إخوتي أخواتي ادخولي راني قريب نهبل

[مشكلتي]

السلام عليكم
حبيت منكم تدعولي ربي يفرج عليا و يخفف عليا همي
انا نحب واحد كان يخدم معايا و كنا مع بعض 5 سنوات و كان كل مرة يقول لدارهم عليا بصح مقبلوش و الاب نتاعه رفض و قاله الا حبيت تتزوج بيها انا منحضرش لزواجك و هو قالي نزيد نقوله للمرة الاخيرة الا ماقبلش كل شئي يكمل بيناتنا ، انا كنت دايره في بالي باباه يقبل بصح صدمني مين قالي محبش و في الوقت اللي قالي محبش انا ربحت مسابقة و حرجت من المكان اللي كنت نخدم فيه و هو مين خرجت قعدنا على اتصال لمدة اسبوع من بعد مولاش يعيط خطرة على خطرة حتى قطع و انا محبيتش نزيد نعيطله في هذا الوقت قريب هبلت مرضت و دارنا حاروا فيا الله غالب مقدرتش ننساه كل وقت نطلب في ربي ينسيني فيه بصح الله غالب و البارح مرت خوه تخدم مع اختي قالتلها تزوج خلعوني شهر برك و تزوج مع طبيبة و من قبل كان يقولي انا منتزوج مع واحدة خدامة سيرتوا طبيبة
اسمحولي ملقيتش لمن نفرغ قلبي راني حابة منكم تدعولي يوم الجمعة ربي ينسيني فيه و يعوضني ما خير منو

[أنور]

لماذا كان والد الرجل يصر على رفضك؟ هناك بعض النقائص في الموضوع
المهم ربي يعوضك بللي يستاهلك

[لامْية]

لي باعك بالفول بيعيه بالقشور .القشور وخسارة فيه هذ الشخص مخادع نظن الطمع وحب المال دفعانه للتزوج من طبيبة خليه يشبع من زواجو انسان خداع ميستهلش تكتبي عليه حتا كلمة مشي موضوع عباد آخر زمان

[بلقيس الخاتون]

رفض والده كان حجة أو كذبه .
عساها خير لك و الخيره فيما اختاره الله ..تذكري قوله تعالى :
(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)
رددي دائما:
الحمد لله.

[ام رضوان]

السلام عليكم
ربي يفرج كربك ويهدي سرك ويرزقك بابن الحلال ويسعدك معاه ويهنيك اميييييييين
بصح يااااااختي هذا كيما قالت واحد الاخت راهو ممثل بارع وكان يعقب بيك في الوقت وانت كنت تضيعي في وقتك معاه .
رفض الوالد تاعو راه غير سبة راهو هوالي مش قابلك
وكي كان يقولك مانتزوجش بطبيبة راهو العكس راه كان يقصدلك يا لجايحة المغفلة راني رايح نجيبها طبيبة
وكلي عليه ربي وانت عيشي حياتك وانسايه راه انسان مايتاهلش تعذبي روحك عليه.
ربي يكون معاك ويقويك ويصبرك امييين

[مسلمة81]

تلافو في خلافو و هادا درس ليك قريب كبرت معاه و اللي يحب يتزوج يدخل للدار من الباب و هادا دار باباه سبة برك

[Chaima h]

ربي يفرج عليك اختي

[bello angel]

التمثيلية ببساطة هدا كان معاك و مكانش حاطك للزواج يعني لعب بيك
و مبعد طاح في طبيبة وحب يتزوجها وحب ينفضك عليه قالك بابا محبش
و كان خايف منك لا ديريلو مشاكل قالك انا كون تبقى غير طبيبة منزوجش بيها يعني يبعد فيك
كي خرجتي من محيط سكنه و عرفك بعدتي تزوجها
و هدا المعنى الحقيقي للراجل اللعوب اللي يتمسخر ببنات الناس وانتي افضل مثال للفتاة الغبية
ولاني كنت في يوم من الايام اغبي منك نكملك واش راح يصرا
راح تبقاي في قلبو جمرة و يندم و يرجعلك بعد فوات الاوان و يلقاك تخطبتي لواحد اخر
انتظر نهاية قصتك

[الباديسي]

البنت الفاضلة لاتصرح بحبها للرجل بل تتركه وتصرفاته فان هو يحبها فعلا لتكون شريكة حياته فيسعمل المستحيل ويبادر بالخطوبة.
والمكتوب وما اختاره الله خيراً وابقى فلا تندمي ولا تمرضي فربما شرا ابعده الله عنك والله اعلم. فصلي لله وتقربي وسيفرج الله.

[first first]

عوضك الله خيرا.

[تيمَهـ]

سذاجة البنات و أمنتيه كي كان يقولك نبغيك و نخطبك يا اختي الثقة فالوثيقة يقلك يبغيك قوليله من أول يوم رواح تخطب ماشي تهدري معاه و تكبري معاه ممبعد يكره منك و هو يتزوج و نتي تقعدي
و الله ما راكم عاطيين قيمة لرواحكم البنت فالاسلام جوهرة و معززة و مكرمة في بيت والدها كي الاميرة و الاب تاعها و امها الملوك و كي يبغيك واحد يفوت اولا على الملك و بعد قبوله يديك قدام الدنيا كلها ماشي بالتخبية و الهدرة فالليل و الله هكذا ارى الاسرة المسلمة و هكذا عزز الاسلام المراة غير الهدرة معاها يليييقلك تكون بصح نتوما غيرتو هاد الفكرة لي جا يهدر و يحشيلك مبعد كي يوجد روحه يخبطها بطبيبة

يا اختي ردي كرامتك شويا لروحك و متسمحيش انو اشباه الرجال يحسسوك كانك ما تسويش روحي سقدي علاقتك بربي و ان شاء الله يفتح عليك بما خير و نسي هاد الحشوة ما تبغيه ما والو تعلقتي بحلم فقط و ان شاء الله يا ربي تفرحي عن قريب

[غزلانْ]

خمسة سنوات و يتحجج بوالده و ما أدراك
كان على علاقتين في آن واحد و جعل رفض والده حجة
و لكن ربما هدا أفضل لك حاولي نسيانه
فليكن لك درس أن لا تخطئي مرة أخرى
بالتوفيق

[nanoua7]

شوفي اختي نقولك حاجة اللي يبيعك بالفول بيعوا بقشوروا كيما قالوا انتي عنك دعوة خير ربي هناك من واحد كيما هذا و ما تمرضي روحك ما والوا تجيبيها قا في روحك وهذا الشي قا بالمكتوب و انتي مزال مكتوبك ما جا و ان شاء الله يجيك سيد سيدوا

[فرج الله]

الشي اللي صرا راهو صرا وهذهي عبرة ليك ولبنات كامل كاين نسبة من الناس لايعرفون الوفاء لوكان جا مجروح من رفض باباه مايتزوجش بالسرعة هدي اطلبي ربي يكون معاك ويقويك ويعوضك بالأفضل

[RB59711]

خيرو في غيرو ،ربي يكون معاك .

[زبدة ذايبة]

غاضني الحال عليك وتألمت بزاف لمشكلتك

ويبقى مسلسل خداع البنات متواصل

ويبقى مسلسل السذاجة لدى بناتنا متواصل

لحد الساعة ماعرفتش يا هل ترى الرجل الجزائري ماكر ومخادع لهذا الحد ؟؟؟؟؟

أو البنات الجزائريات ساذجات وسهلات لهذا الحد ؟؟؟؟

هذا العبد مايستاهلش منك تخميمة ولو بسيطة

لوكان تزوجك نهار اللي تعرفت عليه لوكان عندك زوج ذراري راكي ربيتيهم

ماتبكي عليه ماتحزني ماتمرضي

انت غلطتي نهار ماوافقت على العلاقة معاه

مكاش حاجة في المجتمع إسمها الحب

هذ الكلمة ماعندها حتى مدلول عند الرجل الجزائري قبل الزواج

خمس سنين وهو يخدع فيك وانت ماشي جايبة خبر

قال باباه ماقبلش ؟؟؟؟؟؟

وصدقتيه !!!!!!!!!!!!!!!!!!!!!

هذي لعبة دارهالك باش يتخلص منك

ديري مليح في بالك

الحب كاين غير فالأفلام

الواقع يستعرف بالزواج والوثائق اللي توثق العقد

هذه هي الحقيقة اللي نعرفوها

الثيقة في الوثيقة

وباقي الأشياء الأخرى كلها كذب وخداع

خمس سنين من عمرك وانت مخدوعة ومازالكي مافقتيش

وماشي قادرة تتقبلي هذ الخدع والغدر اللي دراهولك

انت غلطتي

الحلال مايجيش بالحرام

الحلال يجي بالحلال

والزواج مايجيش بالعلاقات مع الرجال اللي ماعقدوش عليك

واش نقولك زيادة

حافظي على دينك وحافظي على شرفك

ومرة أخرى قبل ماديري أي حاجة شوفي لرضاية رب العالمين قبل كلشي

إذا كانت حلال ديريها وإذا كانت حرام اهربي منها على خاطر ماراحاش تخرجك للخير نهائيا

الحمد لله على سلامة راسك

الحمد لله اللي خلاك بلاماخسرتي أكثر

حافظي على دينك وشرفك وسمعتك كي تضيعيهم انت ماكاين حتى واحد يحافظلك عليهم.

استغفري وتوبي إلى الله من الذنب هذا

ونزيد نعاودلك

الحمد لله على سلامتك لأنه بالفعل نجاك ربي من هذا الرجل

[إسلام الفاروق]

5 سنوات كانت لازم تكون في حياتكم الزوجية انا اظن والله أعلم ان باباه ماحبش كذب و انه يشهر بالغيرة لفوزك بالمنافسة ونجاحك في العمل لهذا بعد اسبوع مباشرة توقف عن الكلام معك

سلام

[متعلم انجليزي]

السلام عليكم
اظن ان السيد ممثل محترف فوت معاك ايام زوينة فقط
انساي يااختي وتذكري مابني على باطل فهو باطل انتي بديتي طريق وعرة يا تصدق يا متصدقش وفي الاخير ماصدقتش
لم تفعلي شئ سوى انك صدقتيه وانتظرتيه لكن بطريقة محرمة لا اقصد الزنا فاي علاقة في ايطار خارج الزواج فهي محرمة لو كان الانسان صادق لو اخبرك من الاول براي ابيه واظنها ايضا تمثيلية لان سرعان ماتزوج لانه كان حاط عينه على زوجته المستقبيلية وابيه سوى حجة . على الاقل لو خطبك او لا يعدك بالزواج
ربي يرزقك الزوج الصالح والذرية الصالحة

[loubna 91]

الله يهديكم يا لبنات لي تطبق شرع الله و الله ما تصرالها هكدا لوكان كل وحده تكون متيقنه بلي ربي كي يكتبلك حاجه واحد ما يديهالك بصح عييت نحاول نفهم كيفاه تخممو مفهمش
اسمحيلي على كلامي بصح و الله بزاف حاولو تخممو شويه و تحطو ربي في قلوبكم و عرفو بلي مكانش احسن من الحلال ربي يرزقك الزوج الصالح و جميع فتيات المسلمين

[AMINA.Z]

وكلي عليه ربي ...عمرو ما راح يربح
كذاب و لعوب
هذا الانسان ارخص من ذبابة و لا يستحق دموعك و تعب قلبك و جسدك بسببه
توبي لربي لانك انت ايضا اخطات
و اكيد ربي بعد عليك بلية كبيرة.
دواؤك التمسك بالدين و مع الوقت سيخف المك و تنسيه
ربي يرزقك الزوج الصالح ان شاء الله

[ابو ارسلان]

انا نحب واحد كان يخدم معايا و كنا مع بعض 5 سنوات
هذه هي الوخذة..ربما أبوه رفض لهذا السبب
الا تعلم البنات اننا كمسلمين تبدأ العلاقة بين الرجل و المرأة ليس عند الخطبة و لكن بعد قراءة الفاتحة او العقد
انتن ضحايا ثقافة المسلسلات و القنوات الفاسدة التي تروج للحب قبل الزواج بحجة ان التعارف قبل الزواج يمكن من التفاهم ..!
لكن الواقع يثبت ان معظم الزواجات الناجحة كانت بين ازواج لم يعرفوا بعضهم الا بعد الزواج.. ربي يفرج عليك

[توحيد الجزائرية]

ربي يحفف عليك..
ديري في بالك انو ماكانش ليك ..ربي يعوضك
حافظي على روحك .والله نعرف واحدة حبت
استاذهاولما سمعت تزوجت هبلت وراهي في الزنقة قاعدة .صغييرة وخسرت كل شيء
في هذه الدنيا لا شيء يستحق النحيب والتحسر غير ساعات كانت لغير الله
الدنيا ملعونة ملعون مافيها الا ذكر الله وما والاه
كلما تتذكرينه اقرئي في كتاب الله
ابدئي حياة جديدة ..جددي وتجاااوزي