تسجيل الدخول

مشاهدة النسخة كاملة : لي حابة دير اجر فيا ونولي فحلة كيفههها

fofo annabia
2016-03-07, 16:43
السلام عليكم اخاواتي انا شفت موضوع الاخت ماسة و لقيت تجاوبكم معاها كبير
حبيت نحط موضوعي bien sure على الطبخ حبيتكم تعاونوني من الكسرة حتان لقرتان و الاطباق الصعيبة انا زوجي يحب بزاف التنوع في الماكلة ارجوكم عاونوني علابالي بيكم فحلات ما لانبداكم
1-كيف ماه نطيب الجاري اي الشربة فريك
كي تجاوبوني نزيد نسقصيكم نسنا فيكم سلامممممممم:1::1::1:
fofo annabia
2016-03-08, 12:24
مكانش لي حتى دخلت و شافت اني نسنا فيكم وينك اختي ام ساجدة ووسيم
nolla
2016-03-09, 18:46
مرحبا اختي اتمنى اني افيدك اقدم لك طريقتي في الشوربة صراحة زوجي يحب شربتي انا ندير القليل من البصل قيمة ملعقتين اكل ندوب البصل مع الزيت و نضيف اللحم انا نديرها بالخروف و ندير حبة طماطم مرحية و التوابل ندير ملح فلفل اسود عكري 2 ملعقة صغيرة راس الحانوت ندير 2 ملعقة صغيرة الكسبر مرحي و نضيف ملعقة و نصف اكل طماطم مصبرة نقلي مع بعض ثم نمرق بالماء الساخن نغلق طنجرة الضغط نحط فوق النار
نوجد الثوم انا منقليهش يمرار انا نطحنو يولي زبدة نير 6 سنات
نغسل الفريك ديالي انا نشريه رقيق كي تفوت شي 15 د نحي الطنجرة و نضيف للفريك و الثوم و نخلي يطيب
انا نعقد الشوربة لما تطيب نرمي فيها فلفل حار اخضر و الكسبر مقطع رقيق و نطحن سنة ثوم مع القليل من الكسبر الاخضر و نطفي أتمنى تكوني فهمتيني و الشوربة تختلف بنتها من طياب لاخر احنا اخوات متعلمينها على الوالدة لكن كل وحدة و البنة تاعها
Oum Habouba
2016-03-10, 12:28
السلام عليكم اختي شوفي في وصفات حراير الكوزينة واش طيبتي اليوم كامل البنات والعضوات يحطو الاطباق نتاعهم كيفاش يطيبوها من اطباق رئيسية الى حلويات الى مقبلات ومخبوزات يعني كلللللللل شيئ كاين غي اللي مابغاتش تتعلم نتي تصفحي الاجزاء وتعلمي واش راه خاصك ونتمنى لك التوفيق ونصيحتي ليك كي تكوني تطبخي ركزي وطيبي وعقلك في الطبخ هكا تصدقلك الطبخة وبالتوفيق:19:

الجزء الاول
http://www.djelfa.info/vb/showthread.php?t=1362108
الجزء الثاني
http://www.djelfa.info/vb/showthread.php?t=1712996
والجزء الثالث
http://www.djelfa.info/vb/showthread.php?t=1915308
fofo annabia
2016-03-10, 18:17
شكرا لكن على الافادة ربي يعاونكم
Omrihem
2016-03-15, 15:19
اختي اذا حابة تتعلمي الطياب من الاف لليائ
ادخلي اليوتيوب واكتبي شهيوات ام وليد راهي حاطة كلشي والمقادير وان شاء الله تتعلمي منها وتولي فحلة كيفها ههههه
fofo annabia
2016-03-15, 19:58
اختي اذا حابة تتعلمي الطياب من الاف لليائ
ادخلي اليوتيوب واكتبي شهيوات ام وليد راهي حاطة كلشي والمقادير وان شاء الله تتعلمي منها وتولي فحلة كيفها ههههه
شكرا اختي مي انا نحب ندي الخبرة من هد المنتدى:mh31::mh31::mh31:
امل ضائع
2016-03-15, 21:10
السلام عليكم ورحمة الله وبركاته.
اختي كلنا رانا تتعلمو و الطبخ ولا حبيتيه رايحة تبدعي فيه..
امل ضائع
2016-03-15, 21:27
نعطيك انا طريقتي في طبخ شربة فريك او الجاري.. نعطيك كمية تاع 6 اشخاص و نتي تحبي تزيدي او تنقصي..
انا بصراحة هده الطريقة تخرجلي شربة رائعة..
المهم هاكي الطريقة..
تاخدي كاسرولة و لا كوكوت دريري فيها 3ملاعق زيت يسخن الزيت حطي قطع اللحم حسب الحاجة.. ملاحظة انتبهي تكتري الزيت رايح يمتصلك كل البنة و تاني الطماطم..
قلي اللحم تاعك واحد 5 دقائق النار تكون متوسطة ماهي قوية ماهي ضعيفة.. نقولك علاش.. خاطر كي تكون النار قليلة اللحم يطلق قاع الما تاعو و كي تمرقي تنقص البنة اما كي تقوي النار اللحم يدير طبقة عاصية على الخارج..
بعد ما يتقى اللحم اضيفي بصلة و 4سنات ثوم و ملعقتين من الماء باش ما يتحرقش البصل و تاتي ما يتحرقولكش الروايح.. بعد ما تضيفي البصل و الثوم و ملعقتين الماء اضيفي التوابل تاعك.. انا ندير الكسبر كروية فلفل عكري ملحقة قهوة منهم..فلفل اسود ماشي بزاف.. زيدي القرفة عود و ورقة رند حبة طماطم و قليل من الملح.. حركيهم ثم اضيفي ملعقة طماطم مصبرة مع ربع كاس ما خليهم يتقلاو مليح اضيفي حشيش مقطفة او الدبشة.حركي مليح بعدها اغسلي الفريك تاعك و حطيه في القدرة تاعك حوالي نصف كاس.. معاه اضيفي كأسين 2 من الماء الساخن خلي يتقلى كلشي مع بعض حوالي 5 دقائق مع التحريك باش ما يلصقش الفريك.. بعدها مرقي بالما الساخن ديري كمية كافية و حاولي ما تزيدبش الماء امبعد اتركيه يطيب على نار هادئة مدة تقريب 1و نصف في قدرة و في الكوكوت من نص ساعة الى 45د.. ادا شفتيه شربلك الماء غلي الماء و زيديلو و ادا شفتيه طاب ويدي شوية حشيش مقطفة طفي عليه.. فلفل حار اختياري عزيزتي.. و تاني فلفل اسود حاولي تنقصي اكبر قدر انا ما نحبوش بزاف في الماكلة لانو مضر رغم انو بنين في الماكلة..
امل ضائع
2016-03-15, 21:29
نتمنى انك تجربي طريقتي راهي مليحة و كل واحدة و طريقتها اكيد..
ان شاء الله ما نكون نسيت والو..
سافيدك باي معلومة نعرفها. .
بالتوفيق اختي
sousou sahraoui
2016-03-16, 11:03
10000000000000 mercie
سيرين 5
2016-03-16, 11:24
راني حاطة وصفة شربة المرمز بالصور نفس طريقة الشربة العادية برك بدلي المرمز بالفريك
http://www.djelfa.info/vb/showthread.php?t=1924879&page=11
sousou sahraoui
2016-03-16, 13:20
الى كل عضوات قسم الطبخ