الفيس بوك

[مشكلتي]

السلام عليكم
انا عندي تقريبا شهر تخطبت وخطيبي مرة على مرة يكلمني يسقسي على الاحوال ومايطولش المرة لفاتت قالي عندي بوس 3جي باش نكونكتي من طريقة كلامو حسيت بلي حاب يجبدني اسسكو عندي فيس ولا لا لا انا في الحقيقة عندي مي ماعنديش اصدقاء غير زوج صحاباتي وبس نستعملو لصفحات دينية للطبخ والحلويات وخلاص و الخياطة اني حايرة لوكان يسقسيني نقولو عندي ولا نقولو لا لا خايفة يتوسوس وعلاباكم بخرايب الفيس انا مافي كرش تبن مانخاف من النار مي نتوما واش رايكم نقولو ولا نو
افيدوني

[نور الفجر02]

خلاص مدام مافي كرشك تبن ماتخافيش من نار اعطيلو اسم واعطيلو حتى كلمة سر خليه يتاكد ..الفيس بوك راه فيك شق سلبي وشق ايجابي للي يعرف يستخدمو

[أم أنفال1]

لازم عليك تصارحيه بفايسبوكك هذا رأيي والله اعلم

[لمسة ابداع]

اختي الكريمة اخطيك من الفايس بوك او سووووق فارغ
وزيد كامل الدراري مايحبوش الطفلة اللي عندها
f b

[~ دروب الخير ~]

و لماذا الكذب ؟ قولي نعم عادي .. و اصلا فيه غير البنات
ربي يوووووووفقك

[نورسين.داية]

الشخص الدي يتعامل بمنطق السكانير ....هذا غير صادق النية و لا يتعامل بمبدأ حسن النية يعني موسوس

في نظري من البداية لديك شك في إنسان لما تقدمت له أصلا

أنا لو كنت مكانك .....لن أخبره هذا أمر شخصي و لا دخل له فيه ماعجبوش الحال يضرب راسو على الحيط

[امل ضائع]

يا اختي الاجابة راهي واضحة ولا تستدعي كل هدا التساؤل...
مادام ماشي في كرشك تبن علاش تخافي!!
هو لوكان حاب يسقسيك راه سقساك..
و حتى ولو سقساك قولي بلي عندك فيس لا داع لإخفاء الأمر.
نصيحة مني أختي ما تكذبيش على خطيبك لان الكذب حبله راشي و يتقطع تمتم...
ما تخافي ما والووو عادي..
ربي يهنيك اختي..

[الرميصاءْ]

مانيش فاهمة علاه الفيسبوك عيب تقريبا الناس كاملة عندهم فيسبوك ورا ه المشكل بصح فيه جانب سلبي واخر ايجابي
والناس ليخافو ربي يروحو للجانب الايجابي تاع الفيسبوك
و الفيسبوك ما انحصرش على العلاقات والامور التافهة انما هو وسيلة مثلو ا مثل الانترنت

[AMINA.Z]

كم اكره هاذ النوع من الاسئلة
علاه دايرة حاجة عيب و الا حرام ..كي حليتي فايسبوك !!!!!!!!!!
و شكون قالك بلي خرايب الفايسبوك يتطبقو غير على البنات !!!!!!! لاه هو مثلا معصوم و الا حلال عليه !!!!!!!!!!!
و اصلا شكون اللي ما عندوش فايسبوك درك
و علاه راكي تفسري و تبرري .. بلي تستعمليه غير للدين و الكبخ و و و ...الفايسبوك حاجة تخصك ..لا انا لا واحد اخر عندو الحق يحكم عليك و الا يدخل فيك
ديري ثقة في روحك شوية
مادام ماش دايرة حاجة غالطة ..خلاص
اصلا انا نعرف المخطوبين و المتزوجين ماكانش بيناتهم حاحة يقولولها حساب خاص ....كل واحد فيهم يمد للطرف الاخر كلمة السر و بيناتهم ثقة كبيرة.
و انت خايفة حتى تقوليلو عندي فايسبوك !!!!!

[ميما اللئيمة]

لالا اياكي تقوليلو الرجال يتوسوسو دك يقولك و علاش مجبتيليش سيرتو و مقلتيليش عليه ؟! كان فيه حاجة و حدفتيها و خليتي غيؤ زوج بنات ؟! احذفي الحساب و افتحي حساب جديد يكون هو اول من يعلم به و اعطيه المودباس ؛ عمبالي الكدب حرام بصح درءا للمشاكل و التوسويس هدا رايي و الله اعلم

[biologie2001]

مادامك صافية و علاش تخافي .... ادا سقساك جاوبيه عادي

[محمد جديدي التبسي]

المطلوب تجنب الحديث بينك وبينه لانها خطبة فقط وكثرة التواصل بالهاتف مشكلة فما بالك اذا اضفت لها الفايسيوك!!
تجنبي هاته المحرمات ليبارك لك في علاقتك وتنتهي بالزواج واعلمي انك اذا دخلت في هذه التفاهات من هاتف وكثرة حديث ستتطور الامور الى رومنسيات وافلام وشكوك ومشكلات انت في غنى عنها لذلك لا تنخدعي بحال زميلاتك في المجتمع والتزمي بدينك تربحي وتعمري عين الرجل الحقيقي الذي يعرف الحلال والحرام...ربي يتمم على خير

[fella111]

زعم الفايسبوك حرام و الهذرة اللي بيناتكم حلال مجتمع غريب ان كنت واثقة من نفسك لا تخافي المشكل كون تقواياو عندي فايس يقولك نعودو نحكيو هنالك هذا اصلا ان تقبل ان يكون عندك فيس بوك

[ابراهيم داود]

الشخص التافه يستخدم الفيسبوك فيامور تافهة مثله والعكس صحيح....ما دمت لا تستعملينه في امور تافهة فلم الخوف

[الرحالة المغامر]

إذا كنت تستعملين رقم الهاتف في مكان البريد الإلكتروني لتسجيل الدخول أو أنه تم ربط حمايته برقم الهاتف فـأظن أنه قد يجد حسابك بسهولة وهنا إذا كذبت عليه سوف يكتشف أمرك إذا إنتبه لتلك الطريقة وأحسن وسيلة هي إغلاقه نهائيا لتفادي المشاكل وأمر المصارحة يرجع لك ولطباع ذلك الشخص

[نور لاتراه]

السلام عليكم
اذا سئلك اجبيه
وعلى اي حال لاتتعلقي بالفيس بوك كثيرا وان كان من اجل الطبخ وغيره من الاعمال

[اياد حياتي]

كم اكره هاذ النوع من الاسئلة
علاه دايرة حاجة عيب و الا حرام ..كي حليتي فايسبوك !!!!!!!!!!
و شكون قالك بلي خرايب الفايسبوك يتطبقو غير على البنات !!!!!!! لاه هو مثلا معصوم و الا حلال عليه !!!!!!!!!!!
و اصلا شكون اللي ما عندوش فايسبوك درك
و علاه راكي تفسري و تبرري .. بلي تستعمليه غير للدين و الكبخ و و و ...الفايسبوك حاجة تخصك ..لا انا لا واحد اخر عندو الحق يحكم عليك و الا يدخل فيك
ديري ثقة في روحك شوية
مادام ماش دايرة حاجة غالطة ..خلاص
اصلا انا نعرف المخطوبين و المتزوجين ماكانش بيناتهم حاحة يقولولها حساب خاص ....كل واحد فيهم يمد للطرف الاخر كلمة السر و بيناتهم ثقة كبيرة.
و انت خايفة حتى تقوليلو عندي فايسبوك !!!!!
ونعم الرد كم انت واقعية في جميع ردودك

[sarah rose]

اعطيلو الفايس و كلمة السر و اطلبي الفايسبوك تاعو و كلمة سره
هكذا تكون الصراحة من البداية و الله اعلم

[غزلانْ]

السلام عليكم

اذا سألكِ
لكِ فايسبوك قولي لهُ "لي"
ليس لديك قولي لهُ " لا"
و كفى


بالتوفيق لكِ

[malikdz01]

شكون ما عندوش فايس بوك ؟؟؟؟؟؟؟؟ عادي انا كون تقولي خطيبتي ما عنديش فايس بوك نكذبها .... المشايخ والائمة والاخوات عندهم فايس بوك اين الاشكال ....كي تخرج الفتاة تخدم وتتكلم مع الناس ويشوفها من هب ودب عادي ... وكي تكون في عالم افتراضي غير عادي ؟؟؟؟ غريب امركم

[~طَـــمُـــوحْ~]

لالا اياكي تقوليلو الرجال يتوسوسو دك يقولك و علاش مجبتيليش سيرتو و مقلتيليش عليه ؟! كان فيه حاجة و حدفتيها و خليتي غيؤ زوج بنات ؟! احذفي الحساب و افتحي حساب جديد يكون هو اول من يعلم به و اعطيه المودباس ؛ عمبالي الكدب حرام بصح درءا للمشاكل و التوسويس هدا رايي و الله اعلم

اعجبني ردك صراااحة

[وليد1990]

شكون ما عندوش فايس بوك ؟؟؟؟؟؟؟؟ عادي انا كون تقولي خطيبتي ما عنديش فايس بوك نكذبها .... المشايخ والائمة والاخوات عندهم فايس بوك اين الاشكال ....كي تخرج الفتاة تخدم وتتكلم مع الناس ويشوفها من هب ودب عادي ... وكي تكون في عالم افتراضي غير عادي ؟؟؟؟ غريب امركم

شغل جاتك بديهية ولازم الناس قع تصدقها
ايه مزال كثير من الناس معندهمش فيسبوك
ومنهم خطيبتي ومقتنع بلي معندهاش

بالنسبة الاخت كلام خطيبك كلام غير كاف باه تستنتجي بلي راه يمعني عليك
وانتي ماتقوليويش احوط
ونظن من الاحسن تخلي على الفيسبوك تاعك