يهددني

[مشكلتي]

السلام عليكم عاجل من فضلكم أنا امرأة متزوجة و أم لأطفال و هناك شخص يهددني بنشر صور لي على الفايسبوك و أنا و الله ما نعرف هذا الشخص، و لا أدري من أين له بالصور مع العلم أنه من فترة ضاع مني الفلاش ديسك أرجوكم شوروا علي ماذا أفعل هذا الشخص نعتني بأقبح الصفات و هو يريد أن يؤذيني، ربي يستر عليكم و على ولياتكم

[أمل94]

عليك باخبار زوجك لكي يدافع عنك.فلربما يكون زوجك يختبر مدى صدقك ووفائك فلا تتهاوني عزيزتي في اخباره بالامر كان الله في عونك

[ميما اللئيمة]

مادام يهددك فهو يريد مقابلا .. اما نقود او شيء اخر ، امامك خياران ان تعطيه مايريد و هذه ستكون مصيبة تدمر زواجك لانه ان يتوقف بل سيستمر بابتزازك و اما ان تبلغي زوجك مادام مدرتي والو متخفيش

[أم شروفة]

اخبري زوجك ....لانك مظلومة...وهو راح يفهمو كيفاش يهدد نساء الرجالة

[fella111]

السلام عليكم عاجل من فضلكم أنا امرأة متزوجة و أم لأطفال و هناك شخص يهددني بنشر صور لي على الفايسبوك و أنا و الله ما نعرف هذا الشخص، و لا أدري من أين له بالصور مع العلم أنه من فترة ضاع مني الفلاش ديسك أرجوكم شوروا علي ماذا أفعل هذا الشخص نعتني بأقبح الصفات و هو يريد أن يؤذيني، ربي يستر عليكم و على ولياتكم


علاه الفلاش ديسك فيه رقم هاتقك قلت انك لا تعرفينه..............كيف توصل اليك من فلاش ديسك :confused:؟؟؟؟؟؟؟؟؟؟ هنالك نقص لبعض المعطيات

[امل ضائع]

الفلاش قادر تكون فيه معلومات تقدر توصلو ليها...
المهم اختي اخبري زوجك دون اي تردد قبل ان يتفاقم الموضوع..
كاين احتمال اختي انه يكذب يريد استدراجك فقط....
تعرفو اخواتي اكبرخطأ نديروه هو نخبيو الصور تاعنا في الهاتف اة الفلاش او الميكرو خطأ كبير..
ربي يلطف بيك و بينا اختي
كي تخبري زوجك قادر

[ام فضل]

علاه الفلاش ديسك فيه رقم هاتقك قلت انك لا تعرفينه..............كيف توصل اليك من فلاش ديسك :confused:؟؟؟؟؟؟؟؟؟؟ هنالك نقص لبعض المعطيات

ما تخلط روحك مع النخالة ما ينقبك الجاج ، وانا اشاطر الاخت الراي ومن الاحسن ان تتذكري دائما ان الرجل الوحيد الذي يخلعك ويمنعك هو زوجك

[ramzi-messi]

و كيف يهددك ؟ عن طريق الهاتف ؟ ام يجيك البيت ؟ مازال مافهمت

[لمسة ابداع]

السلام عليكم و رحمة الله وبركاته
اختي لا تخبري زوجك ان كان شكاكا راح تزيدي الطين بلة و مواقف زي هاذي الزوج يكووون :mad::mad:
اخبري والديك او اخوتك هما اللي يحلو المشكل
ربي يجيب اللي فيه الخيير

[nasser26]

الاخت الكريمة هذا يظهرلي رخيس وماشي راجل

اولا عندك خياران اخبري زوجك وهو يقوم بمتابعة الاجراءات مع الشرطة للقبض على هذا النذل الخبيث

أو اخبري أحدا من عاءلتك ليتصل بالشرطة وتتم التحقيقات في سرية

[الرحالة المغامر]

أختي هناك الكثير من الأمور الغامضة نبدأ من الأول ضاع منك الفلاش ديسك ؟ كيف إستطاع أن يتواصل معك عن طريق الفايس بوك أو الهاتف ؟ و كما أخبرك بالإخوة بالأمر إذا حصل على ما يريد لن يتوقف وكوني متأكدة أنه لو تمت متابعة هذا الشخص من قبل الشرطة في الهاتف أو عبر الأنترنت سوف يصلون إليه وبسهولة هناك العديد من الطرق

[غزلانْ]

و عليكم السلام




هنا يظهر دور زوجكِ لحمايتك ( لعله يستوعب )


ثم عن مسألة أن هدا الشخص ينعتك بصفات قبيحة و يريد ايذاءك

هل بامكانه فعل كل هذا من خلال " ضياع فلاش ديسك " ؟


و كيف تخافينه و أنتِ لا تعرفينه و تخشين تهديده لك ؟

و استفسار كيف نقل لكِ كل هدا هل بالهاتف أم على الفايسبوك ؟


ان كنتِ تسيرين وِفق احكام و تجدين نفسك غير مخطئة ( ربما قد يكون شخص مقرب من الأقارب ) فما عليك سوى نقل كل افتزازات هذا الشخص لزوجك و ان شاء الله يستوعب الأمر فالمشكلة ليست بالهينة هناك صور و تهديد و أنت زوجة لرجل و أي رجل لا يدخاه نوع من الشك خصوصا ادا لمح خوفك هنا تثبتين

كل ما انتُسِب اليك









بالتوفيق لكِ

[صبرا13]

قال الله تعالى:"( فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ اللَّه )
فعلى الزوجة أن تحفض زوجها في غيابه فإن لم يكن يراها فإن الله يرى. أقول هذا لا لأن اشكك في عفتك لا سمح الله. ولكن لما ابتلي به المسلمون بهذا الذي يسمى الفايسبوك وغيره من المواقع التي كثر فيها الذئاب. ثم السموم الرنانة من ما يسمونه الحرية الشخصية التي لا مكان للزوج فيها. ثم " الصديق" حيث أصبح للمتزوجات ناهيك عن العازبات أصدقاء. فكم انجرت العفيفات في الأوحال من جراء هذه المغالطات.
إذا كان ضاع منك الفلاش ديسك فعلى زوجك يعرف من قبل بضياعه. ما عليك إلا ان تخبريه انه وقع بين يدي لئيم . اخذفي حسابك في الفايسبوك
اذا لا قدر الله كان غير ذلك. مثلا انه ذئب تصيدك فريسة لعدم اهتمام زوجك بك. فتوبي إلى الله و قولي الحقيقة إلى زوجك. و أن شاء الله تخرجي من هذا الكابوس.

[nanoua7]

السلام اولا اختي ربي يفرج عليك ان شا الله و ثانيا خبري راجلك من الاحسن ما عليش يزعف بصح ما يفوتكش و لا خبري تاني خوك ولا واحد من العائلة لي يكون عاقل و عندك ثقة فيه و هوما يفروها و نحكيلك هادي صرات في بلادنا العام لي فات كيما حكايتك تخيلي هادي راحتلها كارت ميموار و من بعد دارلها واحد تيليفون يهدد فيها باه تعطيه الدراهم مالا هي دارت كوراج و خبرت راجلها راح للشرطة و تفاهموا داروا فخ تفاهمت معاه باه يتلاقاو باه تمدلوا الدراهم و كي جا يحكم عليها في الدراهم حكموه الشرطة متلبس و راه درك في الحبس ضرك تقولولي كيفاه عرفها وعرف رقمها تخيلوا انه من الاقارب المقربيين للعائلة اللّٰه يستر برك على ذا الوقت لي رانا فيه

[اياد حياتي]

اختي لازم تخبري زوجك وثانيا كي يتحدث معاك سجليه مكالمتو متخليهاش تروح هكذا واذا اختي مراكي دايرة والو علاه الخوف

[رجل من هذا الزمان]

بدون ادنى تردد توجهي الى الشرطة و حرري بلاغ ضد الشخص .... الشيء الذي يقوم به جريمة يعاقب عليها القانون.... و هذه نصيحة لكافة النساء عليكن بالشرطة مباشرة في مثل هاته الحالات ...لان الشخص بصدد ابتزازك و لا تخافي المجرم الجزائري اغبى من ان يحتاط لمثل هاته الامور ......لا تدفني راسك في التراب ...

[dania12]

السلام عليكم
اختي انصحك باخبار زوجك بالموضوع وادا قاعد يهددك عليكم بابلاغ الشرطة ويعرف يقدرو
ربي يفرج عليك اختي

[mrmilano1984]

السلام اولا اختي ربي يفرج عليك ان شا الله و ثانيا خبري راجلك من الاحسن ما عليش يزعف بصح ما يفوتكش و لا خبري تاني خوك ولا واحد من العائلة لي يكون عاقل و عندك ثقة فيه و هوما يفروها و نحكيلك هادي صرات في بلادنا العام لي فات كيما حكايتك تخيلي هادي راحتلها كارت ميموار و من بعد دارلها واحد تيليفون يهدد فيها باه تعطيه الدراهم مالا هي دارت كوراج و خبرت راجلها راح للشرطة و تفاهموا داروا فخ تفاهمت معاه باه يتلاقاو باه تمدلوا الدراهم و كي جا يحكم عليها في الدراهم حكموه الشرطة متلبس و راه درك في الحبس ضرك تقولولي كيفاه عرفها وعرف رقمها تخيلوا انه من الاقارب المقربيين للعائلة اللّٰه يستر برك على ذا الوقت لي رانا فيه
والله احسن حل وجد فعال للرخاس مثل هادو قومي كما قاتلك لاتخبريه تخبرو لابوليس ولا والو هههه خليه في نيتو ونتي نيتك لو تخبريه راح يقرا حدرو لو مرة اخري تقوليلو نتلاقاو اتمهبلي قوليلو نعطك واش احب اوك وتفاهمي مع الشرطة يا كي يجي يشد الدراهم ويعطك دراهم لول يحكموه من اليد لي توجه
رخيس ودليل

[ايمان4]

اولا ايتها الاخت ارى ان بعض المعلومات ناقصة و الا اذا كان وجد الفلاش ديسك و به الصور متقيميهش قوليله دير واش حبيت و راني déposit bik paint و راجلي خبرته .. و خليه على نيته اا قام بخطوة قومي بخطوتين

[مواطنة]

اختي الكريمة ممكن الفلاش ديسك طاح في يد واحد يعرفك قريب او جار او كاش امراة ناوية على شر كلشي ممكن
الافضل تخبري والديك و تتلكلمي مع زوجك يديك للشرطة يقولولك واش ديري وراهي كاينة شرطة الانترنت متخافيش ربي سبحانو يحفظك و زوجك بلا ما تعطيه مبررات قوليلو بحرت الفلاش ديسك وعيطولي يهددوني و من حقك تقولي للشرطة زوجك ادا تفهم مليح و ادا لالا متتردديش لحظة لان سمعتك مشي غير مع زوجك مع كل الاهل مال انت راسك مرفوع و هكدا ديري حد للابتزاز اليوم انت و غدوة ولادك حطيلهم حد بدون ما تقولي لهدا الشخص واش رايحة تديري خليها مفاجأة