شكون تديرني كي ختها وتعلمني الطياب؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : شكون تديرني كي ختها وتعلمني الطياب؟

الماسة البراقة

2016-02-28, 17:54

السلام عليكم خواتاتي ران حابة نتعلم نطيب الله غالب معنديش لي يعلمني شكون تقبل تعلمني ولو القليل من اصول الطبخ ران منعرف والو ونشاله رب يجازيها ران نستنا فيكم خياتي متبخلونيش

أ م ساجد وسيم

2016-02-28, 18:32

شوفي ختي راه طياب ساهل لازم تحبيه باش ماكلتك تجيك بنينة...وكي تحكمي الاساسيات تماك تقدري تبداي تنوعي في طيابك وتحطي لعجب من يديك ....لازم تتعلمي البهارات.....وطرق بسيطة باش تجيم لماكلة بنينة كيما ماتمرقيش بزاف ....قلي ماكلتك مليح...ماتكثريش الملح لازم ديري كوراج وتحكمي لكوزينة غير بشوي....ابداي بلاطباق لي تجيك ساهلة ولي في خاطرك تتعلميها المنتدى عاااااامر وصفات اختاري وحدة مال ليها قلبك. نصحك بداي بلاسهل ..جربيها وتبعي الخطوات واذا حصلتي في اي حاجة رانا هنا ختي

om mouez

2016-02-28, 18:56

فعلا كيما قالت الاخت ام ساجد وسيم مكانش اسهل من الطياب وخاصة اذا حبيتيه وطيبتي من قلبك المنتدى الله يبارك مليان بالوصفات الرائعة رح يخليك تحبي و تتعلمي الطياب بسيف عليك وربي يوفقك ان شاء الله

om_nour

2016-02-28, 19:39

اللَّهُمَّ يا مَنْ يُجِيرُ وَلاَ يُجَارُ عَليْهِ.. أَجِرْنا مِنْ النَّارِ وَمِنْ خِزْيِ النَّارِ.. وَمِنْ كُلِّ عَمَلٍ يُقَرِّبُنا مِنَ النَّارِ وَأَدْخِلْنا الْجَنَّةَ مَعَ الأَبْرارِ بِرَحْمَتِكَ يا عَزِيزُ يا غَفَّارُ. اللَّهُمَّ

اشْفِنا

بِشِفائِكَ.. وَدَاوِنا بِدَوَائِكَ.. وَاغْنِنَا بِفَضْلِكَ عَمَّنْ سِوَاكَ.. لاَ إِلَهَ إِلاَّ اللهُ.. لاَ إِلَهَ إِلاَّ اللهُ الْحَقُّ الْمُبِينُ.. مُحَمَّدٌ رَسُولُ اللهِ الصَّادِقُ الوَعْدِ الأَمِينُ. اللَّهُمَّ يا غَنِيُّ يا

حَمِيدُ.. اغْنِنَا بِحَلاَلِكَ عَنْ حَرَامِكَ.. وَبِطَاعَتِكَ عَنْ مَعْصِيَتِكَ.. وَبِفَضْلِكَ وَجُودِكَ وَكَرمِكَ عَمَّنْ سِوَاكَ. اللَّهُمَّ اهْدِنا وَاهْدِ بِنا.. وَاجْعَلنا هُداةً مُهتَدِينَ.. لاَ ضَالِّينَ

وَلاَ مُضِليِّنَ، اللَّهُمَّ أَصْلِحْنَا وَأَصْلِحْ بِنا وَاجْعَلنا صَالِحِينَ مُصْلِحِينَ بِمَنِّكَ وَكَرَمِكَ يا أَكْرَمَ الأَكْرَمِينَ.

اللَّهُمَّ اجْعَلْ عَمَلِي كُلَّهُ صَالِحاً وَاجْعَلْهُ لِوَجْهِكَ خَالِصاً.

نوال عيسى

2016-02-28, 19:51

اهلا بك اختي
الله يبارك الاخوات كفاو و وفاو وزيد مادام عندك النية فالتعلم اكيد رح تنجحي لما تجربي ديري الكوراج وكيما قالو الاخوات ابداي بالحاجة الساهلة
المنتدى مليء بما لذ وطاب وافكار في القمة وكل حاجة تنسيك في الاخرى وبما انك مبتدئة ابداي باطباق لام رامي صراحة اكلها يشهي ومن خلالها عرفت المنتدى هنا ونظن انه كاين دروس للطبخ للاستاذة ام رامي وايضا الاستاذة ام كوثر جربي منهم
وننصحك ما تياسيش من اول محاولة جربي وعاودي مرة تجي ناقصة ملح مرة ناشفة وكل ما تغلطي رح تزيدي تكسبي خبرة
وحبي الطبخ هذا اهم شي

naima10

2016-02-28, 20:21

الطياب راه كيما الفن إذا حبيتيه تتعلميه وماشي حاجة صعيبة مادام عندك الإرادة باسكو كاين لتقولك علاش نتعلم كلش راه يتباع
كيما قالتلك الأخت أم ساجد لازم تتعلمي الأساسيات مثل البهارات واش تستعملي للمرقة البيضة والحمراء وثاني لازم تقلي طيابك مليح قبل التمراق باه اللحم ولا الجاج نتاع والخصرة تشرب هاذو البهارات وتجيك بنة مليحة وثاني في التمراق ما تكثريش الما بزاف باه الماكلة ما تجيش سامطة
ويصراو الغلطات كي تكوني تتعلمي لي منهم رايحة تستفادي وتولي ماهرة إن شاء الله
والحمد لله راه كاين أخوات الله يبارك عليهم كل صبع بصنعة رايحة تستفادي منهم

الماسة البراقة

2016-02-28, 21:08

شكرا اخواتاتي تبارك الله فيكم انا مشكلتي فالتقلية منعرفش واش لازم ندير وش لال وباش نبدا وكفاش نقلي الخضرة ساعدوني ربي يخليكم

أ م ساجد وسيم

2016-02-28, 22:53

ابداي بالبصل ولحم لي حابة ديري قليه شوية ومنبعد زيدي خضرتك لي حابة تقليها معاهم وتوابل تاوعك قلي على نار قليلة وحركي مرة على مرة ماتخليهاش تحرق ومنبعد مرقي قيس لي يتغطالك لحم تقريبا وغلقي عليها طيب وعينك ميزانك في وقت طياب يعني على حسب لمرقة لي درتي ونوع لحم

الماسة البراقة

2016-02-29, 09:12

شكرا اختي ام ساجد وسيم ممكن تعطيني شحال ندير البصل والزيت والثوم والتوابل شحال نستعمل ساعديني ختي ربي يهنيك ران دايرة فيك ثقتي

امّ اياد

2016-02-29, 09:51

اختي الطياب حاجة ساهلة واكثر حاجة تتعلمي منها هي يوتيوب كي تشوفي بعينك احسن وكمية البصل والتوابل على حساب كمية لي تحوسي طيبيها حنا دائما نستعملو حبة واذا كانت كبيرة ديري نصفها وزيت ديري ثلاث ملاعق لي ناكلو بيهم وتوابل ديري بملعقة صغيرةكاين لي يجب توابل وكاين لي ميحبش يكثر انتي دائما قلي مليح البصل واللحم مليح واذا كان مرق يحتاج الخضر ضيفيهم وزيدي قلي وضيفي الملح ومبعد توابل اول حاجة ترميها في توابل فلفل اسود ومبعد يجو توابل الاخرين وطاس ماء تكوني موجدتيه بالقرب منك باش ميتحرقوش توابل بمجرد تلحي لصقو في قاع طنجرة مرقي بقليل كن الماء فقط ومرقي بجيه مدريش الماء فوق اللحم والخضر باش متغسليهمش من التوابل وخليهم يتجمرو مدة 2 د الى 5د ثم ضيفي كمية الماء المتبقية حتان يغطى اللحم بواحد سنتيم يعني متكثريش الماء باش تجي ماكلتك بنينة
البصل نستعملوه في كلش معادا الشربة (فارمسال او تاع الزريع باش تفهي الشربة لي راني نقصد فيها ) هذي يجيها ثوم بدون بصل قصبر او الحشيشة المقطفة ترافق المرق الاحمر اما معدنوس يرافق المرق الابيض الرند يجي لطاجين الزيتون ورميه في اخر لحضة مرات يكون مر
التوابل
الكمون : يجي لجميع بقوليات مثل الحمص واللوبيا والعدس
الفلفل الاسود : تستعمليه في كلش والغراتان ايضا
الكركم يجي لونو اصفر:تستعمليه لطواجن والمرق الابيض باش يعطيه لون ويخثرو
@القرفة: اتعملها في شربه في طاجين لحلو في جلبانة والزيتون تعطيهم مذاق هايل
حبة الحلاوة : مرحية في طاجين لحلو وغي مرحية في الخبز واحيانا يدقوها مع القصبر اليابس
القصبر اليابس : لبعض المرق الاحمر والحريرة
الزنجبيل : انتي وذوق نتاعك تحبي تستعمله
الشلاضة اوراق دائما اغسليها وخليها تقطر مليحة رابي فيها سنة ثوم تعطيها ذوق جميل ايضا الجزر المرابي
المهم انتي ذرك شمري على يديك وقولينا الحاجة لي تحوسي طيبيها ونقلك كامل تفاصل وكي متنجحيش اول مرة متفشليش ومتحكميش على نفسك خلي غيرك هو لي يعطيك رايك

أ م ساجد وسيم

2016-02-29, 10:03

هاهي ام اياد ربي يفرحها شرحتلك احكمي مام قناة سميرة لصقي فيها. لا شوفي لي فيديو تاعها في ليوتيوب راهي ناس ولات طير بيها رجعو كلش يتفننو فيه انا نعرف عجوزة كثر من ستين سنة رجعت دير لي قاطو لي راسك يحبس كي تشوفيهم برك من قناة سميرة تابع الحصة....تكتب الوصفة وطريقة وثم ثم طبق

ميمي ناصر 22

2016-02-29, 10:33

السلام عليكم ورحمة الله تعالى وبركاته
اختي بما انو راكي حابة تتعلمي راح تجيك ساهلة
اول حاجة ابداي بالحوايج الساهلة و من بعد المتوسطة ومن بعد الواعرة
كي تفشلي مرة و متصلحلكش الحاجة عاوديها ومتقولوش خلاص مصلحتش منديرهاش لالا غاوديها حتان تنجحلك
تاني لازم تعرفي اساسيات الطبخ كيما البهارات التسمية نتاعهم ولواش يستعملوهم مثلا للمرقة البيضة ولا الحمرة ولا الغراتان تتبيلة السلاطة
لازم تاني تعرفي التمريق مالازمش تمرقي بزاف و التقلية لازم تقلي مليح
الا عدتي رايحة تديري لحم ولا جاج ولا حوت بالتتبيلة لازم تعطيلهم وقتهم باه التتبيلة تدخل في اللحم ويتشربها ويجي بنين
الكمية تاع البصل والبهارات انت اللي تحديها على الخضرة والمرقة اللي راح تديريهم يعني عينك ميزانك وبالشوي بالشوي راح تولي تديريها سوا سول
في الاخير كاين هنا وصفات روعة اختاري في الاول الوصفات المجربة وصفات طباخاتنا راهم في القمة
ربي يوفقك حنونة وتولي اشطر وحدة في الطبخ

الماسة البراقة

2016-02-29, 10:44

شكرا ليكم اخواتاتي والله فرحتوني شكرا لكن كل وحدة باسمها وكي نحتاج.اسئلة معليش نلقاكم هنا تساعدوني؟

أ م ساجد وسيم

2016-02-29, 12:23

رانا هنا ختي ابداي باول طبق واذا قدرتي تصوريه هكذا نكونو معاك وذوق انتي لي تعرفي ابداي برك وتوكلي على الله

الماسة البراقة

2016-02-29, 13:37

والله ياختي ام ساجدوسيم انتي حنينة بزاف شوفي اختي انامنعرفش ندير صلصة الطماطم نظن هي القاعدة لي يطيبو بها ويحمسو بها الاطباق ولا ران غالطة ختي

سيرين 5

2016-02-29, 14:17

هاوليك رابط موضوعي إذا تحبي تنضمي أنا نحط خطوات طبخي بطريقة صحية نحاول نتجنب القليان و السكريات و غيرهم ممكن تاخذي فكرة عن الطبخ و الدوزين ...

http://www.djelfa.info/vb/showthread.php?t=1924879

الماسة البراقة

2016-02-29, 14:43

شكرا ليك ختي سيرين مشكورة

أ م ساجد وسيم

2016-02-29, 15:00

اولا ربي يفرحك حنونة شوفي نهار لولة كي طيبت كنت صغيرة ههههه درت مرقة وكثرت الما كي حطيتها قالي خويا نلبسو شورطات وندخلو نعومو هههههههههه ضحكنا هداك نهار حتى هبلنا ومنبعد تعلمت بلي مانمرقش بزاف
مافهمتش قصدك صلصة طماطم...شوفي واش عندك خضرة ليوم وقرري حاجة ديريها للعشا ونعونوك انا ولبنات صايي ختي ...رانا نستناوك

الماسة البراقة

2016-02-29, 15:14

شوفي حنونة انا حابة ندير جوازرمنيش عارفة واش سمو وقيل شطيطحة حمص المهم عندي بطاطا .بصل.جزر.كورجات.ثوم.حمص.وتوابل ساعديني ختي ربي يجازيك

أ م ساجد وسيم

2016-02-29, 15:19

وقيلة نتي من العاصمة ..تقولو جواز ...قصدك مرقة حابة ديري مرقة بلحمص وكورجات وبطاطا هكدا ولا كيفاش راكي تعرفي كل منطقة. و طيابها

الماسة البراقة

2016-02-29, 16:47

اسمحيلي ختي طولت عليك والله جاو عندنا ضياف عماتي واكي تعرفني انا فدار وحدي مع يمة ...المهم خيتي انا مشي ملعاصمة انا ملبويرة من عين بسام بلاك راكي تسمعي بيها ختي ايه هذيك لي راكي تقولي عليها مرقة منعرفش نديرها ساعديني وجزاك الله خيرا امين

الماسة البراقة

2016-02-29, 16:49

نسيت مقلتيليش انتي من وين حبوبة؟ ومعرفة خيييير انشاله

أ م ساجد وسيم

2016-02-29, 20:40

اسمحيلي ختي طولت عليك خرجت جاتني خرجة....انا من بشار حنونة
خيار ناس الله يبارك فيك....
اسمعي ديري البصل قطعيه على شكل هلال رقيقة وديريها في لك كوطة مع شوي زيت ولحم ولا دجاج لي عندك قليه مليح على نار قليلة وحركي مرة على مرة منبعد ديري شوي ملح وفلفل اكحل عود قرفة واذا شوي حرور بارد ...اذابغيتي لمرقة لحمرا وديري شوي طماطم معلبة ولا نص حبة طماطم مرابيا وقلي مليح ومرقي قيس لي يتغطالك لحم وديري لحمص تاعك غلقي عليها وخليها طيب على نار متوسطة
كي تخسي لحم طاب ولحمص طفي نار نحي صفار تاع لكوكوط وخليها تتنفس كي تكمل عاد فتحيها وتكوني موجدة الكورجات تاعك قاسماها على طول ومنبعد على زوج ولا ثلاثة على حسب حجم الحبة والبطاطا تاني قطعيها قيس لحجم لي تحبيه ....نعطيك طريقة تاع ماما جربيها ورديلي لخبر
احكمي مقلا ديري فيها شوي زيت قيس مغرفة كبيرة وديري سنينات ثوم ورمي لخضرة تاعك في لمقلاة غير تتبنن وتاخج مذاق القليان زيدي رشة خفيفة برك نتاع فلفل كحل وشوي قصبر قطعيه رقيق رقيق حركي مرة ولا زوج وطفي وتكون لمرقة تاعك مرقتها مليحة ماشي بزاف يعني تكون قيس لي تغطيلك خضرتك شوي برك...نحي لحم دجاج اذا درتي دجاج وحطيه بجيه وارمي لخضرة تاعك في لكوكوط وبلعي عليها عشر دقايق برك وطفي عليها تكون مرقتك بنينة ومافيهاش لمرقة بزاف يعني قيس لي تغمسي فيها
ودجاج تاعك ديري زيت في لمقلاة يسخن شوي وحطي دجاج تاعك يتحمر مع سنينة ثوم وشوي فلفل كحل واذا بغيتي ديري رشة كمون يخرج مع دجاج
وبصتحتك

الماسة البراقة

2016-02-29, 20:59

شكرا اختي ربي يبارك فيك ومرحبا بيك كصديقة وحبيبة متشرفين

امل ضائع

2016-03-01, 22:08

السلام عليكم

اختي ان اردتي المساعدة انا في الخدمة فيما اعلمه فلن ابخل عليك..

تحياتي لك... .

SmartCurrency

2016-03-02, 15:52

بالتوفيق ان شاء الله

الماسة البراقة

2016-03-02, 22:40

السلام عليكم

اختي ان اردتي المساعدة انا في الخدمة فيما اعلمه فلن ابخل عليك..

تحياتي لك... .

شكرا لك اختي

الماسة البراقة

2016-03-02, 22:41

بالتوفيق ان شاء الله

هذه مشاركة عشوائية لرفع الرصيد

أ م ساجد وسيم

2016-03-03, 09:31

واش درتي فيها ختي...

ام معتصم يزن

2016-03-03, 12:02

ماتخافيش اختي لازم تجربي باش تتعلمي احنا نتعلموا من اخطائنا مرة تنجح ومرا لا بسح لازم التجربة والثقة بالنفس

الماسة البراقة

2016-03-03, 14:51

واش درتي فيها ختي...

شكرا اختي ام ساجدوسيم لانك ساهرة دوما عالمساعدة انشاله رب يجازيك خيرمن خيراتو المهم انا ران جربت وصفتك ونجحتلي شويا يعطيك الصحة معليش كاش مخصني ران نجي نطلب مساعدتك تلقايها هنايا ومشكورة مجددا

الماسة البراقة

2016-03-03, 14:52

ماتخافيش اختي لازم تجربي باش تتعلمي احنا نتعلموا من اخطائنا مرة تنجح ومرا لا بسح لازم التجربة والثقة بالنفس

مشكورة الاخت

امل ضائع

2016-03-03, 16:23

العفو اختي...
فقط نصيحة عزيزتي.. ان اردتي ان تنجحي في الطبخ عليك اولا ان تحبيه.. لازم طيبي من قلبك و نأكدلك انك ستنجحين.. صح مرة تجي صامطة لكن كي تعرفي الخطأ وين تقدري تصلحي الخطأ و المرة الي بعدها ما تعاوديش الخطأ.. بالتوفيق اختي..

أ م ساجد وسيم

2016-03-03, 17:31

الماسة البراقة

2016-03-03, 21:35

الماسة البراقة

2016-03-03, 21:38

ايا مليح كي جربتيها....عرفتي وين فاتتلك ولا لا....يعني عرفتي واش نقصتي ولا زيدتي......المهم راني هنا لي خاصاتك قولي لي برك تفاهمنا....وكيما قلتلك عليك بقناة سميرة والله العظيم رايحة تفيدك بزاف ادعيلي ياختي تفرج عليا...

.الله مشكورة اخيتي وران ندعيلك من قلبي انشاله رب يفرج عليك ويعطيك متتمني يالاخت الغالية نصائحك في البال وشكرا لك ثانية حبيبتي

امل ضائع

2016-03-03, 21:39

العفو اختي..

أم ضياء عبد الرحيم

2016-03-04, 09:21

صباح الفل و الياسمين أخواتي
أختي ماسة أولا نحييك علىم إرادتك و عزيمتك للتعلم و هذه أول خطوات النجاح
الأخوات ربي يجازيهم كفاو و وفاو
حبيت نشارك و لو بالشيء القليل
انا عن نفسي ما كنتش نعرف نطيب انا الصغيرة تاع الدار و عندي أربعة أخوات أكثر مني يعني ما تلحقنيش الدالة خلاص :Dخلاوني غير لغسيل الماعن :cool:
المهم كي قررت نتعلم تعلمت و الحمد لله ضرك أخواتي هما الي يهزو منعندي الأفكار و الوصفات و أصبحت فنانة :D بشهادة زوجي و عائلته و مازلت نتعلم خصوصا مع حراير منتدى الجلفة
نصيحتي لك ما تفشليش حتى كون ما نجحتيش حاولي و كرري المحاولة حتى تنجحي :19:
حوست في المنتدى عن مواضيع فيها أساسيات الطبخ لقيت هذو فيها نصائح ملاح
الروابط
http://www.djelfa.info/vb/showthread.php?t=1501443&highlight=%E3%D3%DD%E6%DD
http://www.djelfa.info/vb/showthread.php?t=1235965&highlight=%CA%DA%E1%E3+%C7%E1%D8%C8%CE
هذا اقتباس لمشاركة إلهام في أحد المواضيع
أولا : باش تنجحي لازم تكوي تحبي المطبخ ماشي فقط حابة تتعلمي لأنو وحدة عايراتك ولا طيب خير منك ولا ضحكو عليك لازم من صميم قلبك تكوني تحبي الطبخ
ثانيا : هذي أهم حاجة في كل النصائح " العزيمة والاإرادة" أكيد في رحلة التعلم يجيو مرات بزاف وين تفسدلك ماتنجحيش في وصفة ولا يضحكو عليك ............ هنا ممكن تيأسي وتقولي مستحيل نتعلم وتبقاي كيما راكي أو ديري كيما أنا ( راسي يابس كي الحجرة :D ) تخشني راسك وتبحثي عن أسباب فشلك ( سقسينا هنا نعاونوك هكذا ندير أنا ) وتحاولي مجددا حتى تنجحي
ثالثا: أبداي بالساهل والأساسيات وأمشي بالشوية إلى الصعب لأنو لو تبداي بحاجة صعبة وماتنجحش رايحة تياسي من الأول وتستسلمي بصح كي تكون حاجة ساهلة وتنجحلك ترفع معنوياتك وتصري أنك تتعلمي المزيد ( هذا سري أناشششششششششش بيناتنا برك :rolleyes:)
رابعا: كي تخيري واش طبقي مثلا نقولو جينواز ......... ماتهزيش اي وصفة وطبقي اولا أقراي الردود في الموضوع إذا كاين اللي جربها ونجح فيا وأسألينا على احسن وصفة والأسرار باش ماديريش أخطاء ...انا ديما ندير بحث ونسقسي العضوات في قسم واش طيبتي اليوم على ادق التفاصيل ونبحث عدة أيام في عمي قوقل باش نعرف مليح كيفاش نطيب والوقت وكل النصائح باش نطبق وانا واثقة من نفسي :cool: وكي نكمل نكتب الأخطاء أو النصائح اللي لازم نتفكرها مع الوصفة باش مانغلطش مرة أخرى ونعدل النقائص نتاعي ;)

أي مساعدة راني مستعدة أختي صدقيني تبان في الاول جبل بمجرد ما طبقي وصفة وحدة وتنجحي رايحة تبانلك ولا اسهل
راني معاك خطوة بخطوة في أي وصفة سقسيني بإذن الله نعاونك :mh31::mh31::mh31:
كامل دخلنا مانعرفوش وفي طرف شهور رجعنا والحمد لله شافات وهذا بفضل الله ثم مساعدة الأخوات اللي مابخلوناش ولازم ضرك دورنا حنا مانبخلوش :):):)

تحياتي :mh31::mh31::mh31:
http://www.djelfa.info/vb/showthread.php?t=1815838&highlight=%CA%DA%E1%E3+%C7%E1%D8%C8%CE

http://www.djelfa.info/vb/showthread.php?t=1841875&highlight=%CA%DA%E1%E3+%C7%E1%D8%C8%CE

الماسة البراقة

2016-03-04, 22:26

زينب 83

2016-03-04, 23:38

الماسة البراقة

2016-03-05, 09:49

اختي انا مستعدة نكون أختك و نعلملك في حدود معرفتي طبعا
اي حاجة تحتاجيها انا في الخدمة و اي سؤال حابة تطرحيه و لو كان بسيط خليهلي هنا و انا مل يوم راح نضرب طلة و نجاوبك
بالتوفيق غاليتي و فعلا اذا أحببتني الطبخ راح تبدعي فيه

والله فرحني ردك ووقفتك الغالية الى جنبي يعطيك الصحة اختي انشاله رح نحطلك اسئلتي في هذه الصفحة وانشاله نلقا عندك ظالتي باذن الله بارك الله فيك

زينب 83

2016-03-05, 23:27

والله فرحني ردك ووقفتك الغالية الى جنبي يعطيك الصحة اختي انشاله رح نحطلك اسئلتي في هذه الصفحة وانشاله نلقا عندك ظالتي باذن الله بارك الله فيك
بلا مزية حبيبتي راني جيت طليت ماخليتي والو هههههه مازال ما بديتي ?المهم حبيبتي راني كل ليلة نطل عليك باذن الله

الماسة البراقة

2016-03-14, 12:20

ياعمري ختي زينب اسمحليلي بزاف بزاف رحت وخليتك لظروف سامحيني يلعزيزة

rachedi souad

2016-03-16, 09:39

والله مازال الخير الحمد لله

sousou sahraoui

2016-03-16, 10:49

10000000000000 mercie