نرضى بيه ( عمرو 56 سنة )

[مشكلتي]

السلام عليكم
انا فتاة في مقتبل العمر( 22 ) جاء واحد ليا له منصب مادي مميز في الدولة
صراحة باينة فيه باهي ودخل لقلبي من اول وهلة
بصح كاين بروبليم هو راهو معرس وناويني مرة ثانية ( ومن حقو )
وهنا اريد دافع امل من هذا المنتدى يعني عادي اتزوج به ولن اتكرث ردود الافعال من حولي
خطراكش مستحيل ارفض عرض مغري كهذا
لانه الفايدة في الهنا وناعجبني ونا عجبتو
اريد تشجيع لا غير وراي الجنسين
تحيات للجميع

[مياسم الصمت]

السلام عليكم
انا فتاة في مقتبل العمر( 22 ) جاء واحد ليا له منصب مادي مميز في الدولة

خطراكش مستحيل ارفض عرض مغري كهذا

تحيات للجميع

وعليكم السلام ورحمة الله وبركاته
من الواضح انك تنظرين للزواج على اساس انه صفقة
منصب مادي مميز في الدولة
عرض مغري
رغم فارق السن الشاسع بينكما
انت في عمر ابنته
ثم ماذا بعد الزواج
كل هذه الاغرءات المادية ستتلاشى بالنسبة لك مع الوقت ولن تصبح ذات اهمية

بالمعنى كل شيء راح يسماط مع الوقت

فكري مليح يا طفلة راه زواج قرار مصيري
ولا يقاس بالاغراءات المادية

[sarl02]

راه عاجبك؟؟راكي اتقسري علينا ولا اتصبري في روحك ؟؟انت عاجبك المنصب تاعو ووضعو المادي وهذا من حقك ...لكن تاكدي انها زيجة بيع وشراء فقط ولن تدوم ..هو اشترى صغر سنك وجسمك وانت اشتريتي منصبه ووضعه المادي ...هذا هو الامر وما فيه فان كنتما على اتفاق فربي اسهل عليكم طالما كله يتم في اطار عقد زواج شرعي وسليم .

[ام رضوان]

السلام عليكم
يا بنتي حكمي عقلك
هذا راهو زواج المصلحة
انتي بغيتي المنصب والمال
وهوراه باغيك من اجل مصلحة كذلك
هذا بعمر والدك وانت تقولي حقو
في مصلحتك تقولي حقو وكون جيتي انت في مكان زوجته الاولى راح تقولي حقو ولا تقولي ظلمني
وراح يجي نهار اللي تذوقي فيه مرارة الضرة لانو هذا النوع من الرجال يخوف
وزيد دخل قلبك وعجبك مالو ومنصبو وجايا تتمسخري بينا وتقولي شجعوني
نشجعك باه تخربي بيت
نشجعك باه تبكي زوجة
نشجعك باه تاخذي اب على اولادو
وعلاش ماقصدش واحدة كبيرة راح لوحدة قد بنتو
وتاكدي بلي يجي نهار ويبدلك كيما بدل الزوجة الاولى وعيشي تسمعي
امالا خمي مليح قبل ما تحفري الحفرة اللي راكي ناوية الطيحي فيها.
راكي مزلتي صغيرة ومازال البيبان مفتوحتلك.دبري راسك

[هدآية]

لو كنت مكانك لما قبلت
و لو فرش لي الارض ذهبا
دون التفكير في الماديات
فكري فقط في كونه
متزوجا .. تاكدي لن يكون لك وحدك
ما ستحسه الزوجة الاولى ستحسينه حتما
و فارق السن و طريقة التفكير اعتبره عائقا ايضا
ثم ان فتاة بعمرك قد تاتيها فرص احسن
فكري جيدا
واعلمي ان السعادة لم تكن يوما في المال والجاه
ربي يقدملك الخير

[اسعى لرضى الله]

يعني نصيحة لوجه الله اختي مازالكي صغيرة والزواج مهوش غير مادة وهدا كي تديه وش ديري بيه راه قد باباك , علاه تغبني روحك؟؟ على جال دراهم ومنصب؟؟ صح الزواج مش حرام ولا عيب مي خممي راكي مازالكي صغيرة بزااااااف على واحد قد باباك

[سهيلة2013]

هذا زواج ماشي مشروع
و الدراهم يكملوا
و الفرق بينك و بينه كبير بزاف

[عين الصقر]

مانلومكش كل فتاة تحب تعيش عيشة جيدة ومرفهة
لكن فارق السن بينكما كبير 34 سنة وزيد رايحة تكوني ضرة يعني زوجة ثانية
الاعمار بيد الله لكن مافكرتيش انك ممكن تصبحي ارملة في سن الثلاثينيات ويجي نهار تندمي على شبابك
ان كنت مصممة صلي صلاة الاستخارة والله يوفقك

[بنت الجـــزائر]

للأسف زواج المصلحة لا يدوم وأخره ندم وطلاق

[شاطئ الأوركيد]

السلام عليكم
من الواضح ان الفارق السن كبيرجدا وأيضا متزوج هذا ليس عيب او حرام لكنه غير طبيعي ولايوافق مسار السعادة عند اي فتاة .
لو كان حقا يريد ان يعدد ويستر لاأختار امراة في الاربيعين هو يريد ان يشتري دمية يتسلى بها عند اخر عمره وانت تريدين ماله ،
الجيعانة والمخولعة فقط من تجعل نفسها بضاعة تشترى أما الشبعانة والقنوعة لن تشترى
لهذا في الاغلب نجد الزوالية تتزوج بغني لتلسب ماله و الزوالي يتزوج بغنية ليسلب مالها
ولكل منهم يريد شيء من الاخر بمعنى مصالح مثل هذا الزواج كثر ومصبه دائما مجهول .
حتى لو تزوجتيه سيبقى ذلك الفراغ يحاصرك وتبقى تلك الرغبة في الزواج من شاب في مثل عمرك
على الاجدر في نهاية المطاف إذا شاء الخالق تصبحين ارملة او مطلقة في سن مبكر ،
ستعيشين في رفاهية مؤقتة لكن لن ترتاحي وستندمين على بيع سعادتك بثمن رخيص واسألي المجربة .
والاصح عدم المساومة فهذا زواج وليس لعبة لهذا إختاري على قناعة شاب مثقف بسيط ذو خلق يسعدك أفضل واحسن لك .

[اياد حياتي]

ستندمين بعد الزواج وتذكري هذه الكلمة

[كاميلا]

ادا كنت تريدين راينا فلاباس
حسنا انا من وجهة مظري يعني لوكان جيت في بلاصتك يطلع قلبي يعني نقرب نتقيا كون يجيني كيما اللي قلتي عليه يالوكان مش متزوج
عمبلك انا كيفاش جبت الباك نقولك تضحكي هههه كانت ماما وخواتاتي يخوفوني وانا كنت نية بزاف وفنيانة في القراية في عام الباك قالولي كون متديش الباك يزوجك باباك بعمك فلان في هاديك عمره 55سنة نتيج بابا كنت نغاول في القراية باش منتزوجش واحد كبير ومتزوج هههههه
المهم صراحة احس بالقرف لمجرد التفكير اني نتزوج واحد قد بابا نديه صغير وزاوالي ومنديهش جلود جلود فوق بعضاهم
حسبالك دوك انت يديك على واش!! جسد صغير يعني دمية جديدة مزالت صلاحيتها مفسدتش بعد ما فسدت الدمية الاولى خاطر لوكان منطقي علاش مشافش وحدة في 40 يدير فيها الخير والله جربي برك كون ديري روحك تحرقتي من اماكن حساسة مثلا حروق بليغة بعيد الشر وقوليله تلقايه يقولك باي باي يا بنتي
المهم هدا رايي انا وانت دبري راسك حياتك وانت حرة فيها بصح شوفي للبعيد متشوفيش لقدام

[عثمان الجزائري.]

و كأنك تقولين لنا قولوا لي " ألف مبروك "، يا سيدي ألف مبروك و ربي يهنيكم.

[rose de sable s]

عندما قرات عنوان ظننت ان صاحبته فوق ثلاثين لا صغيرة
اين راي والديك في هدا
كاين امور اخري غير مال
هو لم يريك وجهه حقيقي
استخيري الله

[نور لاتراه]

السلام عليكم
انا فتاة في مقتبل العمر( 22 ) جاء واحد ليا له منصب مادي مميزفي الدولة

السلام عليكم
حسنا, معادلتكِ العمر له مقابل المال لكِ

صراحة باينة فيه باهي ودخل لقلبي من اول وهلة إذن لاتراوغي ولاتبرري بعواطفك
فتفكيركِ في ماله سبق
لانعلم ظروفك التي دفعتك للتفكير هكذا,ولاوضعك الشخصي
فالأحرى ان تسألي أهل العلم
رزقكِ الله من حيث لاتحتسبين

[amoula2010]

بعد الزواج تندمي خاصة كي تخرجي معاه الى مكان عام وتحسي روحك تمشي مع باباك

[محمد جديدي التبسي]

نظن الأمر أكثر من عادي مجتمعنا فقط أعوج لا يتقبل هذه الأشياء والا ان تكوني زوجة ثانية لرجل مقتدر ماديا يوفر لك سكن خاص ماذا تريدون أكثر من ذلك؟!
اما قضية العمر فمن الصحابة والتابعين في الخمسينات والستينات تزوجوا بنات 18 و 20 سنة عادي جدا ...ولا تقولوا زمننا تبدل او انها مشاركة من باب خالف تعرف !! ...الأمر عادي جدا ...ربي يتمم على خير

[nihal159]

إذا قبلتي راح تندمي عمرك كامل؛ لأنك مش راح تجربي الزواج عن حب و قناعة و تتعاونو و تبنو حياتكم درجة درجة؛ الزواج مش منصب و وضع مالي مريح؛ الزواج راهو طمأنينة و سكينة؛ ومن الأخير نقولهالك راكي مجرد نزوة في حياة هذا العجوز لي يعاني من مراهقة متأخرة؛ يجوز بيك شهر أو إثنين وكي تسماطيلو يحوس على واحدة أصغر و أجمل منك.

[oumhana]

صباح الخير واش قلقك وزيد وين راهم والديك من كل هذا ؟؟وتقولي يديني زوجة ثانيه عادي .عادي خاطر أنت الثانيه لو كان جيتي الزوجة الأولى تقيمي الأرض و تحبطي السما.علاه نقرو الصغارحتى ترمي روحك على واحد مزوج. حبيت نفهم برك قالك مرتي مريضه ولا ماليا جابوهالي ولا ميتة ولا واش من خرطة خرطها عليك. يا طفلة الله يهديك وديري مليح فيراسك بلي كما قالكو بروطك راح يعمل نفس شي مع رقم 3هذي فالقطاع.

[faty05]

منين يجيك لهنا مع راجل مزوج
هل الزواج سيكون بعقد مدني ؟ ام فقط شرعي و يتبقاي تعيشي في الخفاء ؟؟؟
اختي عجبك المنصب و المال سوف تنالينهم
لكن الهنا ؟؟؟؟؟و راجل مزوج ؟؟؟
ربي يهديك للاختيار الاحسن

[khiro07]

اخطيك اختي
ربي يهديك
استناي مكتوبك
علاش تدي بابات ولايدات والدمري اسرة

[ريـاض]

المشكلة ليست في فارق السنّ أو في كونه متزوجا
بل إنّ المشكلة تكمن في الطمع ،، واعذريني على هذا المصطلح
وكما قال الإخوة الأخوات قبلي : الزواج ليس صفقة تجارية
فلو قلت مثلا : أقبل به لأنّه متديّن وذو أخلاق عالية لكان الأمر مقبولا
وليكن في علمك أن السعادة الزوجية ليس لها أي علاقة بالماديات
فكم من العائلات الفقيرة تعيش سعادة غامرة
وكم من العائلات الغنيّة تتجرع مرارة الألم وتحلم بشيء اسمه "السعادة"
وفي الأخير أقول لك :
يجب عليك أن تراجعي حساباتك جيدا
وأن لا تهملي القيم والمبادئ في بناء حياتك الزوجية
فديننا الحنيف يأمرنا جميعا سواء الرجال أو النساء بأن نختار شريك الحياة على أساس الدين والأخلاق أولا وقبل كل شيء
والله أعلم

[شاطئ الأوركيد]

نظن الأمر أكثر من عادي مجتمعنا فقط أعوج لا يتقبل هذه الأشياء والا ان تكوني زوجة ثانية لرجل مقتدر ماديا يوفر لك سكن خاص ماذا تريدون أكثر من ذلك؟!
اما قضية العمر فمن الصحابة والتابعين في الخمسينات والستينات تزوجوا بنات 18 و 20 سنة عادي جدا ...ولا تقولوا زمننا تبدل او انها مشاركة من باب خالف تعرف !! ...الأمر عادي جدا ...ربي يتمم على خير


هناك فرق بين مايجب ان يكون وماهو كائن .
الواقع شيء مختلف هناك عينات كثيرة وحصل مشكل طلاق وخيانة .
نعم الازمنة تختلف لان عقل الانسان تغيير فاين المسلمين من الاسلام .
المشكل ليس في تقبل هذا الامر لانه حلال المشكل ان مثل هذا الزواج مصلحي بإمتياز وليس من ورائه الأصل من الزواج
طبق هذا على محارمنا ان كانت لذينا اخوات سنرى عين الحقيقة لهذا لايجب ان نرفع راية الحق لنريد بها الباطل.
الزواج ليس مسكن وماديات وقضاء شهوات الصحابة رضوان الله عنهم من خيرات الخلق ويحبون زوجاتهم الصالحات
ويعدلون ويعطون قيمة للمراة فهو زواج الرحمة والمودة
لانتسطيع المقارنة هناك فرق بين السماء والارض
البنت تريد الزواج منه بدافع المنصب هل المراة الصالحة تتكلم عن المال قبل الاخلاق والدين.
على الاغلب لكي لااعمم اغلب اصحاب المناصب المرموقة هم فاسدين وفاسقين واولادهم مثلهم الا من رحم ربي.
استغرب اين كلمة اهلها في هذا الموقف لان المؤشرات تدل على ان اهلها لاعلم لهم
لو جاءها رجل في مثل هذا السن وهو فقير سترفضه رفضا قاطعا .
لست افبرك لان سيناريو الفيلم واضح .