كيف تحتفظي بزاست القارص؟

[رائد رائد]

السلام عليكم اخواتي
رجاءا الي عندها طريقة مجربة للاحتفاظ بلي زاست نتاع القارص خصوصا خارج الثلاجه تفيدني
ولكم مني جزيل الشكر:19:

[om mouez]

وعليكم السلام شوفي اختي انا شخصيا عندي زوج طرق الاولى هي قبل ما نعصر القارص نغسلو ومبعد كي نعصرو نرمي القشور في الكونجيلاتور اما الطريقة التانية فهي رااااائعة وهي قشري حبات القارص بلا متلحقى للجزء الابيض ماذابيك تكون رقيقة لازم تكون كمية مليحة من القشور من بعد حطيهم في سينية وحطي السينية فوق الفورنو تاع الغاز دو فيل وخليهم حتان ييبسوا وفي نفس الوقت يطلقو ريحة مليحة في الدار من بعد ماييبسوا مليح ارحيهم في الروبو حتى يولو كي الغبرة ديرها في بلارة تاع زجاج واحتفظي بيها في التلاجة كي تجي تخدمي القاطو او الكيكات ديري مغرف صغيرة تجي ريحتها روووعة تقدري ديري نفس الطريقة لقشور البرتقال جربيها وادعيلي

[ndj]

بارك الله فيك على هذه الطريقة

[رائد رائد]

بارك الله فيك اختي ان شاء الله راح نجربها وان شاء الله يعطيك ربي ما تتمناي وتكون دعوتك مستجابة

[ملاك ملاكي]

بااااارك الله فيك اختي على المعلومة انشاء الله قيد التنفيذ لانه بالفعل لو زايت نحتاجووووه بزااااف ونشكر الاخت لي طرحت موضوعها بااااارك الله فيكن ربي بجازيكم خيرا

[غزالة1]

السلام عليكم
شكرا للاخت على الطريقة

[ام وائل فخر الدين]

انا ايضا قبل ما نعصر اليمون اكيد كي تكون عندي كميات كبيرة و نخاف يفسدلي نغسله و نرابي الجزء الاخضر او الاصفر فقط ما نلحقش للابيض و نحطه في ساشيات و الى الكونجيلاتور و نعصر و نحطه في قولب و ندسه في الصيف نعمل بيه شاربات خصوصا في رمضان موفقة اختي

[الزوجة الصالحة]

شكرا على الردود معلومات مفيدة.