مشكل في عدم قوة وقدرة التمييز بين الناس

[مشكلتي]

السلام عليكم اخواني انا شاب في مقابل العمر مشكلتي اني اعاني من مشكلة اضنها تافهة لكن مهمة جدا لي وهي قدرة التمييز والتفريق بين الناس مثلا انا الريح لي يجي يديني وطبعا الناس عقليات واخلاق وووو حيل المهم خالطت اغلب الناس سيئبن جدا في عقليتهم ولم اتفطن الا روطار اي دائما حتي يقع الفاس علي الراس المهم مثلا كنت اتحدث واتعامل مع شخص اناني جدا جدا يعني يحب الا نفسه وطبعا لم اكن اعرف تصرفاته دهبت معه للخارج مثلا يحب الا نفسه وفقط اريد الدهاب لاماكن مثلا احبها هو يقول لي لا ولا مثلا منتجع او فندق او مكان يعجبني لايريد ويتحجج دائما تعب ارهاق وانو مكان هداك غير جيد ووو ولما هو يريد مكان ادهب معه + لو اقول له لا يتصرف بعنف ويغضب بتفاهة المهم هدا جاني منه +لايقول لي الحقيقة سواء عمله او راتبه او اين يعمل يعطي لي معلومات خاطئة ودائما هكدا شككت انو موسوس ومشكاك ه صحيح دلك اشخاص يخبو حتي وضيفتهم وون يسكنو بالضبط واين يعمل وووو ويعطك معلومات خاطئة هل هادو اناس مرضي ومعقدين لم استطع التمييز هل يقولون الحقيقة ام لا حتي تكلمت مع ناس صالحين قالو لي لازم تميز مليح الناس كاين البخيل والمشحاح والاناني جدا اي المرضي والكداب والحيلي ووووو ايضا لما دهبت معه لايصرف شيء يفاوض في كل شيء تداكر ركوب شرب القهوة واكل صدقوني لما دهبنا للمغرب يفاوض حتي في كاس قهوة ويسال ثمنه كانه سيشرب شيء غالي جدا حتي الناس دهشو فيه هل هدا بخل كما نقولو انسان مسمار او مادا
ايضا هل انا اعاني صراحة في مشكل في عقلي عدم القدرة علي امييز الناس جيدا وهدا من حقي لاننا في وقت صعب جدا واحد كيف يمشي لازم انسان يكون يقظ جدا وفطن وحدر ويعرف مع من يتكلم رايكم اخواني هل هدا الانسان الدي يتكلم معكم عندو روطار في فهامة او ثقل في تحليل الامور لاني صراحة مانفيقش حتي نعاود نراجع نفسي ونتكلم مع الناس ملاح يقولولي كفاه عباد هادو دايرين
وشكرا

[زبدة ذايبة]

مشكلتك أنك تربيت في عائلة نظيفة

وأهلك مارباوكش على هذا النوع من الناس

لكن

يبقى الإنسان مطالب يحافظ على كرامتو ومايخليش حتى واحد يتمسخر بيه

راك كبرت وليت راجل

مابقاش اللي كاين في جيبك تمدو للناس

مابقاش اللي في قلبك تقولو واللي تعرفو تقولو

لازم يكون عندك حياتك الخاصة يكون عندك حدود لنفسك

بمعنى ماشي لازم تقول كلش

وتعلم تقول لا

إذا قررت وشفت أن الإنسان اللي راك معاه يحب يستغلك ويستخدمك لمصالحه الشخصية

ما تاخذلوش الرأي وماتسيفش على روحك حاجة ماشي مقتنع بيها

ماتربطش روحك بالناس يوليو يتصرفوا فيك ويمشيوك على هواهم

ماشي مهم أنه يكون عندك القدرة على تمييز الناس

المهم تكون تعرف نفسك وتميز نفسك

كي دير الحدود لنفسك وتعطيها قيمتها واحد مايلعبهالك

ومايهمك حتى واحد اللي بخيل بخيل على نفسو ومايهمش هذا

المهم هو انت

حافظ على كرامتك وعلى نفسك وماتسمح لحتى واحد يمشيك على الرأي تاعو

كي تعزم توكل على رب العالمين

[blanche rose]

السلام عليكم
أخي في هاذ الدنيا ما كانش اللي ما تكلحش وما تخدعش وما تغدرش..

والله وحدو اللي عالم بقلوب ونوايا الناس

ما يهمكش هذا بخيل او اناني او او
اللي أخلاقو مليحة ويحب يدير الخير صاحبو..واللي أخلاقو ماشي مليحة بعد عليه..

المواقف هي اللي تكشف لك معادن الناس..ما تقدرش تكتشفهم بلا مواقف..

وحاول ما تديرش صحاب بزاف
وحاول تقرا بزاف.. وتبع الحصص الثقافية ..وشوف دروس التنمية الذاتية..
اقرأ لابراهيم الفقي
مصطفى محمود
اسمع حصص محمد راتب النابلسي
. الخ

لازم تغذي عقلك باش يكون فطن

ربي يسعدك

[غزلانْ]

و عليكم السلام

عن التمييز بين الناس

لا ترهق نفسك بالتفكير فمهما اجتهدت لا تُحسن معرفتهم على حقيقتهم

فليس كل ما يقابلك بابتسامة يكّن لك خير و ليس كل ما يقابلك بتكشير يكّن لك الشر

يبقى الله العلام بما تخفي القلوب

عامل كل من تُحس فيه طيبة و احترام اتجاهك بتقديره

و عن الأصناف الأخرى من البشر عامل كل شخص حسب طريقة تفكيره "هو" لا "أنت"

أنتَ تقدر ظروفهم و تراعيها و هم طلبهم لك أوامر فلتغيّر معاملتك من خلال ردت فعلهم

بهدا يكون استغلالهم لكَ لا تجعل كل طلب منهم تتقبله ارفض و برفضك تكون لك قيمة و تفرض شخصيتك و لا تجعلهم يقللون من شأنك

و عن تساؤلك

هل انا اعاني صراحة في مشكل في عقلي؟

ربما الثقة العمياء ظنااا منك الكل يسير وِفق سلوك حميد و نبيل

قد تجده منعدم لدى هؤلاء

فما عليك الا اتخاذ طريقة التفكير وفق الفصول

على أن تحتفظ بما تتميّز به من سلوك ايجابي

و كخلاصة أنت لستَ بسيء التفكير و لكن

تريد الناس و كل من تجالسهم على نفس طباعكَ

النبيلة هناا المشكلة




بالتوفيق لك







لا اقتباس

[visa uk]

هدا شخص سادج جدا او تربي في بيئة سادجة جدا لدا اصبح هكدا الشخص لي يجي يديه او يتلاعب لعقلو صح مش مليح تصبح موسوس لازم تكون فطن برك اوك يعني نية بزاف في راسو