المساعد الشخصي الرقمي

مشاهدة النسخة كاملة : شكون تساعدني

لامْية
2016-02-18, 12:27
الحنونات انشاله كامل بخير ران نعاني من العدس مراهش يطيبلي مليح كامل شكون لي ينجحلها تعطيلي الطريقة بالتفصيل الممل وانا من جهتي ندعيلها بربي انشاله يعطيها ماتتمنى فدنيا
لامْية
2016-02-18, 14:08
ولا رد وينكم؟؟؟؟؟
ام رضوان
2016-02-18, 14:49
السلام عليكم
اختي انا نطبخو هكذا
ناخذ الطنجرة اضع البصل والثوم المرحيين وطرف دجاج وغالبا بدون دجاج نزيد الزيت التوابل اللي هي قليل من الفلفل اسود شوية كسبر شوية كمون وحبة طماطم مرحية.
ونقلي ومن بعد نضيف العدس المغسول جيدا بالماء الدافي ونزيد نقلي وبعدها نمرق بالماء الساخن ونخليه يطيب وفي الاخير نزيد الملح.
الملح هو اللي يخلي الحبوب تطول في الطياب
اتمنى ان اكون افدتك.سلام
لامْية
2016-02-18, 22:51
شكرا اختي ام رضوان بارك الله فيك انشاله رب يعطيك متتمناييييييه
MAHA26
2016-02-18, 23:03
السلام عليكم ورحمة الله وبركاته
أنا ندير البصل و الثوم و الزيت و الملح و الفلفل الأسود و كعبة بطاطا مقصوصة كاريات و جزر ثاني و نقليهم ثم مغرف طماطم و نزيد نقليهم من بعد نحط الماء سخون أكثر من نصف الكوكوط و بعد منقي العدس نحطو و نقفل عليه واحد ساعة غير ربع نفتحها نضيف الفلفل الحار و نحيلها الغطاء نزيد نخلاها حتى يسيب الحار و دوقي كاش ما خاصو ملح
إن شاء الله نكون فدتك
لامْية
2016-02-18, 23:18
شكرا اختي maha26 بارك الله فيك اكيد افدتينا وانشاله رب يجازييييك
raboha
2016-02-23, 18:40
ختي نمدلك طريقتي و عمرك لا تقولي مطابش
قبل كلشي ديري الماء في كسرونة يسخن مليح حتى الفليان ثم طفي النار و حطي فيه العبر تاع العدس تاعك و خليه يتشمخ مليح
أنا خطرات نخليه يغلي فالماء مدة 5 دقائق و نطفي
رايحة تلقاي الماء تاعو بني قاتم و في هذاك الوقت نتي دوزني المرق عادي بصل و ثوم و أنا نرحي مع البصل و الثوم حبة جزر و حبة بطاطا صغيرة
ثم حطيهم يتقلاو مع زيت و فلفل و كمون ديري قرصة برك تاع كمون و ملح و طماطم مصبرة و جزر مقطع صغير و بطاطا ثان مقطعة صغيرة
خليهم يتقلاو ثم أغسلي العدس مليح و رميلو ذاك الماء ثم حطيه و مرقي شوية عينك ميزانك و بلعي الكوكوط و خليه يطيب
راهو ميديش وقت ربع ساعة تلقايه طاب كاين اللي يخرج المرق تاعو عاقد بزاف تقدري تزيديلو الماء شوية برك و كاين اللي يخرج قد قد
تقدري دريلو كرافس يخرج بنين بزاف
جربي وصفتي و ادعيلي
raboha
2016-02-23, 18:46
السلام عليكم ورحمة الله وبركاته
أنا ندير البصل و الثوم و الزيت و الملح و الفلفل الأسود و كعبة بطاطا مقصوصة كاريات و جزر ثاني و نقليهم ثم مغرف طماطم و نزيد نقليهم من بعد نحط الماء سخون أكثر من نصف الكوكوط و بعد منقي العدس نحطو و نقفل عليه واحد ساعة غير ربع نفتحها نضيف الفلفل الحار و نحيلها الغطاء نزيد نخلاها حتى يسيب الحار و دوقي كاش ما خاصو ملح
إن شاء الله نكون فدتك

يا ختي ساعة غير ربع بزاف عليه و ثان علاه متشمخيهش فالماء من قبل من بعد طيبيه
رايح يخرج هايل و البنة روعة
إسمحيلي على التدخل هي كل منطقة و طيابها أنا راني نقص عليك الوقت
تحياتي
لامْية
2016-02-23, 21:31
شكرا اختيrabohaبااااااااارك الله فيك انشاله رب يعطيك متتمني
nawal2011
2016-02-23, 23:06
لعدس لازملو لحم ولا شوية شحم باش ماديش وقت في طياب وكي يخصو الماء وهو مزال مطابش زيديه ماء سخون
لامْية
2016-02-24, 13:21
شكرا اختي nawal2011بارك الله فيك
imanaz
2016-02-24, 13:35
أختي بالنسبة للعدس ماننصحكش تطيبيه في لاكوكوط وتغلقي عليها لأن قشورو يقدرو يبوشيو الثقب الي يخرج منو الفوار (ou on place la soupape) و بالتالي يمكن حدوث كارثة
raboha
2016-02-24, 15:05
شكرا اختيrabohaبااااااااارك الله فيك انشاله رب يعطيك متتمني

ختي بلا مزية و إن شاء الله تنجحي فيه و ترضيك وصفتي
و لك بالمثل غاليتي
raboha
2016-02-24, 15:07
لعدس لازملو لحم ولا شوية شحم باش ماديش وقت في طياب وكي يخصو الماء وهو مزال مطابش زيديه ماء سخون

صح مغلطتيش بصح هو يليقلو البقري يخرج هباااااال
راني نسيت نقوللها عليه و اللوبيا ثان يخرج معاها البقري
إذا كان عاصي طيبيه وحدو مع المرق فقط من بعد ديري العدس يطيب
و إذا كان طري راهو يطيب مع العدس عادي
raboha
2016-02-24, 15:10
أختي بالنسبة للعدس ماننصحكش تطيبيه في لاكوكوط وتغلقي عليها لأن قشورو يقدرو يبوشيو الثقب الي يخرج منو الفوار (ou on place la soupape) و بالتالي يمكن حدوث كارثة

يا ختي بعيد الشر على كل وحدة
و راني نقولك فيها جامي صراتلي ملي نطيبو فالكوكوط و الله مصرا مشكل بالعكس فالكوكوط يطيب روعة و بسرعة
و الله راني نطيب فيه فالكوكوط ملي كان في عمري 14 سنة و الحمد لله
إن شاء الله ميصراش هذا المشكل و نتي جربيه و شوفي و لا كانت دارتهالك الكوكوط تاعك غير مكالاه ديريه
bake
2016-02-24, 20:28
ديري ليها كربونات بصح متكثريش
ام رشا واماني
2016-02-25, 09:36
صباح الخير انا نغسل العدس بماء فاتر واندير فى ككوط البصل والثوم انغليهم فى شوية زيت وانزيد توابل خاصة الكمون والرند وانمرق وانزيد العدس المغسول وشوية خميرة الحلوى على راس المقرف كما انقول ب العامية وانزيد الطماطم المصبرة القليل فقط من الاحسن الطماطم غليه مع الثوم والبصل واغلقى الككوط ربع ساعة ايكون واجد زيديلو شوية كمون ومعدنوس او كسبر وفلفل اخضر حار وشهية طيبة
لامْية
2016-02-25, 09:54
شكرا اختيbakeوام رشا واماني بارك الله فيكم
سلوى سلوى
2017-03-30, 19:37
شكرااااااااااااااااااااااااااااااااااااااااااا
حاملة الشهادة
2017-07-22, 15:06
شكرا اختي ام رضوان بارك الله فيك انشاله رب يعطيك متتمناييييييه