شحال من قايد ذل****ومن طولتها يروح امتلف تتلاف
ما فيهاش اعيوب شينة ماتتمل****ما تلقى فيها نقيصة لا تقصاف

مربوعة فالقد أخفيفة فالضل****مسبوكة لقداد عريضة في لكتاف
اطولة نخلة ما تتعبر بانخل****دقلة نور اللي عزيزة للتضياف
في البنة عسلة الذايقها يحصل****عسل النحلة ليمربي في لرياف

يا لايمني طارقلبي و نزل****لابى يرجع لي معها دار احلاف
مقواه الا كان جسدي راه اهزل****و يونسني خيالها عني طواف
يا سايلني في هواها لا تسأل****لاتهوض لجراح زادوني تضعاف

قالوا ما تعيا امتبعها وتزل**** ساعفنا خليك من هاذ التعياف
قلت لهم مانطيق ننساها بسهل****ما هو رايي راه ذالقلب السياف
حاتمني لرموز صعبة ما تتحل****عييت نطاوع فيه احسبتوعراف

مانقدرش انقول هاذ القلب اهبل****وعاد يهاذي في كلامو بتخلاف
ياخوتي عقلي اتلى عنو واسل****لامن جا في نصرتي وعني ناف
يا وخذي شيان حالي واتبهدل****وتقير لوني على ضريفة لخفاف

يا سبحان الله سيدي وش يعمل****في خلقو عجب دار لها تنحاف
ذا ما راد الله في صنعو يفعل****و اجعل لي للقلب وناسة تتضاف
فتنت لي عقلي و ذ الفكر اتخبل****مقواه امديسي وكثرت لو لصناف

شعراقرابي كظلمة طاح اسبل****ع جبهة قنديل فوقو دار احقاف
الحاجب و العين مليانة بكحل****و الشنوفة طابعتهم في التسراف
اشفايف و اخدود بنعمان وفل**** المبسم مصموت يحلف فالشواف

الرقبة صاري الما منو طل****طبعوها ذوك السوالف نعت الحاف
صدرك طحطاحة للفارس ينزل****موالف للعودات فالركبة خطاف
قرسولو تفاح للخاوي موكل****و يحاذر روحو خوف من المنداف

الجوف المطوي عندك كتوصل****اسوكى بلاك اتتقر ابلرداف
راحة في المكان بلاك اطول****اقصب في الزورة خليها تخفاف
المورد معروف فيه الما يجمل****من شربة وحدة يملي بالقراف

يا تمحاني منين يروى يتعدل****ما يتمل شراب ماها ما يتعاف
صانع متمكن فصنعو متماهل****طاعت لوعلوم يحرفها تحراف
عذروني لاكان فوصفي ندقل****هاذالقمرة شوفها محنة و زعاف

من نشوتها في هلاكي متعلل****خلوني في حالتي نا عقلي صاف
هذا حال العاشق ديمة متبهدل****حليلو مسكين راه عندو ماشاف
يا عاقل لاتلوم مسجون مسلسل****في غرام أم بريم نوارة لعطاف

قاضيها نفاني في حكمو عول****واقسى عني راه درباني من كاف
ارماني في برور نعيا ما نوصل****قطعات ابعاد ما يقطنهم خواف
يا مضنوني من اقدى ليهم يهمل****على شوفات العين تلفهم تتلاف

الله لالي شيهان عربي و مأصل****في الفزة بارود يزرف تزراف
أدهم حامق ليلي في لونو يشعل****و الحافر انحاس يلهد فالتقراف
سرجو فيلالي في صنعو يكمل****مطروز امذهب من شغلت حراف

من راس العين ميرادو مانغفل****و عودي في شراب الما عياف
مخلط قوتو من الصحرا والتل****وعوينو مقلوث من خيار التعلاف
ياعودي ذانهارك فالسيرة تعجل****فالفهوة يطوي الويدان ولجقاف

و البدة ربيع نوارها يخبل****و الدير المسبوك عالبادرة لحاف
وركابو قنديل عالخف امسهل****لشبورو نجام في الرشخة يحراف
يرجعني لوكار ولفي يا راجل****يفاجي عني هموم حاملها و زعاف

في رمشة من العين بيا يوصل****نتمسى في برور مقدودة لطراف
وحش العارم قامن شوفتها نذبل****و يريح قلبي من قبنو يخفاف
ويرجع دمع العين الوادو يحمل****اتنور لفصول و يزهارو لعراف

نعرس انا وخليلتي فرحة واطبل****و انديرو وعدة اشنانةواتلاف
و طلبك يا ربي ذ الفرحة تكمل****و تسقم أيام لمحبة ما تعناف
و اهلي واحبابي و اناس اكل****العلفة و البارود و الخيالة باجحاف



و ألف شكر
medcherif03
2016-03-13, 11:26
شكرا الأخ أبو بكر دائما في الريادة و المساندة التشجيعية بارك الله فيك و دام قلمك و صيتك
بوبكر بن علي
2016-03-13, 12:08
شكرا الأخ أبو بكر دائما في الريادة و المساندة التشجيعية بارك الله فيك و دام قلمك و صيتك

هذا واجــــب العبد لــي يخــصل.......مايعزلش ضيــفو في مجمع ضياف
مانا حسادة والقلـــب ماقمــــــل........ماتربى فيه دود مامشى في لطراف
كل محسن نعينوه والرب يسهل.......يعلى صـــيتو يـــدوي وســط الكاف

فيك بركة استاذ محمد...وفقك الله
تحياتي