النجده راجلي حاب الشفلور في الفور

[ome-leila]

:dj_17::mh92::mh31::sdf::sdf:


عندي شفلور و ما عرفتش كيفاش نطيبو في الفور مع اللحم مرحي و انا الابداع خلص ملا فكوني تربحو فيً حجةان شاء الله

[ام اسماء82]

بالنسبة للوصفة الاولى غلي الشوفلور وحضري صلصة البيشاميل عبزي بالفرشيطة الشفلور حطيه في سني وضعي من الفوق صلصة البيشاميل والفرماج قطع صغيرة ودردري عليها الشابلير من الفوق ثم الى الفرن
الوصفة الثانية هايلة وجي خفيفة تغلي الشفلور تعبزيه بالفرشيطة طيبي من جهة اخرى بصلة مقطعة مع شوية تع الزيت ثم اضيفي الكفتة الملح والفلفل خلطيها مع الشفلور زيدي عليها المعدنوس مقطع رقيق وضعيه في بلا تع كوشة وزيدي عليها خليط كاس حليب و 2 بيض ملح وفلفل مضربين ثم الفرماج رابي من الفوق يجي كي السوفلي
ملاحظة خليط الحليب والبيض يتغير حسب حجم البلاتو ويمكن اضافة الفرماج قطع في كلتا الوصفتين
دعوة خير ليا باش يسهلي ولادتي ولبنتي اسماء المعاقة باش ربي يشفيهالي يارب

[foudad]

ana choufleur nfawrou m3a batata w nesna3 sauce bichamel .... ndir fel moul batata w choufleur wl bichamel nkhaletha m3a bayd hsabe le plat ta3ek w rapi fromage we lel four heta yethamer mel fouk welah rfoouurr ...w nsite batata w coufleur dirilhom melh w hroure c tout

[oumdjihadjoujou]

انا عندي طريقة كون تجربيها ماتقدريش تغيريها مناه بنينة بزاف
غلي الشفلور في الماء و الملح ثم صفيه من الماء وافصلي الزهرات الصغيرة التي يتكون منها الشفلور واقليهم مثل البطاطا بدون بيض من جهة اخرى قلي اللحم المرحي مع البصل و الثوم و التوابل مثل تاع البوراك ثم مرقيه بقليل من الماء حوالي كأس بعدما يغلي طفي عليه ثم خلطي معاه الشفلور المقلي وكمية لابأس بها من الجبن المبشور و البيض المخفوق مثل اي غراتان و الى الفور

حتى بالدجاج يجي لذيذ جدا بنفس الطريقة لكن قي مكان اللحم المرحي طيبي نص صدردجاج في صوص بيضاء قليلة ثم فتتي الدجاج و خلطيه مع الشفلور المقلي و البيض و الجبن و قلبل من الصوص وطيبيهم في الفور