تسجيل الدخول

مشاهدة النسخة كاملة : تقسيم الشهرية

ام امير
2016-03-06, 23:33
بسم الله الرحمن الرحيم اول حاجة لكي نقسم الشهرية لازم تقضيو كليا على الديو ن ونحطو في بالنا مقولة قد لحافك مد رجليك اي نقنع بالي عندنا ونحمد الله على نعمه ثانيا لازم ان نحدد اهدافنا في الحياة وكذلك التدبير المنزلي الي راهم يسموه الان التقشف ويخلعو في الغاشي والي استعملاته جداتنا وامهاتنا لازم يطول باه النتائج تظهر
1حضري ورقة وقلم
2 اكتبي المصاريف الثابتة تعطيمم مثال وهي طريقتي
الكهرباء 200الف شهريا
الماء 50الف شهريا
الانترنت160الف
الصيدلية او الطبيب150الف
تامين السيارة100الف
مصروف المدرسة والدروس الخصوصية200الف
مصروف المواد الغذائية مليون واحد
مصروف اللحوم
مصروف الخضرة500الف
مازوت السيارة200الف
الادخار 500الف الصدقة 100الف المجموع 3ملاين و250 الف المهم دراهم الكهرباء وكامل ليشارج يقعدو فيالبريد الادخار على البنك يبقى دراهم الحانوت نصرف المواد الغذائية بالشهر نجيب كل ما نحتجه اي الضروري الحلويات تصنع في المنزل كذلك الحوم نشري الدجاج الكفتة والمرقاز دراهم الخضرة يبقاو في المنزل نصرف الخضرة والفاكهة كل15يوم واخيرا تدخ اهنا شطارتك ايتها المراة وتذكري ولا تبذروا ان المبذرين كانو ا اخوان الشياطين وللحديث بقية اذا عجبكم الموضوع ساقوم بكتابة قائمة المشتريات وكيفية تدبيره على فكرة احنا 5 افراد في شقة 120م مربع لان مساحة المنزل وعددافراد الاسرة لها دخل كبير:dj_17:
أم ريتاج زهرة
2016-03-06, 23:51
يسعدني الانضمام لموضوعك اختي بارك الله لك
موضوع في القمة
أم ريتاج زهرة
2016-03-06, 23:53
على فكرة لو تقسميلي راتب زوجي ثلاث ملاين و عدد افراد عائلتي ثلاث و بدون كراء الحمد لله
ام فيفي
2016-03-06, 23:58
بارك الله فيك ......واصلي من فضلك....وما دخل مساحة المنزل في المصاريف
ام امير
2016-03-07, 00:07
انا نقولك اختي مادخل المساحة في المصروف خمي معايا اذا كان عندك حوش فيه 100م مربع راه يحتاج 12 دلو ماء باه يتنقى اما اذا كان عندك بالكون فيه 3م راه خاصك دلو واحد ماء كذلك الانارة بالنسبة للغرف و المساحات وراك سمعتي بالزيادة في الكهرباء وكذلك اذا شتهيتي تغيري حاجة في البيت مثل قماش مثلا لبيت القعاد احنا عندنا في الشقة البيت الكبيرة راه فيها 4 سدادر اما في الديار الواسعين راه خصك مثلا حتى3ملاين قماش افهمتني عزيزتي والله يوسعها علينا اهنا ولهيه
أم ريتاج زهرة
2016-03-07, 00:18
ام امير سؤالي من فضلك
ام امير
2016-03-07, 00:21
اختي ام رتاج شكرا على التواصل انا مانقدرش نقسملك الراتب انت اولى بهذا الامر لكن نقدر نقدملك نصيحة مثلا قسمي الدراهم نتاع المصاريف الثابتة مثلا تجيك 400الف كهرباء في الفصل انت قسميها على 3 مشي حتى تجي الفاتورة عاد تخمي فيها راها تخلطلك الراتب وكذلك المراة الماكثة في البيت تقدر تعاون زوجها مثلا تعجن في الدار انا نعجن راني نوفر 120الف غير نتاع الخبز نشري الفرينة والسميد وكذلك نخدم الحلويات مثل البريوش العصارة للقهوة حلويات اقتصادية كذلك شوفي اولادك وزجك واش يحبو ياكلو وابتعدي قد ماتقدري على الاكلات المقلية لانها مكلفة ومضرة بالصحة مثلا خطرة في الاسبوع ديري حريرة او شوربة ومعاها تقدري تقلي البطاطا المهم انت وشطارتك ابتعدي عن شراء الاكلات الجاهزة واحسبيها بالورقة والقلم
أم ريتاج زهرة
2016-03-08, 16:16
شكرا لك ام امير على و ربي يوفقك زيديلنا نصائح على الشهرية ربي يخليك
..بسمة أمل ..
2016-03-08, 18:01
شكرا ليييييييييييك
طيور الجنان
2016-03-12, 21:05
بارك الله فيك اختي وجعلها الله في ميزان حسناتك ان شاء الله موضوعك مفيد ربي يقدرنا ان شاء الله
باهي جمال
2016-03-13, 07:41
عند تقسيم الاجر الشهري ينصح بعدم نسيان حق الفقير والمسكين والارحام والله يبارك في القليل
om osama
2016-03-13, 09:21
بارك الله فيك على الموضوع اريد مساعدة في كيفية التخلص من الديون علما ان الشهرية مليون و800 الف والكراء 500الف وعدد الافراد 4 ولدينا منزل راه في طور البناء وصاحب المنزل يريد زيادة في الكراء فهل من حلول ناجعة ارجو من يعرف كيفية التقسيم لايبخل بالنصائح جعلها الله في ميزان حسناتكم وشكرا ارجو الرد بسرعة
*سيرين نور عيني *
2016-03-29, 17:11
موضوع رائع حنونة مشكورة
kader001
2016-03-29, 17:34
شكرا ..على المعلومة ..و ربي يحفظك لولادك ..............
مواطنة جزائرية
2016-03-29, 17:49
بارك الله فيك أثري موضوعك بطريقة تقسيم المصروف نتاع الاكل
amel...
2016-03-29, 19:02
يعطيك الصحة
ام هزار
2016-03-29, 19:43
مهندسة ميوانية ما شاء الله . و الله عجبتني طريقتك في تقسيم الشهرية . لكن ماذا لو اردنا اقتناء شيء من الذهب ؟ لا بد ان نخصص له مصروفا خاصا . واش رايك ؟
ahlemori
2016-04-02, 23:32
شكرا الله يعيننا
عقد النجوم
2016-04-03, 15:09
كل شي صح بصح امصروف المواد الغدائية نظن انو يفوت المليون زيد مصاريف الاطفال ولبسهم هادو هم المشكل خاصة انو السلع غالية شوية
أمة الله 41
2016-04-04, 17:09
بارك الله فيك اختي على الموضوع لان الكثير يعيش هكذا بدون أن يحسب لشئ وادا تقشفتي وعرفت كيف تتدخري وتعيشي مليح ترتاحي نفسيا وكذلك الاجر من الله ...أنا أيضا اتبع الادخار حتى استطيع ان اكمل بناء منزلي وحتى بعد اتمامه ان شاء لله نتم هكدا لانه شئ رتحت عليه
المصروف الشهري نقسمه
مواد غذائية
خضر وفاكهة
لحوم وحليب
أشتري فقط مااحتاج وادا كملوا قبل الشهر ندبر راسي باشياء من البيت ومانخرقش القاعدة :)
الف شكر مرة اخرى
miral_zina
2016-04-05, 08:41
بارك الله فيك على الموضوع اريد مساعدة في كيفية التخلص من الديون علما ان الشهرية مليون و800 الف والكراء 500الف وعدد الافراد 4 ولدينا منزل راه في طور البناء وصاحب المنزل يريد زيادة في الكراء فهل من حلول ناجعة ارجو من يعرف كيفية التقسيم لايبخل بالنصائح جعلها الله في ميزان حسناتكم وشكرا ارجو الرد بسرعة
الله يعاونك اختي صح لكرا والدين يقسم الظهر حاولي توفري في المصاريف تاع برا يعني خبز اعجني في الدار وحاولي الاقتصاد على قد ما تقدري لانو 4 افراد والله 5 ملاين وماتكفيش ابحثي عن الالاكلات الاقتصادية وانت وشطارتك حاولي تقسمي الشهرية بالاسبوع يعني مثلا كل اسبوع 2000 دج اخرجي للسوق الاسبوعي تلقاي الرخاء ووفري قدري المستطاع
miral_zina
2016-04-05, 08:45
حاولو تقسمولي زوج ملاين وثمانمية مع العلم عندي مصاريف اكريش واحنا في 3 افراد عندي بيبي وكاين مصاريف انترنت وطبعا كهرباء ومصروف زوجي
miral_zina
2016-04-19, 14:00
اين انتم جاوبونا
ام احمد و ميسم
2016-04-20, 22:16
للتخلص من الديون عن تجربة اختي اكثري من قؤل اللهم اكفني بحلالك عن حرامك و اغنني بفضلك عمن سواك سيقضي الله ديونك و سترين اختي احسن الظن بالله عز وجل فقط
karima4002
2016-04-24, 09:23
قسمولي راتب 18000 دج
patchiko
2016-04-25, 09:18
الاخوات موضوع التقسيم صعب جدا . عندى تقرببا 3 سنوات وانا مع هذ المشكل والشهرية الله يبارك والعايلة 8 افراد المهم بعض الاحيان نوفر وخاصة فى الشتاء وعندما يصل الصيف وتكثر المناسبات وتجى ورا بعضها تلقونى غير مع الورقة و القلم
انا المشكل عندى فى طلبات الاولاد التى لاتنتهى ..........................................
واضعة جدول : للثوابت الكهرباء ولبغاز, الماء , النقال , الثابت . الانترنت فى حدود مليون
الخضر والفواكه او مشروبات
الصدقة
و مونة البيت / زيت الدقيق الفرينة الملح الخمير للكسرة والحلويا ت السكر ............فى حدود مليون
ارجو من التى تسطيع التوفير ومنظممة انها تفيد و تساعدنا
om3imad
2016-05-01, 12:21
اخواتي انا نطيب غداء و عشاء ساعدني على التوفير
nadichem
2016-05-03, 18:48
44444444444444444444444444444444444444444444