ساعدونى كيف اتغلب .....

[مشكلتي]

السلام عليكم
انا فتاة عمرى 17 سنة
اولا وقبل كل شئ مشكلتى ربما عند البعض بسيطة
لكنى انا لم اجد لها الحل و انى بقيت هكذا اعلم انى ساتعقد
مشكلتي انى ادرس فى قسم هناك اربع فتيات اصدقاء يتحقرنني كثير ويحالونا بكل الطرق استفزازي وانا بطبعي حساسة للغالية
وبسرعة اتاثر واغضب
انا فقيرة وهم ابائهم تجار اتنم تعرفون سكان الشرق مشهورين بالتجار ولهم ربح عالي اي من الطبقة الغنية
ثانيا انا سخبركم ماذا يقولون لى وانت اجبوني كيف ارد عليهم
لم ادخل الى القسم يبدانا استفزازي وبنظراتهم التى تقتلني عن لبسي و انا ملابسي ليست جميلة حتى صرت احتقر لبسي وكل ما عندي فى الاول كنت مستفنعة بصدقة الناس لكن الان ( صرت لم البسها احتقر نفسي احس نفسي اني اقل شان منهم احس نفسي انهم احسنو مني )
تقعقدت
حاولت ان اتجاهلهم لكن اين ذهبت اجدهم فى وجهي حاولت كيف اتصرف مع نظرتهم لي و مع تعليقاتهم على لبسي
وثالثا
نحن قالت لنا لنقم بعمل جماعي وننظف القسم كل احد بانفسنا ونحن وافقنا كلنا و برضاتنا
وهنا ايضا معنا لكنهم لما يبدا التنظيف يجلسنا بهواتفهن و يقعدو يلعبو يشيخو فى الفيس بوك وما يخدموش معنا
واذا خدمت واحد فيهم كي نقلها انا ما نخدمش علاه صحبتك ما تخدمش تقولي انى نهدر على ناس كامل
قولولي واش ندير
ورابعا فى القسم ديما كي نجي عاقبا على واحد تدزني تطبعني بيدها فى وجهي حتي قريب طيحني وما تقوليش اسمحيلي
وكي درتهالها انا تقولي واش بيك
كيفاه ندير
وخامسا ما يسلموش عليا كي يلقوني قاعد فى جماعة
كيفاه ندير نسلم انا عليهم كي نلقهم فى جماعة ولا لا


علاه يعني يديرولي هكذا انا تانى انسانة ونحس
نساو بلي كاين ربي علاه حقروني كي عدت فقيرة
حرام عليهم
ركزولي على كيفاه نتخلص من مشكلت انى نحتقر لبستي نفسي

الله يخليكم انى تعقدت من نفسي

[توحيد الجزائرية]

تميزي وتفوقي عليهن بالدراسة و حسن الاخلاق
فمثلك الكثيييييرات

[الماسة البراقة]

اقتليهم بالبارد ديري روحك معلبالكش بيهم ومكيش سامعة بيهم يعني متبينيلهم غضبك هكا يكرهو ويعفو عليك ياخي عقلية ياخي يعطيهم الذل بخاس

[الرميصاءْ]

كوني من الاوائل في الدراسة وماتهتميش بيهم ماتقيميهمش وما تهدريش معاهم لحيهم في الثقيل
روحي للمدرسة اقرائ وشاركي مع الاساتدة
الفقر ميش عيب
ماتقلقيش روحك وربي يفرج عليك

[إسلام الفاروق]

ههه ذكرتيني بالماضي انا ايضا تعرضت للمضايقات من الاولاد خاصة في الاكمالية ولكن قلبت الطاولة في بضع ايام و صرت انا المضايق وتماديت في بعض الاحيان
اول شيء عليكي ان تعترفي لنفسك انك تريدين ان يتقبلوكي بشدة وهن يعلمن ذالك ويستمتعن بفعلين
تحطيم ثقتك بنفسك
تقليل من احترامك لذاتك
وقد نجحن من كلامك في الموضوع

حلك بسيط احرميهم من الاستمتاع بمضايقتك ستضحكين على هذه الايام مستقبلا بعد فهم شخصياتهم التافهة و المملة

سلام

[سيف القذافي]

أختي ربي يفرج عيك وربي يهديهم
أولا الفقر ليس عيب والثياب جعلت لستر الجسد والحاجة الهمة هي العقلية والثقافة ولعلم
ثانيا أنصحك بالإهتمام بدراستك وهاذو راهم يدرولك هكدا لأنهم أكيد غارو منك أو عندك حاجة معندهمش
ثالثا إذا رأيتهم تمادو أنصحك بمواجهتهم أحكمي لي حاسبة روحها قافزة فيهم وأعطيها بكف وكوني واثقة من نفسك , لازم تعملي هكذا باش تثبتي نفسك
وربي يوفق

[اشراقة منارة]

ربي يهديهم انا نقول لاتهتمي لهم اطلاقا انهم اكيد هم المخطؤون وانت تعلمين انك على صواب واكيد يغارون منك ربما لانك غير متورطة في اي شيئ يحسدونك على هدوئك ثم اقول لك ان الفقر ليس عيب الكثير من الفقراء اصبح اغنياء والعكس صحيح ثم اليس عندك انترنيت تعلمي يااختي منها كل شئ طوري من نفسك لاتهتمي لاي شئ اخر غير التعلم عمرك 17 سنة ماشاء الله الطريق مازالت امامك خذي دورات تدريبية احظري محاضرات مختلفة للتعلم مثلا تطوير الذات وانصحك بالدكتور ابراهيم الفقي اول محاظر عالمي شاهدي برنامج بسمة امل لعمرو خالد قمة في التعامل والتاثير على الاخرين و تعلمي دورة لغات انجليزية وفرنسية لاتضيعي وقتك بالتفكير في ماتفعله تلك الفتيات الجاهلات يااختي العالم تغير ونحن نعرف ديننا اكثر فاكثر وقدوتنا في التعامل مع الاخرين خير الخلق محمد صلى الله عليه وسلم وما يفعله تلك الفتيات بعيد كل البعد عن اخلاقنا كمسلمين وحاولي الاتستمعي اليهن انصحك بالتركيز على المستقبل ولاشيئ غيره نحن الان لاننظر الى مثل هذه الاشياء نحن نتعلم ونثبت اننا ارقى من هذا استمعي الى الكتب المسموعة وانصحك بكتاب ما لم يخبرني به ابي عن الحياة وكتاب ابي الفقير ابي الغني وكتاب جددحياتك لابراهيم الفقي وكل كتبه ومجموعة مقالات تطوير الذات لقناة اوديو لابي على اليوتيوب روعة تتعلمي الكثير وكيف تتجاوزين هذه الفترة وتلك الغبيات طبعا اتمنى لك التوفيق

[moussabm]

يبدوا أنك أنت أحسن منهم ولهذا هن يغيرون منك
يجب أن تكون شخصيتك قوية وهذا ليس بلبسك بل شخصيتك أو ماتديهاش فيهم أو هزي روحك عليهم
هناك كثير من الفقراء يسوون الكثير عند الله
لاتهمك علاقتك مع أي مخلوق بقدر ماتهمك علاقتك مع الخالق سبحانه وتعالى

[غزلانْ]

وعليكم السلام

هو الوسط الدراسي لم نسلم منه
لا تبالي بكل ما تتلقينه اتجاه صديقاتك
و ماعليكِ الا
أن تحسني معاملتهم " أمام الجميع" و أن تتجاهليهم " عند اجتماعهم ضدك "
و بهذا تكون نقطة لصالحك احترام لشخصك من خلال حسن معاملتك
لهم الجيدة علنااا ( القاء التحية)
و بالتالي قد يرجع كل ما يكنّوه لك عليهم لا عليك
كطالبة اهتمي بدراستك و تفوقك لتحطميهم أكثر .

فيمــــــــــا يخص التركيز على اللباس
تقبلي ما لديكِ من ملابس على حسب امكانياتك و لا تقارني بما يرتدون
بما لا تقدرين ارتداءه و ما عليك الا ان تقتنعي و تحمدي الله على ما لك و انظري الى من هم تحتك لا فوقك حينها تكون لك قناعة و لا تكلفي نفسكِ
و لا تحتقري نفسك لتتقبلي نفسك و بالتالي تصبحين لا تبالين بوسطك هذا
و لا تجعلينهم يقللون من شأنك أوقفيهم عند حدهم
( ان كنت لا تعطِ قيمة لهيئتك و تحتقريها في حد ذاتك فكيف لك أن تلومي صديقاتك على تقليلهم من شأنك افتخري بما أنتِ عليه حتى ولو فقير فالفقر ليس عيبا)

موفقة






لا اقتباس

[أم عبد الكريم]

بخصوص احتقار لبسك .....البسي حجاب اسود اللون و خلاص واحد ميزيد يتوله للبسة نتاعك......
و لحاجةالثانية كي يطبعوك عل وجهك طبعيهم و خلاص و كي يستفزوك ديري روحك مسمعتيهمش
نتي ليدرتيلهم قيمة اكثر من حجمهم

[نور الفجر02]

تجاهليهم وكي تكوني في جماعة سلمي وتخطايهم وغليهم بدراستك لانك اعطيتهم اكبر من حجمهم تماداو وفعلا نجحوا ا في زعزعة تقتك بنفسك ......لازم تكوني قوية عامليهم كيما يعاملوك

[زبدة ذايبة]

جينا للمسقي ::

انت فقيرة / هما غنيات

انت ماتلبسيش مليح/ هما يلبسو مليح

انت السبة في الشي اللي راه يصرالك

واحد مايقدر يديرلك حاجة لوكان ماتعطيلوش ok

خليتيهم مسحو بيك الأرض

على خاطر عندك عقدة الفقر

لوكان جيتي رافعة راسك حتى ولا فقيرة ماكانوش يقدروا عليك

شحال اللي عرفناهم كانو مايبدلوش حوايجهم من الشهر للشهر

في نفس سنك

وماكان حتى واحد يقدر يدوسلهم على طرف

بالعكس يتمناو لوكان غير يهدرو معاهم هذ الفقراء

ماعندك حتى عذر

انت اللي معقدة من فقرك وفاقولك لبنات وعرفوك بلي راكي مهزومة من الداخل

فيقي لروحك والتهاي بقرايتك وانجحي

الفقر وما الفقر ماعندو حتى معنى باش تكوني ضعيفة وتكوني نشاف يمسحو بيها لبنات أرض المدرسة

[نورسين.داية]

السلام عليكم

عزيزتي تذكري أن والدكي هذا ما إستطاع أن يوفره لكي أرضي برزق الله عز وجل مهما كان تعلمي أن الرضى بالقسة و القناعة هي الصح في هذه الحياة

أما زميلاتك تغلبي عليهن بإجتهاذك في الدراسة

لكن أكيد يجب أن يكون هناك حل ظرفي لتماديهن ...شوفي نقولك حاجة أنا في مكانك ....نحكم وحدة فيهم البرة نكسرلها فمها و إنتهى الموضوع هنا سوف يضع الجميع لكي إعتبار


مسألة السلام .....أنتي في غنى عنهن ......




هذا رأري ..................................لي ما عجبوش رأي يضرب راسو على الحيط خصوصا المشرفين أه

[ميما اللئيمة]

اختي والله حاسة بيك بصح صدقيني كلش يفوت ماتكبريش المسالة و تعقدي روحك منها والله والله مع الوقت توليلك خلعة و فوبيا اجتماعية راني نحكي عن تجربة خليتك الناس ضحكو عليا و انا في عوض لي نتجاهلهم كبرت الحكاية في راسي و بقيت نخمم و نبكي حتى مرضت و تعقدت و خلات عليا ، حاجة وحدة اخرى ؛ كوني مميزة ؛ البسي وش تحبي و كوني واثقة من نفسك ؛ حاولي تشري حوايج رخاس بصح ملاح و ديري ستايل خاص بيك مليح بصح مش بش تعجبي الناس ؛ غير بش تعجبي روحك ، حبي روحك ، انتي صغيرة اخرجي اضحكي افرحي دبري طفلة تكون ناس ملاح صح صح و قربي ليها و ماتفوليش مكانش ، نعرف بنات تحطيهم عالجرح يبرا ، استغلي وقت فراغك اقراي كتابات اقراي مصطفى محمود الشعراوي غسان كنفاني انيس منصور اي كتاب مليح يطيح فيدك ، اتثقفي تعلمي تطيبي تعلمي لغات واهم حاجة ادخلي لمدرسة قرانية تشوفي بنات بسيطااااااات بصح العقلية و الدين الله يبارك تعودي تحتقري هظوك التافهات ، صدقيني راني كببرة عليك بتسع سنين و عشت نفس تجربتك و دك كون يرجع بيا الزمان نبدل كلش
باختصار الحل الوحيد انشغلي عنهم باصلاح نفسك ديري اهداف فحيات تتعلمي و تثقفي و تنجحي .. و ربي يهنيك

[أمل94]

جينا للمسقي ::

انت فقيرة / هما غنيات

انت ماتلبسيش مليح/ هما يلبسو مليح

انت السبة في الشي اللي راه يصرالك

واحد مايقدر يديرلك حاجة لوكان ماتعطيلوش ok

خليتيهم مسحو بيك الأرض

على خاطر عندك عقدة الفقر

لوكان جيتي رافعة راسك حتى ولا فقيرة ماكانوش يقدروا عليك

شحال اللي عرفناهم كانو مايبدلوش حوايجهم من الشهر للشهر

في نفس سنك

وماكان حتى واحد يقدر يدوسلهم على طرف

بالعكس يتمناو لوكان غير يهدرو معاهم هذ الفقراء

ماعندك حتى عذر

انت اللي معقدة من فقرك وفاقولك لبنات وعرفوك بلي راكي مهزومة من الداخل

فيقي لروحك والتهاي بقرايتك وانجحي

الفقر وما الفقر ماعندو حتى معنى باش تكوني ضعيفة وتكوني نشاف يمسحو بيها لبنات أرض المدرسة

ياصاحبتي زدتيلها هم علا همها

[سيف الدين الطيار]

و الله ماني مسامحهم.....

[أمل94]

يااختي اولا نقول لهدوك لبنات انشاله رب يبخسكم وحدة وحدة ثانيا ديري في بالك بلي احتقارهم ليك اكييييد وبلا منازع دافعه غيرة مكبوتة لديهم ومتظنيش ختي بلي الانسان يغير ملي احسن منو ابداااااا فالانسان احيانا يغير ممن هن ادنى منو والله حقيقة انا كنت نقرا كان هناك فتاة تقرا خيرمني تلبس خيرمني وغنية خيرمني وجميلة خيرمني ..يعني الحال لي جايها جايها عليا متحملنيش لكان تصيب متشوفنيش نمشي فوق لرض ولاه منيش عارفة .المهم اختي مديرهمش فالبال قاذورات

[Bibicha01]

ختي انا 17 سنة كيما نتي و فاهمة بزاف هذو الافكار لي يجيو في بالك مام حنا حالتنا المادية شوية مي الحمد لله خيرمن خرين و اعر من خرين هكذا ربي عاطينا قسمنا في الدنيا نرضاو بيه و نقتانعو حبيتك تفهمي حاجة الفقر مهوش عيب متدريش غدوة الدنيا وش كاتبتلك ليك و ليهم و خلي املك في الله متخفيش من العباد مدام رب العباد معاك و على قضية اللبس كي يجيو يهدرو معاك و يضحكو قوليلهم انا عاجبتني لبستي و حطيهم في الثقيل اقتليهم بالبارد و متعانديهمش و متسلميش عليهم اتجاهليهم و ديري ثقة في روحك كيما يقلك واثق الخطوة يمشي ملكا :mh31:

[الطيب الجزائري34]

لا تضيعي وقتك في التفكير في الاشخاص التافهين .

[وَحْـــ القلَمْ ـــيُ]

اختي ابتعدي عن المشاكل معهن, لكن لا تخافي منهن
واعلمي انهن يستمتعن بضعفك وغضبك ايااااااااااااااااااااك ثم اياااااااااااااك ان تبكي امامهن
مرت علي هذه المواقف في الطفولة(الابتدائية)
"""""""""""""""""""""""
ارى والله اعلى واعلم: لا تسلمي عليهن لانهن سيرين في ذلك ضعفك او انك تخطبين ودهم
""""""""""""""""""""""
بالنسبة لبسك عزيزتي لباس ساتر نظيف عادي يكفيك
في النهاية لن يكون نصيبنا الا الكفن
توكلي على الله ان يفتح لكم باب رزق
وربما تحصلين في المدرسة على جوائز مالية تشترين بها ما يطيب خاطرك وادرسي لوجه الله لا طمعا وايااااااااااااااااااااااك ان تتركي دراستك بسببهن
""""""""""""""""""""""""""""""""""""""""""""""""
"""""""""""""""""""""""""""""""""""""""""""""
عزيزتي لو علمت كم يحب الناس الفقير الواثق بنفسه الصابر الذي لا يخجل من ذلك لغيرت رايك في نفسك
"""شخصيا درست معي فتاة ميسورة الحال لكنها يتيمة كان اي خطا معها يكلفني ان اسمع ملاما وعتابا وتانيبا وووووو على اخطاء لو حدثت مع غيرها لكانت اما ابتسامة مداراة في مزحة او مسامحة
شخصيا اكره النوع الذي يحتقر نفسه
ساقول لك كلاما ولو كنت بجانبي لصممت اذنك من نبرتي الحادة والعالية:
:mh5858:ا اذا لم تصنعي العز لنفسك فهل تنتظرين من الناس ان يعطوكيه...اذا لم تحترمي نفسك هل تتوقعين من هاته الفتيات ان يُمدوكيه...
اذا لم تثقي بنفسك اذا لم تلوني حياتك بكرامتك عزك قوتك هل تنتظرين ان يتقدم الناس لتلوينها وفي ايديهم غير القلم الاسود
شخصيا اقول لك .....(وسامحيني ان اتت كلماتي قاسية عليك)
اذا لم تكوني قادرة على ان تتوقفي عن احتقار نفسك فهل تتوقعين منهن ان يتوقفن
××××××××××××××××××××××
انت رائعة كما انت بمنزلك باهلك بملابسك لا داعي ان تشغلي بالك بهذه الامور ...هناك امور اهم لتفكري فيها
على الاقل فكري في اخوانك الصغار ...يجب ان تدرسي لتنجحي وتساعدي اخوانك على عيش حياة طيبة
تحملي لاجل ان تعوضيهم عما يحدث معك
اصبري عزيزتي ......ولا تتعجلي في الدعاء عليهن
كلما عظم البلاء عظم الاجر ...........لا تقولي يارب لدي هم كبير بل قولي ياهم لدي رب كبير
اي شيء من عند الله خير .....صل صلاة الاستخارة فيما يخص التسليم عليهن وابحثي اكثر
وتذكري:ان الله يعلم ما كان وما يكون وما سيكون و
ما لم يكن لو كان كيف كان يكون
يعني الله وجل يعلم لو انه جعلك غنية ماذا كان سيحدث ؟
ربما كنت انت ستفعلين شيئا مشابها مع فتاة فقيرة(يعني لو كنت مثلهن في الغنا لا تستبعدي ان تكوني مثلهن في دناءة الاخلاق)


وربما خير لك انهن هن الغنيات الظالمات وانت الفقيرة المظلومة لان المظلوم الضعيف اقرب الى الله من الظالم القوي
صدقيني دماثة الاخلاق (حسنها)يبقى كنزا من كنوز الدنيا والاخرة
في الختام ×××××اغلب اهل الجنة فقراء ××××و×××××اغلب اهل النار اغنياء××××
×××××××××××××××
واياك ان يغرك الشيطان وتفكري في الانتقام لان ذلك ياتيك بالمشاكل في الحياة الدنيا ويفقدك الاجر الذي كنت ستاخذينه لوجه الله
واقرئي عن الابتلاء

[كلنا راحلون]

حطي راسك قراي قرايتك وما تسمعي نصايح بعض اعضاء
السلام عليكم





هذا رأري ..................................لي ما عجبوش رأي يضرب راسو على الحيط خصوصا المشرفين أه

http://www.3rbz.com/uploads/06f3ee0483381.jpg
لم اكن اعرف اخت نورالرزينة عصبية ومشرفين ناس ملاح

[حنين فتـاة]

تميزي باخلاقك ودراستك فالحياة ليست مستمرة بوجودهن وانما هن زمن عابر ولا تدري ما يخبئه الله لكي اختي
ادرسي ولا تحتقري نفسك ولا تزيحي المجال لهن لكي يهززن ثقتك بنفسك كوني فخورة بحالتك واجعلي القناعة مبدء لكي افتخري بحالتك واحمدي الله اختي فعلى حسب تعبيركي عنهن فوالله هن تافهات