تدريبات الخدمة الوطنية

[aymane91]

ماهي مختلف التدريبات التي يمارسها مجندو الخدمة الوطنية ومدة الجري اليومي

[rafikwood]

جري كل يوم أخي من 4 صباحا الى 4 مساء أين ينتهي اليوم

[MrBlaugrana05]

سا دي بو على المدربين و على الأيام ... في حالة الشتا و الأمطار راهي تخف شويا و في حالة السخانة أيضا و رمضان (دفعة ماي) تخف تاني أما عموما فهي تبدا التدريب على الثامنة صباحا تحبس وقت الغداء و ترجع على الوحدة حتى 4:30 .. و فيها بروغرام تاع الليل ... مي كلش رياضة فرات واحد سيورتيف ما يحيرش

[جمال المغاربي]

نسيتوا تدريبات على تنظيف مراحيض القيادة

[عمر الفاروق 27]

نسيتوا تدريبات على تنظيف مراحيض القيادة

أولا السلام عليكم و رحمة الله و بركاته
ثانيا بالبركة عليك خويا نيل بطاقة الإعفاء من الخدمة الوطنية
ثالثا اسمحلي خويا نعقب عليك خاطرش لاحظتلك عدة ردود في المنتدى تهرف فيها بما لا تعرف و تتكلم بأمور لا أدري و الله من اين استقيتهم و انت حسب علمي نلت بطاقة الاعفاء من المستشفى العسكري معناها ما اركبتش و اعمرك الا ادخلت لكازيرنة،
محدثك اجتاز الخدمة الوطنية "مكره أخاك لا بطل" و في الستاج بالإضافة الى التدرب على السلاح و الدراسة كاين الكرفي كيما يعرف الجميع و الكرفي هذا يدور على جميع افراد الكتيبة " مثلا كتيبة الطلبة ضباط الخدمة الوطنية " كاين الكرفي تع المطعم معناها كل يوم يتم اختيار عدد افراد معين من كل فصيلة بالتسلسل يتكفلوا باطعام زملائهم فقط " معناها الطلبة ضباط الخدمة الوطنية " و كاين الكرفي تع التنظيف بنفس الطريقة يتم اختيار اللي يتكفلوا بتنظيف البلوك تاعهم فقط " الأروقة، السلالم، المراحيض" أما الشاليات فكل أفراد شالي يتكفلوا بتنظيف الشالي اللي يباتوا فيه، أما هذه تنظيف مراحيض القيادة اللي كل مرة تكتبها صدق يا أخي باللي الطريق اللي تدي لمقر القيادة ما كانوش يخلونا نفوتوا معاها فما بالك يخليك تدخل لمقر القيادة.
هاذي في الستاج و بعد الستاج راك تكون إما ضابط مرشح أو ملازم احتياطي معناها راك بقدرك و اذا كنت طالب ضابط صف الخدمة الوطنية غادي تكون رقيب احتياطي " سارجان " و ثاني راك تفوتها بقدرك أما الفئة الوحيدة اللي ينغبنوا في الخدمة الوطنية هوما اللي يفوتوها جنود و كابرانات الكرفي و القاريطة ما ينقطعش عليهم حتى يخرجوا لاكي ربي يكون في عونهم.
راني علقت على تعليقك فقط باش ما نقعدوش نغلطوا في الناس و كل واحد يعرف روحو وين راه رايح و شا رايح يدير،
بالنسبة لي شخصيا ما كنتش باغي نفوتها و كنت نحوص نخرج و لكن قدر الله و ما شاء الله و الحمد لله سلكناها على خير,

[عمر الفاروق 27]

بالنسبة لسؤال الأخ
كل مدرسة و البرنامج تاعها
المدرسة اللي كنت فيها انا كنا طلبة ضباط خدمة وطنية و طلبة ضباط صف خدمة وطنية كان عندنا تقريبا نفس البرنامج مع بعض الاختلافات الطفيفة،
البرنامج تع الستاج برنامج دراسي كنا نقراو أيام الأحد إلى الخميس من 8-12 و من 13- 16 ، و الرياضة كانت عندنا مرتين في الأسبوع من 13-16 عبارة عن جري خفيف و حركات رياضية و أغلب الوقت تبهليل،
و مرات كان عندنا حصص تطبيقية بعد نهاية العمل يحكمونا الملازمين المتخرجين من شرشال من 17-18 و من 20-22 و كل واحد و عقليته كاين اللي ناس ملاح يحكي معانا شوية و يطلقنا نروحوا و كاين اللي ما يجيش قع و كاين اللي يشمت يحكمنا حتى يكرهنا حياتنا، و يوم الجمعة صباحا كان عندنا نظام منظم يعيي شوية فيه المراوحة و التحية بالتشكيل و الخطوة الموزونة...الخ و من الجمعة على 11 حتى يوم الأحد صباحا تعتبر نهاية الأسبوع ما نديروا فيها والوا.
تقريبا هذا هو برنامج الستاج.