يهددني 2

[مشكلتي]

يا خاوتي و خواتاتي أجريو ليا و الله العظيم ما عرفت واش ندير الظاهر هذا الشخص يعرفني، و كان متقدملي و أنا رفضتو، الآن أنا ما نعرفش واش من صور و فيديوهات يحكي عليهم، الفلاش ديسك كان فرضية فقط، هذا الشخص في داخله حقد كبير من جيهتي و ما نعرف واش قادر يدير، اليوم تاني بعتلي رسالة فالفايسبوك يهدد في و نعتني بأقبح الصفات، و قالي لازم تحكي معايا، الحمد الله أنا ما حكيتش معاه، و حكيت كل شيء لزوجي و هو تقلق، قالي كون نعرفو شكون نقتلوا، و الله يا خاوتي راني مريضة، و الله و الله و الله عندي شوية برك ملي خرجت من المستشفى درت عملية، و هذا النذل زاد علي، أنا الفايسبوك نتاعي مدايرتو للعائلة فقط و الصديقات من أجل التواصل لأني بعيدة، و عمري ما نغلقوا و راجلي دايما يدخلوا، على وجه ربي الكريم عاونوني، ما عرفتش واش ندير، وليت نشك في كل الناس، و الفيديوهات وليت نقول حتما هذا هاكر و صورني في داري بلا ما نعرف، توسوست، أنا غلقت حسابي نهائيا و لكن خايفة كاش ما يفبرك و يفضحني ربي يفضحوا ان شاء الله، ربي يعيشكم واش ندير

[يونس معبدي]

هذا نوع من الابتزاز
لكن اغلب هؤلاء يقولون هذا للتخويف فقط
قولي له ان كان صادقا ان يرسل لك شيء مما يملكه عنك
وسترين

[سيف الدين الطيار]

اختي توجد بالفايسبوك قروبات باسم قياصرة
راح يساعدوك

[kika85]

اشتكي بيه للشرطة حبيبتي يقدرو يجيبوه شكون هو...ربي يريح بالك وياخدك حقك منو ويفضحو قبل ما يفضحك...

[AMINA.Z]

خلاص
مادام راجلك عرف كلش
خليه هو يدبر راسو
و يجيبو يجيبو و خليه يربيه و يبهدلو
ما تخافيش ما يقتلو ما يحصل روحو فيه ..قوليلو خمم على ولادك و احكم في عقلك
اهدري مع زوجك و اشكيو بهاذ الحثالة خليهم يربيوه.

[الرميصاءْ]

صلى ركعتين لربي وادعي يبعدو عليك
ماتخافيش ربي كاين ودعوة المظلوم مستجابة
ربي يفرج عليك اختي

[samy algerien]

اشتكي للشرطة يجيبوه من وذنيه

[ريـاض]

لن يفعل شيء بإذن الله تعالى
فالأمر كما يبدو من كلامك لا يدعو إلى الخوف
فلا تشغلي به بالك كي لا تسوء أحوالك
وفوّضي أمرك إلى الله فهو حسبك ونعم الوكيل
فإذا منّ عليك ربّك الكريم بالحماية الستر فلن يستطيع أهل الأرض مجتمعين أن يمسوك بسوء

أما من ناحية تحليل المعطيات التي تفضلت بها فذلك الشخص يمكنه أن يتحصل على صورك أو مقاطع فيديو خاصة بك في هذه الحالات :
الأولى : هي استرجاع الملفات المحذوفة من "الفلاش ديسك" عن طريق البرامج المتخصّصة في استرجاع الملفات المحذوفة بعد الفرمات ,, فإذا كان لديك في "الفلاش ديسك" ملفات قديمة كالصور أو مقاطع الفيديو فيمكنه استرجاعها واستخراجها
الثانية : هي أن يقوم بتصويرك في الشارع وأنت في غفلة عن ذلك ,, ثم قد يعمد إلى تركيب الصور وفبركتها عن طريق الفوتوشوب
الثالثة : هي اختراق جهازك وسرقة صور أو مقاطع الفيديو من الجهاز ,, وهذه النقطة مستبعدة لأنّها في غاية الصعوبة وتتطلب أن يكون محترفا في ذلك المجال .. أو قد يستعين ببعض المتخصّصين في الهكرز ..

وفي جميع الأحوال أنتِ ليس لك أي ذنب ,, وما عليك سوى أن تخبري زوجك بالتفاصيل -احتياطا- حتّى لا يسبب لك ذلك الشخص المشاكل مع زوجك ,, وإن تطوّرت الأمور أكثر فبإمكان زوجك أن يتقدّم بشكوى لدى مصالح الأمن مع إرفاق الشكوى بتلك التهديدات والتحرشات التي أتتك من عنده ,, لأنّ الجهات الأمنية بما لديها من أجهزة حديثة ومتطوّرة تستطيع أن تتحقق بكل سهولة من هوية صاحب التهديدات
والله أعلم

[مناد بوفلجة]

رأيي أن تخبري الشرطة

و تأكدي أن الشرطة المتخصصة في المواقع ، سيتمكنوا من معرفة هويته خلال 24 ساعة و رايحين يعلقوه من رجليه

و حاولي أن لا يتدخل زوجك حتى لا يرتكب جريمة ربما سيدخل بسببها السجن من أجل إنسان تافه

الرزانة و الحكمة في التعامل مع المشكل هو الحل

و إعلام الشرطة هو الحل الوحيد

[أمل94]

حبيبتي ارى ان زوجك عصبي ويتسرع في اتخاذ القرارات الهمجية اذن عليك باخبار اخوك او والدك لكي يبلغ الشرطة .واياك والرضوخ لهذا النذل

[- بصمة خير -]

رددي
للهم إنا نجعلك في نحورهم، ونعوذ بك من شرورهم

[الطيب الجزائري34]

مادام ان زوجك علم بالامر فهذا احسن . و حلها ساهل اتجهوا للشرطة و راح يتحل المشكل

[طه محمد النايلي]

حاجة مليحة كي احكيتي لزوجك باش تولي الامور واضحة ضوك روحي مع زوجك للشرطة و قدمي شكوى ضد هذا الشخص بكل سهولة يحيبوه ضوك راه كلش باين خصوصا الفايسبوك .

[khiro07]

سلام عليكم اختي
اللي مافي كرشو التبن ما يخاف من النار
نعطيك حل
عاودي حلي الفايسبوك ديالك عادي
وخليه يبعثلك التهديد وخليه يهدر
شدي اسم الفيسبوك اللي بعثلك
اغطيه لزوجك يروح يشكي بيه
كاين جهاز في الشرطة واسمو الشرطة الالكترونية راهم يجبدوه هاذا الانسان
ان شاء الله
والتهديد راهو جريمة يعاقب عليها القانون
والكونفرتاسيون تاع الفيسبوك
يمكن تكو دليل تعززي بيه القضية ديالك
بالتوفيق وماتخافيش مادام مادايرة والو

[اياد حياتي]

ما تخافي ما والو مدام زوجك علابالو وماكي دايرة والو واش تسناي روحي للشرطة حتى ماسكي راهم يجبدوه

[طيور الجنان]

اختي عملتي مليح كي خبرت زوجك هكذا تكوني مرتاحة نفسيا و دوك خبرو الشرطة هوما يجبدوه ربي يكون في عونك و يفرج عليك.

[nihal159]

أنا رأي أنك تغيري رقم الهاتف تاعك؛ وتنحي الفايس بوك إذا عندك؛ ونساي هذ الحكاية خلاص؛ هو كي يعيط ويلقى الرقم خارج الخدمة راح يمل وحدو؛ وإذا لجأ لطريقة أخري باش يوصل ليك و يهددك رايح يفضح روحو و يبان شكون هو هذا الخسيس؛ وتم بلغو عليه الشرطة.

[غزلانْ]

أخبرتي زوجك و مع ذلك تخافينه لماذا؟
ما كان ينبغي غلق حسابك بل أتركيه مفتوح
لعله يرسل تهديداته لكِ و تقدميها الى الشرطة كدليل ضده
لينظروا في الأمر مع علم الزوج أو أحد من العائلة
ادا سبق و خطبكِ فعائلتك على علم بمعرفته مسبقا
و هذا لصالحك

[صبرا13]

أخبرتي زوجك و مع ذلك تخافينه لماذا؟
ما كان ينبغي غلق حسابك بل أتركيه مفتوح
لعله يرسل تهديداته لكِ و تقدميها الى الشرطة كدليل ضده
لينظروا في الأمر مع علم الزوج أو أحد من العائلة
ادا سبق و خطبكِ فعائلتك على علم بمعرفته مسبقا
و هذا لصالحك

قال عمر بن الخطاب رضي الله :إنّما النساء لحم على وضم الا من ذّب عنه) يعني كل يطمع فيه الا من ذُّب عليها، ثم لماذا تخاف؟
الا تعلمين لماذا؟ لان الأعراض حلوة في لسان اللذين لا يتّقون، سيقال لا يوجد نار بلا دّخان و هكذا، فلنتأمل حادثة الإفك في عائشة، و ما عانته و هي شريفة من اشرف البيوت و زوجة خير الانام، لو انه لم يكن الوحي اللذي برأّها، وانزل الله هذه الآيات . ( ان اللذينَ جَاءُوا بِالْإِفْكِ عُصْبَةٌ مِنْكُمْ لَا تَحْسَبُوهُ شَرًّا لَكُمْ بَلْ هُوَ خَيْرٌ لَكُمْ لِكُلِّ امْرِئٍ مِنْهُمْ مَا اكْتَسَبَ مِنَ الْإِثْمِ وَالَّذِي تَوَلَّى كِبْرَهُ مِنْهُمْ لَهُ عَذَابٌ عَظِيمٌ} فلعل فيه خير اختي،فكوني متفائلة ان الله لن يضيعكي. ، ثم الأخت ان شاء الله تصلي و تدعو الدعاء اللذي قالته الأخت: اللهم نعوذ بك من شرورهم و نجعلك في نحورهم. و هناك أدعية اخرى للخوف ابحثي عنها، ان شاء الله يُّفرج كربتك.

[الرحالة المغامر]

................

[azzam 01]

اللي مافعل شيئ مايخاف من شيئ الخوف من الله فقط ...لاتحملي نفسك أكثر من طاقتها وحافظي على نفسك فأغلب الامراض مصدرها القلق ....بلغي الشرطة بموافقة زوجك طبعا ...فهم قادرون على الوصول إليه بإذن الله