استشارة فيما يخص ام الزوج

[اياد حياتي]

السلام لدي صديقة تخاصمت مع زوجها وهما ساكنين وحدهم ومبعد راجلها جابلها يماه وقعدت تبهدل بيها وصرا كلام بيناتهم وهي تحلف بلي والله ما جرحتها بحتى كلمة لكنها تقول بلي دافعت على نفسها ومبعد راحت عجوزها من عندها وبعد يومين قالها راجلها بلي راح ير وح لبجاية عندو خدمة وقالها روحي لداركم وعلى سمانة نجي لكن صديقتي راهي في عشرين يوم حتى اتصل والدها بيه وقالو واش راك معول قالو ما نرجعاش بشرط حتى تروح تطلب سماح من يما هكا يما شارطا وصحبتي قالت والله ما نديرها لاني ما غلطت في حقها انا قلتلها غمضي عينيك وديريها وكلشي يفوت سورتو راكي حامل قاتلي كون غ غلطت صح بصح مادرت والو وزيد تقولي لازم تشاوريني كي تخرجي انا قلتلها هذه راني معاك لاخطارش دارك وحدك بصح قاتلي كون ندير هذا شيء توالف هكذا وانا والله خايفة الا تخرب دارها بصراحة لو في مكانها واش ديرو ونصاؤحكم لانو اي مشكل يصرا بيناتهم يروح يجري يخبر يماه وهي كرهت من هذه العقلية

[سحابة مسافرة]

و الله مالقيت منقلك يا اختي لانو ساعات كي يتنازل الواحد البعض يشوفوه ضعف و يستغلو هاد الشي
ربي يفرج عليها ياربي

[AMINA.Z]

صعيييييبة هاذي
مي انا تبانلي ...تطلب السماح باه ترجع لدارها بشرط انو امو ما تسكنش معاها ..يعني كيما كانوا هي و راجلها .
و من بعد تخلي علاقتها معاها رسمية و ما تزيدش تكتر معاها الهدرة منا و الفوق.
و تتفاهم مع راجلها ..مشاكلهم يبقاو بيناتهم ..لاه هاذا مازالو طفل صغير يروح يشكي ليماه !!!!!!!!!
ربي يفرج عليها

[اياد حياتي]

و الله مالقيت منقلك يا اختي لانو ساعات كي يتنازل الواحد البعض يشوفوه ضعف و يستغلو هاد الشي
ربي يفرج عليها ياربي

شكرا لمروركي اختي

[اياد حياتي]

صعيييييبة هاذي
مي انا تبانلي ...تطلب السماح باه ترجع لدارها بشرط انو امو ما تسكنش معاها ..يعني كيما كانوا هي و راجلها .
و من بعد تخلي علاقتها معاها رسمية و ما تزيدش تكتر معاها الهدرة منا و الفوق.
و تتفاهم مع راجلها ..مشاكلهم يبقاو بيناتهم ..لاه هاذا مازالو طفل صغير يروح يشكي ليماه !!!!!!!!!
ربي يفرج عليها

حتى انا قلتلها هكذا شكرا

[nihal159]

أنا رأي يروح بوها و أمها لبيت عجوزتها و يتناقشو مع زوج بنتهم في حضور أمه؛ و يفهموه بلي الطفلة راهي تقول ماغلطتش باش تطلب السماح من عجوزتها؛ ولي عندو كلمة يقولها؛ باش هكذا لعجوزة تحشم شوية على روحها و تعرف بلي ماشي ساهلة تحقر بنات الناس؛ و الزوج يفهم بلي برّ أمه حاجة وكرامة مرته حاجة أخرى؛ وأكيد النقاش يكون بلعقل و بهدوء بلا عياط و نرفزة؛ ويقوللهم باباها إذا بنتي غلطت نجيبها من يدها تطلب السماح من عجوزتها؛ لكن إذا ماهيش غالطة راهو الظلم حرام.

[اياد حياتي]

شكرا اختي لمرورك هذا ثاني رأي مليح

[اياد حياتي]

اين اراء الاخرين

[كاميلا]

يا حليلها واش المصايب هاذوا فففففففففففففففف ناس توجد لقبرها وناس توجد للمقالب لبنات الناس وجوه الشر حاشا اللي متستاهلش

[Nedjma rody]

ربي يصلح ما بيناتهم نورمالمو العجوز ماتزودهاش هكدا راح تخرب دار ولدها و زيد الطفله راهي بالحمل وهدا راهو ياثر على نفسيتها
المهم هدا ااشيطان لي راهو مداير هاد الشي و راهو فرحان ربي يهديهم و يصلحهم

[اياد حياتي]

يا حليلها واش المصايب هاذوا فففففففففففففففف ناس توجد لقبرها وناس توجد للمقالب لبنات الناس وجوه الشر حاشا اللي متستاهلش

اكيد انك راكي حابة تترطقي ربي يفرج عليك

[اياد حياتي]

ربي يصلح ما بيناتهم نورمالمو العجوز ماتزودهاش هكدا راح تخرب دار ولدها و زيد الطفله راهي بالحمل وهدا راهو ياثر على نفسيتها
المهم هدا ااشيطان لي راهو مداير هاد الشي و راهو فرحان ربي يهديهم و يصلحهم

ربي يهدي ماخلق شكرا اختي

[طيور الجنان]

انا في رأيي تروح صاحبتك و باباها و يماها لدار عجوزتها و يكون راجلها حاضر و يحكيو مليييييح و تقولها فاه غلطت معاها اذا صح تطلب السماح و تولي لدارها بصح باباها يتفاهم معاه باه يكون راجل مع بنتو ماشي داها برك و ربي يصلح الاحوال

[مواطنة]

هدي العجوزة قالتها مباشرة مالا واش رايك في لي يديرو الدسائس من تحت لتحت باش وليدهم يطلق مرتو
ادا تشد في راجلها و شايفاتو بلي ناس ملاح غلطة برك لانو كان قادر يديها تطلب السماح بلا ما يديها لدارهم لانو راهو يهدد وهدي الطريقة تاع الجهلاء يهدد فيها و حاط حياتو و عائلتو تحت قرار سخيف لكن واش يظمن انو ميعاودهاش لوكان تغلط مرة اخرى معناتو حياة غير مستقرة و متوقفة على مدى رضا ام الزوج بكنتها
نصيحتي لصديقتك هي اذا تعرف بلي باباها مشي منرفز و يعرف يهدر تخليه يهدر مع راجلها و يفهمو بشوية باش مايدخلش في هدرة النساء والا تخرب دارو و يديرو جلسة و يقولو سبب الخلاف الحقيقي ووين غلطت البنت باش تطلب السماح لانو الظلم مشي مليح و لوكان مداهاش لدارهم تمتم ينحل المشكل و كي يحب يوري عظلاتو الافضل تحطلو حد توافق انها تطلب السماح قدام عجوزتها و راجلها و مواليها شرط ان يكون الخطأ قائم لا احرض لانها حامل لكن الاولى ان يعرف الزوج قيمة تهور افعاله و انقياده الاعمى لكلام النساء
كي ترجع لدارها تبقى تتصل بام زوجها ولا تكثر الكلام و تهديها و لا تتكلم بسوء عنها امام زوجها لانها نقطة ضعف كبيرة جدا له تلتهى براجلها ودارها وكي يقولها روحي لداركم متزيدش تروح اطلاقا لانو الزوجه يخرجها الزوج من بيتو في حالة ماجاءت بفاحشة مبينة مام لكان يطلقها طلاق رجعي فترة العدة جوزها في دارو
قلي لصديقتك تكون قوية باش توقف للظلم و تحكم دارها و دير كل شي باش ماتخسرهاش باش متلومش نفسها او يلومها وليدها من بعد و تفوض امرها لرب العالمين

[رجائي فيك]

اولا الله يصلح الامور و يردها ردا جميلا
ثانيا الحل بايد باباه يدي بنته و يروح لام زوج بحضور الزوج و ابوه ولا خاله و لاعمه و يهدروا واش عندهم يعني هو يقولهم جايب بنتي تطلب السماح مهما كان و بالرغم من ان بنتي ماغلطتش لكن حابة تطلب السماح من عجوزتها لانها في عوض يماها و محاباش تغيضها هنا الاب يقفل موضوع لعجوزة
ينتقل لموضوع شخصية زوج بنته و تصرفه يقول لعمه و لا خاله ولا باباه ان مشاكل كي تصرى تبقى في دار ماتخرجش تقدر بنتي كل مشكل تجيبني لدارها و نكبروها و هكذا الدار تنخرب
و يقول للزوج انت راح ترجع اب بر والدتك حاجة و مسؤوليتك اتجاه زوجتك و ابنك حاجة و الاولى كي تغلط البنت يجي عند اهلها اولا باش يرجعوها للطريق
ثاني شيء هي تسمع لوالديها كثر من اي شبء
ثالت مهما كان مراحش تتحسس البنت من والديها عكس عجوزتها
و ربي فيه الخير

[اياد حياتي]

شكرا لتفاعلكم طرحت عليها هذا الشيء ووافقت حتى باباها قالها نفس الشيء شكرا

[أم سلمى عائشة]

سبحان الله ، عاداتنا تفسد الحباة الزوجية. واش دخل العجوزة في الحياة الزوجية و الرجل معندوش الحق عند ربي أنو يشرط بر أمو على الزوجة تاعو.
و لكن أنا أظن أن المسألة تافهة و ميلزمش تكبر، تقدري تطلبي السماح من عجوزتك ، هكذا تحمر وجه راجلك باش مايقولوش يخاف مرتو ، ومن ثم تكبري في عين راجلك و مع الوقت يولي يقدرك مليح و يعطيك حقك.
ما تقوليش راني رايحة نطيح من روحي لأن راجلك هو ثاني راهي تبانالو بلي راح يطيح من روحو لوكان متسمحلوش امو ، و انت و راجلك تكونو خاسرين. العجوزة راهي عاشت حياتها ما عندها ما تخسر