medcherif03
2016-02-16, 10:21
السلام عليكم...
اليكم هذه الكلمات بقلمي medcherif03
يا قلبي عيتني ماكش صبار ----- واتبع علاه؟... ديمة في رايك
تجحد عني ما تعيد لي لخبار----- انت مني... تسالني و انسالك
يا قلبي بركاك من اتفكار----- و الماضي خليه واش ابقالك
عف عليا راه كثرتلي لضرار -----لا تنبش في الفايتة رد بالك
لا تحيي لجراح انسى ماصار ----- ولا نسمع هيهات دس اكلامك
اجرحت الكبدة واشعلت النار ----- و احرقت اعظايا بصهد اجمارك
يا بوجادي قيلني بعد لوعار ----- أنايا مهموم و انتيا سالك
يا قلبي خليك لا تذوقني لمرار----- تتجرع كيسان وتمسى هالك
ماشاورني راح فرفر عني طار ----- راني خايف لاتودر عنوانك
لا تامن في ذ الزمان الغدار ----- ياما فات من وراك و قدامك
و هاذ الدنيا لعبت بناس اخيار ----- و انت يا حصراه وين امثالك؟
يا قلبي بركاك هذا عيب و عار ----- اتفكر ما فات واش اصرالك
ما تدي عبرة ما تعرف احذار ----- اموصلني راك للندامة بافعالك
شاورني فالراي يا لوكان نهار ----- وكون ارزين باه تعرف ميزانك
لا تقصبشي كون فاهم للتعبار ----- و لا تتسرع كون حافظ لسرارك
ساعف روحك راك هش مالفخار----- لا تتغر وانتهان على جالك
سبحانك يا خالقي عالم لقدار ----- يا مهون غير افتح لي بابك
بجاه النابي المصطفى المختار ----- راني طامع فالعفو و غفرانك
شافي لي يارب ذالقلب المحتار----- يشبع و يتقوى بقدرة ايمانك
تمت medcherif03
اليكم هذه الكلمات بقلمي medcherif03
يا قلبي عيتني ماكش صبار ----- واتبع علاه؟... ديمة في رايك
تجحد عني ما تعيد لي لخبار----- انت مني... تسالني و انسالك
يا قلبي بركاك من اتفكار----- و الماضي خليه واش ابقالك
عف عليا راه كثرتلي لضرار -----لا تنبش في الفايتة رد بالك
لا تحيي لجراح انسى ماصار ----- ولا نسمع هيهات دس اكلامك
اجرحت الكبدة واشعلت النار ----- و احرقت اعظايا بصهد اجمارك
يا بوجادي قيلني بعد لوعار ----- أنايا مهموم و انتيا سالك
يا قلبي خليك لا تذوقني لمرار----- تتجرع كيسان وتمسى هالك
ماشاورني راح فرفر عني طار ----- راني خايف لاتودر عنوانك
لا تامن في ذ الزمان الغدار ----- ياما فات من وراك و قدامك
و هاذ الدنيا لعبت بناس اخيار ----- و انت يا حصراه وين امثالك؟
يا قلبي بركاك هذا عيب و عار ----- اتفكر ما فات واش اصرالك
ما تدي عبرة ما تعرف احذار ----- اموصلني راك للندامة بافعالك
شاورني فالراي يا لوكان نهار ----- وكون ارزين باه تعرف ميزانك
لا تقصبشي كون فاهم للتعبار ----- و لا تتسرع كون حافظ لسرارك
ساعف روحك راك هش مالفخار----- لا تتغر وانتهان على جالك
سبحانك يا خالقي عالم لقدار ----- يا مهون غير افتح لي بابك
بجاه النابي المصطفى المختار ----- راني طامع فالعفو و غفرانك
شافي لي يارب ذالقلب المحتار----- يشبع و يتقوى بقدرة ايمانك
تمت medcherif03