نداء الى الاخت حبيبة امها

[لامْية]

سلام ران نبحث علاالاخت حبيبة امها ران محتاجة مساعدتك بليز بما انك قلتي لي اي استفسار ران هنا ران جيت اليوم نبغي مساعدتك اذا امكن اختي

[لامْية]

حبيبة امها اين انتي رجاء

[حبيبة امها]

مساء الخير اختي انا في الخدمة تفضلي حبيبتي إسألي ما تريدين وأكيد سوف أجيب إن كنت أعرف

[لامْية]

ختي اولا يعطيك الصحة وانشاله رب يبارك فيييك اختي والله نحشمت معرفتش مين نبدا حبيت تعطيني فكرة علا طريقة طهي العدس واللوبيا ران حاصلة معاهم ميطيبوليش رجاءااا اختي انشاله نلقى عندك الحل علبالي متخيبيش ظني ران دايرة فيك ثقة كبيرة اختي

[حبيبة امها]

ختي اولا يعطيك الصحة وانشاله رب يبارك فيييك اختي والله نحشمت معرفتش مين نبدا حبيت تعطيني فكرة علا طريقة طهي العدس واللوبيا ران حاصلة معاهم ميطيبوليش رجاءااا اختي انشاله نلقى عندك الحل علبالي متخيبيش ظني ران دايرة فيك ثقة كبيرة اختي

لامشكل اختي سوف اساعدك لكن قوليلي عندك كوكوط ام لا

[لامْية]

ايه ختي اكييد عندي كوكوط يلا ران نستنا فيك

[حبيبة امها]

اولا نبداو بطريقة طهي العدس
كاين ناس يشمخوه كاين لا انا كنت نشموخو لكن للاسف ما يطيبش بعدها قررت اني ما نشمخوش
لما تكون موجودة اللحم قلي البصل مع التوم وزيت إدا كان عندك من الافضل زيت زيتون حطي شوية توابل كمون اساسي في طياب لعدس وفلفل اسود وراس حانوت او فلفل عكري شوية دبشة مقطعة حبة جزر إدا كانو يحبوها في البيت قكعيها وإدا كانو لا خليها على حالها وحطي طماطم مصبرة قيس ملعقة صغيرة وامرقي بالماء لازم يكون ضعف حجم لعدس ونسيت اختي الملح نعم ملحي القدرة تاعك في الاول ولما تمرقي زيدي حطي حبة طماطم مكرفجة ولما يغلي الماء اقفلي واتركي اللحم تطيب بعدا بساعة ارمي لعدس تاعك بعدما تكوني نقتيه وغسلتيه في الاول قبل ما تقلي الكوكوط حركيه شوية حتى ينرو 5دقائق مبعد اقفلي عليه ممكن ساعة او اقل على حسب نوعية العدسءتاعك كابن حتى اللي ياخد فقط 3 دقيقة انت لما يتم نصف ساعة فاقديه لما تلقايه طاب خلاص يكون جيد لقيتيه مازال زيدي خليه يطيب وإدا نشف من الماء ضيفيلو ماء سخون
نرجعو واين كنا لما يطيب ممكن تتحصلي على كمية زائدة من المرق هنا ما تقفليش عليه خليه على نار هادية حتى يلبي لما تطفي ضيفيلو ملعقة قهوة كمون ورشة دبشة واممممم رايحة تتحصلي على اطيب عدس

[حبيبة امها]

وإدا ماعندكش اللحم لما يغلي الماء ارمي لعدس تاعك وكملي بنفس الطريقة

[لامْية]

شكرا اختي بارك الله فيك وربي يعطيك متتمني واسمحيلي بزاف بزاف الاخت عندي بزاف اسئلة في مجال الطهي نخليك ترقدي ولغدوة انشاله نكمل معاك التعلم هههههه اسمحيلي بزاف ليلة سعيدة اختي شكرا

[حبيبة امها]

واللوبيا يا أختي الكريمة عندي طريقتين طريقة امي العزيز
هي لازم تبيتيها في الماء والماء لما تحطيها فيه يكون دافئ وإدا خفتي ما طيبش ضيفلها لما تحطيها تتشمخ نصف ملعقة قهوة خميرة الحلويات
فيرالاول قلي لبصل والتوم ما تكتريش توم في الاول وامرقي بالماء لما يغلي الماء حطي اللوبيا بعدما تكوني صفيتبها من الماء اللي باتت فيه
واقفلي عليها كوكوط مدة نصف ساعة لما تلقايها طابت جيبي مقلة وحطي شوية زيت وفصيصات توم وقليهم فيه وضيفي ملعقة طماطم مصبرة تكون صغيرة وملح وفلفل ابيض من المستحسن إدا ماكنش حطي الاسود وفلفل عكري لكن ما تضيفيش الكمون هو ما يناسبش اللوبيا وقليهم شوية فيما بعد ضيفيلها شوية من ماء اللوبيا اللي طابت فيه ورجعي كل شئ للكوكوط ودلي النار واتركي كل شئ يطيب مع بعض حتى تلبي وتختار

[حبيبة امها]

شكرا اختي بارك الله فيك وربي يعطيك متتمني واسمحيلي بزاف بزاف الاخت عندي بزاف اسئلة في مجال الطهي نخليك ترقدي ولغدوة انشاله نكمل معاك التعلم هههههه اسمحيلي بزاف ليلة سعيدة اختي شكرا

لاشكر على واجب حطي اسئلتك هنا حبيبتي وانا كل يوم نفاقدك حنونة ونجاوب اختي
وغدا إن شاء الله نكملك الطريقة التانية لطهو اللوبيا

[لامْية]

شكرا اختي تبارك الله فيك

[لامْية]

اختي بالنسبة للعدس شحال تستعملي الكمية بالنسبة للبصل.الثوم ورالفلفل لكحل. وراس الحانوت .والزيت ايضا شحال ندير؟ كوني مبتدأة مازلت منعرف اولويات الطبخ ومشكورة اختي

[حبيبة امها]

اختي بالنسبة للعدس شحال تستعملي الكمية بالنسبة للبصل.الثوم ورالفلفل لكحل. وراس الحانوت .والزيت ايضا شحال ندير؟ كوني مبتدأة مازلت منعرف اولويات الطبخ ومشكورة اختي
للعدس إذا كنتي عندك عائلة صغيرة اعملي كاس الا ربع يكفيك والزيت ملعقة اكل وتحدة والفلفل اسود ربع ملعقة قهوة والملح ديري للكمية هادي نصف ملعقة قهوة ومبعد دوقي والطماطم ملعقة صغيرة والبصل إذا كانت الخضراء وحدة وإذا كانت حبات نصف حبة فقط قصيها رقيقة او كرفجيها والتوم 2سنينات إدا كانو كبار او 3صغار والماء امرقي ب3كيسان لانه العدس يتنفخ وويشرب الماء وما تنسايش شئ اساسي طيبي على نار هادئة مش قاوية

[لامْية]

اختي الطماطم المصبرة او الطماطم تع الحب نحطها مالاول نحمسها مع البصل والثوم ولا كفاه ندير؟ ...... والتوابل نديرهم فالاول يتحمسو مع البصل والثوم؟ والتحماس فالاول يكون بالزيت فقط ولا شويا ماء ؟ ارجوك ختي ساعديني ران نستنا فيك وشكرا علا اهتمامك وتواصلك معي

[حبيبة امها]

اختي الطماطم المصبرة او الطماطم تع الحب نحطها مالاول نحمسها مع البصل والثوم ولا كفاه ندير؟ ...... والتوابل نديرهم فالاول يتحمسو مع البصل والثوم؟ والتحماس فالاول يكون بالزيت فقط ولا شويا ماء ؟ ارجوك ختي ساعديني ران نستنا فيك وشكرا علا اهتمامك وتواصلك معي

يا حبيبتي اكيد التقلية تكون بالزيت وحطي التوابل في الاول والطماطم المصبرة لازمها تتقلى حتى ما جيش حامضة وتاع الحب حطيها بعدما تمرقي حبيبتي ولما تطفي في الاخير زيدي حطي شوية توابل

[لامْية]

شكرا اختي بارك الله فيك.ختي وبالنسبة للبطاطا والجزر كي نستعملهم فالعدس ولا لوبيا نرحيهم كيم فالشربة ولا نخليهم قطع ؟

[حبيبة امها]

شكرا اختي بارك الله فيك.ختي وبالنسبة للبطاطا والجزر كي نستعملهم فالعدس ولا لوبيا نرحيهم كيم فالشربة ولا نخليهم قطع ؟

لا اختي خليهم قطع لكن حطي الجزر فقط ما تحطيش البطاطا

[لامْية]

ختي ثان عندي مشكل فالاول كي نقلي فزيت ندير 4مغارف اكل زيت ونحمس فيها المشكل هذيك الزيت متكفيش ليه ليه تغيب ويولي يلصق البصل فالقدر منيش عارفة علاه ذالمشكل اختي وممكن تفيديني علا مدة التحماس لي هي التقلية ومشكووورة

[حبيبة امها]

ختي ثان عندي مشكل فالاول كي نقلي فزيت ندير 4مغارف اكل زيت ونحمس فيها المشكل هذيك الزيت متكفيش ليه ليه تغيب ويولي يلصق البصل فالقدر منيش عارفة علاه ذالمشكل اختي وممكن تفيديني علا مدة التحماس لي هي التقلية ومشكإووورة

التقلية كتير الزيت اللي راكي تحطيه انت سخني القدرة تاعك شوية فقط وحطي الزيت خليه يسخن شوية فقط مش حتى يغلي فقط ثةان لما تكون القدرة سخونة راهو يسخن بالخف
ولما تحطي البصل نقصي للنار وخليه يتقلى على نار هادية ويطلق ماءه ممكن تاخد من 3دقائق الى 5دقائق وإدا باللحم او الدجاج خليها تتقلى معاه حتى 15دقيقة تطلق اللحم بنتها احسن

لاشكر على واجب حبيبتي إن شاء الله تتوفقي

[لامْية]

شكرا اختي .ضرك انا عايلتي فيها10اشخاص يعني شحال نقدر ندير فالطبخ تاعي من سنة تع ثوم والزيت والطماطم والتوابل .؟اسمحيلي كثرت عليك مي هذا آخر سؤال عندي

[حبيبة امها]

شكرا اختي .ضرك انا عايلتي فيها10اشخاص يعني شحال نقدر ندير فالطبخ تاعي من سنة تع ثوم والزيت والطماطم والتوابل .؟اسمحيلي كثرت عليك مي هذا آخر سؤال عندي

الله يبارك اختي الكريمة
انا نطيب ل5افراد وليدي الصغير ما نحسبوش هههه نعطيك ضعف واش نحط

الزيت فقط ملعقتبن كبار و والطماطم ملعقتبن صغار مملوئين والتوم حطي 5فصوص والتوابل اعملي ملعقة قهوة لكن تكون ممسوحة والكمون في العدس حطي ملعقتين صغار في الاول وملعفتين صغار في الاخير
هده المقادير للعدس وكل طبخة واش تحتاج كابنة تحتاج اكتر او اقل

ولا إزعاج ولا هم يحزنون اختي نتمنى ما تعمليش في خاطرك وسالي اي سؤال يجي في خاطرك بدون تردد حبيبتي كلنا اخوات ونتعلم من بعضنا البعض

[لامْية]

الله يبارك اختي انشاله رب يحفظلك كامل افراد عايلتك ويهنيك شكرا اختي ومعرفة خير انشاله