تسجيل الدخول

مشاهدة النسخة كاملة : أمُ زوجكِ في مقامِ أمُك


عائشة قدوتي
2016-02-20, 20:31
أمُ زوجكِ في مقامِ أمُك

صحيحٌ أنَ ليس لأمِ زوجكِ حَق واجب عليكِ ,,

و لكن … يبقى من طِيب أصلكِ و فصلكِ و حُسن أخلاقكِ و تربيتكِ ، إحترامُها

و أن لا تُقلّلي أدبكِ معها ، و لا تتصرّفي بوقاحَة !!

فإنَ ذلك يدلُ على أخلاقكِ

نعم ، قد تكُون مُعاملتها سيّئة معكِ ,,

فتجَنبي الإحتكاك بها و الذهاب إليها كثيرًا ، حتّى لا تضايقكِ ..

لكن لا تُقلّلي أدبكِ معها ،، فهي أمُ زوجكِ قرّة عينكِ و سكنَك و جَدة أولادكِ ..

فالإحسان إليها يُقربك من زوجكِ أكثر و يجعلكِ كبيرة في نَظره ..
.
.
فقد سُئل الشَيخ العثيمين رحمه الله تعالى :
سؤال :

- هل لأم الزّوج حَق على الزوجَة ؟؟
فأجَاب :
لا … أمُ الزّوج ليس لها حَق على الزّوجة ، لكن منَ المعروف و الإحسان و أنَ هذا

يوجبُ مودة زوجَها أن تراعيها في مصالحها و تخدمُها في الأمر اليسير ..

و إذا جَاء الصّباح صبحكِ بالخير يا فلانَة و إلا يا أمُ فلان و إلا ياخالتي ما يخالف …

و هذا طيّب ,,

أما وجوب لا .. لأنَ المعاشَرة بالمعروف بينَ الزّوج و الزّوجة ..

والسّلام عليكم و رحمة الله وبركاته ..
.
.
" سلسلة لقاء الباب المفتوح شريط رقم 68 الوجه ب
_منقول_

TOFNINE
2016-02-20, 20:52
ان تكون تستاهل فهي كذلك
ولكن كي تحسبني خدامة وعبدة وتستنى وقتاه تسلط عليا لسانها وتصرفاتها لي مش ممكن ترضاها لبناتها
فعفوا لن تكون في مقام الغالية
كي تحسبني كيما بنتها وديرلي نص لي ديره لبنتها تستاهل تكون
لكن شخصيا لن تصل حتى ظفر امي .
ولكن قبل ان اصل الى الخاتمة
منذ البداية كنت نسميها امي
ولكن بتصرفاتها العدوانية التي لم تنتهي رغم الصبر المرير الذي اوصلني لفقدان كرامتي وداس على شخصيتي امام اعين كل العائلة
وامام كل التصرفات التي قابلتها بالصمت وعدم الرد وكاني استحق ما يفعل بي
وكاني اتيت لهذه العائلة بلا شرف وهم ستروني وكاني كنت اتسول في الشوارع الطعام والماوى
كل هذا وتطلبين بكل بساطة ان تكون مقام الغالية
عفوا لانني سحبت من قلبي حتى اسم امي الذي كنت اناديها به
عفوا لقد سحقت بكرهها لي كل المشاعر النبيلة التي كانت تسكنني
عفوا لقد دمرتني وهي السبب في في معاناتي النفسية
وعفوا لن اعطيها ذلك المقام
فلها ابن يبرها يحبها يطيعها
اما انا فيكفيها مني الصمت الان
وجهت نظر شخصية
ولا ينطبق القول على الكل فتوجد من تستحق ان تتربع فوق الرؤوس
كل واحد يخدم بلاصتو

عائشة قدوتي
2016-02-20, 21:31
ان تكون تستاهل فهي كذلك
ولكن كي تحسبني خدامة وعبدة وتستنى وقتاه تسلط عليا لسانها وتصرفاتها لي مش ممكن ترضاها لبناتها
فعفوا لن تكون في مقام الغالية
كي تحسبني كيما بنتها وديرلي نص لي ديره لبنتها تستاهل تكون
لكن شخصيا لن تصل حتى ظفر امي .
ولكن قبل ان اصل الى الخاتمة
منذ البداية كنت نسميها امي
ولكن بتصرفاتها العدوانية التي لم تنتهي رغم الصبر المرير الذي اوصلني لفقدان كرامتي وداس على شخصيتي امام اعين كل العائلة
وامام كل التصرفات التي قابلتها بالصمت وعدم الرد وكاني استحق ما يفعل بي
وكاني اتيت لهذه العائلة بلا شرف وهم ستروني وكاني كنت اتسول في الشوارع الطعام والماوى
كل هذا وتطلبين بكل بساطة ان تكون مقام الغالية
عفوا لانني سحبت من قلبي حتى اسم امي الذي كنت اناديها به
عفوا لقد سحقت بكرهها لي كل المشاعر النبيلة التي كانت تسكنني
عفوا لقد دمرتني وهي السبب في في معاناتي النفسية
وعفوا لن اعطيها ذلك المقام
فلها ابن يبرها يحبها يطيعها
اما انا فيكفيها مني الصمت الان
وجهت نظر شخصية
ولا ينطبق القول على الكل فتوجد من تستحق ان تتربع فوق الرؤوس
كل واحد يخدم بلاصتو
السلام عليكم أختي
بالتأكيد من المستحيل أن يحل أحد مكان الأم أو يشاركها في معزتها مهما حاولنا
هوني عليك يا أختي ربي يكون معاك و يجازيك على صبرك و سكوتك تجنيا للمشاكل
و هذا من حسن الأخلاق التي يرمي إليها هذا الموضوع و الدنيا ابتلاء و الحمد لله
أنها جاءت منها و ليس من الزوج
ربي يهنيك و يعوضك خيرا و بارك الله فيك على المرور و المشاركة

كاميلا
2016-02-20, 22:12
الاحترام مع الناس كامل هدا من تربيتي اما من يغلط معايا يعود راسه يوصل للسطح منقللش من احترامه بل اتبع قاعدة بسيطة وخصوصا مع من يؤديني الا وهي عتاب الندل اجتنابه حتى ولو كانت امه اجتنبها لادفع شرها عني لاني استهلكت كل طاقتي معها في التقرب الخ انا على يقين اني مظلمتهاش حتى انني اسعى دائما لتدكير زوجي بواجبه هو تجاهها دون علمها وهو علاباله بخرايبها ويعرفني باللي منحرشوش عليها يكفيني انه منصفني عليها وميسمعش ليها لا اتكلم عنها بتاتا ومنحكيلوش ظلمها والحمد لله كي يصادف ونتلاقاو زوج كلمات ونقص عليا مخليتها تغلط وتربح العيب خاطر كما تدين تدان والحمد لله
بصح في مقام امي هههه مضحكينيش حتى خالتي اخت امي منعتبرهاش في بلاصتها فمابالك وحدة معنديش معاها صلة رحم ! تجي في بلاصة امي ! هدا عقوق في حق امي الحبيبة انا نهار مرضت ودخلت للسبيطار شفت امي تمشي على الارض تزحف من الخلعة بزاف وبابا وجهه صفر هادو اللي شفتهم قريب ماتو على جالي بعيد الشر مشفت لا العجوزة جاتني لا قاتلي قداش في الساعة نحطها كيما ما !! هههه
عدرا فمكانة امي لن يصل ايها احد

نور لاتراه
2016-02-20, 22:56
السلام عليكم
عنوان موفق لانه يحوي نفس الكلمة "الام"
فان كان الرضى هو المراد فاشعارها بدور ابنتها بكل عفوية وبصدق يحقق ذلك باذن الله

رجائي فيك
2016-02-21, 00:07
السلام عليكم
لا اعتقد هذا لا من ناحية الشرع و لا من ناحية العاطفة
حتى لو اكرمتني و عاملتني جيدا
فستملكني لكنها لن تكون بمرتبة امي حبيبتي
و في حين انها قامت بمعاملتي بسوء و خبث ستبقى تربيتي ووصايا امي حاضرة لن ارد لها صاع صاعين بل اعتبرها بلاء و صبر حل له ادفع بالتي هي احسن و الاجر محتسب
استغفر الله و اتوب اليه

AMINA.Z
2016-02-26, 16:12
لكل شخص مقامه و لا مجال للمقارنة

FroM Hell
2016-02-26, 21:05
كلام حبر على ورق
لا يخفى على احد النيران المشتعلة بين الكنة والحماة
خلوني ساكت احسن

دينا10
2016-02-27, 14:21
كل وحدة في بلاصتها يقول المثل الشعبي من اعز اليك امك ام زوجة ابيك ؟ قيل زوجة ابي ولي في القلب في القلب !! ههه

docteurtobibe
2016-03-29, 07:43
حاولت التودد لكن هيهات لم يقيمني احد العرايس نعرف يعملوهم عرضات ولو ووماكنش العروس كي تشوفها اول مرةلعجوز تعطيها هديةولو رمزية ولو امشفتش انا عندها 7 بنات يلي في الدار يلي مزوجة كامل اعطيتهم هدايا كي جيت عروسة هم والو واش معناها مرات نمرض والله ماتقلي حتى بالكذب بريتي للعلم نسكن وحدي فوق بيت العجوز

أم ريتاج زهرة
2016-03-29, 10:13
علاش ماديروش سؤال
زوجة إبنك في مقام بنتك ؟؟؟؟ دائما تحصلو في العروسة هي الضالمة
حسبي الله و نعم الوكيل

حضنية28
2016-03-29, 10:25
السلام عليكم
بارك الله فيك
وهذا يدخل في باب الاحسان والاحترام

ذكـــــرى
2016-03-29, 11:04
موضوع يستحق أن يسال عليه حبر كثير
فالمجتمع كله يوغر صدر هذه عن تلك
أرأيتِ ذا : ( أمُ زوجكِ في مقامِ أمُك

صحيحٌ أنَ ليس لأمِ زوجكِ حَق واجب عليكِ ,,)
بعضهن تتوقفن عند النقطة!على نهج المشركين عندما قالوا: ويل للمصلين .(نقطة) فمن سيصلي بعد ذا☺
وتتناسين أن أمهاتهن حموات وأنهن إن شاء رب العالمين ستكن حموات وماذاك إلا كلمح البصر!
واحدة بعد أن أكلت لحم أم زوجها في كل جلسة... لو تحدثت عن أي موضوع في الشمس أو القمر لحوّرته لتعود لأم زوجها
ثم تكيلها من الضحك والسخرية والدعاء بالموت وكل الشرور ....تقول مرة محرضة زميلة لها: une belle mere c est une belle mere!!!
فقلت متسائلة فأمك أيضا c est une belle mere؟

كأنها ادكرت بعد غفلة وردت على الفور لالا أمي غيييير ......

وأخرى شاهدتها في مجلس ،حماتها فيه، تقول دون أن تنظر إليها محدثة الجميع بصوت يشبه صوت الحق!
قالت: ياما ياما ياما امرا وراجلها متفاهمين بصح يماه كانت سبب الطلاق كي الشيطان!

فردت إحدى الأمهات: يا ابنتي وياما ياما ياما أمهات كن في بيوتهن معززات مكرمات فجاءت الكنة وصارت دور العجزة هي المأوى
ولك فيها خير جواب....في سري قلت لها حياك الله ولا فض فوك يا أم.

زميلة لي تحكي لي شيئا أذهلني تقول توفيت عجوز وفي الصباح ذهب أولادها مع زوجاتهم وقفوا على قبرها كعادة كل الجزائريين
كان الأبناء يدعون لها وكانت النسوة تدعين عليها ! وهم يظنون العكس، تقول والله سمعتها تقول لا رحمك الله روحي إن شاء الله من هنا إلى جهنم الحمراااا!!! يا إلهي ! حتى في حضرة الموت!؟ أي جاهلية ذي!

لست أقول أن كل الحموات طيبات ولكني أقول رفقا بهن، ماذا لو كانت أمك؟ من منا اختار أمه؟ لا أحد يختار والديه ....إن كانت صالحة كان بها وإن لم تكن فعامليها بأخلاقك لا حسب أخلاقها، افرضي انها أمك وهي بتلك الطباع! هل كنت ستفضحينها؟ ستدعين عليها ؟أم ستطردينها!
لعل لي عودة إن كان النقاش مازال ...
لأني لاحظت أن أصحاب المواضيع لا يهتمون بالرد على تعليقات الأعضاء أو بالأحرى على تعليقاتي
وليس ذا مهما جدا☺
.
.

nihal159
2016-03-29, 13:14
هي أبدا لن تصل إلى مقام أمي؛ ياحسرة كون جات تحبني عُشُر واش تحبني ماما؛ نديرها عليا سلطانة ونقولها تأمري يالالة؛ بصح الحماوات يحبو غير مصلحتهم؛تحبك تخدميلها و طيعيها و في المقابل كلمة يعطيك الصحة ماتسمعيهاش؛ وأي كلمة تقولك شكون كبرلك راجلك؟؟؟؟حتى أنا كبروني والديا و تعبو عليا تربية و مصروف؛ علاه والديا زوجوني بيبي و نتوما لي ربيتوني و تعبتو عليا؟؟؟؟؟؟
علاه الزوج غير مطالب بمساعدة نسابو؛الرجال لكل جابدين رواحهم و يقولك هكذا خير باش بقى لقدر؛ خلاص؛ مادام هذي هي العقلية أنا تاني نجبد روحي على مواليه باش يبقى لقدر و نبقى عزيزة؛ إن شاء الله ماسمعوش ومش رايحين يسمعو مني حاجة مش مليحة؛ وانتهى أكثر من هكذا ماكانش.

docteurtobibe
2016-03-29, 17:44
بالله عليكم يلي تسكن زعما وحدها فوق سكن الحماة مفروض عليها تهبط كل مرة من اجل العجوز انا عازمة اني ننزل بالمناسبة واش رايكم تخيلو ولو مرة العجوز جات تطل رغم انو ابنها يروح بكري وما يرجع حتى المسا ولا مرة جات غيرانا اذا هبطت ولا ما هبطت ما يجيني حد الا اذا احتاجو غرض للاشارة ولا مرة قلتلهم اعطوني حاجة

طاعة زوجي ..
2016-03-31, 01:15
ح موضوع يستحق أن يسال عليه حبر كثير
فالمجتمع كله يوغر صدر هذه عن تلك
أرأيتِ ذا : ( أمُ زوجكِ في مقامِ أمُك

صحيحٌ أنَ ليس لأمِ زوجكِ حَق واجب عليكِ ,,)
بعضهن تتوقفن عند النقطة!على نهج المشركين عندما قالوا: ويل للمصلين .(نقطة) فمن سيصلي بعد ذا☺
وتتناسين أن أمهاتهن حموات وأنهن إن شاء رب العالمين ستكن حموات وماذاك إلا كلمح البصر!
واحدة بعد أن أكلت لحم أم زوجها في كل جلسة... لو تحدثت عن أي موضوع في الشمس أو القمر لحوّرته لتعود لأم زوجها
ثم تكيلها من الضحك والسخرية والدعاء بالموت وكل الشرور ....تقول مرة محرضة زميلة لها: Une belle mere c est une belle mere!!!
فقلت متسائلة فأمك أيضا c est une belle mere؟

كأنها ادكرت بعد غفلة وردت على الفور لالا أمي غيييير ......

وأخرى شاهدتها في مجلس ،حماتها فيه، تقول دون أن تنظر إليها محدثة الجميع بصوت يشبه صوت الحق!
قالت: ياما ياما ياما امرا وراجلها متفاهمين بصح يماه كانت سبب الطلاق كي الشيطان!

فردت إحدى الأمهات: يا ابنتي وياما ياما ياما أمهات كن في بيوتهن معززات مكرمات فجاءت الكنة وصارت دور العجزة هي المأوى
ولك فيها خير جواب....في سري قلت لها حياك الله ولا فض فوك يا أم.

زميلة لي تحكي لي شيئا أذهلني تقول توفيت عجوز وفي الصباح ذهب أولادها مع زوجاتهم وقفوا على قبرها كعادة كل الجزائريين
كان الأبناء يدعون لها وكانت النسوة تدعين عليها ! وهم يظنون العكس، تقول والله سمعتها تقول لا رحمك الله روحي إن شاء الله من هنا إلى جهنم الحمراااا!!! يا إلهي ! حتى في حضرة الموت!؟ أي جاهلية ذي!

لست أقول أن كل الحموات طيبات ولكني أقول رفقا بهن، ماذا لو كانت أمك؟ من منا اختار أمه؟ لا أحد يختار والديه ....إن كانت صالحة كان بها وإن لم تكن فعامليها بأخلاقك لا حسب أخلاقها، افرضي انها أمك وهي بتلك الطباع! هل كنت ستفضحينها؟ ستدعين عليها ؟أم ستطردينها!
لعل لي عودة إن كان النقاش مازال ...
لأني لاحظت أن أصحاب المواضيع لا يهتمون بالرد على تعليقات الأعضاء أو بالأحرى على تعليقاتي
وليس ذا مهما جدا☺
.
.

بارك الله فيك اختي الكريمة كلامك درر جوزيتي خيرا إن شاء الله
بغض النظر عن إن كانت العجوز طيبة أم لا وبغض النظر عن إن كانت علاقتها مع كناتها جيدة أم سيئة ولكن من باب الاحترام والإحسان الأولى معاملتها بما يرضي الله. وتفقد أحوالها بين الحين والآخر. أولا لأنها أم زوجك وجدة اولادك شئت أم ابيت.
ثانيا انت ايضا ستصبحين حماة يوما ما وما أدراك انك لن تصيري مثلها أو أسوأ. لا أحد فينا يضمن أو يتوقع تصرفه في أي لحظة فما بالك بالمستقبل. أيضا من منا لا ترغب أن يكافئها الله على صبرها واحسانها لحماتها بكنات طيبات يحترمنها ويحسن اليها
شخصيا لي ولدين أدعو من الآن أن يرزقهن الله زوجات صالحات خلوقات. اكيد لا أتصور نفسي بعد أن أنجبتهم ورعيتهم وربيتهم حتى صاروا رجالا أن يتركوني وحيدة في كبري. على الأقل يبقى معي أحدهم يؤنسني وتقر عيني برؤية أحفادي قربي.
للأسف الآن أصبح كل طرف يتعنت بما يسمى الكبرياء والأنفة والعزة رامين وراء ضهورهن العفو ناسينا الآية التي نزلت في أبو بكر الصديق.... فاعفوا واصفحوا الا تحبون أن يغفر الله لكم....... ورغم أن مسطح بن اثاثة تكلم في شرف ابنته زوج الرسول صلى الله عليه وسلم عائشة رضي الله عنها. الا انه بعد أن منع عليه النفقة التي كان يعطيها إليه. نزل الوحي يحثه على مسامحته ورد النفقة إليه.
أليس الأولى بنا نحن أن نسامح ونعفو عوض أن نبقى نتصيد في الأخطاء والسلبيات ونضخم الأمور ونترك للشيطان الفرصة لملئ صدورنا بالحقد والغل اتجاه حماتنا أو أي شخص آخر

قد تقولون اني ادعي المثالية الزائدة ولكن الله يعلم اني أحكي من واقع اعيشه. صحيح أن حماتي طيبة وحنونة ولكن أي بيت لايخلو من المشاكل ولو كانت خفيفة. وقد تقولون اني أسكن لوحدي. بالعكس أنا أسكن في بيت عدد أفراد يفوق العشرة. ١٥ فردا وأكيد سيحدث هناك ضغط وتعب وصراخ يومي وإرهاق شديد. وكلنا في مطبخ واحد وما أصعب أن تطبخي ل15 شخصا مع اختلاف طلباتهم وشروطهم. اكيد أتمنى أن يرزقني الله بسكن خاص أعيش فيه مع طفلاي وزوجي. ولكن الأرزاق بيد الله فإن كان مكتوبا لي أن أسكن لوحدي ولو بعد حين كان بها وإن لم يكن مقدرا لي ذلك فهي إرادته سبحانه وتعالى ولا اعتراض على مشيئة الله
أعلم أن بعض الحموات صعبات الطباع وقاسيات وفي المقابل هناك بعض الكنات لاتعليق. تحب الرجل لوحده دون أهله وكأنه قد نزل من السماء أو كأنه مقطوع من شجرة كما يقال بالعامية
أعرف عجوزا اصيبت بالزهايمر كل كناتها رفضن خدمتها تتنقل بين بناتها وأولادها الرجال يتنعمن مع زوجاتهن. وكأنها ليست أمهم التي أنجبتهم وربتهم.
.... بروا ابائكم تبركم ابنائكم...... يعني الدنيا سلف ودين والدنيا دوارة وياسعدك يافاعل الخير

كاميلا
2016-03-31, 08:03
ح

بارك الله فيك اختي الكريمة كلامك درر جوزيتي خيرا إن شاء الله
بغض النظر عن إن كانت العجوز طيبة أم لا وبغض النظر عن إن كانت علاقتها مع كناتها جيدة أم سيئة ولكن من باب الاحترام والإحسان الأولى معاملتها بما يرضي الله. وتفقد أحوالها بين الحين والآخر. أولا لأنها أم زوجك وجدة اولادك شئت أم ابيت.
ثانيا انت ايضا ستصبحين حماة يوما ما وما أدراك انك لن تصيري مثلها أو أسوأ. لا أحد فينا يضمن أو يتوقع تصرفه في أي لحظة فما بالك بالمستقبل. أيضا من منا لا ترغب أن يكافئها الله على صبرها واحسانها لحماتها بكنات طيبات يحترمنها ويحسن اليها
شخصيا لي ولدين أدعو من الآن أن يرزقهن الله زوجات صالحات خلوقات. اكيد لا أتصور نفسي بعد أن أنجبتهم ورعيتهم وربيتهم حتى صاروا رجالا أن يتركوني وحيدة في كبري. على الأقل يبقى معي أحدهم يؤنسني وتقر عيني برؤية أحفادي قربي.
للأسف الآن أصبح كل طرف يتعنت بما يسمى الكبرياء والأنفة والعزة رامين وراء ضهورهن العفو ناسينا الآية التي نزلت في أبو بكر الصديق.... فاعفوا واصفحوا الا تحبون أن يغفر الله لكم....... ورغم أن مسطح بن اثاثة تكلم في شرف ابنته زوج الرسول صلى الله عليه وسلم عائشة رضي الله عنها. الا انه بعد أن منع عليه النفقة التي كان يعطيها إليه. نزل الوحي يحثه على مسامحته ورد النفقة إليه.
أليس الأولى بنا نحن أن نسامح ونعفو عوض أن نبقى نتصيد في الأخطاء والسلبيات ونضخم الأمور ونترك للشيطان الفرصة لملئ صدورنا بالحقد والغل اتجاه حماتنا أو أي شخص آخر

قد تقولون اني ادعي المثالية الزائدة ولكن الله يعلم اني أحكي من واقع اعيشه. صحيح أن حماتي طيبة وحنونة ولكن أي بيت لايخلو من المشاكل ولو كانت خفيفة. وقد تقولون اني أسكن لوحدي. بالعكس أنا أسكن في بيت عدد أفراد يفوق العشرة. ١٥ فردا وأكيد سيحدث هناك ضغط وتعب وصراخ يومي وإرهاق شديد. وكلنا في مطبخ واحد وما أصعب أن تطبخي ل15 شخصا مع اختلاف طلباتهم وشروطهم. اكيد أتمنى أن يرزقني الله بسكن خاص أعيش فيه مع طفلاي وزوجي. ولكن الأرزاق بيد الله فإن كان مكتوبا لي أن أسكن لوحدي ولو بعد حين كان بها وإن لم يكن مقدرا لي ذلك فهي إرادته سبحانه وتعالى ولا اعتراض على مشيئة الله
أعلم أن بعض الحموات صعبات الطباع وقاسيات وفي المقابل هناك بعض الكنات لاتعليق. تحب الرجل لوحده دون أهله وكأنه قد نزل من السماء أو كأنه مقطوع من شجرة كما يقال بالعامية
أعرف عجوزا اصيبت بالزهايمر كل كناتها رفضن خدمتها تتنقل بين بناتها وأولادها الرجال يتنعمن مع زوجاتهن. وكأنها ليست أمهم التي أنجبتهم وربتهم.
.... بروا ابائكم تبركم ابنائكم...... يعني الدنيا سلف ودين والدنيا دوارة وياسعدك يافاعل الخير


نعم انت مثالية لانك حصلت على حماة طيبة اللي يده في النار مش كيما اللي يده في الماء لم تعتبرني كابنتها شوفي منقولكش راهي كلامها مسموم الخ من امشاكل اللي تافهة انا عملتلي كل ما يخطر على بالك من منكر حتى السحر اتهمتني بالسرقة كذبت عليا حاولت تشويه سمعتي فبالله عليك هل هاذي في مقام امي رغم اني قررت ان لا اتكلم عنها مجددا بصح حالتك متقيسيهاش على كل الناس
بربك كيفاش كيف تدين تدان في هذه الحالة سانفذ بجلدي احسن او هل ابقى اتلقى السموم بصدر رحب الشي اللي مصبرني ان الله كان معي الحمد لله يكشفها في كل مرة وزوجي اغلبية ماحدث لا يعرف به تحمد ربي كي مانيش نشعل في النار بينها وبين ولدها رغم اني واثقة انه علاباله بشوية من خرايبها لانه نفس الامر حدث مع زوجة اخيه الاولى ولهذا اغض النظر ولااتكلم بتاتا عنها او عن اهله
تقولي الدنيا دوارة فاش رح دور عليا ؟ لاني اتجنب الاذى ؟ ولدها يروحلها كل يوم تمرض يعطيها النقود في كل مناسبة يتفكرها وانا حاكمة سابعي ليا الا في االمناسبات والمرض نروح نطل 30 دقيقة ونولي لداري
المثال اللي ذكرتيه على الزهايمر ديما نقول كون غير جاتني كبيرة في العمر قد جداتي والله نحطها كي ننا ونرفدها عادي خاطر جداتي كنت دايما في العطل نروح نقوم بيها بصح هاذي راهي صحيحة فصيحة غير في الخمسينات حتى اللبسة تعابرني فيها واعرة العحوزة الصغيرة والله لكبيرة خير تحسيها كي جداك كي تخرف تحمليها عادي وتقومي بيها عادي بصح هادي واش اللي نقوم بيها ؟ نخلي داري ونروح نطيب ونغسللها كيما كنت بهلولة في الاول خلاص زمن التبهليل انتهى

كاميلا
2016-03-31, 08:12
وكيما قلتي مرفدوهاش كناينها الاجدر بك تقولي اولادها الذكور هم ملزومين بيها الكنة راهي برانية لا تربطها صلة رحم بالعجوزة متناقشينيش فيها خاطر هادي في الشرع غير ملزومة بخدمتها
القي اللوم على اولادها الدكور نعرفوا واحد ساكن مع اخوته كل واحد في طابق متزوجين رفد امه هو كانت جد مريضة تتبول على نفسها الخ جابلها ممرضة تهتم بها طوال النهار مستخسرش فيها الدراهم

اغلبية هادوا اللي داروا فيهم اولادهم الدكور خاطر معرفوش يربيو رباوهم تربية خاسرة يا على الانانية وعدم تحمل المسؤولية يا اما كانوا غير عادلين بين اولادهم خصوصا بين الولد والبنت اول من يحصد هاد الثمار هوما وبعدها زوجات ابنائهم

طاعة زوجي ..
2016-03-31, 08:30
اخت كاميلا أتفهم وجهة نظرك اختي وعارفة مليح هادو النوع من العجائز. بصح انتي راكي ديري بالضبط واش قلت عليه تعامليها بأخلاقك وتسكتي عليها وهذا احسن حل في حالتك. لوكان جيتي من النوع اللي يكثر معاها الهدرة بالاك توصلو للمستحيل. انتي قلتي انك بزاف أمور دارتهملك وراجلك ماشي سامع بيهم اصلا هذه نقطة تحتسب لك لا عليك. وهو يعني زوجك اكيد عارف يماه مليح. لكن لو تظلي تهدري عليها بكلام ماشي مليح وتشتكي منها قدامو اكيد ماراحش يقبل لأنو هاذي امو ومايقدرش يغيرها. بتصرفك هذا ربحت زوجك لصفك والحقيقة اكيد تبان
وانا كي قلت الدنيا دوارة راني نحكي بالعموم اختي. أصلا انا مانعرفش حكايتك وضروفك كيفاه حتى نهدر عليك ونرمي التهم جزافا. عيب عليا. انا قلت لأنو بزاف عجايز نعرفهم راهم مساكن يترماو من دار لدار وانا هنا مانلومش العروس قد مانلوم الزوج هو اللي يماه ومن واجبو يبرها كي تكبر ماشي يتكرها عند النساب تتمرمد وهو متمتع بحياتو
تاني عجوزتي مثلا عانات من عجوزتها وناس دارها بكري. لكن صبرت على وجه زوجها وعاملتها بما يرضي الله. ودوكا صدقيني رانا معاها الحمد لله يعني شوية من الحنة وشوية من رطابة اليدين هي عاقلة ولسانها حلو وحنا عاقلين ومانكثروش الهدرة والعياط. ورانا مع بعض صابرين حتى يفرج ربي سبحانو
وصح واش قلتي انا راني نتكلم من بيئتي والحمد لله ماعانيتش من هادي الأمور. برك نصيحة اذا قدرتي طبقيها. حاولي تسامحيها من قلبك أولا وقبل كل شيء لراحتك صدقيني راح ترتاحي بزاف. جربتها مع شخص اذاني أذى كبير وكي رغمت نفسي وسامحتو من اعماقي نفسيتي تبدلت 180 درجة تحسي براحة وسكينة رائعين
اسمحيلي اذا كان ردي الأول ازعجك بصح انا دايما شعاري مع الناس الكل هو..... التمس لأخيك سبعين عذر فإن لم تجد فقل لعل له عذرا لا أعرفه.... لاقيا روحي بيه. ومالقري مرات نبان نية ومهبولة بصح رابحة راحة بالي ومهنية روحي

ربي يهنيك حنونة ويهدي عجوزتك للخير ويخليلك زوجك تاج فوق رأسك

طاعة زوجي ..
2016-03-31, 08:41
انا قلت مارفدوهاش كناينها لأنو هوما اللي يظلو معاها في الدار مهما كان ولادها يظلو خدامين وطبعا الأبناء هوما اللي يتلامو بالدرجة الأولى اما العروسة اكيد ماهيش ملزومة بخدمة أم زوجها شرعا. لكن عندنا قاعدة أصولية تقول في المذهب المالكي المعروف عرفا كالمشروط شرطا. وأيضا من باب الاستحسان
أما عن تربية الأبناء حدث ولا حرج تلقايهم المعاملة مختلفة والكيل بمكيالين في عديد من العائلات الجزائرية. الرجل أو الطفل الذكر معاملة مختلفة وكأنو أمير زمانو واش يدير مباح وماعليش وكل حاجة مليحة ليه سواء أكل ولا تحواس ولا لبس. والنتيجة كائن أناني يحب نفسو ينظر للمرأة ككل نظرة دونية وكأنها مخلوق أدنى منو منزلة. بل قد يصل الأمر بالبعض إلى الضرب والإهانة. وطبعا هذا كلو خطأ الآباء والأمهات وحتى الجد والجدة
حنا في عائلتنا أخ وحيد وسط أربع بنات. ابي ويما يعاملوه عادي. يأكل واش ناكلو. المعاملة والتوبيخ نفس الشيء. اللبس والمصروف كيف كيف والحمد لله أخي طيب وحنون علينا.
الخلاصة أنو هادو التصرفات نتاع أغلب الرجال أو أشباه الرجال ماهي إلا ترسبات الماضي وسوء التربية من الصغر

كاميلا
2016-03-31, 08:45
اخت كاميلا أتفهم وجهة نظرك اختي وعارفة مليح هادو النوع من العجائز. بصح انتي راكي ديري بالضبط واش قلت عليه تعامليها بأخلاقك وتسكتي عليها وهذا احسن حل في حالتك. لوكان جيتي من النوع اللي يكثر معاها الهدرة بالاك توصلو للمستحيل. انتي قلتي انك بزاف أمور دارتهملك وراجلك ماشي سامع بيهم اصلا هذه نقطة تحتسب لك لا عليك. وهو يعني زوجك اكيد عارف يماه مليح. لكن لو تظلي تهدري عليها بكلام ماشي مليح وتشتكي منها قدامو اكيد ماراحش يقبل لأنو هاذي امو ومايقدرش يغيرها. بتصرفك هذا ربحت زوجك لصفك والحقيقة اكيد تبان
وانا كي قلت الدنيا دوارة راني نحكي بالعموم اختي. أصلا انا مانعرفش حكايتك وضروفك كيفاه حتى نهدر عليك ونرمي التهم جزافا. عيب عليا. انا قلت لأنو بزاف عجايز نعرفهم راهم مساكن يترماو من دار لدار وانا هنا مانلومش العروس قد مانلوم الزوج هو اللي يماه ومن واجبو يبرها كي تكبر ماشي يتكرها عند النساب تتمرمد وهو متمتع بحياتو
تاني عجوزتي مثلا عانات من عجوزتها وناس دارها بكري. لكن صبرت على وجه زوجها وعاملتها بما يرضي الله. ودوكا صدقيني رانا معاها الحمد لله يعني شوية من الحنة وشوية من رطابة اليدين هي عاقلة ولسانها حلو وحنا عاقلين ومانكثروش الهدرة والعياط. ورانا مع بعض صابرين حتى يفرج ربي سبحانو
وصح واش قلتي انا راني نتكلم من بيئتي والحمد لله ماعانيتش من هادي الأمور. برك نصيحة اذا قدرتي طبقيها. حاولي تسامحيها من قلبك أولا وقبل كل شيء لراحتك صدقيني راح ترتاحي بزاف. جربتها مع شخص اذاني أذى كبير وكي رغمت نفسي وسامحتو من اعماقي نفسيتي تبدلت 180 درجة تحسي براحة وسكينة رائعين
اسمحيلي اذا كان ردي الأول ازعجك بصح انا دايما شعاري مع الناس الكل هو..... التمس لأخيك سبعين عذر فإن لم تجد فقل لعل له عذرا لا أعرفه.... لاقيا روحي بيه. ومالقري مرات نبان نية ومهبولة بصح رابحة راحة بالي ومهنية روحي

ربي يهنيك حنونة ويهدي عجوزتك للخير ويخليلك زوجك تاج فوق رأسك


والله الناس كامل نسامحهم غير هي الله غالب دارت اللي ميندارش وراني وكلت ربي رح يجيبلي حقي خاطر الواحد راه ساكت وكاتم في قلبه حتى انا دم ولحم مرضتني في صحتي نرد لقلبي كون مجاش منتدى مشكلتي كون راني فلطت من زمان بصح استخلصت لنتيجة العجوزة اللي مليحة مع راجلها مديرش المشاكل لولادها بصح االلي مش مليحة معاه تقلب الدنيا على عرايسها ينتقموا من اللي خاطيهم كونهم يملكون شخصية ضعيفة
جربت مرة نهدر معاها عادي تكلمت على بلد عربي قالت خيرمن الجزاير قتلها مش خيرمنا هوما ايضا متخلفين كيفنا ومعندهمش استقرار سياسي الخ كلاتني مخلاتليش من كلام تعدت فيه الحدود والمقارنة قاتلك انا مستوى 9 احسن من الجامعيات واصبحت المحادثة جدال عقيم من داك النهار فمي مقفول كون نروح منزيدش على وشراكي لاباس وقافلة فمي وتذكرت انه ملازمش تعاندي واحد حاقد وحاسدك او الجاهل رح يغلبك ويجرك لمستواه المتدني
عام زواجي الاول ديته كامل وانا نحاول معاها نحاول نرضيها نهديها نشكرها في الاخير لقيتها تعفرتت وحسبتني حاشاك نشيتلها ؟علاش ماشي امي اولى بهاد البر من هاذي اللي حاطتني كلبة عند ولدها

المهم ربي يخليلكم حماتكم والله نسخف كي نشوف هكد نقول وشمن زهر عندي طحت فيها متخافش ربي وساعات نقول ربي وشركت بيه هاذي راهي كارثة

جومانةج
2016-03-31, 14:31
نقولكم حاجة انا و الله جابتها مورايا حتى طلقني راني في العدة و راني حامل و طلقني بسببها حسبي الله و نعم الوكيل فيه و فيها

صبرا13
2016-03-31, 15:02
نقولكم حاجة انا و الله جابتها مورايا حتى طلقني راني في العدة و راني حامل و طلقني بسببها حسبي الله و نعم الوكيل فيه و فيها

الم يجلس كباركم في مجلس صلح؟

جومانةج
2016-03-31, 15:14
للاسف لا و الله ما جا حتى واحد حوس عليا و على ولدت على خاطر عي ولد عندو عامين و راني حامل بالقاني و الله ما جا حوس على ولده و ما جاو لا عمامه لا باباه حتى واحد. و المشكل هادي مربياتو برك هي مرت عمو و عندو والديه و الله ما يروحلهم راه في ثمن سنين و باباه يعيطلو عمي و كل شيء بسببها انا حاولت نصلح العلاقة مع والديه قبل ما يطلقني بشهر قالي تزيدي تحكي على عليهم نطلقك حسبي الله و نعم الوكيل و الله قتلني مانيش مامنة بلي طلقني

جومانةج
2016-03-31, 15:22
كلش منها بسببها ماجاني حتى واحد على خاطر متجبرة ويخافو منها كامل حسبي الله و نعم الوكيل فيها و المشكل مرة كبيرة عمرها ثمانين سنة و ماهيش خاؤفة من الحساب و عقاب ربي ليها حايبة روحها تخلد و المشكل هو راه متكل عليها غي هي و الله كلش يقوله ليها كلش يعاودو ليها وهي عمرتلو راسو

صبرا13
2016-03-31, 15:33
السلام عليكم و رحمة الله و بركاته
الم تسمعي اخواننا في مصر يقولون " ابعد عن الشر و غنيلو " ، أنا امزح اراك مهمومة أردت ان اضحكك قليلا
الحقيقة اسأل الله ان يفرج كربتكي، فادعي الله ان كان فيه خير ان يجمع شملكما، او يعوضك بزوج احسن منه، و لكن تعلمي يا بنيتي، ان ام الزوج ( و ان كانت اللتي ربته) دواء قد يكون مرا و لكن لا استغناء عنه، فان دخلت معها باب هذا يصح و لا يصح، و نعلم كبير السن يعتقد انه يعلم الدنيا و ما فيها، خرجت بخفي حنين، و لكن صمت، و صبر و تغافل و احتساب يكون هذا باب السلامة، اسأل الله ان يتمم حملك على خير و يرزقك من فضله الواسع.

جومانةج
2016-03-31, 16:09
تامني يا خالتي و الله الذي لا اله الا هو عمري ما قلتلها كلمة اذيتها بيها لا هي و لا بناتها هو يعمل في ولاية اخرى و عندما اراد اخذي معه قالتي انت رزحي معاه والله يا انا يا انتي و الايام بيننا و رغم ذلك كنت نجي عندها و نخدمها و نطبخلها يعني كنت نتعامل معها بالحسنى ماتت بنتها الكبيىة مربيتها كدلك كنت انا الاولى و بقيت حتى بعد العزاء بقيت عندها قريب شهر مبن كانو يجو يعزوها انا ماتت جدتي ام ابي و الله ما جابني ولدت اختي و الله ما جابني اخي راح يدير الفاتحة نتاعو و عرضوه و الله ما جابني اخي راح للعمرة نفس الشيء ولد اختي دخل للمستشفى ما جابنيش قبل ما يطلقني بنت عجوزتي مات شيخها رحت بقيت ستة ايام عندهم و ولدي مريض و انا نتوحم و الله التعب الي فات عليا ربي يعلم بيه و الله ما حوس عيا مين رحنا للدار ضربني حتى كان يغنى عليا و كان دايما يضربني و كنت صابرة و ما كنتش نحكي لدارنا لكن تلك المرة اتصلت باهلي جات ماما و اخي قاللهم طلقتها دوها عليا حسبي الله و نعم الوكيل فيه

جومانةج
2016-03-31, 16:23
بارك الله فيك وجزاك الله خيرا على التخفيف علي و نتمنى ما كنتش ثقيلة عليك

صبرا13
2016-03-31, 16:34
السلام عليكم و رحمة الله و بركاته
لا يا بنيتي لم تكوني ثقيلة علي. و لكن رق قلبي لحالة، الحقيقة في الكثير من العائلات الجزائرية تجد العروس أو الكنة قسوة لا أعلم من أين يأتون بها. و لكن يا بنيتي حتى في الدول المتقدمة تجد الإنسان يعمل دون انقطاع لأجل اجر يعيش به،فنرجو أن بناتنا يكن صبرورات، و يرفعن التحدي. أما الضرب فالحقيقة، انا لا احترم الرجل الذي يضرب المرأة لأجل الصغائر و قال الرسول (ص) لا تجد اولئك خياركم.
صلي يا بنيتي و ابتهلي في الدعاء أن يرزقك الله بكل خير. و أن يهدي أبنائك سواء السبيل. فالله هو إله المستضعفين في الأرض و هو اللذي ينصرهم و هو إله الناس اجمعين