اشتقت لمشاعر زوجي

[مشكلتي]

السلام عليكم ورحمة الله وبركاته
مرت سنين منذ تاريخ زواجي
صدقا كانت سنوات زواجي الاولى احلى واروع ايام عشتها في حياتي
مهما قلت لن اوفي حق هذه السنوات ( تعرفت على روعة الحياة الزوجية )
ايه كنا صغار انا زوجي فم انا 20 وهو 23 :)
مع انه تزوجني لا اعرف اطبخ بيضة :) والان صرت اعرف الاف الوصفات بل وحتى اطباق ثقافات اخرى
لم ارها في النت للكن عشتها في اماكنها وتعلمتها من ايادي مبتكريها
" زوجي ساعدني 90 بالمثة في بناء حياتي "

ايه كنا نسافروا مع بعض تعرفت على اغلب لبدان العالم خطوة خطوة مع زوجي ،وكنا روح واحدة بكل ماتحمله الكلمة من معنى
ايام الفرح والبهجة حتى وان حدثت مشاكل كيفاه كنا نحلوها ... سعادة × سعادة
الان صرت 28 سنة ( مازلت صغيرة :) بصح مرور السنين يدمر علاقتي مع زوجي بالتدريج
لم تعد علاقتنا كما في السابق ابدا
انا دائما منشغلة في المطبخ وامور الاولاد وهو دائما منشغل في العمل
عجبا ، لم يعد لنا وقت نمضيه مع بعضنا كما في السابق
مشاغل الاولاد قتلت المشاعر بينننا
اين تلك الاحاسيس التي كنت اعيشها مع زوج روحي؟؟
الذي دفعني لكتابة هذا الموضوع هو سقوط الثلج ؟؟؟؟؟؟؟؟ كيف ؟؟
في هذا الوقت تحديدا ،، في السنوات الماضية كنت مع زوجي في شيكاغو وهي في ذاك الوقت كانت مغمورة بالثلج والبررررد هناك عشت مغامرة لن انساها
+والله كي شفت التصاور تاع الذكريات جيتني البكية ليت تلك الايام تعود
+ قلت له نخرج انا وياك بلا اولاد لنعيد ايام السعادة الزوجية الحقيقة لكن الاولاد يدرسون وهو صار له عمل اكثر مخنوق بالخدمة مابعدها خدمة
تغيرت حياتنا
ممكن طريقة لنرجع بها الى الايام الذهبية

[faty05]

هذي هي الدنيا اختي في الاول تكونو لاتيين مع بعض من بعد يجو الاولاد و تتبدل المشاغل لكن المشاعر لا تتغير
تبقي المودة و الرحمة بينكم
مش لازم Venise ou chicago

[ميما اللئيمة]

من الصعب بش ترجع الامور الى شرارة الحب فالايام الاولى لكن ممكن بشطارتك ، البسي مليح ، حني عليه ، ديري امسية خاصة بعيد عن الاولاد ... ننصحك تكتبي الموضوع فقسم خاص بالمشاكل الزوجية للنساء فقط تم يجاوبوك جواب شافي

[أمل94]

راكي لاباس عليك ختي ......كي قريت العنوان غضتيني نخسيب تفارقتو ولا كاش مصرا......المهم الحمدلله لي مزالتو مع بعضاكم وبدون نزاعات او مشاكل ربي يهنيكم ماشي مشكل اصلا ...

[توحيد الجزائرية]

تشتاقين لمشاعر زوجك
ام

لشيكاغو ؟؟؟؟؟؟؟

[لمسة ابداع]

السلام عليكم و رحمة الله و بركاته
اكيد السنين الاولى من الزواج تكون مميزة سيرتو مكانش مسؤؤوليات كنتو غير حطة و تحواس و درك بما انو جبتو الاولاد اكيد راح يكون كاين فتور و متبقاش الشرارة تاع المحبة هديك كيما الاول

[سيف الدين الطيار]

مش لازم Venise ou chicago

[اياد حياتي]

لما هذا الهجوم عليها والله شخص راهو يخاف انو يكتب مشكل لازم لواحد يسوفري باه تساندوه كاني رايت غيرة من بعض الله يهديكم.......اختي احمدي ربي المهم مزال معاك وانتي راكي في نعمة عندك اولاد ومزالت صغيرة مش شرط انك تسافري حتى تشتعل مشاعر من جديد غير في بيتك وتقدري تجددي اعملي ليلة رومنسية وتعرفي .....حتى الاولاد ينامو ...اعملي قصاصات وعلقيهم وين يشوفهم راجلك اكتبي ما في قلبك ....كي يكون مشغول ابعثيلو ميساج شباب كاين عدة افكار اختي وراكي مزلت صغيرة ويظهر حسب كلامك انو زوجك مزال يحبك فقط مشاغل موفقة وانتمنالك رحلة جديدة

[aymen01]

تشتاقين لمشاعر زوجك
ام

لشيكاغو ؟؟؟؟؟؟؟


هههههههه شابا هاذي

[solinne]

انا ما نشوفش بلي الاولاد يكونو عائق كبير باش زوجك ما يفصحش على المشاعر تاعو اتجاهك لازم تبحثي اكثر في الشي الي خلى فتور في العلاقة تاعكم وتحاولي تصلحي وانا راني نشوف بلي المشكل يكمن فيك انتي الي لازم تبادري مش شرط نستناو الطرف الاخر انتي الي راكي لاتية بالذراري اكثر وهاملة زوجك لازم تعيدي حساباتك خاطر زمام الامور عندك والله المستعان

[kika85]

ربي يهنيكم مع بعض ...هادا المشكل رانا اغلبنا فيه...ربي يخلي كل زوج لزوجتو ويهنينا برك

[FroM Hell]

واش بيكم طحتو في المراة هكذا ؟؟
غيرة واضحة شعب مريض وحساد
زوجها اراد اسعادها واخذها الى أغلب البلدان
وهناك من هو يسافر ويرمي زوجته في الدار ( يحشم بها )
ولقد قرات مواضيع تحكي هذا
+ لماذا القصة من نسج الخيال ؟؟
ياو فاقو االغيرة بين النساء تاكل فيكم
الطفلة عايشة سعيدة مع زوجها وزوجها يسعد في زوجته عن الرحلات ( ربي اعطاه المال وهو يسعد زوجته وله اجر على هذا)
ولا كي ولت الطفلة بايرة تحلم بالحنان من زوجها تفرغ غضبها على شكل استهزاء بردود هنا ...........
والراجل يحلم يسافر على خاطركش راهو بطال وعازب ولا عايش حياة نكدية مع زوجتو يصبج يحسد زوج المراة على متعة السفر على شكل ردود استهزاء ؟؟
فيقو على رواحكم كل واحد وربي واش عطاه
---------------------------------------------------------------
صاحبة المشكلة ربي يسعد مع راجلك
والسفر باهي ليكم يقوي العلاقة بينكم شيغاكو تركيا باريس وينو تحبو روحو ،، ربي يبعد عليكم الحساد والغيارين
ناس ماراحتش حتى لبركة كي سمعت شيكاغو غزلوا واشتعل قلبهم حقدا
سحقا

[مديحة .]

أنا يااختي نوصيك على حاجة خير من كل شيء الدعاء ثم الدعاء ثم الدعاء

[miral_zina]

ربي يهنيك حبيبة متخميش معظمنا عايشين هاد الوضع برك حاولي انت تخلقي الجديد بيناتكم دك ترجع شوية مشاعر

[غزلانْ]

وعليكم السلام و رحمة الله تعالى و بركاته




بارك الله لكما في عيشتكما
و الله يزيدك هناءاا و سعادة
تبقى رحلة شيكاغو ذكرى تعيشيها و كأنكِ تحييها بحلول ذكراها لا لتتلاشي
يمكنك الاكتفاء بسياحة داخلية بالجزائر و اختاري ولاية" شمال جنوب شرق غرب"
و بهذا تحيي من جديد



بالتوفيق لحياتكما

[ريـاض]

السعادة الحقيقة موجودة في طاعة الله والتقرب إليه ,, أما تلك السعادة التي تتحدثين عنها فهي سعادة مزيفة .. أنا أنصحك أن تقرئي كل يوم كتاب الله تعالى بخشوع وتدبر لتعرفي المعنى الحقيقي للسعاد

[اياد حياتي]

واش بيكم طحتو في المراة هكذا ؟؟
غيرة واضحة شعب مريض وحساد
زوجها اراد اسعادها واخذها الى أغلب البلدان
وهناك من هو يسافر ويرمي زوجته في الدار ( يحشم بها )
ولقد قرات مواضيع تحكي هذا
+ لماذا القصة من نسج الخيال ؟؟
ياو فاقو االغيرة بين النساء تاكل فيكم
الطفلة عايشة سعيدة مع زوجها وزوجها يسعد في زوجته عن الرحلات ( ربي اعطاه المال وهو يسعد زوجته وله اجر على هذا)
ولا كي ولت الطفلة بايرة تحلم بالحنان من زوجها تفرغ غضبها على شكل استهزاء بردود هنا ...........
والراجل يحلم يسافر على خاطركش راهو بطال وعازب ولا عايش حياة نكدية مع زوجتو يصبج يحسد زوج المراة على متعة السفر على شكل ردود استهزاء ؟؟
فيقو على رواحكم كل واحد وربي واش عطاه
---------------------------------------------------------------
صاحبة المشكلة ربي يسعد مع راجلك
والسفر باهي ليكم يقوي العلاقة بينكم شيغاكو تركيا باريس وينو تحبو روحو ،، ربي يبعد عليكم الحساد والغيارين
ناس ماراحتش حتى لبركة كي سمعت شيكاغو غزلوا واشتعل قلبهم حقدا
سحقا
برتلي قلبي يعطيك الصحة

[مصطفى_س]

اكيد الزواج ليس لعبة و ليس بين الزوج و زوجته فقط فالاولاد زينة الحياة الدنيا و ما اروعهم
فلتعلمي ان الدنيا ليست عمل فقط او حب فقط او نوم فقط فهي من قليل من كل شيء يعني انا شخصيا و هذا رايي ارى ان تراجعو اوقات لتكونو مع بعض في جو عائلي مع الاولاد شيئا فشيئا
يجب ان يكون هناك وقت يمضيه الزوج مع زوجته و اولاده الدنيا ليست عمل فقط
حاولي و لا تياسي فانت صغيرة و مزالت الايام بينكم و لا تتسرعي فالزوج احيانا ليس جاف من المشاعر و انما عمله هو من اخذ كل وقته و هنا ياتي دورك انت لكي تتحاوري معه فليس عيبا او حراما بل واجب عليكما ان تحلا مشاكلكما بالتشاور

ان شاء الله ربي يدوم المودة بينكما
بالتوفيق

[sarl02]

من خلال ردود البعض تبين قصر نظر هم وسذاجتهم في التحليل وابداء الراي والنصح ...فقرة طويلة وعريضة فيها عدة حيثيات ووقائع لفت انتباهكم كلمة واحدة فقط وهي شيكاغو ؟؟. وبسسب هاته الكلمة زال نظركم تماما عن قصة الاخت وركزتم على ذهابها لشيكاغو هي وزوجها بالرغم من ان الامر عادي وحتى ذكر الاخت له في قصتها جاء بصفة عارضة ولم تركز عليه ...ما الغريب في ذلك اذا كان اهل زوجها من الاغنياء ومن هواة الاسفار والرحلات .؟؟كاين بزاف عائلات عايشين هاك ...خلاص مالا دوك اتخيلو القصة كانها ذهبت في موسم تساقط لثلوج الى جبال الشريعة بالبليدة وقولو للمخلوقة خيرا او اصمتو .

[hodayena]

حبيبتي الغاليه انا حسبت زوك مات والا طلقتو مي مشاعر انتي احيها ماشي شرط تروحي لبارا ولا شيغاكو ديري شيغاكو في الدار في شمبرتك في الويكاند ابعثي ولادك لجادهم يلعبو ووجدي جو رمنسي للميسيو ديالك حتى لو قت بسيط م صبيتها صعيبه ياختي كي يكون قاعد روحي لزوج بلا مندخلو في التفاصيل الكتب موجوده والنت موجوده ادخلي تعلمي الافكار وهادي سنه الحياه وربي يهنيك اختي اكتبي رسائل حب لزوجك وضعيها في محفظته ادا عندك صورةه لكما اعمليها وخليه يحطها في المكتب ديالو اتصلي به انتي
وبالنسبه للطبخ الصباح اخدمي شغلك كله اعملي الغسيل الصباح الفطور وكلشيء وكي روحو الاكطفال ارقدي شويه ووجدي عشاتك علي البكري هكدا ولادك يجو يتلهاو برواحهم وانتي تريحي اختي ادا كان السفر مش قادر عليه لضيق الوقت ديري افكار سهلة وتتماشا مع وضعك

[solinne]

واش بيكم طحتو في المراة هكذا ؟؟
غيرة واضحة شعب مريض وحساد
زوجها اراد اسعادها واخذها الى أغلب البلدان
وهناك من هو يسافر ويرمي زوجته في الدار ( يحشم بها )
ولقد قرات مواضيع تحكي هذا
+ لماذا القصة من نسج الخيال ؟؟
ياو فاقو االغيرة بين النساء تاكل فيكم
الطفلة عايشة سعيدة مع زوجها وزوجها يسعد في زوجته عن الرحلات ( ربي اعطاه المال وهو يسعد زوجته وله اجر على هذا)
ولا كي ولت الطفلة بايرة تحلم بالحنان من زوجها تفرغ غضبها على شكل استهزاء بردود هنا ...........
والراجل يحلم يسافر على خاطركش راهو بطال وعازب ولا عايش حياة نكدية مع زوجتو يصبج يحسد زوج المراة على متعة السفر على شكل ردود استهزاء ؟؟
فيقو على رواحكم كل واحد وربي واش عطاه
---------------------------------------------------------------
صاحبة المشكلة ربي يسعد مع راجلك
والسفر باهي ليكم يقوي العلاقة بينكم شيغاكو تركيا باريس وينو تحبو روحو ،، ربي يبعد عليكم الحساد والغيارين
ناس ماراحتش حتى لبركة كي سمعت شيكاغو غزلوا واشتعل قلبهم حقدا
سحقا
ههههههه يعطيك الهنا