هل اتزوجه ام لا ساعدونييييييي

[مشكلتي]

صباح الخير عليكم اهلا بكم اعرف احد الاشخاص من عائلتي القريبة جدا جدا ابن خالتي عمره 31 سنة وهو عامل الان في شركته اي لحسابه يعمل في مجال الاعلام الالي ولاباس به ماديا صحيح هو ليس يشخص وسيم ومقبول يعني صراحة شخص لم يعجبني مضهره وشكله وانا لدي الان 28 سنة وتقدم لي الخطاب حوالي 4 وانا رفضت لاسباب عديدة لاشرح لكم تفاصيلي انا اعيش مع والداتي وابي مطلق ماما من كنت صغيرة انا 6 اشهر بعد حكاية طويلة لاريد سردها المهم انا نعيش سويا في منزل جدي اب ماما ؤبي يرحمو نوفي من 6 سنوات مشكلتي اني حسيت لي يجي يخطبني ويشوف بلي اني مع ماما وحدنا يشوف الاوضاع ويهرب ولايرد علينا لاننا نعيش وحدنا للاسف في بيت لاباس به ولااملك لااخ ولااخت ولارجل معنا ابي عاود تزوج ودار حياتو وتعرفو كي يعاود راجل الزواج علي امراة يلتهي بزوجتو واولادو المهم 4 تقدمو كي يحسو راهم جايين لعندنا وامي شرطت انو لي يجي لعندنا لازم هي تبقي معايا يعني موحال تخليني نروح لدار الراجل ربما هدا خلاهم يفهمو كل شيء لدا واحد وراء واحد يرفض وانا عندي سيارة وعمل جيد وحمد لله مشكلة ان هدا ابن خالتي صراحة عنده عقلية جد غريبة وانا اعرفه احق المعرفة لانه من صغري ونحنعايشين ناتي الي حخالتي وبنات خالتي المهم الاحظ انه لم يهام بي ابدا من مدة يعني لما اصبح يهرف امور الدنيا والزواج ووووو لايكن لي اي مشاعر ولايابه بي يقتصر حديثه معي فقط علي القاء السلام وصباح الخير وووو والسؤال علي احوالي وعملي ووووو وفقط في مناسبات نلتقي ووووووو لكن لم الاحظ منه طبعا كلام قبيح لي وسب هو اضنه معقد من جهة النساء ولايبدي اي مشاعر وووووو وانا صراحة لم يعجبني ولم اضعه في راسي ابدا لانو ليس من مستوايا ابدا تعليمي وثقافي وفهامة وووو حتي شكلا وجمالا صراحة مشكلة ان امي تقول لي وليد خالتك عندو دار مع والديه كبيرة وعندو سيارة وعمل وراتب جيد حوالي 5ملاينونصف وهو صراحة اعرفه جيدا ليس من نوع لي يتبع النساء ابدا او يخرج معهم ويربط علاقات وتقول لي انتي الان 28 سنة وسنك راح يزيد وواحد مايقبانا بحالتنا ووليد خالتك وعلاش ماتتزوجيهش ربما لو نكلم اختي اي ماماه يقبل وانا صراحة ماعجبنيش الراجل ابدا سواء شكلو عقليتو الغريبة جدا انو دائما مشنف وعندو عزة نفس كبيرة وانو عصبي ويحب يفعل مافي راسه وقال مرة كلام لامو انو المراة كي نحب نجيبها انا لي تجيبها وليس هي من تاتي بي لها وووو يعني حسيت انو يقصدني وانو موحال مراة تسيطر عليا ونبقي هكا في راسي مدي حياتي ولي عجبها الحال عجبها لي ماعجبهاش الله يسهل انا راجل وعندي عملي وداري وخبزتي صراحة كلامو قاسني وجرحني وانا حائرة هل اتزوجه رغم اني متاكدة اني لم ولن احبه ابدا وانا لااستطيع نتزوج رجل لايعجبني ابدا فما بالك احبه مع الوقت هل اتزوجه ام لا
انيروني ياخبيرات من النساء واجركم علي الله

[غزلانْ]

صباح الخير





اذا كنتِ تعيشي وحدكِ
مع والدتك بارك الله فيها على كل ما قدمته لكِ أنتِ عاملة و لك سيارة و لكن
'' مسألة الارتباط" ينبغي " استشارة الأب"
هو الأدرى بما تدري والدتك
و عن مسألة " شرط والدتك"
لا أحد يقبل الا اذا كان صنف آخر
تفاديا لمشاكل
ثم مادا عن قولك ليس من مستوايا ابدا تعليمي وثقافي وفهامة وووو
هل احتقارأم تكبر؟





مشكلتكِ
البحث عن " رجل " ليكون " تحت تسييركِ أنتِ" لا " تسييره لكِ"
تريدين "التحكم" من خلال "ماتملكينه"


ساعدي نفسك بنفسك
و استشيري والدك هو له الجواب
لا تتجاهلي دوره " كأب" أثناء خطبتك

بالتوفيق لكِ

















لا اقتباس

[kameljijeli]

السلام عليكم ورحمة الله وبركاته
إذا كنت لا ترغبين في هذا الرجل و لم يٌعجبكِ شكله وطريقة تفكيره فلماذا التردد, أعلني رفضك حالًا وكل يذهب في طريقه. حسب كلامك قلت بأنك لا تحبي هذا الشاب الآن ولن تحبيه مستقبلاً, يعني هذا الزواج فاشل حتى قبل حدوثه, لذلك كوني شجاعة و تحدثي مع والدتك وانسحبي قبل فوات الأوان

[إسلام الفاروق]

هذا راجل تاع الصح
ما تتزوجيهش و ارفضي
سلام

[امل ضائع]

هذا راجل تاع الصح
ما تتزوجيهش و ارفضي
سلام
هدا هو.....

[الواثق]

هو ماهوش عاجبك الامر منتهي والاصل في الزواج الراحة والود ولقبول ...........لكن عندي ملاحظة ................انت تقولين انه عصبي وراكب راسو وعندوعزة نفس ........لكن من كل كلامك حتى انت باينة راكبة راسك وعندك عزة نفس ودايرة حسابات ليست في مكانها ............وانا كرجل اقول لها لك .......المراتجيبها لرزقك وتتهلا فيها وتحصل .........فكيف بمرأة نسكن عندها ومستواها اعلى مني كما تدعي ؟؟؟؟............والباقي تعرفيه..........والله المستعان

[mrmilano1984]

هدا هو.....
انا فعلا نحير من تفكير بعض الفتيات السيد لاباس بيه يعني نقولو متوسط وعندو دار مع والديه وربما دارو اكيد عندو اشياء اخري وعندو ربما سيارة ووضيفة جد مقبولة وراتب مستقر وزد تعرفيه عائلتك وتقولي صعب ادن نتي من الوع التي لاتحب الرجال صعاب المزاج هو هكدا وسيبقي هكدا بعقليته وانتي كدلك ادا شفتي ماتقدريش تتعايشي معاه بدون ارتباط وادا اخري تتحمل نوع هدا كاين لي تقبل وتحبو وتعرف كفاه تكسبو مع الوقت بعقليتها وصبرها وحنانها له وحيلتها اقول حيلة فقط ايجابية سيتغير مع الوقت يعني حسب طبيعة المراة

[semayaalg]

اعتقد انه علاباله بلي أنت أفضل منه

و حاب الهدرة توصلك
يعني إذا تزوجتيه هو الي رح يتحكم في الدار ماشي انتي

بالمختصر هو خايف تتزوجي بيه و تعامليه بتعالي


لكن عموما إذا ما كانش قبول مبدئي منك لا تتزوجيه و نقصد بالقبول منك هو عدم النفور

يعني أطرحي على نفسك السؤال : هل رح تتقبليه كزوج تشوفيه كل يوم و تعيشي معاه حياتك أو لا؟

[mrmilano1984]

يااختي صاحبة الموضوع معروف عن المراة انها ادا ماعجبتهاش عقلية الرجل او افكاره وتوجهاته يعني اصلا ماكاش قبول مبدئي الور الله يسهل عليك وعليه حتي لو بقيتي عازبة ماتقدريش تتعايشي معاه ادن خمي مليح

[faty05]

استخيري و اذا ما ارتحتيلوش من حقك ترفضي

[(( هبة الرحمن ))]

ما فهمته من كلامك أنه لم يتقدّم لخطبتك بل أمك ستكلّم أختها كي يتزوجك ......
ما هذا يا أختي ، لا يعجبك ، وغير راضية بطريقة تفكيره ، مستواكما غير متكافئ ، وتسألين ......
بخصوص سنّك - 28 سنة - اعلمي جيّدا أنّ الزواج مكتوب ، لا أحد يعلم سنّ زواجه رجلا كان أو امرأة ، وليس بسبب السنّ ترمين بنفسك إلى التهلكة ، الزواج شراكة ، وقبول ، وحياة ، وقناعة بالطرف الآخر ....
لا تتزوجي من شخص أنت غير راضية عنه ، لأنك ستتعبين ويتعب معك في حياتكما الخاصة (.................................).

[محمد جديدي التبسي]

انت راك بانية قصور في راسك من الاوهام ما ادراك انه سيقبل بك أساسا؟!!
في هذا العمر ارجح انه يبحث عن فتاة أصغر منك لذلك ريحي نفسك من التفكير في هذا الموضوع وانتظري حتى يأتيك رجل يقبل بشروطك فانت لا تناسبينه وهو كذلك لا يناسبك وتشمئزين منه!..ربي يهديك..

[mrmilano1984]

صحيح ماقالته الاخت هبة الرحمن هو هكدا سيبقي بعقليته يعني انسان كما قلتي مشنف وزعايفي وعصبي ومقلق وووو ومتوتر وعندو عزة نفس حتي لو كسب فيلا وشاطو وهو اصلا يكون يعرف احساسك ليه اكيد وطريقة تفكيرك اوك يعني كما قالت لو حدث اعجاب بينكم مبدئي كما تقولي في الشكل والمضهر والعقلية والتفكير وربما مستوي ثقافي نقلك تقبلي مبدئا هكدا تضلمي نفسك وهو ايضا يعاني معاك
ربي يرزقك اعرف انو امك تخمم عليك تقول هدا راجل من عائلة قريب ليا وربما نجي ليك وقت مانحب لبنتي ونعرفوه لعقليتو لكن انتي راح تعيشي معاه في سقف واحد بيت واحد وسرير واحد لااضن اطلاقا انو راح تتفاهمو بواش قلتي من قبل

[أنور]

المشكل هو اصلا ماخطبك ماوالو وقاعدة طلعي وتهبطي بفففففف

[نسيم الريح ش]

خمي مليح بلاك هدا هو نصيبك

[سالوني]

السلام عليكم

توكلي على ربي وادعيلوا إذا كان نصيبك يسّرلك فيه ويباركلك في هذا الزواج وإذا مهوش نصيبك ربي يبعدوا عليك ويعوضك بلّي أحسن منو

"ما أخطأنا ما كان ليصيبنا وما أصابنا ما كان ليخطئنا"

[سالوني]

السلام عليكم

توكلي على ربي وادعيلوا إذا كان نصيبك يسّرلك فيه ويباركلك في هذا الزواج وإذا مهوش نصيبك ربي يبعدوا عليك ويعوضك بلّي أحسن منو

"ما أخطأنا ما كان ليصيبنا وما أصابنا ما كان ليخطئنا"

[visa uk]

هي زواج فسمة ونصيب لكن يااختي هي ماحبتش تتزوج بيه فهمو واش قالت يعني حتي لو نوي خطبتها ارجح انها سترفض فعمو مليح واقراو سطورها واضنو حسب مافهمت ايضا هو من نوع لي راسو عنيد ايضا مايقبل بها ومايطيحش بروحو

[مواطنة]

من شروط الزواج رضا الطرفان مشي الوالدة
عمرك 28 هدا سن مناسب مشي منتأخر والله با اختي الوضع ديالكم عادي جدا لكن شرط امك انك تعيشي معاها مشي الكل يقبل بيه حاولي تقنعيها بالشوية و كاين الاب ديالك يمكن يساعدك في الموضوع لكن امك صح تحبلك الخير وضحات علاجالاك لكن ميعنيش تبعيها في الزواج من راجل مايعجبكش و هي عاجبها تشوفو ملائم ليك و ليها عفوا على الكلمة لكن اريدك يا اختي ان تعلمي ان الزواج ليس بهده الطريقة و المهم ليس ان تتزوج الفتاة قبل 30 و انما ان تتزوج بالرجل المناسب و الكفؤ الذي يناسبها و تجد راحتها معه و ليس من الاول النفور من بعد لو يقدر ربي و تزوجي ومتتوافقوش واش ديري تتحملي برك من اجل الام او من اجل القرابة و انت وين راهي شخصيتك امالك
انصحك تسمعي فيديوهات للدكاترة في كيفية اختيار الزوج المناسب .

[ميما اللئيمة]

اختي اولا ربي يهنيك و يفرحك و يعطيك ما تتمناي
ثانيا : 28 سنة لا يعني انك كبرت على الزواج فلا تستعجلي ولا تساومي و لكن في نفس الوقت متحوسيش على واحد يكون مثالي ولا حتى عاجبك ؛ المهم انسان مصلي محترم مش تع بنات خدام ، حكاية انو يحب يكون هو المسيطر هدا شي طبيعي في الرجال عامة و الجزايريين خاصة ؛ و اصل هذا مش مشكل بالعكس كي تتقبلب انك امراة قدراتك و معرفتك لامور الحياة اقل من الرجل حترتاحي نفسيا و تتعودي انك تكوني تحت قوامته ؛ بالعكس تحسي بالامان و الانوثة ؛ حاصله صلي استخارة و اذا خطبك احكي معاه افهمي عقليتو و يفهم عقليتو و حكاية محال نحبو مكانش منها ، ياك يقولو اجمل قصص الحب تجي بعد الكراهية .. ربي يهنيك

[الرميصاءْ]

صلي صلاة الاستخارة

[أم أنفال1]

اختي يلا كان راجل ذو اخلاق اتزوجي بيه ماداك راكي في ليتسع غدوةكي تكبري وتندمي حينها لاينفع الندم ومنتنسايش مكيش عايشة ظروف مليحة لي تساعدك وتهنيك روحي اخيتي ابني دارك

[ريـاض]

أظن أنّ القرار النهائي محسوم سلفا في قولك :
(رغم اني متاكدة اني لم ولن احبه ابدا)

وأنا أنصحك نصيحة لوجه الله :
إذا قرّرتِ الزواج منه -هروبا من العنوسة- فيجب عليك أن تخبريه بأنّك (لم ولن تحبيه أبدا) ,, لأنّك إذا لم تخبريه بأنّك تكرهينه فذلك يعني أنّك خدعتيه وأنك تفكرين في مصلحتك فقط ولا تهمك مشاعر ذلك الرجل الذي يبحث عن زوجة تحبه