تسجيل الدخول

مشاهدة النسخة كاملة : شوفو خطيبي وش دارلي

مشكلتي
2016-03-01, 13:18
السلام عليكم
كنت مخطوبة لواحد نحبو و يحبني واكثر شي حبيتو فيه انو مثقف ثقافة رهيبة و طموح جدا و هدا من اهم الصفات عندي
المهم شاء الله اننا فسخنا الخطبة و تخطبت لواحد اخر ما نحبوش و عييت نحبو قبلت بيه لانو طيب و محترم و مصلي و قلت ماعليش اهي عيشة و السلام علابالي بللي يحبني و راح نعيش مرتاحة
لكن هاداك الشعور بعدم القبول تحول عندي لنفور شديد منو يعني نتحاشى اني نشوفو ولا نحكي معاه لاني كل منشوفو نمرض و حاشاكم نستفرغ وتولي حالتي النفسية ربي يعلم بيها لاني مرانيش متقبلة شكلو لا عقليتو
هو انسان متعلم لكنو ليس مثقف و ىمحدود التفكير جدا و شكلو اقل من المقبولوانا والله لست امدح نفسي لكنني جميلة جدا و طموحة و لي يشوفني يخطبني يعني هو واحد من العشرات لي خطبوني
المهم كثرت المشاكل بيناتنا لانو سامحوني على الكلمة حاب يعيش حاب خطيبتو تحكي معاه كلام الغزل و تخرج معاه و يباتو يحكو وانا والله كي نحكي معاه دقيقتين نحس بالقرف
المهم حبيت نحبس و بعد ما ترجاني هو وامي قبلت نتلاقاه و نحاولو نلقو حلول و نتناقشو و نصلحو العلاقة كاخر حل قبل ان افسخ الخطوبة
قتلو معليش ارواح اديني من الخدمة و في الطريق نحكو و نحاولو نعرفو وين المشكل
جاني و يا ريتو ما جا طريق كامل و انا نحكي وحدي و هو ماهوش معايا يحاول يحكملي ايدي نقلو لالا يحكمها بالقوة و يقللي بسيف عليك
يقرب مني حاب ي؟؟؟؟؟؟؟؟؟؟؟؟؟؟؟؟ والله طريق كامل وهو يهجم وانا ندافع ولت خايفة علا روحي
صدقوني روحت بايدي توجع فيا و مبعد زاد زعف كي قريب نوصلو قالي كون جيتي تحبيني ماديريش هكا
المهم روحت و قلبي يضر فيا و بقيت نتفكر خطيبي الاول و المستوى وين كان ووين وصلنا

انصحوني بلا تجريح راه ربي يعلم بيا
nan719
2016-03-01, 17:49
ولي لخطيبك الاول !
متعلم انجليزي
2016-03-01, 18:04
السلامة عليكم
لايعجبك ،وزيد خلال الخطوبة فعل مثل هذا "اين دينه"
انسي خطيبك الاول ،لان اي خاطب ستظلمينه وستظلمي نفسك ايضا
استخيري الله ،وربي يوفقك في الاختيار
HouDa Yah
2016-03-01, 18:09
صلي صلاة الاستخارة و حاولي ان تنسي خطيبك الاول لانه بسبب حبك له قد لا تتقبلين اي شخص يتقرب لك لانك ستضطرين للمقارنة بينهما و اكيد ان قلبك سيميل لمن تحبين اذا استخيري الله اختي الكريمة و ربي يهنيك ان شاء الله
لمسة ابداع
2016-03-01, 18:18
خطييبك الاول انسااايه مناه او رجع من الماضي وخطيبك 2 ماتكومباريهش خلاص مع الاول مناه راجل مايشبه لخووووه
بما انك قلتي عندك نفووور شديد منو حاولي ترقي بلاك عين ......
المهم صلي استخاااارة
وربي يجييب اللي فيه الخيييييييييييييييييير
sarl02
2016-03-01, 18:40
ودوك انت اضلي هكذا تتكركبي من واحد للاخر وعاجبك الحال واحد شكلو امرنك ولاخر عقليتو فور ؟..علاش كي تنغلق عليكم ليزان تقبلو بلي جاء وامبعد تبداو اتقولو وما الحب الا للحبيب الاولي ؟؟.ها ربي ما اكتبلكش مع الاول جابلك الثاني مالا حطي رجليك في ميهة باردة وهني روحك ...اما واقعة ما حدث بينكما في السيارة فذاك من خصوصية ما بين المخطوبين ولا يجوز افشاؤه ولازمك حنكة التصرف في مثل هاته المواقف والخروج منها باقل الاضرار مهما كان هذا زوجك شرعا .....وفقك الله.
توحيد الجزائرية
2016-03-01, 18:47
المهم روحت و قلبي يضر فيا و بقيت نتفكر خطيبي الاول و المستوى وين كان ووين وصلنا
!!!!!!
هنا الاشكال
لازلت متعلقة بالاول ،،،،،
زبدة ذايبة
2016-03-01, 19:01
يابنتي !!!!!!!!!!!!!!!

الأول راح وخلاك

الثاني راه رايح يروح

الثالث ؟؟؟؟؟؟؟

الرابع ؟؟؟؟؟؟؟؟؟؟؟؟

الخامس ؟؟؟؟؟؟؟؟؟؟؟؟؟؟؟؟؟؟


لوين راكي رايحة توصلي بهذ الأرقام

الأول هو اللي فسدتلك عقليتك وبقيتي متعلقة بيه رغم أنه داس عليك ومادارلك حتى اعتبار

وربما كان يحس نفس الإحساس اللي راكي تحسي فيه مع هذا

لو كان جات مشكلتك مع هذا الخاطب برك لوكان قلتلك افسخي معاه

لكن المشكلة تاعك عميقة وعمقها عايش فيه الأول

وماراكيش حابة تتخلصي منو

هو تخلص منك بسهولة وانت ماتخلصتيش ومازالكي تتكركري معاه

هو راح اخطب وممكن تزوج وانت راكي رايحة تبقاي بلا زواج

خاصة إذا عرفو الناس أنك تظالي ترفضي في الخطاب

عالجي نفسك من هذا الأفكار اللي ماعندها حتى معنى

هذا وهم وراكي عايشة فيه

حطي رجليك على أرض الواقع وعيشي حياتك كيما راه الأول عايش حياتو

وخليك من هذا الخيال اللي راه يتبع فيك واللي انت بقيتي غارساتيه في ذهنك

واللي يجي يخطبك تكيليه على الأول

إذا جا سواسوة قبلتيه وإذا ماكانش يتشبهلو تولي تستفرغي كي تشوفيه ؟؟؟؟؟؟؟

عاودي راجعي أفكراك وصلحيها على خاطر واحد مايقدر يكون في مكانك

والحل بين يديك
ibrahim hano
2016-03-01, 19:08
السلام عليكم
كنت مخطوبة لواحد نحبو و يحبني واكثر شي حبيتو فيه انو مثقف ثقافة رهيبة و طموح جدا و هدا من اهم الصفات عندي
المهم شاء الله اننا فسخنا الخطبة و تخطبت لواحد اخر ما نحبوش و عييت نحبو قبلت بيه لانو طيب و محترم و مصلي و قلت ماعليش اهي عيشة و السلام علابالي بللي يحبني و راح نعيش مرتاحة
لكن هاداك الشعور بعدم القبول تحول عندي لنفور شديد منو يعني نتحاشى اني نشوفو ولا نحكي معاه لاني كل منشوفو نمرض و حاشاكم نستفرغ وتولي حالتي النفسية ربي يعلم بيها لاني مرانيش متقبلة شكلو لا عقليتو
هو انسان متعلم لكنو ليس مثقف و ىمحدود التفكير جدا و شكلو اقل من المقبولوانا والله لست امدح نفسي لكنني جميلة جدا و طموحة و لي يشوفني يخطبني يعني هو واحد من العشرات لي خطبوني
المهم كثرت المشاكل بيناتنا لانو سامحوني على الكلمة حاب يعيش حاب خطيبتو تحكي معاه كلام الغزل و تخرج معاه و يباتو يحكو وانا والله كي نحكي معاه دقيقتين نحس بالقرف
المهم حبيت نحبس و بعد ما ترجاني هو وامي قبلت نتلاقاه و نحاولو نلقو حلول و نتناقشو و نصلحو العلاقة كاخر حل قبل ان افسخ الخطوبة
قتلو معليش ارواح اديني من الخدمة و في الطريق نحكو و نحاولو نعرفو وين المشكل
جاني و يا ريتو ما جا طريق كامل و انا نحكي وحدي و هو ماهوش معايا يحاول يحكملي ايدي نقلو لالا يحكمها بالقوة و يقللي بسيف عليك
يقرب مني حاب ي؟؟؟؟؟؟؟؟؟؟؟؟؟؟؟؟ والله طريق كامل وهو يهجم وانا ندافع ولت خايفة علا روحي
صدقوني روحت بايدي توجع فيا و مبعد زاد زعف كي قريب نوصلو قالي كون جيتي تحبيني ماديريش هكا
المهم روحت و قلبي يضر فيا و بقيت نتفكر خطيبي الاول و المستوى وين كان ووين وصلنا

انصحوني بلا تجريح راه ربي يعلم بيا


السلام عليكم و رحمة الله و بركاته
الزواج مبني على الصراحة و القبول و الرضا بين الزوجين و إن أنت لست متقبلة بهذا الرجل فانتظري خطيبا آخر مادامك قلتي
... و لي يشوفني يخطبني يعني هو واحد من العشرات لي خطبوني ...
الراجل حاب يفرح في خطيبته و أنت ستحرمينه من هذا فإن لم تكون أهلا لحبّه فاتركيه يبحث عن من تحبه خير من يضع آمالا و أوهاما عليك ثم يظهر له العكس
بسيطة إذا أنت لست راضية به فقط افسخي الخطبة
ليس صعبا عليك مادام أنك فسخت الخطبة مع من تحبين فكيف مع شخص لا تحبينه
و لكن فقط
أين هي " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " في مجتمعنا ؟ و قد قلت لانو طيب و محترم و مصلي
كل شيء يزول إذا كان على الجمال و لن يبقى إلا المودّة بين الزوجين
الأرجح أنك قبلتي به لينسيك في خطيبك الأول لا غير
كما قال الذين سبقوني عليك بالرقية و صلاة الإستخارة و ربي يكملك إن كان لك فيه خير
محمد1482
2016-03-01, 19:51
راكي تضري في نفسك و تضري في خطيبك معاك ............ الزواج عشرة و انت لا تستطيعين حتى الكلام معه اذا علاه راكي تكذبي على نفسك .....انا من وجهة نظري تفسخي الخطوبة احسن
AMINA.Z
2016-03-01, 20:08
بدون تفكير
افسخي الخطبة ...حتى هو لا يحب الا جمالك لذلك اراد استغلال الفرصة بمجرد انفراده بك
اختي لماذا تجبرين نفسك على المواصلة مع شخص ..تقرفين منه !!!!!!!!
اخطيك من حكاية بالاك تتفاهمو و بالاك تلقاو حل ...يكذبو عليك ...الزواج لا يبنى على الاحتمالات.
mrmilano1984
2016-03-01, 20:10
المشكل ليس في هدا الشخص بالدات ربما ماعجبهاش اوك راني متفق معاها 100/100 الزاج عشرة ومحبة ومودة وتقارب العقول والقلوب من حقها تفسخ او هو يفسخ ادا كان مراة ماخجباتوش اوك مشكلة انو الاول تقول يحبها هادي نية تاع الصح او مانعرف راها تصبر في روحها برك لو جا صح يحبك من قلبو يحس بك كما قالك المراة المتزوجة في ردها هي مجربة لما خلاك لي يحبك موحال يخليك مهما تكون الضروف درها في راسك مليح مليح اهمالا نسايه تماما هو راح يعاود حياتو وخلا قلبك مرتبط به راكي في اوهام نفسية انسايه وشوفي راجب يعجبك اتزوجي به وتولي تحبيه اكثر من هدا الصعلوك الي خلاك
samy algerien
2016-03-01, 20:18
هذا اغتصاب كيف سمحتي له . اخبري والديك
امل ضائع
2016-03-01, 21:37
ما فهمت والووووووووو...
ربي يهدينا...
أمل94
2016-03-01, 22:18
لي مجابش ربي مكتوبها تقول لكان غير يجي كيم كان نقبل بيه ولي عندها راجل ميحبهاش تقول وعلاه ميحبنيش ولي يحبها بزاف تقول وعلاه؟انا نكرهو . والحل كفاه؟؟
غزلانْ
2016-03-01, 22:35
شوفو خطيبي واش دارلي " ما فعله بسبب دعوتك لايصالك "

كنت مخطوبة لواحد نحبو و يحبني؟

تخطبت لواحد اخر ما نحبوش؟

لا ترتبطي بشخص ( خطيبك الحالي) و عقلك و تفكيرك لشص آخر(خطيبك السابق)

ثم قولك

حبيت نحبس و بعد ما ترجاني هو" وامي" قبلت" نتلاقاه" ( هل والدتك على علم بايصالك من العمل)


من خلال هذا الكلام أمّك على علم بلقاءك و تذكرين

قتلو معليش ارواح اديني من الخدمة من خلا ل قولك هذا

اذن هي "دعوة منكِ" اليه لايصالك و ان حدث

و طلب منكِ ما فعل من تصرفات ( يحكملك يديك....)

هل تلومينه "لا "لأنك دعوته" لايصالك" ثم اذاا هو أخطأ فأنتِ

المخطئة الأولى و عليه لوْ كنتِ قليلا متريثة بعض الشيء لما حصل ذلك

لا يمكن ارتباطك به و جل تفكيرك لشخص آخر

كان ينبغي عليك أن لا تتسرعي في فسخ خطبتك الأولى هذا اذا كنت أنتِ من فسخها

و دفع ثمنها هدا الخطيب الثاني

فهو يظن أنك تريدينه بيْد أنك تريدين نسيان الخطيب الأول من خلال غفلة هذا الخطيب الثاني
فلتصارحيه على أنك لاتريدينه .








لا اقتباس
نور الفجر02
2016-03-01, 23:14
كيف طيب ومحترم ويفعل مافعل بالسيارة ؟؟؟ غريب وانت ساكتة
blanche rose
2016-03-02, 08:32
أظنك صاحبة هذا الموضوع
http://www.djelfa.info/vb/showthread.php?t=1916243

أليس كذلك؟؟
___________
وأظنك أيضا صاحبة موضوع دمرني مرتين
http://www.djelfa.info/vb/showthread.php?t=1909367
نفس المعطيات
ودمرني 2

http://www.djelfa.info/vb/showthread.php?t=1909715
ردي هو نفسه

وأضيف
ما عجبكش شكلو ..علاش قبلتي من البداية أساسا؟!!!!
وزيد علاش طولتي معاه لهذا الوقت؟!!!
ما تحبيهش اطلبي فسخ الخطوبة
علاش راكي تودري فالوقت عليك وعليه؟!!!!
وإلا راكي حابة تستفزيه باش هو يغلط كاش غلطة باش تبرري سبب فسخك للخطبة.. أو يفسخها هو وما ترديلوش حوايجو اللي جابهملك؟!!!!

ربي يهديك
وربي يعينك على نفسك
mrmilano1984
2016-03-02, 20:12
نحير في النساء تفكيرهم غريب جدا خلاص مش بسيف عليك تبلي بيه جبلو اي سبب وخطك منو وخلاص وتهني هو وتهنيتي سبحان الله فيكم لو انا في بلاصتك وحدة ماتحبنيش ماعلاباليش بها كامل اوك مش بسيف عليها نعجبها والله حلوة هادي نعجبها بسيف ونتي علاه بلاك هو ماعجبتيهش تشوفو لنفسكم فقط حاشا بعض النساء
انا مرة وحدة كنت خاطبها وطبعا مشيت بعقليتي ايا بدات تواسي ومانعرف قلتلها صارحني وراني مستعد نقبل واش تقولي ثقتي بنفسي عالية جدا اوك يعني قلتلها قوليلي قاتلي نتا هاك وهاك قلتلها يعني ماعجباكش ايه قلتلها برافو وخلاص ماتعرفني مانعرفك وخلاص مكتوب وخليتها مش بسيف عليا نعجبها حتي هي في بعض امور لم تعجبني وقلت ماعليش مي هي تشوف فقط لروحها وتعايب غر فيا ايا قلتلها طيري لداركم
مش جيد اقولها للناس تحبو نفسكم بزاف والرجال حتي هم نفسهم عزيزة جدا جدا كما نتي نفسك عزيزة تحبي اعيشي معامن تحلي الراجل ايضا نفسو عزيزة يعيش معامن يحب
صفيان 11
2016-03-02, 21:16
انتي من هدوك البنات لي يحبو الصاعاليك اصحاب السوابق زيدي خلي ولا ناس طرونكيل و سناي كاش صعلوك يديك
أم أنفال1
2016-03-02, 21:55
ياختي خافي مولاك واحمدي ربي عطالك راجل يحبك كفاش تكرهيه هذا راه مولا بيتك !ادلي ادلي مدام راكي صغيرة غير تكبري ويدور عليك الزمان تعرفي ذاللعب لي راكي تلعبي فيه اسمحيلي عالتجريح بصح ران نحكي علا مصلحتك بعثلك ربي راجل يحبك الناس راها تتمنى نص راجل ربع راجل