تسجيل الدخول

مشاهدة النسخة كاملة : محاولة شعرية(رثاء العم عبدالرحمان)

بوبكر بن علي
2016-02-16, 12:27
عـبدالرحمان بن عمي نوض اسقعد *** نحكي لك حالي تعــــــمل مرضايـــــا
نجهر لك بهموم خافية لانجحـــــــد *** صدا منها قلبي وشاحــت الروايــــــــا
بابـك يا عزيز عليـــنا راه توصــــد *** ظنيتك منايف ولا ماتشتي ملقايــــــــا
رانــي هالــــــك يا خويا مسوحــــد *** مرمي جثة في طـــرف الضايـــــــــة
صـــرد الناير سايط صوفاع يقــند *** متعري من الثوب الدافي مقوايـــــــــا
طـــاحت الدمعة شفرة لطمت الخــد *** عيني لاحت ماها بغزارة سربايــــــة
ميــمون مكيكح لا ويــــــن نصـــد *** ولـــــــي ننظر ليه يزيد شقايـــــــــــة
حـــــت من ليام ورجعــــــتلي ضــــد *** نكرتني دخلت في صف عدايـــــــــا
وســـط الدواخل نحس مناجل تحصد *** من بعد التقتات همومي فلايـــــــــة
ســـبولي تحصد فريك لسع ماعجـرد *** تنودر قبل الحال محايني ذرايــــــة
دايـس نخمم وبيدي ملقـــــم الخــــد *** نتنهت والنار في جوفي سنايــــــــة
هلـــكني من راح علــــــــــــيا بعــــد *** وتركني واجي عدت للناس شفايــة
يامـن كــــــان لي في الدنيا مســــند *** ويفاجي عني هموم ينح القمايــــــة
يـــاحبيبي شوف بن عمك راه تمرمد *** وهاذ الزمان ذوقو امرار الدفلايــــــــة
تــكدس حليلو مابقــالو حتى عضــد *** اسفسف ورقو بقى كعود الرتمايــــــة
قلبــــــــــي علا نار وحشك ترمــــــد *** وكبدي جا بين فكـاك الرحايـــــــــة
يــنوض لي خيالك وقـــتن نســــــهد *** وتعشي مناطحني تلقا لي بسمايــــا
لو قــــــرضي نعنـــق زيـــن الــــــود *** نديرو في حضني تحيا عضايـــــــا
فــــي رمشة ملعــــــين عني يلــــــبد*** ونعشي نحوس عنو قدامي وحذايـا
يــــــتفجر بركان من عيني خامــــــــد *** فوق خدودي عامـــل جرايـــــــــــا
زلبـــحتيني يادنيا خدعتيني في الفهد*** مافيـــك حتى امان يا سبة بلايــــــا
واه يـــــــا تراب في حضنك تشـــــــد *** وتحرمني من حبيب البارح معايـــــا
يـــــاربي رحمتك في جنتك يسعـــــد *** وترحمنا حنا واياه لطفك يامــولايـا
الســـــكنة بجوار الرسول طه الامجد*** في ملقى لحباب هذاك دعايـــــــــــا

بقلمي (زفزافي الحاج)
فاطمة شلف
2016-02-16, 12:51
السلام عليكم ورحمة الله وبركاته
بارك الله فيك ياشاعر العرب
كلامك والله من ذهب
تحياتي اخي بوبكروشاعر العرب
موفق ان شاء الله
فاطمة شلف
2016-02-16, 15:13
السلام عليكم
شعرك راه ملحون وعلى الاوتار يعزف
وحروف مثل الذهب الخالص على الكتاب مزخرف
ينعت في لحروف والحرف مشرف
بنورشعال ضوي لمكان وقلم به يعترف
medcherif03
2016-02-16, 15:35
قصيدة جميلة و معبرة فعلا و مملوءة بالأحاسيس الفياضة تجرح القلب و الله يعطيكم الصبر...

صهد كلامك يا بكرطاح امرعد++على قلبي غمو كثر ابكايا
واش نحكيلك في الهم الا اسقعد++يسني حروكي اجمارالسدرايا
بوبكر بن علي
2016-02-16, 16:10
وعليكم السلام

يافاطمة زيارتك راها تشرف....عزة وزياخــــة يابنت الاصـــول
زين خصالك بيه اليوم نستعرف....يرحم من رباوك نيفية وقبول
بوبكر بن علي
2016-02-16, 16:15
جار عليا الوحش يامحمد....وتفكرت عزيز البارح هنايــــا
راه الشوق في قلبي ينقد....وما لقيت عقار يشفي دايا

بارك الله فيك ياشاعرنا الفحل..تحياتي
فاطمة شلف
2016-02-17, 08:15
خويا قالولي راك مهموم
وهموا نار الشوق لهبت فيه
نتمنى من ربي يستجب دعويا
ويطفي مشهاب الشوق ويداويه
راه وحشك بسيف قطعني وبالدمعة راني نبكيه
نار وحشك حرقتني وانا راني حاس بيه
مايعرف حق الوحش الا لي كويه
ياربي لاقي القلب لمليه
يفرح ويزيد يفرح وتبارك لهما فيه
يابوبكر كلامك راه حيرني مابقى
غير توكل امرك ليه
بوبكر بن علي
2016-02-17, 10:40
مابقى
غير توكل امرك ليه...وهو كذلك الاخت فاطمة

قلبي كميتي رداتو الهموم....طار من جسدي راح جلوف
فسخاتو نار خلاتو حموم......منو عيني لاحت بالمذروف

بارك الله فيك ياشاعرة كلماتك مدونة بحبر احاسيسك الصادقة

تحياتي اختي
فاطمة شلف
2016-02-17, 11:34
السلام عليكم ورحمة الله وبركاته
شكرا اخي بوبكريا شاعر العرب
ياربي فرج على خويا لهموم
نار لي حرقتوا ردها شمعة ضوية وعليه دوم
تحياتي
بوبكر بن علي
2016-02-18, 00:56
وعليكم السلام ورحمة الله تعالى وبركاته..

اللهم امين اجمعين...ربي يحفظك ويعزك....والله احبك في الله اختي الغالية

يانوارة المنتدى ريحك مزكاه......وياتمرة حلوة تستاهل الوفا

ياوجه الطفحة كلامك محلاه........ينح علول القلب زين الوصفة

تحياتي ياشاعرة
فاطمة شلف
2016-02-18, 05:35
السلام عليكم ورحمة الله وبركاته
والله تحية متبادلة ربي يحفظك ويرزقك الصحة والسعادة
وخليك لولديك
كلامك راه عجبني بزاف ومقراه رهو شفاه
ياسبحان الله في ذاك الكلام ومعناه
ربي يبارك في بوبكر ويزيد يبارك فلي رباه
تحية وتقدير والشكر الكثير
بوبكر بن علي
2016-02-18, 16:39
راه الهم زاد قلبـــــي مـــــلاه.......وتفجر من جسدي نعت البركان
ودعاك يااختي راني نسمزاه........ويقبل ربي يكــــون لي عوان

تحياتي ياسيدتي المحترمة...ربي يحفظك انشاءالله
فاطمة شلف
2016-02-22, 15:52
السلام عليكم ورحمة الله وبركاته
اللهم حفظ اخي بوبكر واحفظنا اجمعين وتباركلو افي
ذاك القلم الجياش ويبدا نورعلى نورويزيد يعطيك الصحة في اليدين وتبارك فيهم يارب العالمين
موفق ان شاء الله
شكرا
تحياتي
بوبكر بن علي
2016-02-22, 16:06
وعليكم السلام ورحمة الله وبركاته...ويبارك لك انشاءالله في حروفك اختي فاطمة

اللهم امين اجمعين
فاطمة شلف
2016-02-22, 23:13
السلام عليكم ورحمة الله وبركاته
اخي بوبكر في قسم الخواطرا قرا شعر تاع محمد .... السجنجل.......احمد الجمل......فاروق الصحراء......وانت شعرك روعة حاول تسجله
في الخواطر وفي بعض الاحيان تكون الخاطرة عبارة عن شعر
مجرد اقتراح
موفق ان شاء الله اخي بوبكر
بوبكر بن علي
2016-02-22, 23:26
وعليكم السلام...ياسيدتي المحترمة انا دخلت لقسم الخواطر ووجدت الكتابات بالفصيح...جزاك الله خيرا اختي

تحياتي
بوبكر بن علي
2016-02-22, 23:28
انا اكتب في الشعر الملحون...وذاك القسم قسم الفصيح اختي..
فاطمة شلف
2016-02-23, 06:09
رالسلام عليكم ورحمة الله وبكاته
الله يبارك في شعرك الملحون ماعندي مانفول ياخويا
حبيت اكثر يعرفوه قاع الناس والسبب شعرك ولا اروع
شعرك الملحون اتركه مع الشعر الملحون وزيد دير الشعر
الفصيح في الخواطر لان شعرك ماشاء الله نحيك عليه الف تحية
كلامك موزون وعندوانكهة خاصة ان شاء الله بشعرك تروح لمدى بعيد
موفق يااخي بوبكر ياشاعر العرب
تحياتي
فاطمة شلف
2016-02-23, 14:24
انا اكتب في الشعر الملحون...وذاك القسم قسم الفصيح اختي..

السلام عليكم
لاتفهمني غلط
ملاحظة دائما تكتب انشاء الله
تكتب ان شاء الله وليست انشاء الله
تقبل مني يااخي
بوبكر بن علي
2016-02-23, 17:57
وعليكم السلام ورحمة الله تعالى وبركاته...انا اعتز بتشجيعاتك لي الاخت فاطمة...في البداية كنت اكتب في الفصيح لكن غيرت الى الملحون وهذا منذ مدة...ساحاول باذن الله...وفيما يخص ملاحظتك اختي لكلمة (ان شاءالله وليس انشاءالله) فانا قرات عن هذه الكتابة والوقوع في الخطا...ملاحظتك اعتز بها اختي ...شكرا جزيلا
فاطمة شلف
2016-02-24, 08:08
السلام عليكم ورحمة الله وبركاته
شكرا اخي الكريم لي فهمتني بالنسبة لشعرك الملحون افضل ولا اروع
هدفي يعرفوا شعرك قاع الناس وخاصتا خاصتا الشعر
الملحون ان شاء الله تروح بيه بعيد
كي ديروا المسابقة في الشعر الملحون شارك معهم وانا
اول اخت تصوتلك فاطمة شلف
تحياتي ياشاعر العرب
بوبكر بن علي
2016-02-24, 11:59
وعليكم السلام...
جزاك الله خيرا ياشاعرتنا الاصيلة..تحياتي
فاطمة شلف
2016-11-30, 08:35
السلام عليكم
كلامك المعسول سحرني ياخويا بوبكر ماعندي مانقول
الف تحية لك
بوبكر بن علي
2016-11-30, 12:17
السلام عليكم
كلامك المعسول سحرني ياخويا بوبكر ماعندي مانقول
الف تحية لك


وعليكم السلام
هذا لانك طيبة اختي فاطمة
الله يعليك ويحليك شاعرتنا الاصيلة
تقديري
فاطمة شلف
2016-11-30, 13:33
السلام عليكم
ناديتني بشاعرة وانا لست كذالك
لكن اتمنى لو تتحقق الامنية
سلام خويا بوبكر
بوبكر بن علي
2016-11-30, 15:39
السلام عليكم
ناديتني بشاعرة وانا لست كذالك
لكن اتمنى لو تتحقق الامنية
سلام خويا بوبكر


وعليكم السلام
نعم اختي فاطمة انت شاعرة تدوينا وشعورا...ماشاءالله
ستصبحين باذن الله من بين الذين لايشق له غبار باذن الله
امين يارب
فاطمة شلف
2016-11-30, 19:05
السلام عليكم
اللهم امين
والفضل يعود لك
سلام
بوبكر بن علي
2016-11-30, 19:08
السلام عليكم
اللهم امين
والفضل يعود لك
سلام


وعليكم السلام
خيرك سابق اختي فاطمة
بارك الله فيك