واش رايكم في هدي القندورة نديرولها ورشة

[حنين فتـاة]

سلام لبنات انا رايحة نخدم هدي القندورة لوحدة قريبتي واش رايكم نديرولها ورشة تخدمو معايا؟؟
لكن الاكمام منديرهمش شبيكة نديرهم كتان
http://www.up.djelfa.info/uploads/14562504226741.jpg

[غزالة1]

السلام عليكم
اهلا حنين قلبتيها كروشيه شاطرة
انا لا افقه كثيرا في الكروشيه و لكن اكيد انو هناك كثيرات يحبو يخدمو
انا لازملي حاجة خفيفة هههه
بارك الله فيك على المبادرة
سلامي

[حنين فتـاة]

اهلين اختي غزالة حتى انا مكنتش نعرف لكروشي بصح كي كنت نقرا فالجامعة اصريت اني نتعلمو وبعد كل محاولة نفشل ونيأس ومن بعد نرجع نحاول وشفت فاليوتيوب وماما تان علمتني شوية بصح مكنتش نفهملها خاطرش تزرب فالخدمة حتى تعلمت ضروك راني نخدم عادي ونقرا اي باترون تاع كروشي

[بوسوار]

سلام فكرة شابة شكون تكون استادة الورشة وترشدنا

[حنين فتـاة]

اهلين اخت بوسوار
انا حبيت نديرهالكم ونعلمكم الخطوات

[om ayoub 2]

ياريت أخت حنين أنا راني معاك

[ام مهدي 03]

بارك الله فيك
رانا معاك

[حنين فتـاة]

نستناو كاش بنات يجو ومن بعد نبداو بالبياسات تاع الكروشية

[ام رحموني]

للاسف ما نعرفش نخدموا

[بوسوار]

معليش اختي
قولينا برك واش نشروا والكميات

[حنين فتـاة]

اختي بوسوار المطلوب هو
2 مترات ونص كتان سموه لاشوازات
3 كبات خيط كروشي من لون وكبة وحدة من لون اخر
وحجرات لي يركبو فوق الوردات

[بوسوار]

وهدوك الوردات لي في الصدر والاكمام وشنهي بواش مخدومين لاخاطر الصور ماهيش واضحة عاودينا التحميل نتاعها بوضوح وتكبير الله يخليك

[حنين فتـاة]

هدوك مخدومين بالكروشي اختي بوسوار للاسف الكابل تاع التلفون خسرلي كي نصلحو راح نوريلكم الخطوات

[om3imad]

سلام حنين راني توحشتكم
ديريلنا الورشة راني نتعلم في الكروشي

[بوسوار]

هبلت وانا نحوس عليك حتى قلتي لزميلتي ولقاتك هنا بسح علاش؟

[T.HANANE]

شابه بزاف يا ريت كون تقولولنا كيفاش تنخدم

[madame-zah]

ماشاء الله

[lyna 2011]

انا ثاني حبيت تديرلنا ورشة هبلت على هده القندورة. و يا ريت لوكان تزيدي لنا كيفية تفصيل القندورة

[حنين فتـاة]

بالاك المشرفات كي شافات القندورة فيها الكروشي نقلاتو هنا
اكيد اختي راح ندلكم بالتفصيل كيفاش تتفصل القندورة وكيفاش تتخيط وكيفاش نلصق البياسات

[لمسة من الماضي]

سلام
هذا المودال
له ورشة هنا في المنتدى فقط بحثو في قسم الورشات

[RIMA.87]

سلام
هذا المودال
له ورشة هنا في المنتدى فقط بحثو في قسم الورشات
و عليكم السلام ورحمة الله وبركاته
الورشة للأخت abir chemss بعنوان:
ورشة كول من مجلة شهيناز ..................تفضلوا
و هذا هو الرابط لمن يهمها الأمر
http://www.djelfa.info/vb/showthread.php?t=1293319&highlight=%C7%E1%DF%E3%C7%E3%C7%CA+%DF%ED%E3%C7+%C 7%E4%CA%E6%E3%C7
بالتوفيق للجميع

[houhou23]

انا ثاني راني معاكم بصح حبيت نعرف نوع الخيط

[ام طارق :)]

شكرا اختي حنين على المبادرة الطيبة انا ثاني راني امعاك راني نفهم للكروشي امليح

[بوسوار]

قوليلينا رقم الكروشي شحال والخيط حرير ولا كتوبارلي باه كي نخرجوا نشروا كلش ضربة وحدة تفكري كاش حاجة نسيناها ماسقسيناكش عليه

[حنين فتـاة]

لبنات اشرو 4 كبات خيط كروشي ....3كبات من لون واحد و 1 من لون مغايل يعني حسب لون القماش مثلا انا درت لون برتقالي خدمت 3 كبات برتقالي ووحدة بيضة
وهدا هو الخيط هو خيط الحرير لي بغيونتي
http://www.up.djelfa.info/uploads/145639558271851.jpg
رقم الكروشي كاين الافضل للمبتدئات وانا شخصيا نخدم بيهم هوما 15 او 16 او 17
حجرات شكلها دائرية حوالي 20 معليش كي يتزايدو

[بوسوار]

صباح الخير اختي هديك وشنهي لي راهي مصورتها حدا الخيط مدورة بيضة

[حنين فتـاة]

هديك يا اختي بوسوار اللصقة لي يركبو بيها القالون باش يجي معدل
انا كانت عندي هدي الصورة خاطرش وحدة راهي تخيط وشرات القش صوراتولي راني وريتولكم الخيط

[بوسوار]

واه راهي قاتلي عليها الزميلة شهرزاد (نعرفها) بصح كي شفتها مع القش قلت واش نديروبها المهم درك نشري السلعة ونوجدها

[حنين فتـاة]

شكون شهرزاد اختي بوسوار؟؟

[بوسوار]

زميلة في المنتدى

[nadia1975]

شكراااااااااااااااااااااااااااااةة

[عاشقة الزمان]

بارك الله فيك
رانا معاك

[om_nour]

اللَّهُمَّ مَنْ اِعْتَزَّ بِكَ فَلَنْ يَذِلَّ، وَمَنْ اِهْتَدَىَ بِكَ فَلَنْ يَضِلَّ، وَمَنْ اِسْتَكْثَرَ بِكَ فَلَنْ يَقِلَّ، وَمَنْ اِسْتَقْوَىَ بِكَ فَلَنْ يَضْعُفَ، وَمَنْ اِسْتَغْنَىَ بِكَ فَلَنْ يَفْتَقِرَ، وَمَنْ اِسْتَنْصَرَ بِكَ فَلَنْ

يُخْذَلَ، وَمَنْ اِسْتَعَانَ بِكَ فَلَنْ يُغْلَبَ، وَمَنْ تَوَكَّلَ عَلَيْكَ فَلَنْ يَخِيبَ، وَمَنْ جَعَلَكَ مَلاَذَهُ فَلَنْ يَضِيعَ، وَمَنْ اِعْتَصَمَ بِكَ فَقَدْ هُدِيَ إِلَى صِرَاطٍ مُسْتَقِيمٍ، اللَّهُمَّ كُنْ لَنَا وَلِيّاً

وَنَصِيراً، وَكُنْ لَنَا مُعِيناً وَمُجِيراً، إِنَّكَ كُنْتَ بِنَا بَصِيراً. اللَّهُمَّ إِنِّي أَسْأَلُكَ أَنْ تَرْفَعَ ذِكْرِي، وَتَضَعَ وِزْرِي، وَتُصْلِحَ أَمْرِي، وَتُطَهِّرَ قَلْبِي، وَتُحَصِّنَ فَرْجِي، وَتُنَوِّرَ

لِي قَلْبِي، وَتَغْفِرَ لِي ذَنْبِي، وَأَسْأَلُكَ الدَّرَجَاتِ العُلَىَ مِنَ الجَنَّةِ، آمِينَ.

اللَّهُمَّ اجْعَلْ عَمَلِي كُلَّهُ صَالِحاً وَاجْعَلْهُ لِوَجْهِكَ خَالِصاً.

[اشراقة منارة]

ملاحظة يالبنات عندنا في بريكة هذا المودال عملناه في صيف العام السابق والجميع لبسوه اعطونا كاش جديد ويمكن تلونو كل وردة لون يخرج روعة

[om3imad]

ملاحظة يالبنات عندنا في بريكة هذا المودال عملناه في صيف العام السابق والجميع لبسوه اعطونا كاش جديد ويمكن تلونو كل وردة لون يخرج روعة
ههههههههه اختي انا هذا وين لحقني يعني جديد بالنسبة ليا
ممكن نخيط بيه قطيفة لهوى

[اشراقة منارة]

ممكن اي نوع كتان تحبي انا درتها في قطيفة سامبل اهم شئ تناسقي الالوان

[اشراقة منارة]

بالنسبة للاكمام تقدري دريهم من نفس الكتان مثال اذاكا لونه فار بيستاش الصدر يكون فار الحاشية تكون ارونج غامق والاكمام دريهم بلونين نص العلوي فار والسفلي ارونج

[حنين فتـاة]

في اقرب وقت راح نبداو ان شاء الله

[امونة الشاوية]

مليحة يعطيك الصحة

[omallae]

بارك الله فيك اختي ونتمنى نكون معاكم كي تبدا الورشة

[om3imad]

حنين راني شريت الخيط

[farawla01]

راني معاكم لبنات ربي يسهل

[صفية الاوراس]

مشكوووووورة يا اخت حنين يا ريت تعمليلنا ورشة عجبني المودال

[crono]

مشكوووووورة يا اخت حنين يا ريت تعمليلنا ورشة عجبني المودال


هذا هو الرابط لمن يهمها الأمر الورشة للأخت abir chemss
http://www.djelfa.info/vb/showthread.php?t=1293319بالتوفيق للجميع

[زموردة]

خدمة شابا الله يبارك يعطيك الصحة