حتى الحامل يطمعو فيها [الأرشيف] - منتديات الجلفة لكل الجزائريين و العرب

مشاهدة النسخة كاملة : حتى الحامل يطمعو فيها

مشكلتي

2016-03-05, 10:51

السلام عليكم

انا والله حرت كرهت راني في شهور حملي الاخيرة وجاوني صعاب بزاف حتى الحركة اصبحت صعبة عجوزتي تسيء اليا دائما بدون ذكر التفاصيل كنت قد كتبت مواضيع هنا بخصوص دلك
المهم راجلي قالي توحشت والديا نروح نبات عندهم رحنا ودينا عشانا معانا باش باش منعييش حماتي وانا كذلك غير يخرج راجلي من الدار تبدا تخبط عليا في االحوايج بالمختصر فيلم رعب نعيش فيه بصمت من دون علم زوجي وعلاش ديت معايا عشانا خاطر من نهار سمعت بيا بالحمل تحطلنا اسوا الاكل فضلات عظام جاج مع شوربة الفطور لا يوجد الخ من المعاملة السيئة

كي شافتني جيت عادت تجبد في الملابس منها النظيفة وغير النظيفة بحجة انها رح تغسل اثاث المنزل قلبته بحجة التنظيف حتى ولدها اصيب بالحيرة قالها وعلاش راكي ديري هكد كلش نظيف وفي الاخير قاتله انا وليت منقدرش نتحرك زعما تقلد فيا وانا راهو اول حمل بعد صبر نفس اعراض الحمل والوهن توصفله فيها لوهلة احسست انها ضرتي وليست حماتي
راني حملت الكثير والكثير ونحس بطاقتي نفذت اخر خرجاتها انا في وضعية حرجة خصوصا اني بذلت مجهود عن جهالة حطيت باللي لازم نبدا المشي من اجل الولادة بديت نمشي من السادس قريب باصيت روحي صراولي تقلصات والطبيبة قاتلي لازم هاد الزوج شهر ترتاحي حتى الاشهر الاخيرة خلاص تبداي المشي
حبتني ننفضلها الدار ونغسللها القش ونطيب ونخبز ونطلع ونهبط ؟ قولولي هاذوا يخافو ربي ؟ والا واش حاطينا بونيشات عندهم انا والله داري وليت نسيقها من سمانة لسمانة وليت منقدرش
كرهتلي حياتي فيلم رعب وراني غير نحط في قلبي ونسكت غير علاجالة راجلي بصح الى متى راني عبد لحم ودم وش حسبالها راني بنتها رح نصبر على عذابها راهم والديهم وكي داروا فيهم الشر هادوك الولاد داروا ردة فعل بصح انا لوقتاش نتقى نحمل مجتمع مريض عايشين فيه حسبي الله ونعم الوكيل

أم ريتاج زهرة

2016-03-05, 12:55

خير الكلام حسبيا الله و نعم الوكيل درك لهي في حملك ما ينفعك حتى واحد في صحتك بالتوفيق

semayaalg

2016-03-05, 13:05

اتهلاي في روحك تروح تلعب عجوزتك هادي

الناس ما ترحم ما تخلي .............

قولي حسبنا الله ونعم الوكيل

كلنا راحلون

2016-03-05, 13:13

مجرد نصيحة اداريين هاد مواضيع مكانها في قسم النساء ولما لا قسم مخصص لمشاكل نسوة
احت صاحبة مشكل الله في عونك

(( هبة الرحمن ))

2016-03-05, 14:57

اصبري أختي مرحلة وتمر،
مادام زوجك يعاملك برفق والله كل شيء يهون ،
اعذريها عزيزتي ، أمهاتنا عشن في زمن صعب ، لم يتدلّلن أثناء الحمل ، آباؤنا لا يبالون بهنّ ، أمّا رجل هذا الزمن ، ربّي يحفظه - كون عليه يحمل مكان زوجته - يدلّلها وريّحها ويحس بتعبها .
لذلك حماتك المسكينة تتذكّر شبابها الذي مرّ بسرعة البرق ولم تستمتع بحملها مثلك ....
ألا تتذكرين ، زمان الحماة تحمل مع زوجة ابنها ، ومع ابنتها في نفس الوقت ، ينفسو مع بعض ، تلقاي الولد خاله أو عمه بنفس سنه .....الله غالب النسا يغيرو....
نقولك عندي صحبتي قالت لي حماتي تلبس كيفي ........وووووو........
أسأل الله أن يثبت حملك ويقرّ عينك بمولودك .

أم عبد الكريم

2016-03-05, 15:04

يا اختي دايرين لعروسة نشافة لي يجي ينشف بيها .........حسبي الله و نعم الوكيل ....اذا راكي مهبولة اغسليلها تروح تخرف على روحها خمي عل رزحك و قوليلها مقدرتش و خلاص

غزلانْ

2016-03-05, 15:14

و عليكم السلام

لزوجكِ الحق في زيارة

أهله و تبقى زيارة "منكِ الى بيتِ أهل زوجكِ " فاصبري و اصبري فلستِ " بالمقيمة عند أهلهِ"

فلتحاولي نقل تعبِك خصوصا و أنتِ حامل لزوجك و أن حالتك

هده لا تسمح وتجدين صعوبة في مساعدة أمه و حينها هو " سيتفهم " و تكون زيارة له فقط

و تبقي أنتِ و رعايتكِ لصحتكِ و حملكِ و حينها ستكون راحة تامة لا شاقة

بالتوفيق لكِ

لا اقتباس

مناد بوفلجة

2016-03-05, 16:34

واش بديتي تتعززي ، حماتك عندها حق ،
لازم طيبي و تغسلي و تنقي و تخبزي ،
لأنها يعني حماتك تعلم أن الرياضة للمرأة الحامل مفيدة ،
ديري على المجربة "يعني حماتك التي تحبك" ، و ما ديريش على الطبيبة

faty05

2016-03-05, 17:31

(( هبة الرحمن ))

2016-03-05, 18:14

ما تزيديش تروحي عندها حتى تفوتي النفاس و ترتاحي
يخي حالة يجيبو بنات الناس و يطمعو فيهم يخدمو عليهم
فكرتيني في وحدة كي تروح تخطب تقولهم انا بغيت وحدة لي تعاوني في شغل الدار
يخي حالة تبالي كاين بزاف نساء حابين يسترزقو وعلاه ما تشوفش كش عاملة نظافة تقوملها بالدار اذا مش قادرة
الله يصلح لحوال
خليها تخبط و تندب انتي راكي حامل تسلكي علا خير من بعد يفرج ربي
ادعي الله ان يبعد عنك شرها

ذكّرتيني بسنوات مضت ،،،
جاءت إحداهن لخطبتي ، قالت لوالدتي: ( حابة نزوّج الكوزينة ) ، راني كبرت وبناتي زوجتهم.....
تصوري ،،،
ما بيهاش أنا ولا وليدها ....الكوزينة ،،،
واللي في نيتها تزوّج الكوزينة تخطب واحدة عاملة ؟؟؟

sarl02

2016-03-05, 23:04

ما تزيديش تروحي عندها حتى تفوتي النفاس و ترتاحي
يخي حالة يجيبو بنات الناس و يطمعو فيهم يخدمو عليهم
فكرتيني في وحدة كي تروح تخطب تقولهم انا بغيت وحدة لي تعاوني في شغل الدار
يخي حالة تبالي كاين بزاف نساء حابين يسترزقو وعلاه ما تشوفش كش عاملة نظافة تقوملها بالدار اذا مش قادرة
الله يصلح لحوال
خليها تخبط و تندب انتي راكي حامل تسلكي علا خير من بعد يفرج ربي
ادعي الله ان يبعد عنك شرها

مالا واش اجيبك اديري ؟؟ترقصي؟؟والي -روتور مالشومبرة للصال دوبان؟؟سينورمال اتعاونيها في شغل الدار ...والله ما فهمنا في جدكم حاجة يا بنات ذا الوقت .

أمل94

2016-03-05, 23:04

أمل94

2016-03-05, 23:08

ختي وانتي كي عرفتي عجوزتك دونية علاه رايحة لعندها .اخطيك منها كيم قالت الاخت اجبدي روحك عليها حتا بعد ما تريحي مالنفاس الله يهديها

صفية الاوراس

2016-03-06, 10:40

اختي ننصحك اقعدي في دارك واخرجي كل يوم تمشي وان شاء الله ربي يسهلك هذي عجوزة ما تخافش ربي

حنين فتـاة

2016-03-06, 13:22

احكمي دارك وعجوزك خصيلها زيارة تكون قصيرة يعني من الجمعمة للجمعة حوالي ساعة ولا ساعتين والسلام

oumhana

2016-03-06, 15:39

الله يكون فالعون وربي يعطيك وقفة ساهلة آمين

نورسين.داية

2016-03-06, 18:48

السلام عليكم

لكن الأمر الذي أثار إستغرابي أولا حملك هذا لا يطاله صفة الدوام ....يعني امر ظرفي

ثانيا أنتي زيارتك ليها مؤقتة بساعات .................يعني المشكلة أوالمضايقة تنتهي بمجردإنتهاء الزيارة ...........أين هي المشكلة ؟؟؟؟

شخصيا لا أرى مشكل في الموضوع

لأنو صاحباك هدا لديه حكم لن يتغير و لن يستطيع أي عضو أن يعطيك حل لتغيري له طباعه .....................

بالتالي : قللي زياراتك ....من ناحية العدد و المدة الزمنية أصلا ماتقدرش تحاسبك ....هي تحوس على وليدها ماش عليك نتي ....

و إنتهى الموضوع

blanche rose

2016-03-06, 19:09

مالا واش اجيبك اديري ؟؟ترقصي؟؟والي -روتور مالشومبرة للصال دوبان؟؟سينورمال اتعاونيها في شغل الدار ...والله ما فهمنا في جدكم حاجة يا بنات ذا الوقت .
ما سينورمالش أخي
العرف هذا خاطئ
اللي حابة وحدة تعاونها فالكوزينة تشد بنتها عندها..ماشي تجيب بنت الناس خدامة ببلاش

وواضح أنه ليست لديك معلومات عن الزواج
الزواج رجل وامراة يكونان اسرة سعيدة ويتعاونان على حلو الحياة ومرها وعلى تربية الابناء تربية صالحة ..
وليس لتخدم الزوجة حماتها او تساعدها..فلسنا فالهند..اين تعتبر الحماة كالآلهة وهي الكل فالكل وعلى زوجة الابن الطاعة

راجع معلوماتك جيدا
الابن يبر والديه بنفسه وليس عن طريق زوجته
والبنت تبر والديها بنفسها وليس عن طريق زوجها

وعلى الزوج والزوجة ان يحترم كل طرف أهل الطرف الثاني.

والزوجة تحترم اهل الزوج وتقوم بواجب الضيافة ..لا بخدمتهم..على ان يحترموها ايضا..

اختي صاحبة المشكلة
الحمل أثر على نفسيتك كثيرا
مادمت تسكنين لوحدك..لا تذهبي اليها فالطبيب طلب منك أن ترتاحي..ودعي زوجك يذهب..
او دعي زوجك يذهب لاهله وانت اذهبي لاهلك وقولي له اشتقت لاهلي ايضا

ربي ييسر امورك ويهدي الجميع

sarah rose

2016-03-06, 19:44

ربي يفرج عليك

AMINA.Z

2016-03-06, 20:46

هي هادرة هادرة عليك
ديري الشيء اللي يريحك
ماراح تفيدك لا هي لا غيرها
احمدي ربي راكي بدارك وحدك
ربي يسهل عليك ان شاء الله

TOFNINE

2016-03-06, 21:11

خلي كل القش لي تحطه في بلاصته
تفضي روحك وروحي لدارك
ربي يفك الحمل على خير ويفرحك
مراض هذو لعجايز
اما يحوسو المشاكل واما يحوسو يقطعونا ما نروحوش
عن نفسي اخترت الحل الثاني لان الاول ما نحملوش
والله غير التهنية والبادئ اظلم
هذا راجلك ما لقا حتى بلاصة يريحك فيها غير عند امه
قوليلو امك تريح عندها نتا كل واحد يريح عند امه
وكل الاماكن ترتاحي فيهم غير عندها ما ترتاحيش ولو نفسيا